泰寶泰國菜館 (已結業)

同朋友去JP睇〈未來報告〉之前，諗住搵間平平地既地方醫肚，就黎左呢間，估唔到D野又幾好食喎！叫左幾樣野：泰式拼盤：有串燒、蝦餅、魚餅等等，樣樣都新鮮熱辣，叫個細但份量已經好大，抵食。糯米釀雞翼：糯米煙煙UN UN‧雞翼炸得鬆化，兩者配合得天衣無縫，一人一隻都唔夠喉。原個菠蘿炒飯：料夠多，飯又炒得幾香口，不過真係太多油，唔係幾健康O番！青咖哩雞：青咖哩幾香滑，辣度又恰當，用無骨雞食得夠方便。燒豬頸肉：嘩！真係未食過咁好食既豬頸肉，用炭爐燒到D豬頂肉有少少微焦，夠晒惹味，點埋D泰式醬汁，真係好食到唔停得口，一個人食一碟都得。埋單280蚊，以咁既水準，咁既份量，真係抵到無可再抵。唯一要挑剔既係侍應數目太少，成日嗌極都冇人應，呢方面係唯一要扣分既地方。