泰廳 (已結業)

我哋已經唔係第一次食呢間泰國菜，因為覺得佢份量多又抵食，決定寫個好評俾佢我地叫一個泰式蝦醬肉碎炒飯，好大份又好香，另外仲有飛天炒通菜同埋泰式豬頸肉，炒通菜就略鹹咗少少，而個泰式豬頸肉就好厚肉

今日同屋企人玩完懶得煮於是出街食唔想行太遠見到咁就腳嘅泰國菜就即刻入咗去食啦😝因為啲招牌同菜單遮住咗入面 所以餐廳都唔算話好多人一坐低就嗌左泰式木瓜沙律之後仲有個香煎豪餅、蟹肉炒粉絲、通菜炒鮮魷，同埋海南雞四個人食埋單四百幾 性價比算係極高豪餅 炒粉絲 同埋通菜都極好食 抵讚！而且我都覺得因為係正宗泰式風味所以都會偏辣如果唔食辣嘅朋友要小心啲啦

We ordered the Pork Jowl, shrimp/grapefruit salad and shrimp sashimi. They were excellent! The food’s a bit on the spicy side but maybe I’m just bad with spice. Servers have an excellent attitude and prices are reasonable. If I come around Yuen Long again I’ll be sure to drop by!

元朗真係好多泰國菜呢間真係街坊價 價錢特別平家常泰菜 唔要求高的話 已經食到好滿足 -蒜香包 $48好猛料 見到真係wow左聲蒜蓉包有4件 仲要大大件有厚度 上面仲有蒜蓉片 蒜香味幾濃郁 外脆內軟 真係好香加埋微微牛油香 好正 抵食-有包 一定要叫咖哩 青咖哩豬肉 $76個包索曬D汁 正 但個咖哩其實一般般 比較甜 周埋 唔建議叫豬肉 有D淡而無味-椰青海鮮焗飯 $99望落細個 但其實入面係滿滿嘅飯4個人share都夠食😂椰汁比較滯成個飯都充滿椰香 又多料 有椰肉 好好食食到底想問下可唔可以加椰汁哈哈哈 -馬拉盞介蘭 $65夠鑊氣 夠惹味 咸香味重 不過油左DD 可能會覺得重口味-串燒拼盤3串 $36拼盤有牛肉﹑豬肉﹑雞肉３款３款都係大大串 幾香口但肉汁唔夠 有D乾 同埋沙嗲醬偏甜 唔夠濃-泰國小食拼盤 (大) $169食物好多 唔會孤寒 (原來又有串燒哈哈!)每款都幾好食 蝦餅春卷都好正-泰式肉碎生菜包 $72份量多又多肉汁 幾juicy味道真係幾好食 但真係好辣下-椰青沙冰$49冰上有泰國椰果 味道好甜 口味因人而異沙冰好解渴 椰汁味濃 又飲到椰青水 好清甜--泰廳元朗大陂頭徑2-

本身唸住開開心心放工食餐夜晚 加上啲食評又幾好 就抱住啲期望入去一入到去大概7:30pm 之後落埋單 附近既枱都開始食緊嘢 所以我唸住都好快有野食 點如等咗4個字咩嘢食都冇上過 而得一個waiter負責落單 整嘢飲一腳踢 廚房得一個廚師炒嘢 個問題就泥 在場得5-6枱人 而每一枱都係味上齊嘢 ongoing出菜 一碟一碟咁補上去 而且呢間嘢似乎淨係做外賣生意 連遲過我地落外賣order嘅人都拎得嘢走 我之後等到8點幾都係冇上過菜 個肚打哂鼓 冷氣又開到鬼死咁大 好辛苦😞 最尾乜都冇就趕住 唔會有下次

疫情又再嚴峻，已經好幾個月粗茶淡飯不禁想起幾個月前未限聚令的聚餐好時光這間泰廳之前試過幾次，時隔兩個月吃泰菜的癮又起，唯有望相止餓吧蒜香包 $48蒜蓉包烘至外脆內軟又有相當厚度，蒜蓉包蒜香十足非常濃郁，包上的蒜粒更是令味道錦上添花當中又吃到微微的牛油香，相信兩個普通食量的人吃這份包已經滿足，不用再吃主食了哈哈冬蔭公海鮮湯 $89水準不錯，味道正宗又足料，單是湯中的大頭蝦已有４隻，味道也十分爽口彈牙咖哩炒蟹 $288大辣的辣度完全不辣，反而炒蟹應該是有先炸過再炒吃得出蟹殼表面的麵粉但味道實在沒優勝之處拆蟹時無法取出一整條結實蟹肉，蟹肉份量少之餘肉感也較為鬆散有非常大的進步空間印度油鬆餅 $39我們習慣點一份印度薄餅可以沾咖哩蟹醬吃，鬆餅較為軟身泰式鹽燒鱸魚 $139這條魚反而水準不錯，香茅味夠出，魚肉燒至剛好，保持嫩滑價錢才$139，相當便宜，值得一食的菜式串燒拼盤3串 $36拼盤有牛肉﹑豬肉﹑雞肉３款，３款都非常好味道有肉香之餘還有炭燒過的香味，保持肉汁碳燒豬頸肉 $75份量不少，軟滑爽彈泰式肉碎生菜包 $72份量好多，肉汁夠多非常juicy開胃辣一點會更好各款泰式特飲$30左右不等，

約朋友傾幾， 唸住一路飲啤酒一路食下野黎傾。行來行去最後去咗 Lee 間小店。😀人唔算好多， 可能閒日既關係。鋪頭有微微既泰文音樂， 周圍有 D 簡樸既泰國擺設。一入黎員工好細心比咗個冷氣位我哋坐，大熱天時真係涼快， 加分。2條女叫咗蒜蓉包， 炒椰苗，燒串燒同花甲煲。食品都唔錯， 蒜蓉包係我食過咁多間最好食既至於串燒就燒得略為干身 ，但醬汁 no 埋落去，都算香口。花甲煲好似話用胡椒去炒， 第一次食。同平時食開個 D 豆豉炒有 d 唔同， 各有味道。 下次會再黎食，加油

男朋友係九龍放完工特登入一入元朗幫我攞野完左都差不多夠鐘食晚飯男朋友話想chill d想飲象啤 所以就揀左食泰國野食 泰菜係元朗有幾間都好出名既 今次食左新野"泰廳" 我地到餐廳出面先係20:30 但已經full 到出面都坐滿人 侍應係我地面前上完菜係頭也不回咁唔理我地2個人🙄🙈之後不過左陣先有人理我地話上二樓Service已經唔掂! 因為唔想再行 就決定食佢 上到2樓個個位都係大枱又冇乜風 全部係我地自己開既 坐左一陣係連menu都冇比我地 要我自己落去拎都算 個女侍應話：上面有嫁啦我心諗我都已經好客氣同你地講 又驚阻住你地想自己拎都比你地咁串對待 之後我係上面搵果陣個女侍應話拎比我 我都已經火火地到野食方面 叫左辣鳳爪 生牛肉河粉🍜 同芒果蟹肉炒飯 野飲叫左大既象啤🍻味道無大問題 份量都好大份 係啲牛肉比較厚切湯唔夠熱所以等好耐啲肉都係未熟有驚喜既係辣鳳爪 好大份 好夠酸辣👍🏼👍🏼奇就奇左service 叫左啤酒竟然上曬野食都未有仲要淨係比左一隻杯水都叫左好耐先有忙到冇service 我唔係好accept到🙈 唯有加強training啦 我自己都做過waitress 幾忙都要顧番啲

我成日都覺得香港好難食到好味嘅泰國菜，可能唔啱口味，唔知係咪泰國菜都係偏鹹口味偏重呢，如果有一日你都有我呢種諗法，可能都係口味問題。琴晚同朋友喺元朗食咗間泰國菜，都係好一般。先叫咗兩個椰青先啦，全晚我最鍾意呢個椰青，夠晒解渴，我鍾意佢唔太甜呢個叫椰菜苗，我朋友叫的，質地比較硬、脆，老實講我一般個口感，味可以，辣辣地唔太鹹。半隻海南雞$99 雞肉都算滑，個辣汁幾開胃咖喱軟殻蟹，個蟹好鹹，炸定或翻炸，淋啲汁上去，個咖哩唔算香，又係鹹呀同埋軟殻蟹同咖哩唔夾串燒，雞豬牛各一，普通，肉比較乾，個汁一般，油淋淋，又唔辣又唔香總結來說，四百幾，除左個椰青OK，其他都好一般，個蟹直程唔合格。

10/5 母親節當日打算一家人留家叫外賣剛好看到泰廳便在1855於網上外賣平台下了單但等了兩個多小時仍未有任何消息便打去泰廳問問情況當時一位女士接聽但我一說網上外賣平台下單她便叫我打上網上外賣平台問並cut我線這樣都算了之後再等然後網上外賣平台司機到了泰廳再打來跟我說原來泰廳門市很忙他們一張外賣單也沒有做我1855下單你2147再跟我說沒有做任何一張外賣單咁你起初點解要接單接完單你發現太忙你唔會通知客人？我白白等了三個小時就算你食物再好都唔會幫襯！

元朗區真係有估你唔到咁多間泰菜餐廳，近豐年路又開左間泰國餐廳「泰廳」，網上見到好多人介紹，放工後同朋友又去食個晚餐。呢度門口又可以泊車，都算方便👏我哋兩個人叫咗四樣野＋一杯飲品..其實都好抵食三百蚊都唔使埋單 正確係248🤩唔洗講我介紹得嘅一定要好食啦😁馬拉盞通菜😋香芒蟹肉炒飯 😍炒飯仲加左蟹肉同芒果粒。食落味道有點咖哩味，幾似食緊印尼炒飯。大蝦柚子沙律我至愛又開胃😁炸蝦餅必食❤️元朗 青山公路 元朗段 238-242號 福德樓地下5號舖Tel: 2477 0988營業時間: 11:00am-10:00pm

因為肺炎，所以客人比較少，但食物水準都頗不錯，而且價錢適中份量都大碟！3個人食埋單每人$150食咗6樣餸3杯嘢飲，性價比都幾高！下次可以再encore的。推介菜：豬手

冬陰公海鮮湯偏酸 夠辣🌶一個細都起碼有4碗👍🏻蝦餅🍤同馬拉盞粉介蘭最好食 蝦餅炸得岩岩好 外脆內軟而介蘭炒得好有鍋氣 唔油泰式肉碎炒金邊粉 好濃郁泰國香料味+胡椒粉味道食落去好鹹 待應都即時幫我換左個泰式肉碎炒飯服務態度不錯👍🏻炒飯冇咁鹹 不過個味道同炒金邊粉差不多好似有比較重既胡椒粉味道唔係個個都接受既味道 喜歡食泰國菜都可以一試

係嘩鬼拉麵隔離，店家據稱係泰國人開，平日晚市嚟講幾旺場，兩層都差唔多坐滿客⋯但係侍應就得2個，所以真係無乜招呼⋯⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀泰國小食拼盤 （細）$129⠀⠀⠀⠀⠀⠀⠀⠀⠀有炸蝦餅、炸魚餅、香葉包雞、泰式素春卷 & 串燒，分量好足，仲有3款醬料添，除左香葉包雞勁鞋口唔好食外，其他都唔錯嘅⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀印度油鬆餅$39⠀⠀⠀⠀⠀⠀⠀⠀⠀一塊鬆餅剪成8小塊賣呢個價！？⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀紅咖哩雞 $75⠀⠀⠀⠀⠀⠀⠀⠀⠀有菠蘿、豆、蕃茄仔等配料，個咖哩味勁香，雞份量唔多⋯⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀總括嚟講無下次，我本身係一食味精就會口渴好耐既體質，食完呢餐第一次搞到我訓之前仲狂隊水⋯⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀

天氣凍就想飲熱湯同食辣野，朋友提議食泰國菜，飲碗冬蔭公又開胃又暖，完美！冬蔭公海鮮湯有分兩種SIZE。估唔到細碗慨份量咁多，出到黎裝到4-5碗。湯慨酸味十足，我地叫左小辣，個辣都幾輕微。鍾意食辣慨人可以叫中辣。湯非常足料，每裝一下都撈到有菇。 泰式炒金邊粉上到黎個賣相出奇地靚，師傳整左塊蛋皮系上面，分外精緻。金邊粉炒得乾身不油膩，額外加花生碎好香好好食。 泰式炸蝦餅蝦餅有成八舊咁多，平時呢個價錢係出面得4,5個到。雖然平，但質素一樣掂。蝦餅外麵包褭住炸得酥香慨麵包糠，而且彈牙鮮味。 呢到每樣菜份量好多，價錢合理，下次都係帶成家黎，咁就可以叫多D款試啦。