泰式東王

营业中

休息中

同友人加老師一齊食泰國食品，叫了串燒、紅咖哩雞、荷葉包(牛)、蝦醬炒飯、炒河、冬陰公、炸蝦餅。串燒覺得雞同牛都好入味，又唔會韌~~紅咖哩唔辣，幾香，同薄餅一齊食幾開胃。荷葉包的牛肉加汁簡直令人口水直流，食到大家都唔夠分......炒飯同炒河就比較普通了，個冬陰公少少辣，比平時飲的更濃。蝦餅就真係一定要再試，熱熱的上來，彈牙都不得了的地步，表面炸的恰到好處。這間店舖食完都係每人五十元左右，非常抵~~

呢間泰式食店我都食左N咁多次了。九龍城有小泰國之稱﹐好多泰國人假期都會係呢度聚腳﹐呢頭d食店亦好多都係泰籍人士開﹐有d仲一拼開埋雜貨鋪﹐一定夠晒泰國feel。老實講九龍城呢頭除左「黃X珍」之外﹐其他間間泰式食店都係正宗架啦﹐所以如果我話泰式燒王的賣點係正宗泰菜﹐都係廢話啦~~~~泰式燒王至掂的﹐正正係因為d BBQ夠晒正﹗真係名乎其實“燒王”~~~~~~黎呢道一定要食燒魚﹐係就要等一排﹐但絕對值得等架~~~~~~~~秘訣在於在劏 左條魚之後﹐佢地塞了大量lemongrass入去﹐然後先縫番埋﹐再係條魚上面塗上調味料及粗鹽﹐然後先燒~~~~~上諜果陣﹐你掀開塊魚皮食魚肉﹐d魚肉就有好香的lemongrass味﹐入晒味架~~~~~~~~加埋d燒到脆一脆的魚皮﹐鹹鹹地好惹味架﹐仲燒到連脂肪都無埋﹐各位女士唔駛擔心啦~~~~~~~~~~燒雞同串燒都好正架~~~~~~~~~~~其他好多野都好好食架﹐不過下次我食開先再評得詳細d啦~~~~呢間鋪既然係平民食肆﹐當然唔會大肆裝修﹐簡簡單單得黎都算幾乾淨~~~~(講開又講﹐其實香港絕大部份泰國d小食店或平民食肆雖然裝修麻麻地靚﹐其實都ok乾淨的)~~~

近半年食左十幾次，o係九龍城泰國菜黎講算又平又抵食，大部份菜式價錢都係介乎廿零到四十零蚊左右，裝修簡單（或者叫簡陋會貼切Ｄ），好在仲有冷氣涼下，膠椅摺檯，14" 細電視，香港客人多就睇亞視，泰國客人多就播泰國既錄影帶，環境係點大家心中有數，酸辣冇骨鳳爪做頭盤十分醒胃，燒烤原本係佢強項，可惜由生燒到熟太過花時間，所以好多時都係先燒半熟再燒返熱就上檯，牛、豬、雞都大大串，味道OK，一個人食三、四串可以當一餐晏，沙爹醬都唔錯，即場熱食幾正，外賣凍左味道會大打折扣，燒雞亦如下面位食家所言，用既係雪藏貨，主要靠個泰式醃料，醃得夠時間，唔駛醬汁都好好味，時間唔夠就唯有靠醬汁搭夠，水準唔穩定，反而燒豬頸肉就次次都咁正，包冇介紹錯，黑胡椒炒海鮮或者炒田雞都好香口，可惜份量少，炒椰芯視乎來貨夠唔夠嫩口，食蒜蓉炒菜苗質素較有保証，另外濕炒河粉同泰式炒飯都係一個唔錯既選擇，椰青較老同唔夠凍，芒果沙冰或者青檸梳打反而清清地o岩晒食泰國野用黎中和下Ｄ辣味。表面上泰式烤王唔夠對家小曼谷咁多人棟晒o係門口排隊，不過我相信問題在於呢度冇咁好坐，同埋大部份係熟客，食飽自動自覺讓返張檯出黎俾下一檯，因為次次我去到一冇檯Ｄ

睇完食評心郁郁想試下今晚黎左開飯叫左炸蝦餅,泰式腰果炒田雞腿,燒牛肉串,芋頭焗飯同芒果冰炸蝦餅～其實係炸成四個大圓餅再對切成一半造成八件，好彈牙亦炸得唔油，味道唔錯泰式腰果炒田雞腿～叫左少油仍然好油，田雞腿先用薄薄既炸粉包炸左先混埋青椒，洋蔥，腰果一齊炒，味道少少甜，唔錯，不過真係油到反光燒牛肉串～一串有四件，點埋帶少少甜既沙嗲汁一齊食，味道好但可惜肉質有d un芋頭焗飯～混入芋頭粒既炒飯舖底，面頭舖上混合左肉碎，蝦仁，雜豆既汁料，幾好食，可惜都係油左dd芒果冰～幾清甜，又透心涼，好正！呢度地方好簡陋不過真係幾抵食幾地道唔收加一又多泰國人幫襯食飯期間全部都係泰國人黎食只有我地一張係香港人

九龍城泰菜館有好多間, 但呢間係我唯一一間一年入面幫襯超過廿次既泰菜食店, 好高興見到openrice 終於開左個page比佢, 我梗係要第一時間drop個message讚下佢啦。我認識呢間野係因為一年前同朋友去小曼谷食飯, 個時夜晚好多人要等位, 突然聽到有個阿叔大叫”對面個間仲好食啦, 又唔使等位”, 我聽到之後心諗落雨溼溼, 小曼谷又食過咁多次, 不如試下新野啦, 於是就同朋友起呢度食左第一餐飯, 點知食過一次就停唔到, 成日都想去食。呢度既裝修比較破舊(其實係冇裝修), 不過黎得九龍城食野都唔係為裝修啦, 呢度好在d野夠新鮮, 而且又好招呼, 唔收加一, 我黎咁多次一定會叫既有:蝦餅: 38蚊有8件, 炸得好爽口彈牙, 而且好乾身, 食完之後唔會見到一堆油起碟面, 而且食得出蝦既份量好多, 唔似其他食店一咪落面粉。燒雞: 如果冇記錯應該係45蚊半隻, 我估佢係先將雞煮熟左, 再拎去燒脆個外皮, 用冰鮮雞, 但係肉都依然好嫰, 更抵讚既係, 佢冇出現一般食店d雞厚肉地方唔熟血林林既問題, 點埋個汁好香好好味。辣椒膏炒蜆: 好睇季節, 夏天去食d蜆真係好大隻, 有成2吋闊, 個汁好

學完spanish都成10點, 落到九龍城食thai都仲要等位的, 分別有呢間同對面小曼谷。小曼谷我食過, 幾ok。呢間係第一次食。環境真係好麻(好似kln city好食同好坐唔會共存咁), 2個人都等左半個鐘, 叫左冬蔭功湯, 串燒, 紅咖哩牛同埋咩辣椒肉碎炒河。冬蔭功湯好得! 朋友就叫辣而我就覺得ok, 都幾重酸味。蝦就分開左頭同身, 各分開一半(即係一開四), 呢下會幾易食(但會冇咁好食), 同慳皮。不過真係幾好味!串燒好似suppose係燒王主打(卦)。$6/串。ok啦。牛同豬味道一樣, sauce好似係花生醬加左d酸野咁。唔多match。雞呢, 睇個樣都唔多討好。紅咖哩都係好稀果隻。唔辣。牛肉幾好味。帶少肥而香。中間配料菜蔬好足。有菠蘿添! 問你死未! 味道不過不失。炒粉真係唔得。搵生菜墊到好高, 量少。粉粗且厚。唔好食。一個星期食左小曼谷同呢度, 我都係覺得對面good d~btw, waitress中只有一個泰國人係識cantonese, 所以次次都要轉介。而其他唔識cantonese的泰籍waitress斟水都幾勤快, service超值。

周末晚響九龍城搵食, 天氣悶熱, 想食比較開胃的泰菜, 但出名果幾間都排晒長龍, 見呢間有位, 而且坐得唔算迫, 就響度落腳算了.食左:泰式生蝦—唔記得由幾時開始, 呢味成為我同朋友們食泰菜必點之選. 蝦好似細隻左小小, 亦唔夠爽脆, 但$38有成十隻, 勝在抵食.白灼司奄—唔係太多地方有, 自己都係第一次食. 朋友話煮得略為熟左D, 唔似食開果D一泡血水(係呀, 形容得幾恐怖, 但咁至好味喎). 我自己就覺得無想像中咁鮮美, 以後再去第間試過.串燒牛雞豬—牛肉有少少韌, 但好過用梳打粉; 沙爹汁都幾好味.燒魷魚—呢味等左好耐都抵, 燒得好香口.燒雞翼—肉唔多夠味, 但皮燒得極度香脆, 我鍾意.燒雞腎—剛剛相反, 呢個明顯有醃料的味道, 但質感頗韌, 而且太大塊, 影響口感.燒烏頭—自己好少食, 見好多檯都有叫, 同伴話都算唔錯喎.酸辣茄子沙律—有人落單時講明少辣, 食落真係唔多辣, 激死...... 有魷魚、蝦同炸過的茄子, 無乜驚喜.帶左枝酒去, 要收$20開瓶費, 供應細細隻果D酒杯. 埋單約$300.呢間鋪以燒物做招牌, 地方細、選擇唔多都唔係問題, 但水準有D參差, 價錢同同