泰式燒王 (已結業)

二人從黃埔乘小巴來到九龍城，由於出名的泰菜店大排長龍，因而又再次走到上次吃過覺得不俗的《泰式燒王》…「當Singha Beer遇上Chang Beer（泰象啤）杯之時」…我又是例牌的青檸梳打…豬肉生菜包，yummy…不過又是略嫌豬肉肥膏太多…冬陰公（小），這次的味道不夠香，他說「啲蝦『霉』嘅！！！」…炭燒豬頸肉，乃是晚最好吃的菜式…青芒果沙律，芒果很很很很很很很很很很很很很很很很很很很很很很很很很很酸！！！！！青咖哩雞…蒜蓉包，有點「油溢」味…整體來說是次食物的味道比第一次到來為遜，不知是偶有失手還是真的退步了？！？？！？？！總之就是失望啦…是次總消費$320…

在九龍城吃泰國菜,又想吃燒物的話,不作他選,一定來這裡!但是這次燒物反而失準.燒雞, 普普通通,不夠入味.不夠肥,太乾了拼盤入面, 蝦餅一流, 鮮味彈牙味道不錯, 夠乾身,香口

友人介紹九龍城D泰國菜好吃, 有一間店門面普通,友人說燒魚好吃,即管試試啦………入面大柗唔多,只有2張, 其他都是細柗,環境較家庭式好啦, 講下食物先生蝦: 好新鮮,好大隻, 肉好爽脆咖哩蜆: d蜆好大隻, 好鮮甜, 咖哩屬於偏甜同少辣, 香料味不會太多,幾適中,岩不喜辣的朋友(跟印度薄餅,不過D薄餅好油,似炸,不似煎)馬拉棧券通菜-好香,不過D份量勁少烤烏頭- 好香, 肚內有好多香草, 令魚不會有魚鯹味, 魚外面燒得好乾身,內裏好濕潤,有油香生菜包: 有豬,牛,雞選,選了豬,好多香草味, 帶一點酸,一點辣好開胃, 而且不會有豬SO味

早知道九龍城的泰菜地道又便宜，但每次來九龍城，目標通常都不會是泰菜，難得這次朋友說了算，就挑了家口碑較好的館子小試牛刀。不喜歡吃主食，餅倒是個例外，最極端的要屬老家的雞蛋灌餅，一天最多吃過五張，和朋友打賭也以此為賭注，此外草帽餅、盤絲餅也都是我的至愛…這裡的油酥餅也值得推介，酥脆有油香，不蘸咖哩汁已經十分美味，不過弊處是用油不少，吃的時候痛快，吃完了就一股子負罪感湧上心頭…一切炸物我都偏好，春捲就是其中之一，只要外皮炸得酥脆、餡兒飽滿而香口，沒有不好吃的道理，這裡的亮點在於餡兒裡包了一小條芋頭，令整條春捲的口感更厚實更有嚼頭，回味度也大大提升，有畫龍點睛之妙用蝦醬炒通菜一端上來就香味撲鼻，香歸香，入口亦不油膩，通菜翠綠軟嫩，杆儿的部位還有少少脆口，普通的炒青菜有如此水準也不容易啦蠔仔蛋也是食友的推薦，不過蠔仔的口感有些過生，滑溜之餘帶點海腥味，不太吃得慣，倒是炒蛋和配菜芽菜十分惹味，蔥加蛋也是很經典的炒法，只是油下的很重手，吃到後來開始膩了這晚的幾道菜餚令原本在我心目中形象一蹶不振的泰國菜又高大威武起來，只可惜兩個人試不到太多菜式，如果有機會再訪龍城，下次還是要吃泰國菜吧~p.s.是晚

第一次來這裡,叫了平常吃泰國菜叫開的菠蘿炒飯,串燒(牛,雞,豬),蝦餅,另外叫了不是每間餐廳都有的燒雞翼......串燒不是特別香,但燒雞翼的味道不錯,又香又脆,蝦餅及菠蘿炒飯的味道一般,不過不失,所以未必很快會再來,可能試試其他餐廳先.....

今日一行5人, 老友為咗預祝我生日,請食飯,係嚟依間泰國野, 對上一次已經成半年前, d人好像唔同咗, 無已前咁sincere, 好彩見到老板娘, 否則以為易咗手添.... 生蝦, 蒜頭同辣椒放係中間, 明顯少咗, 不過d蝦都ok, 鮮及爽....清炒椰菜苗, 以前明明唔辣, 但今次有辣, baby gaga 食唔到...咖哩炒蜆, 保持水準, 燒側魚我以為是那些又細又多骨的魚,點知,骨唔多,還好鮮嫩,好味道!埋單5舊幾,謝謝這位老友請客!

朋友帶我來吃泰國菜,他之前吃過數次說味道不錯又不貴,於是就來這裡幫襯。我們點了芋頭煲仔飯, 飛天通菜, 青咖哩 , 炸蝦 , 2杯凍飲。食物都偏咸,除了辣,味道亦很濃, 一向偏向淡口味的我, 自然吃得不多, 雖然煲仔飯好味但太咸,不能多吃。青咖哩牛肉又太韌, 炸蝦好像炸得不夠熟透,我對蝦敏感所以也不敢吃太多。

今日同老公好想食泰國野, 上openrice睇黎間d食評好似唔錯, 而且唔係太貴....就試下啦~叫左...咖哩蝦跟油酥餅($130) : 完全無咖哩味, 得小小甜味, 蝦唔新鮮亦都無味, 反而送既油酥餅好食, 但太油我只食了兩件.串燒半打($45) : 要了雞&豬, 上枱時已覺得好乾, 應該係番燒吧!! 唔好食...係九龍城未食過咁難食既泰式串燒細田雞冬蔭公($45) : 冬蔭公ok, 田雞無味.生蝦刺身($68) : 成晚最好食既野, 唔駛5分鐘就食晒食完覺得唔飽, 但已經唔想再叫...

太耐太耐冇食過泰國菜難得放假又得我同Daddy兩個人食飯當然決定出街食la六點幾來到，仲早所以未有人叫左Satay, 燒豬頸肉，炸大腸，咖哩蟹成餐飯食肉，好滿足 Satay: 燒得剛剛好, 唔太乾，肉汁仲係到 燒豬頸肉: 一流 同Satay一樣， 燒得剛剛好， 唔太乾炸大腸： 就差d, 好乾，乾到咬唔到 咖哩蟹:正， 本人喜歡濃味咖哩又唔太辣, 蟹肉好新鮮，肉係實既，一定唔係死蟹真係好耐未食過咁好食既泰國菜

係泰苑食得未夠喉,拉隊到附近食燒烤,紀得上兩年,曾經同素素豬係同一店舖慶祝生日,已經覺得食物水準不錯,不過一直無時間再試.雖然都九點幾,店內依然有六七成客,睇黎泰國菜係九龍城真係一枝獨秀,生意不愁.先來一條燒鰂魚,雖然表皮燒焦,但一夾落肉位,卻係微溫,好明顯係早早燒定,有人落order再返燒一陣,魚腹內夾藏有香芧等香料,魚身蓋上一層粗海鹽,但食落咸味又唔多覺入到魚身,可能魚肉是一早燒好關係,肉質是有點”鞋”,比想像中差得多了.燒牛胸是店內另一名菜,講真,有牛胸食既地方唔多,深圳潮泰薄切打邊爐一流,今次燒完厚切,又是另一種食法,香口得多,而且是脂肪位,入口豐腴,軟綿綿之中帶咬勁,再蘸點少許酸辣汁,惹味又香口,真係好正而燒雞又係另一個多人點既小菜,只係要左半隻,今次就真係即燒,食落克全唔同,肉質嫩滑得多,再加上用魚露,青檸汁及辣椒水開既汁一齊點,又係幾野清晒.今晚先後食左幾款唔同既泰菜,如果再有冬蔭公,明爐烏頭同生蝦就完滿啦!

話說幾位辣友在附近吃完烤魚覺得不太滿意，決定執埋包袱，轉戰南角道的泰式燒烤，據聞其燒牛胸是非常有水準的。有朋友想飲啤酒，既然大家咁高興，我也奉陪，喝了少許。朋友揸主意，叫了枝象啤，是真正的冰凍，雖然味道不太重，但正正合我的口味，喝得很爽。正如Cheap兄話齋，飲啤酒最緊要夠冰凍。食物陸續上檯，先到的是白灼鰤魽，是這裡的招牌菜之一，大家嚷著要品嚐，我當然也是樂意去試。吩咐了服務生不要弄得太熟，吃起來鮮甜，而且也夠軟滑，不一會大家便把它掃光。另外是大家激讚的燒牛胸，香港確實沒太多地方有得吃。牛胸是牛肋骨中間的脂肪位置，燒出來香噴噴，咬落爽脆，口感豐腴，滿有油香，醮上酸辣汁，好吃，送啤酒一流，果然冇介紹錯。來到這裡，也一試其串燒，豬牛雞各要了一點。原來不夠分，所以我就沒吃豬。牛味道是對勁的，不過質感實在太韌，要花點力氣去咀嚼；雞則好得多，起碼嫩滑；據報豬是三者之中最出色的，有機會下次再來品嚐。埋尾有半隻燒雞，出來時熱辣香口，雞皮脆，肉質嫩滑，不會乾巴巴的，味道帶點甜，同樣出色，即使不沾醬汁，也可以。溝完貨，大家都盡興而回，希望在不久的將來再跟大家食辣。或可參考：http://fabricel

今年冬天特別覺得漫長，亦覺得特別凍，呢種天氣之下，真係令人好想成日搵野食暖下肚，不過煲仔菜煲仔飯打邊爐呢幾樣野，大家呢排都食得太多，剛巧友人提議到九龍城食泰國菜，又可以暖下身又唔駛再打邊爐，所以就突然好想返黎呢間泰式燒烤...本來泰式燒烤有個好精彩嘅烤肉拼盤，可惜我地黎早左時間，主理人話要過多二至三小時先有。可惜五臟廟實在頂唔住，唯有食住呢個泰式拼盤頂住...蝦餅雞翼同樣香脆熱辣，最特別係炸春卷，入面果條芋頭條，簡直令整條春卷錦上添花，精彩！生蝦刺身係我每次到泰國菜館必食，有次更試過四個麻甩佬，每人叫三碟佐酒，諗起都誇張！呢度嘅生蝦唔係用草蝦，食落無咁彈牙爽口，但勝在新鮮甜美，而個辣汁更加係非常出色，怕辣嘅我亦難忍誘惑，愈蘸愈過癮！黎到呢度有樣野一定要試，就係白灼螄蚶！好多朋友可能因為螄蚶果種血色汁液而唔夠膽試，其實螄蚶係一種非常精彩嘅貝類食品，佢同赤貝同科，肉質咬落既似蜆肉，又有少少似生蠔感覺，灼得剛好嘅螄蚶肉食落去，濃厚鹹味同獨特鮮腥味同時爆發，實在好食！當然，始終都係海產類食品，大家量力而為會好啲！泰式燒烤嘅蠔仔蛋，絕對係不可不試嘅精彩菜式。半熟嘅蛋混入肥大飽滿嘅蠔仔，放上芽菜上

係泰苑食得未夠喉,拉隊到附近食燒烤,紀得上兩年,曾經同素素豬係同一店舖慶祝生日,已經覺得食物水準不錯,不過一直無時間再試.雖然都九點幾,店內依然有六七成客,睇黎泰國菜係九龍城真係一枝獨秀,生意不愁.先來一條燒鰂魚,雖然表皮燒焦,但一夾落肉位,卻係微溫,好明顯係早早燒定,有人落order再返燒一陣,魚腹內夾藏有香芧等香料,魚身蓋上一層粗海鹽,但食落咸味又唔多覺入到魚身,可能魚肉是一早燒好關係,肉質是有點”鞋”,比想像中差得多了.燒牛胸是店內另一名菜,講真,有牛胸食既地方唔多,深圳潮泰薄切打邊爐一流,今次燒完厚切,又是另一種食法,香口得多,而且是脂肪位,入口豐腴,軟綿綿之中帶咬勁,再蘸點少許酸辣汁,惹味又香口,真係好正而燒雞又係另一個多人點既小菜,只係要左半隻,今次就真係即燒,食落克全唔同,肉質嫩滑得多,再加上用魚露,青檸汁及辣椒水開既汁一齊點,又係幾野清晒.今晚先後食左幾款唔同既泰菜,如果再有冬蔭公,明爐烏頭同生蝦就完滿啦!

一早就book咗位，所以聖誕節晚同男友大人去會一會，大概6:3x左右到達，只有一兩枱疑似泰籍人士嘅熟客，而我哋被安排坐喺開放式門口位，當晚都幾凍吓，不過一飲咗個冬陰公湯成個人都暖晒，個湯有少少偏甜，好濃好香，湯內蝦肉質爽甜，蝦頭爆膏，好滋味。男友大人話泰式生蝦冇蝦味，好一般，而且蒜片只得一兩片，講真唔夠蒜片夾埋一齊食，感覺真係差啲~ 一直期待嘅白灼螄奄就又鮮又甜又多汁(血水)，唔會太熟到硬的的(其實應該係半生熟)，我就食唔停口，但係男友大人話係鮮同腥之間喎，不過我個人就覺得超好味啦! 冇期望嘅蝦餅反而超好味，因為一入口就知佢冇加麵粉之類嘅嘢，啲蝦肉彈牙而且比較粗粒，明顯只有蝦肉，又香脆又滿口蝦肉香味。差不多7:xx，人開始越嚟越多....食到七七八八嘅我哋難逃被趕嘅命運，就係無嗱咩咩送張bill嚟...... 小店一貫作風...所以攪到我同大人急急咁飲埋嗰半支啤酒.....走人~

在"義香"吃完後,便與家姐及姐夫們會合,由大姐夫帶隊下,我們去了"路邊雞"對面(對正)既呢間"泰式燒烤",今日是係來幫二姐夫慶祝生日的,我們一行九位成人,兩位小朋友,共十一人,叫了以下食物~生菜肉碎包-->>好味,但..魚露重手了少少,汁太多,包著來吃時,要一邊用紙巾托住D汁~通菜-->>大路貨色,沒甚麼好評論薄餅-->>前後叫了兩客,因為...."好正",好像加了酥油來整的,一定要叫~金邊粉-->>前後叫了兩碟,好味,只是食完後,看到個碗底好多油~炸恐龍旦,(蝦膠釀皮旦)--->>因為呢兩樣都係我愛吃的,蝦膠彈牙,整得好好味~白灼鰤鉗 --->>血水少,唔錯,配埋個汁,一流~燒雞翼--->>燒得太乾了~芥蘭-->>大路貨色,沒甚麼好評論~鐵板蠔仔煎旦--->>蠔仔份量足,味道都唔錯~生蝦刺身 --->>比起上星期在大圍吃的垃圾生蝦刺身,呢度新鮮多了~咖哩炒蟶子-->>味道唔錯,只是要先執走哂d殼,才能在碟底找回