影片
港铁柯士甸站 A 出口, 步行约5分钟
继续阅读
电话号码
66480179
营业时间
今日营业
12:00 - 15:00
18:00 - 23:00
星期一至四
12:00 - 15:00
18:00 - 21:30
星期五至日
12:00 - 15:00
18:00 - 23:00
公众假期
12:00 - 15:00
18:00 - 23:00
以上资料只供参考，请与餐厅确认详情
相关文章
放工去油麻地拎嘢，等待期间扫社交平台见朋友去咗一间食店食泰菜话，仲话会再去；望下店名搜索下资料，在文苑街果带⋯难得过海，又闲著就行去睇下乜状况。大约晚上6点45分全店满座，门外有一对情侣排队等候，未见长人龙就试下。大约等了20分钟就入内啦，虽然已经日落时分，但天气开始热，有成廿几卅度，等位期间其实都热；如果夏天嘅话唔会排队⋯但入座时有有十多人嘅人龙了。煮汤粉面/沙律区只有一位厨师主理。另外，店内环境都好逼夹，用餐期间可能要有被轻微碰撞嘅心理准备。咸蛋木瓜沙律$88在湾仔的泰面吃过咸蛋木瓜沙律后念念不忘，见这家menu也有这一道沙律，二话不说就先点一份，我拣嘅系半只辣椒辣度。 有点寄望⋯可惜略嫌唔够咸蛋黄，味道上不过不失嘅，讲真无比较无伤害⋯今次来第一大目标系试个和牛船面 $98价钱比起湾仔蓝屋果间平了几十蚊，所以要求都预先调节一下，整体是不错的。汤底浓郁，但唔似得蓝屋果间令我想饮晒啲汤；牛肉当然一定系唔同级数同肉嘅厚道和份量都有明显差别。另有加一服务费。用餐完毕离去，𠮶时继有长长人龙等位。
继续阅读
超人气嘅泰国小店，终于比我试到啦 ·͜· ♡听讲大厨系米芝莲泰菜餐厅 sᴀᴍsᴇɴ 出身唔怪得由 8 月开业到依家都仲系日日咁长龙，仲要冇得订位，去到都系乖乖地排队啦 ~等足 1 个钟终于入到去，店面好细但室内装潢有泰国风味，气氛好好。○ 醉 猫 和 牛 炒 河 // $118炒得好够镬气，本身带有少少辣味，可以拣走辣 .ᐟ.ᐟ阔身河粉口感滑溜而且特别软糯，唔会痴埋一旧。每啖都食到爽滑和牛片，可惜份量太少，三个人分有少少唔够喉。○ 啖 啖 蟹 肉 奄 列 // $168上枱好够热辣辣，奄列系半煎炸，充满蛋香。入面有唔少蟹肉，食落好鲜味，点埋泰式辣酱非常惹味。○ 泰 式 九 层 塔 炒 蚬 // $108同样可以走辣，炒到够晒镬气，酱汁味道香甜配埋香浓九层塔好惹味，蚬肉大大粒好鲜甜但部份有沙。○ 芒 果 糯 米 饭 // $78芒果新鲜香甜，糯米饭粘糯有嚼劲 ꒰ ´ ꒳ `∗꒱食到米粒既口感，配搭埋椰浆 + 脆脆，味道唔太甜，即刻被秒杀了。♡ ♡○ 泰 式 奶 茶 // $38正宗泰式冲法，奶味非常香浓，不过个人偏好更浓茶味。○ 龙 眼 冰 // $38○ 新 鲜 椰 青 // $58特别拣选过大size，椰青水特别多又清甜。店内厨房楼面都系泰国人，老板亲切又搞笑，系咁同我地讲水 ᴍᴀᴋ ᴍᴀᴋ ꉂꉂ( ˊ ᗜ ˋ *)ʬʬ想追加甜品时又话唔洗啦你地够晒甜不过部份店员唔系好识广东话 ꒰ ꒪ ω ꒪ |||꒱所以落单要细心确认 + 埋单记得 ᴄʜᴇᴄᴋ 清楚˗ˏˋ 特别留意 ˎˊ˗ 依度只收现金 (对面有7仔可以提款)其实仲有好多主菜小食未试，临走时仲见到隔离枱嘅泰式雪糕都好吸引。睇餐厅位置以为走平民路线，但其实价钱唔平 ꒰ •᷄ ᯅ •᷅ ꒱，主菜份量偏细，加上要排队 & 店内坐得好迫，建议下次都系外卖自取啦 ٩꒰ ´ᆺ`꒱۶𝐓𝐈𝐏𝐒：ꔛ 大部分菜式都可以同店员讲要少辣 / 走辣ꔛ 餐厅唔大，建议最多 2-4 人同行
继续阅读
这家由前米芝莲餐厅「Samsen」厨师主理的泰式大排档，凭藉地道风味一举摘星，开业以来日日大排长龙，成为香港最新的人气食店。走进店内，复古满墙泰国旧海报瞬间将人带到曼谷街头，虽然座位略显紧凑，却更添地道大排档风情。这里的招牌菜「醉猫炒河」镬气十足，烟韧的河粉裹著惹味酱汁，配上鲜甜弹牙的虎虾，让人一试难忘。开胃菜「咸蛋木瓜沙律」酸辣爽脆，咸蛋黄的香浓为这道经典泰式沙拉增添独特风味。沙嗲猪串烧，即烧焦香，蘸花生浓沙嗲酱，肉嫩带炭香。饭后别错过「泰式椰子雪糕」，清甜的椰香配上花生碎，以及跟餐只需8元的「青柠梳打」酸爽解腻，CP值超高。
继续阅读
一直听闻佐敦呢间「泰排档」系必食之选，今次终于同朋友嚟试。餐厅长期爆满，气氛热闹到好似真系去咗泰国街头！后尾做功课先知，原来大有来头，唔怪得咁把炮！首先，餐厅无论厨房定楼面都系泰国人，沟通都系用泰文，感觉非常地道。重点系厨房大厨竟然系米芝L莲级泰菜名店Samsen出身，质素有绝对保证。而且，店家为求做出最正宗嘅味道，有九成食材，连最基本嘅蒜头、香料都坚持由泰国直送入口，呢份诚意已经值得俾满分！食物：猪颈肉船面听讲餐厅概念系参考泰国船面名店Thongsmith，所以船面系必点招牌。汤底真系无得弹，饮得出系用泰国直送嘅香料熬制，层次丰富浓郁，药材味、香料味平衡得好好。猪颈肉爽嫩香口，米粉挂满浓汤，一口食落去，真系同喺泰国街头食到嘅味道一样！蟹肉炒饭镬气十足，饭粒干身分明。蟹肉鲜甜，份量亦唔孤寒，简单一道炒饭已经食得出师傅功力。咸蛋青木瓜沙律传统嘅青木瓜沙律加入咸蛋黄，咸香惹味，令到成道菜嘅味道即刻升华，比起平时食开嘅更加开胃，更加有特色。芒果糯米饭甜品系另一个胃！芒果清甜，糯米饭软糯Q弹，面头嘅椰浆香浓顺滑，甜度啱啱好，系一餐完美嘅结尾。
继续阅读
咁啱经过唔使排队，所以就非常之幸运入咗去食两个人食咗343 饱到顶心口，两个人嗌咗三个𩠌醉猫炒河（虎虾）$118（小辣） 呢碟炒河真系正到爆！河粉Q到入心，仲带住啲镬气味，好似喺镬边炒紧咁。𠮶只虎虾又大又新鲜，咬落去鲜甜到令人想再食多次，真系一碟唔可以错过嘅好味！飞天通菜$68（小辣） 呢个通菜偏咸，但唔会死咸，啱啱好！通菜清新又有蒜香，小辣程度就啱啱好，唔会辣到你喊。生菜包香叶猪肉碎$88（小辣） 呢个生菜包真系劲正！猪肉碎香嫩多汁，配埋香叶𠮶股特别嘅香味，小辣啱啱好，但系对于唔食得辣嘅人嚟讲应该要BB辣，因为佢会越食越辣。整体感觉又清又香，食完心都暖暖哋。酸梅茉莉梳打$38 呢杯饮品超解渴！酸梅微酸，喝落去就好似喺夏天饮紧冰凉嘅水咁舒服，一定要试下，保证你饮完心情都好晒！整体嚟讲，呢次食得好爽，又好味又有趣，下次一定再嚟！
继续阅读