泰排檔

营业中

休息中

近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。

最近搵到間超高質泰菜館「泰排檔」，一踏入門口已經聞到陣陣香料香，成間舖充滿泰國街邊小店嘅氛圍，樓面都係泰籍員工，即刻有種置身曼谷嘅感覺！上網睇返原來大廚仲係拎到米芝蓮泰菜嘅餐廳出身今次食左唔少嘢食，首先講和牛船面，用上正宗金邊粉煮到啱啱好嘅軟硬度，夾埋滑嫩嘅和牛片，個湯底香料味香濃，飲落唔會太鹹，啖啖都係泰式風味！醉貓炒河就勁香口，啲河粉彈牙爽滑，炒得有鑊氣，啲虎蝦新鮮彈牙，個醬汁香辣惹味鹹蛋木瓜沙律真係正！青木瓜爽甜，鹹蛋香濃，配埋花生，酸甜鹹香味道層次豐富沙爹豬同燒豬頸肉都係推介，沙爹豬腍滑多汁，醃料香濃，個花生醬香甜惹味。燒豬頸肉外皮燒得香脆，肉質嫩滑，配埋特製嘅辣醬，一流！講到飛天通菜就一定要讚，啲通菜新鮮爽脆，炒得火候十足，個蒜蓉醬香噴噴，配埋啲辣椒，辣中帶香，蒜香味重又唔會過份。甜品方面，芒果糯米飯用上正宗泰國芒果，甜而唔膩，糯米軟綿，配上香濃椰汁，絕配！泰式椰子雪糕都係手工製，香濃幼滑，仲加咗椰肉碎，食落好香口。青檸梳打夠酸夠清新，清甜解渴。最重要係價錢相宜，而且全部都係泰國直送嘅新鮮食材！有呢啲水準，難怪日日都大排長龍。

今日等到差唔多tea time嘅時候先去食午餐，為左食成日經過都見有人排隊嘅泰排檔。雖然已經兩點半，仲係平日，但大部份嘅枱都有食左冇幾耐嘅客人，睇黎真係好高人氣。餐廳喺佐敦文苑街，裝修風格就如其名，走泰式大排檔風格。店員同廚房都係泰國人，對客人態度親切，有如置身係小泰國。午市都好多選擇叫左個泰式炒金邊粉(虎蝦)個人好鐘意食金邊粉，特別鐘意多配料，生碎，泰式芽菜，青檸等等。餐廳9成食材都係泰國入口，啖啖泰國味。炒金邊粉好夠鑊氣，上碟仲熱辣辣，陣陣香味。青檸一擠勁多汁，配上其他配料，有咬口得黎，仲有酸甜清新味道。金邊粉保持到咬口之餘仲有少少濕度，食落唔會太乾，而且份量都好足料。虎蝦有三大隻，真係大大隻，口感爽滑之外，有鮮味。小食叫左 炸粟米蝦餅，金黃外表超級脆，配上軟綿綿又彈牙嘅蝦餅口感十足，推薦一試！泰式奶茶少冰，因為甜度固定，所以冇得少/走甜。飲落甜度啱啱好，唔會掩蓋左奶茶嘅香味。奶茶質感幼滑厚身，茶味都夠濃。

在我妄想下以為熱潮該過了吧所以在傍晚五時半多到餐廳 發現原來已經有人龍了 哈哈目測自己該是第18個 應該可以第一輪入座吧怎料最後還是等待了一個小時才能入座因為原來有客人已預先訂座 而有些則是有先頭部隊來排隊 所以我估算錯誤了餐廳是沒有限時用餐 而出餐也很快惟餐廳內伴隨音樂及客人閒談聲音 所以蠻嘈吵的 座位之間也頗狹窄 真不愧是大排檔風格😋🍝醉貓炒河（虎蝦） $118是可以選走辣的選擇虎蝦有三隻 是後期製作的爽彈口感河粉質地真的很喜歡 晶瑩通透的煙韌口感還加入了粟米芯 芥蘭 炒蛋等配菜 整體味道是相當地道的 只是對個人來說蠻重口味及偏鹹 但還是推薦炒河 因為很少在香港吃到這類河粉口感😋🍖燒豬頸肉 $98豬頸肉厚度適中又大塊 份量很足 烤得很香口及惹味 沾上醬汁味道更有層次😋☘️飛天通菜 $68炒通菜很有穫氣及惹味 味道也是頗地道的濃口味 😋🍹酸梅茉莉梳打 $38因為每道菜都頗濃味 難避免要喝些較為清新的飲品 茉莉味道未算突出 但酸梅混入青檸梳打內 酸酸甜甜 很解膩又清新提醒光顧的話 要帶夠足夠現金因為餐廳只收現金的

想試好耐既泰排檔🤗星期日約17:15到達幸運地排第三組，穩操勝券，人齊準時六點就順利入座(✌︎˙˘˙✌︎)🌟泰式生蝦 $88老闆介紹生蝦是當天新鮮從泰國游水過來，難怪蝦肉結實又彈牙，一碟九隻全都有手指咁粗；配酸辣的魚露汁開胃又有刺激感🌶️是必叫的開胃菜！🌟醉貓和牛炒河 $118闊河粉的質感好特別，滑溜、有咬口得黎十分軟Q👍🏻每條都均勻地掛滿濃郁惹味的醬汁，鹹中帶甜，充滿鑊氣香🔥配菜還有蛋花，就連粟米芯和芥蘭也很爽脆好吃，薄片嫩和牛的存在感立刻被比下去；美中不足是份量偏少，完全唔夠喉！必叫菜式之一，人多要叫多碟添啊(๑•̀ㅂ•́)و✧🌟串燒 $98可以雙併的雞肉和豬肉串燒各三：肉質燒至僅僅熟，新鮮、彈牙又入味；配酸辣汁、香甜沙嗲汁和較為少見的洋蔥青瓜汁，各有風味🙌🏻🌟蟹肉奄列 $168奄列份量很大，外皮炸至酥脆，切開後蟹肉也很多，不會過熟仍很juicy，就連蛋也帶有蟹肉的鮮甜😋🌟生菜包香葉豬肉碎 $88香葉豬肉碎惹味又多汁，味道正常地好味；令人眼前一亮的是炸豬皮😍放涼了仍然脆卜卜，入口充滿獨特的豬油香氣，明知道很邪惡還是想繼續吃，眼見可買走真的令人很心動(*/ω＼*)🌟泰式班蘭雪糕 $58班蘭雪糕

這間泰國菜喺大角咀，主廚係泰國人，食物都好地道包括船麵，炒金邊粉，蝦餅，泰式奶茶。座位似大排檔，大家背對背嘅形式。下午過黎食，人流都不少。1:00 pm到達，隨時要等位。船麵都幾濃郁，可以揀金邊粉或者蛋麵，我覺得金邊粉夠煙韌。串燒沙嗲雞肉夠Juicy, 上枱熱辣辣。炸粟米蝦餅係即叫即炸，入口幾彈牙。蟹肉炒飯份量都唔少，好夠蛋香同有鑊氣。芒果糯米飯都幾飽肚，儘管芒果顏色望落去唔太金黃，但入口都係甜，配埋椰汁就最夾。

早前知道佐敦開咗一間泰國餐廳，大廚係米芝蓮泰菜Samsen出身，餐廳材料更加全部入口自泰國，再加上大眾化嘅價錢，鍾意食泰國嘢嘅，我點可以唔去試吓呢？喺琴日終於同friend去咗呢間泰國餐廳，真係食到舔舔脷呀！😋 叫咗幾個招牌菜，樣樣都咁正，等我同你哋分享下啦！虎蝦醉貓炒河:鑊氣十足！啲虎蝦又大又爽口，個炒河夠晒惹味，真係好掂！🦐🍜 啲河粉炒得乾身，唔會太濕，食落好有口感！和牛船麵:湯底濃郁，帶少少甜味，啲和牛好嫩滑，入口即溶！🐮🍜 仲有啲芽菜、香菜等等配料，令成碗麵更加豐富！泰式奶茶:嚟泰國餐廳，梗係要飲返杯泰式奶茶啦！茶味香濃，甜度適中，飲落好creamy，正！🧋🧡沙嗲豬串燒:啲豬肉醃得好入味，燒得好香，加埋沙嗲醬，真係一流！🍢🐷 食完一串又一串，完全停唔到口！鮮甜椰青:成個椰青上枱，夠晒霸氣！🥥🌴 啲椰青水清甜解渴，飲完仲可以食埋啲椰肉，真係好滿足！芒果糯米飯:經典嘅泰國甜品！🥭🍚 香甜嘅芒果，配上煙韌嘅糯米飯，再淋上椰漿，真係完美嘅ending！總之，呢餐泰國菜真係好正！下次要再encore！🥳🎉 你哋都快啲去試下啦！

泰排檔新開呢幾個月一直都好多人排人流不減之餘仲要見到好多遊客今日同朋友收工買上跑過嚟排一排好彩舖頭都好多位 同埋兩三個人易入啲੧ᐛ੭同埋泰國人老闆都好喜歡娛賓～一入舖都同我哋講Welcome to Thailand🇹🇭✧ 和牛船麵（$98）雖然menu話和牛船麵係辣不過放心 食落一啲都唔辣船麵可以揀金邊粉/ 蛋麵🍜我哋揀咗金邊粉 質地比較似粉絲生牛肉嘅生熟度啱啱好顏色pinky質地爽滑💕Topping九層塔葉令到個味道清新啲～其他配料如炸豬皮趁新鮮食都好正✧ 燒豬頸肉（$98）豬頸肉份量唔少 有8嚿左右感覺係半肥瘦唔會肥到太guilty想吐返出嚟亦唔會好似豬其他部位咁實配上一隻泰式辣醬酸酸辣辣咁可以減低豬頸肉嘅油膩感總結係幾好食但稍為overpriced同埋如果要排好耐就唔值Btw呢度慶生嘅排場比得上海底撈😂又係大大聲唱歌要成間餐廳嘅人知道

❝近期最hit佐敦人氣泰國菜🇹🇭🔥味道正宗地道😋直登私心數一數二最愛泰菜❤️🥰❞終於黎到食呢間好多人都話媲美Samsen既佐敦泰國菜😳(聽講係Samsen前廚出黎開店!) 次次經過都大排長龍 有日即興lunch黎竟然冇人!😍整體又真係幾高質🥰味道好正宗地道🇹🇭環境好似去咗泰國咁 連老闆員工都係泰國人!🤭燒豬頸肉同炒河都好好食🥹食到中途已經同朋友講話要再黎😂✌🏻私心登上我數一數二最愛泰國菜餐廳之一🥰❤️Lunch Menu叫粉麵主食 飲品會特價～ $8就有泰式奶茶飲🤣🥤▪️泰式炒河 $88 （4.5/5)▪️香辣金不換炒豬肉碎飯 $79 (4/5)▪️燒豬頸肉 $88 (4.5/5)▪️飛天通菜 $58 (好辣!) (3.5/5)▪️芒果糯米飯 $78 (4/5)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍泰排檔佐敦文苑街24號地舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_佐敦🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_泰國菜

聽說灣仔連續多年獲米芝連推介泰菜店的前廚師，最近加盟並親自主理各款菜式，致泰排檔大獲好評、門前排長龍等食的情況不絕，而價錢則遠較灣仔米芝連推介店收斂，勝價比甚高，11月頭專程騰出一個晚上，策略性地以為8時半左右（晚飯時間已過）開始排隊，共花了約40分鐘等候時間便被安排了入座，點了一碗和牛船麵（價錢差不多比灣仔米記店平了差不多一半），濃稠、綿香的肉骨湯底，跟灣仔米記店幾乎90%相似，只是和牛的份量較少，像這樣高水平的出品、以這個價錢相對超級抵食😋 今天冷風擊港，心諗：應該不會太多人會冒着寒風排隊等食吧，於是專程前往午膳，果然今日不用排隊，我滿心歡喜地又點了和牛船麵，可是第一啖入口便發現出品跟11月頭的大大不同，除較辛辣外、往下的每一口想再試真啲啦⋯⋯都是較辛辣咁囉！我相信一定是出自另一位廚師。 結帳時，特意向店員了解得知，原來午市跟晚市的廚師確是不同的！ 噢！我今天的quota被白耗了，建議大家若希望嚐到如灣仔米芝連推介船麵般的出品，下午6時後前往較穩陣。

渡船街呢邊一向都有好多出名食店，今次就嚟文苑街轉角位呢間泰國嘢😋門口有透明嘅櫥窗可以觀賞泰國廚師製作船麵同埋甜品等，另外門面嘅店員都係識講廣東話嘅泰國人，好熱情，同埋會主動介紹👀原來餐廳有大廚係米芝蓮泰菜Samsen出身，聽店員講餐廳原來只係啱啱開業幾個月，平日午市好旺場✨醉貓虎蝦炒河 $108見到好似好多人食，個名吸引到🤩炒河濕度適中，味道方面就真係如餐牌所見嘅偏辣，建議大家衡量吓自己係咪食得辣先嗌👀🧐非常入味、濕潤嘅河粉配有少量蔬菜同埋幾粒大大隻彈牙虎蝦💯自認係食得辣嘅話，推薦一試！✨炸粟米蝦餅 $58熱辣辣新鮮炸起✨😋蝦餅炸得外脆內鮮嫩，加埋Juicy嘅粟米🌽口感更加多層次同埋得到昇華✨燒豬頸肉 $88非常驚艷！燒頸肉外皮燒得非常脆，而豬肉就保持到鮮嫩同埋好多汁，值得一題嘅係個醬汁絕對係畫龍點睛🤩微微帶有辣勁之餘仲帶少少酸味，將豬頸肉沾滿醬汁食實在係一個舌尖嘅享受✨飛天通菜 $58惹味之選，通菜好鮮嫩，唔會老，有少量炸蒜增加口感，另外炒得幾有鑊氣同時唔會太油，真心覺得有泰國街頭風味👍🏻🤩✨泰式奶茶雪糕 $48✨超級推薦👍🏻賣相超級吸引📸味道更加出色💯極香泰奶味，仲有雪糕筒連上✨泰

本身收藏咗呢間舖頭諗住放工試試，點知完全係伏😡等候時間唔算耐，大概等咗20分鐘，就有得入去。但係坐到入去先係惡夢嘅開始😖坐到入去嗌埋嘢食等齊所有嘢上菜起碼用咗兩個鐘頭唔講以為食緊fine dine😶‍🌫😶‍🌫😶‍🌫坐到入去已經即時聽到店員送上芒果糯米飯去隔籬枱賠罪，原本以為係隔籬枱對於食物質素有意見，但原來係因為等得太耐。我哋order完嘢食之後已經聽到每一台都催緊店家上嘢食，表示已經等咗好耐🤣嗌完嘢食之後就開始我哋漫長嘅等待時間，嗌咗一個船麵，先等咗30分鐘，好彩我同我男朋友食可以一齊share咗嗰麵先，味道算濃郁。然後再等咗20分鐘，仲未有炒河同奄列，於是叫店員幫手問問幾時會有。佢哋都好忙，問咗好多次，有時叫店員都唔理我地。終於再等多30分鐘，醉貓炒河都到啦，食物算係正常。最後蟹肉奄列係催咗四次，等咗大概1小時30分鐘先上到，而每一枱客都係催緊個蟹肉奄列，基本上大家都係覺得等咗好耐好嬲。而店員都只係可以叫我哋等多陣，最後我都差啲想叫佢cancel個奄列，但係都等咗好耐，唯有等埋落去。個老闆就話唔好意思要你等咁耐，因為近排有網紅介紹店舖，所以人手安排不足，平日係星期六日先會有咁多人，

話說呢間位於佐敦谷嘅泰國菜，每晚都會大排長龍，超級火爆！今日我同朋友就一月嚟試吓，究竟佢哋裏面有乜嘢乾坤！和牛船麵呢個係佢哋嘅招牌，佢哋個湯底好濃郁，一上枱就聞到超重九層塔嘅味道！配料上面除咗有炸豬皮之外，仲有好香嘅豬肉丸，面底就係煙靭嘅金邊粉！我覺得佢哋個湯底條配得好好，同我喺泰國當地食到嘅味道幾乎一樣！後來先發現原來佢哋嘅大廚係泰國米芝蓮餐廳samsen出身嘅！怪唔之得咁正啦！虎蝦醉貓炒河呢個虎蝦醉貓炒河都係佢哋嘅招牌菜之一，個炒河真係超有鑊氣！佢哋個炒河好滑，咬落去係煙煙韌韌，好味道我哋9秒9就食晒！燒豬頸肉燒豬雞肉都係好高質！個豬頸肉外面燒到有少少脆身，但係裏面仍然好軟腍！咬落去好有肉汁，而且佢個醬都調配得好好，酸酸辣辣，同個豬頸肉超配！芒果糯米飯泰國菜梗係唔少得飯後嚟過芒果糯米飯做甜品啦！呢個芒果糯米飯芒果係好新鮮同埋好甜嘅，咬落去一啲渣都冇！下邊嘅糯米飯好甜，而且係好Sticky嘅，軟軟糯糯真係超正！佢哋呢度除咗大廚之外，其他服務人員都係泰國人，會好熱情咁用泰文去打招呼，而且個裝修亦都好有泰國嘅風貌！真係好似返去咗轉泰國咁！終於知道點解咁多人慕名而來大排長龍都要嚟食！

這家店新張不久已在區內有名氣了平日不太敢去怕要排隊所以選了在星期三晚上8點後過來過了晚飯時間但店舖內依然人頭湧湧好彩等了一張即時有得入座呢店員有些是泰國人令到整個體驗更加地道餐廳是主打在‘香港可以吃到正宗地道泰國菜’我們坐在廚房出面更加感受到一份鑊氣！先來一杯泰檸茶味道清爽好解渴又不會太甜好推薦食物方面我大力推薦醉貓炒河呢！河粉Q彈彈的好像糯米皮😍😍蔬菜全部炒到脆卜卜整體不油膩而且同樣是鑊氣十足可簡大蝦/和牛我們就試了大蝦🍤份量少少的好快便吃光光喇小食燒牛柳也相當之出色肉質好牛味重不會難以咬開對這個餐廳的評分是很不錯地方乾淨又不失街頭風味唯一缺點是食物份量比較細🫣如果是男士的話應該要吃好多碟才會飽聲明：本人所有食評均是自費，並無收取過任何餐廳之款待。

無論平日定周末，住喺附近嘅朋友話，lunch都要排十幾分鐘，但食物質素對得住價錢，完全值得呢次終於試到上次miss咗嘅船麵湯底濃郁中帶少少香辣，啱啱好唔會搶味，內裡和牛片嫩滑入味，金邊粉吸收晒湯汁，每一啖都充滿層次感。醉貓炒河係念念不忘，粉炒得乾身夠鑊氣，配上香濃泰式醬料，食到停唔到口。新試嘅粟米蝦餅外層炸得金黃香脆，中間蝦肉同粟米咬落鮮甜多汁 。沙嗲雞串燒就更加唔使講，香料層次豐富，沙嗲醬惹味濃郁，最後再加上一份椰子雪糕作結 。飲品方面，原來lunch $8一杯嘅泰茶真係超抵主打正宗泰式街頭料理，所有食材，包括香料、蒜頭，都係直接從泰國入口，務求保留最原汁原味嘅地道風味。主廚更曾喺米芝蓮級泰菜餐廳Samsen掌勺，技術一流，彷彿置身曼谷嘅街頭巷尾。 平民化價錢配上高水準出品，無怪乎泰排檔每到飯市都吸引咁多人慕名而來。下次黎一定再叫炒河同船麵！