泰昌餅家 (港鐡寶琳站)

营业中

休息中

咁啱經過地鐵站，見到有新鮮出爐蛋撻，超香😍即刻買咗幾個返屋企🙃酥皮同曲奇皮都有🤩🤩2款都都好香，蛋餡嫰滑清甜🫶不過我個人係鐘意食曲奇皮多啲因為曲奇皮夠鬆脆，口感扎實啲🥰酥皮都夠「酥」，食落口感會豐富啲，不過會比較乾

今日天朗氣晴，一早便去行山，今日天氣非常炎熱，行完山便去食早餐連午餐。我們未試過泰昌餅家食早餐。都係用QR code落單。落單後侍應便送上兩個酥皮蛋撻。原來係送嘅。我仲諗住想柯打個酥皮蛋撻添。免費有得食。我們order咗，沙爹牛肉麵，配炒蛋、火腿、蒜蓉牛油多士。牛肉比較其他茶記煙韌啲，炒蛋都幾滑，蒜蓉多士冇乜特別㗎。香煎豬扒米線：對比其他茶記，味道無特別都係一般。環境：裝修都幾古色古香，座位寬敞，服務態度誠懇。原來有紅豆冰套餐嘅，可配沙翁、菠蘿油等。下次一定要試下。

依家都市人. 成日都話要健康, 減肥, 唔好食太多肥野, 雖然我都成日咁諗XDD . 但成日行過泰昌都忍唔住望下佢D沙翁, 圓碌碌一個個. 好似好正咁. 終於忍唔到手要買返個懷舊一下!一個$8 , 今時今日物價黎價唔算貴!  我入左間鋪到幾分鐘. 基本上入黎既都係買沙翁. 似乎應該都出色表層鋪滿白砂糖. 次次一咬. 塊面都痴晒砂糖好樣衰. 哈哈. 咬落去都好鬆軟. 有蛋香. 真係唔錯呢! 呢種味道真係好耐都冇食過. 好懷念! 普通冬甩都比唔上! 希望多D鋪頭都做返沙翁啦. 正正!

假日難得去做個massage放鬆一下，行入泰昌看看有什麼好吃的，看到有新鮮出爐的蛋撻，吸引非常，便買一個醫肚子。熱騰騰的蛋撻拿在手中，份量十足，香氣撲鼻，令人急不及待要吃一口。蛋味其實不重，但勝在不太甜和夠熱；曲奇餅皮十分厚，咬下去十分鬆脆可口，牛油的鹹香味濃郁，很讚! 不愧是我心中蛋撻排行榜第二位的泰昌! 吃完後更加認為蛋撻應該要熱辣辣的吃!

今天放假去了新都城2期買衣服，買衣服前行過《泰昌餅店》，突然想起我也好耐都冇食蛋撻，又見正在是黃金$1時後(11am~1500pm),用了7.5元已經買了兩個蛋撻，我選擇了牛油曲奇皮及酥皮各一個，可是兩者的蛋撻都帶著微暖，而且好似已經製作了一段時間，兩者的撻皮都較腍身，不過都好讚兩款的撻皮都不會太厚身，但蛋味一般，質感都尚算香滑，希望下次可以食到出爐蛋撻。

行過泰昌通常都會想買個蛋撻或者沙翁過下口癮,見到眼前有一大堆沙翁,今次就食沙翁啦可惜個沙翁已經扁扁地,外面又唔算多糖,可能已經甩得7788,咬落去完全唔鬆軟...加上得反少少糖面搞到好淡口...重要都幾多油....好掛住南丫島即炸沙翁....

每次行經中環泰昌，經常都會出現長長人龍等候新鮮蛋撻出爐，然後一盒盒買走，所以即使想食都唔會買，而今日又去咗寶琳，一出鐵路站就見到泰昌，舖內只有幾位顧客，就打算入去買個沙翁～一入到去就見到蛋撻櫃，下層還放有皮蛋酥、蛋黃酥、老婆餅. . . 非常吸引呢. . . 考慮了一會，還是選擇了沙翁，大大個沙翁賣相吸引，安放在收銀旁，$5蚊一個沙翁$5金黃色的表面佈滿薄薄一層砂糖, 不會太甜，咬下去時，經炸過嘅表皮十分香口並帶點口感，而內裏則十分鬆軟及帶點濕潤，蛋味濃郁，砂糖微粒令口感更為豐富。不足之處是沙翁不是新鮮出爐，有點冷冷的感覺，而且油份較多，不過以$5蚊一個的價格來說，質素算是不錯～

未試過係泰昌買野食，見到好多都好似好吸引咁今次買左我好中意的卷蛋但原來唔好食的，不算太鬆軟的蛋糕而且味道非常之淡淡，不太甜，蛋味好少，不香口cream部分冇咩特別，少左d lor佢未到過期日都已經開始發霉，點會咁！

之前嘗過法式杏仁餅，一直忘不了它的味道，經過泰昌餅家時竟然發現它的蹤跡。我看見泰昌餅家內還有很多種自家品牌的小食，如方塊酥、杏片曲奇餅、蛋卷、芝麻餅、花生糖、蝴蝶酥……琳琅滿目，種類多不勝數，有不少更是別處所沒有的。我買了一盒法式杏仁餅，跟傳統杏仁餅不同，它是一粒粒的，其口感鬆脆而香甜，且吃後會感覺到都滿口充滿著杏仁的香味，不同的是，泰昌餅家的法式杏仁餅中有不少杏仁粒，令其口感更添變化，杏仁味更為濃郁。

今日叫爸爸去呢間買蛋撻食.其實呢間都開左一排,但係都未食過佢出晒名嘅蛋撻.沙翁:又凍又硬,而且裡面好多空心地方.開張果排都好好味,但係今次就差左好多酥皮蛋撻:酥皮真係好酥,好有層次.蛋方面又滑又香,但係唔夠實,好易淋.牛油皮蛋撻:牛油皮都唔錯,雖然幾香,但牛油味唔係太重.同酥皮蛋撻,雖然蛋面整得好好,但係好易淋.

早前用信用卡的獎賞錢換取泰昌餅家半打蛋撻或沙翁餅卷一張, 今天下午茶一於試下泰昌的招牌貨-蛋撻和沙翁選了酥皮蛋撻和沙翁各三件蛋撻由於有保溫,暖暖地不冷不熱,外皮入口即化,蛋漿嫩滑不是太甜,做為店舖熱買首選當之無愧,而沙翁外觀不錯但一咬沒有滿口沙糖的感覺而且太凍,連普通餅店的都比它强,真不明白這東西為什麽可以和蛋撻成為推薦首選.