泰正 (利源東街) (已易手) 新餐厅

中環其實好小選擇，見到有得擇青咖哩焗飯真係好吸引。我同朋友分別外賣豬扒和魚柳，無奈質素實在太低，咖哩汁太小得辣味無咖哩香味，芝士無味，飯底太爛，希望餐廳可以改善！

過年後嗰幾日，公司飯（即喺包伙食嘅供應商）暫停，所以，同事間就一齊叫外賣。晌Openrce嘅外賣自取優惠中睇到「泰正」，見佢標啲指定套餐有7折，折實價都附合我哋嘅預算，而啲套餐同事又啱食，所以，就一於嗌佢。 店鋪攝喺啲小攤販檔嘅後面，其實，利源東、西街都有好多呢啲專做外賣嘅小店，門口就喺窄窄嘅行人通道，故午飯高峰時段，真喺擠得水泄不通。門口棟咗個牌，有是日午餐供應，定價$38-$52，配小食、飲品都要另外加錢。馳名海南雞飯（套餐） $49因為喺網上預訂好，指定時間攞，所以，一去到就攞得，仲用個好搶眼嘅Openrice環保袋袋住啲食物。小弟點嘅喺海南雞飯，配白灼時菜、飲品，餐廳標原價$70，依家7折就只喺$49而已。其實，直接晌餐廳買，個飯就$52，加飲品就多俾$5（一般飲品）/$10（特飲），個時菜就可以唔使加。 白灼時菜睇到喺咩菜你就明點解散點時可以唔需要加錢要呢個時菜，一來真喺白灼，乜味都無，二來喺椰菜而已。除非你好想食菜，或好需要多啲菜落肚。 馳名海南雞飯由於屬泰式海南雞關係，醬料就只附有一小兜泰式辣醬，試咗少少，喺幾惹味，但辣度唔會好霸道，沾少少令雞肉多添另一番風味；雞肉嘅份量

每日到咗中午都好糾結要食咩，之前無聊browse中環附近takeaway抗疫套餐既時候揾到呢間收藏咗一直冇試，今日再睇翻收藏list既時候見到佢就决定試下落order唔到5分鐘就攞得，效率超高！叫咗秘制去骨豬手飯套餐，飯包白灼青菜同飲品折咗一共先$49，中環呢個價位真系冇得頂！坐低打開一睇，豬手肉份量仲好足！汁本身撈咗飯超好味！性價比超高！見到有好多人都點海南鸡飯，睇到相感覺上都好嫩好滑，下次試下先

外賣回家，無骨海南雞飯。雞味濃，，雞皮下有一片啫喱滑雪雪。正，是近年食過最好的一家！飯不油不腻，啖啖香草味，正。配上酸辣汁，不太酸不太辣，剛剛好！而且雖然是中環市中心，依然平民價，超值！

嗰度嘅海南雞飯食到我津津有味泰正果然名不虛名真係好正!未食過咁滑嘅海南雞！ 加埋自家製辣醬真係好好食啊！！！ 我都好建議大家食嗰度嘅青咖哩！ 味道十分之好，唔算太辣唔食得辣嘅人都可以考慮下㗎！ 好評！！！

係利源東街有幾間專做外賣的小店 味道唔錯 係中環黎講價錢亦都相當合理今日就選擇食泰正的青咖哩焗豬扒飯即叫即焗 返公司 盒飯都仲係熱熱地👍🏻青咖哩味好濃郁 有三色豆同青瓜粒做配菜豬扒煎得好香口 有陣香茅味飯量亦都非常多 就算男仔食都會飽

一連兩日食同一間，有冇咁大魔力？其實有時短時間內同一餐廳食幾次，是想試勻佢唔同食物，同埋測試吓佢水準是否穩定。 琴日食左個香茅豬扒雞翼飯加香茅青檸水（$48），已覺質素不錯。豬扒有咬口不是一味稔和甜，調味佳，我覺得有下次。今日試埋佢青咖哩焗飯，配豬扒，飲福茶少甜（$58）。預先用 Whatsapp 下單10分鐘後已可自取，很方便。一打開，一片青BB同焗得好香嘅芝士呈現眼前，仲見到好多青瓜粒同什豆，以為佢俾錯我左青咖哩什菜我，直至見到一角香茅豬扒露左出嚟才放心。賣相已先聲奪人，一食發現味道也好！ 青咖喱青BB滲進白飯中，很少見，因為坊間的青咖哩唔知點解是橄欖綠色的。豬扒一如以往好食，個青咖哩真的比想像中香辣，青瓜粒爽脆，中和了少少辣味。芝士夠拉絲，成個飯都香噴噴，又唔太膩，很不錯👍個檸茶都值得注意，佢有分普通同冰底兩種，前者加$1, 後者加$10。普通檸茶是冇檸檬片的，但飲落好夠味，酸得嚟好香茶味，絕對唔比茶餐廳輸蝕，大機會第時單獨翻啅呢杯茶！相信是預先沖好，入杯前抽走檸檬片。呢個做法可以增加茶量之餘，都防止檸檬泡浸過度釋出苦澀味，很細心！夠泰味又夠正，不負「泰正」之名！

第一次食呢間，叫佢d菜式幾特別，叫左一個青咖哩撈烏冬，任選兩個餸，我簡左扎肉+香茅雞翼，$41，等左5-10分鐘就攞得，幾快。但係食物質素一般，我以為撈烏冬既汁比較結，但佢既青咖哩好淡好稀，一開食冇咩味，食多幾啖開始食到咖哩味同埋少少辣，還可以，扎肉有兩片，雞翼有兩隻，香茅味係幾香幾好食。

今日公司好多booking 要做預備工作唔可以坐定定食，所以行去利源東街買外賣大熱天時無咩胃口見到有間泰式野辣辣地應該會好d，呢間外賣店好多選擇，突然見到有個酸辣豬排撈烏冬😁就揀左喇，仲加$1配凍奶茶，咖啡之類加埋只係$42，當時好多人以為要等好耐，但8-10分鐘左右就到手食晏時間都算快。返到公司一打開蓋好香酸辣蒜味令我食慾增加即刻動手……豬排已經切開小件食得方便個汁幾有層次，份量啱啱好。$1奶茶以為好似大家樂個d味道，點知同茶餐廳既有得揮，食野當然要配啱野飲啦～抵食之選下星期再去試其它食品先

午餐經過利源東街，看見餐牌上的青咖喱海南雞炒飯，聽落非常吸引所以決定一試。店員話要等15分鐘因為即炒的，更令人期待，炎熱天氣下終於等到了。回到公司一打開，令人非常失望，冇色水亦冇青咖喱味，雞嘅份量更不用多說，菜都無粒，同餐牌上嘅完全唔係嗰回事，個炒飯仲乾過紙巾，又無味，令人非常失望的一餐，不會再比機會。炒飯都好難會難食佢都係第一間。

最近有個外賣app好方便，於是我呢排就用過外賣app買lunch。呢間係其中一間比較近嘅餐廳，由於我好鍾意食泰國嘢，所以今日晏晝就叫咗個泰國 海南雞飯。而且額外加咗幾蚊要左三隻單骨雞翼。喺中環食lunch，其實都真係幾貴，每日都要$60起跳，荷包都幾痛。好過返盒返先，個海南雞都幾滑，幾有雞味，仲有一半雞件係雞髀嚟㗎，另一半就梗係雞胸肉啦。啲雞件調味都幾適中唔算太鹹亦都唔會話淡到冇味。不過落單嘅時候佢有得揀紅米飯，我揀咗紅米飯但最後俾咗油飯我，呢一點有啲唔係開心不過呢一盒醬我就麻麻啦。個雞翼都唔錯，幾好食啊。加$5就有三件雞翼，真係好抵食㗎。如果唔夠餸，我覺得可以一戰。之後補充，我食完呢一盒飯個胃頂住左成日🧐

又係中環搵食時間，上次買頹飯見隔離間鋪啲餐牌都幾靚，今次就試下呢間泰正係咪真係咁正先。佢門面好colourful，都幾吸睛，所以吸埋我去飯。佢有全日餐之類，價錢唔算太貴，around $50 野飲要加錢。於是我就買咗個海南雞配油飯返去食，飯個份量好多，不過就唔係太香。雞都爽滑，但係都係冇咩香味。佢唔但其實海南雞咁有幾款汁醬，佢淨係得酸辣汁，不過冇影到。佢個汁好惹味，又酸又辣，好開胃，食哂啲雞之後，我直頭用隻汁撈飯都得。清清淡淡好過捱茶記啲劣食，下次再去試其他。

有野做所以搵同事幫手買飯。中環有新野wo! 全日套餐，本身諗住食海南雞飯，點知賣曬⋯⋯最後揀左青咖哩魚柳焗飯，可能因為焗飯，所以都等左陣。佢比我想中像辣，但係都幾好味，好足料！

叫外賣返公司食幾次，覺得佢價錢合理海南雞又唔錯～每個部位都有比你，啖啖肉～海南雞米線可配其他餸，我每次都揀單骨香茅雞翼每次一拎返黎打開個蓋一倒湯，同事都必話好香蒜香惹味嘛～～同埋要講講佢嘅配菜都keep到嫁青瓜每次都係咁爽甜、舊蘿白好林超入味可惜得一舊～不過份量就可能唔夠一個大男人嘅份量，所以大家可以選擇食飯，豬手都好正嫁同埋每次食海南雞點個個醬汁都好好味～係中環$55價錢好抵吖～雖然只做外賣～但都吸引到我經常幫襯

一個人買外賣唔知食咩好就去利源東街睇下有咩好食，有唔同類型既餐廳，最後俾豬手飯吸引左，就叫選擇左呢間餐廳。因為幫同事買埋個焗飯，所以都要等一等先齊食物。豬手都算多，味道無乜特別，不過喜歡附送既醬，酸酸辣辣咁，幾惹味。整體上還可以，下次再食要用whatsapp落單唔駛等咁耐