泰潮 (已結業)

28-5-2013(二)是日，一個人來到深水埗的 泰潮 吃晚飯，再一次點叫了被米芝蓮封為的名物 -海南雞飯。對上一次品嚐，真的極度美味！不知是次的味道又如何呢？是次要了去雞皮的雞肉， 份量偏少，味道更出奇的差。 雞肉被切成幼條狀上桌，完全沒咬口感， 肉質鞋身，沒滑溜感； 飯並非使用泰國米，一吃便知是中國米，因較空心！飯不夠熱且偏濕潤，更是淡味，欠缺雞湯和油滋的香味，很差！埋單 $46！只是闊別短短五個月，往日的美好感覺已不復見。。。對你極度失望！

今日去左深水埗行街行到咁上下有d肚餓所以就係附近搵食！見到下午茶餐包特飲都係廿幾蚊起，決定入去試下。點了2個下午茶餐菠蘿海鮮炒飯35蚊呢個份量加特飲本人覺得超值，啲料份量足，唔會因為下午茶份量而少左，（有蝦，青口，魷魚，菠蘿，肉鬆，腰果，提子乾，味道也不錯，真係抵食之選！泰式炒金邊粉味道酸酸地，幾開胃，配埋花生碎同青檸汁的確俾海鮮飯出色份量都OK！足料唔似有啲地方得啲金邊粉啲料好似尋寶咁。當然唔少得炸蝦餅，即叫即炸，外面脆卜卜加埋泰式辣醬可以說是絕配柯打2杯特飲分別珍多冰和三色冰，不過侍應冇講邊杯打邊杯，其實2杯差不多有濃香椰汁味只係入面啲料唔同！有3色珠嗰杯，啲珠外面似啫喱裏面係冰，口感有啲怪怪地！入面格局比較普通，侍應端蝦餅來時忘記給我們醬料，見佢貼住額外醬料要收$3蚊，所以問下侍應，原來是他們忘記左俾我們。

每次聽到父親大人提及深水埗這舊區，雙眼總會烱烱有神，不無道理是由於老人家年青時候曾在這地留下不少拼搏足跡，偶爾也會帶筆者舊地重遊兼作介紹。故深水埗這極具特色的基層社區在筆者的心中更形立體、鮮明，有時也會走訪是想親身感受一下這種獨有的色彩與氣息。今天到「黃金」完成了購買電腦產品的任務後已時近晚飯時間，正在盤算著菜色之際，恰巧路過福榮街的泰潮，店內顧客不少，反正機緣巧合，不如就外賣些泰菜回家慢用吧。點了一個二人套餐A (HK$218+HK$9外賣盒費用)再多點了客冬蔭功(HK$45)，內容包括泰式去骨海南雞拼雞油飯、炸春卷、蝦餅、馬拉盞通菜以及兩杯凍飲，分別是青擰流打及咸业桔蜜。甫開外賣盒蓋，最好奇的著實是這份無骨雞肉的份量，到底是屬一人或是二人呢? 盒中雞件似乎不到四份一隻的體積。再談及食味，這海南雞的肉質嫰中偏削，雞皮爽口不肥膩，加上剔除了雞骨，吃起來啖啖肉的滋味，算是不錯，而名為雞汁的伴醬味道稍鹹。幸好在旁還有兩大碗雞油香飯可作裏腹之用，這油飯香氣撲鼻，米飯盡吸收了雞油、雞汁和葱的精華，質感鬆軟粒粒分明，每一口美味可口。四條炸春卷的餡料大概是紅蘿蔔、椰菜碎和青豆，沒有加入粉絲的春卷談

今晚一個人吃飯，在深水埗很艱難才找到一間不用等位的，於是就在「 泰潮」吃晩飯。泰潮主打海南雞飯。但我今晚想吃「泰式豬脾飯」。（$49）先來一碗雞湯，又有粒粒冬瓜吃，好清甜，湯的胡椒味好香，但湯就油膩咗少少。「豬脾飯」的份量算大，豬肉和豬皮都幾軟滑及腍，咸菜幾好味， 鹵水蛋就淡了些。 而飯我就加$5改油飯，飯算幾香，如果煮腍少少會更好。這碟飯以這價錢來說，算中上。

年29,行完花市,唸住打邊爐, 點知由旺角行到去深水埗,好多間都無開……………..唯有食其他…..只有兩間泰國菜開了, 選了呢間有少菜食.干炒海鮮金邊粉 - 原本要河粉,買曬, 轉金邊粉, 來到有驚喜, 炒得幾乾身. 幾香. 有D尢魚,菜枝,雞蛋碎, 蝦仔…….幾夠味,好好食.泰式小食拼盆 -有泰式無骨鳳找,炸蝦餅,炸春卷. 鳳找酸酸,辣辣地, 味道好夠. D蝦餅肉好彈牙,好大件, 外面又脆,好好味. 春卷裏面好似係蔬菜,夠脆口, 外面皮又脆. 招牌海南雞 - 係夠滑,但係無乜咸味, 一定要黏汁先好味. (好多人叫, 最後連雞都買曬)泰式龍眼冰 - 似片糖水……..無龍眼味椰青- 清甜, 不過D肉比較硬, 好難先括到出來. 唔夠凍,凍D會好些.份量較少,而且仲要加一. 所以都唔太便宜.

某日，開開心心去深水埗掃街看雜貨，路過「泰潮」看到有不少專訪報導，於是走入去試試。那時候不知道，這間不起眼的小店原來得到米芝蓮推介。泰潮的格局簡單，似是一間家庭式經營的粉麵小店，吃完便走，不會是一班朋友慢慢坐下聊天的那種。冬蔭功湯：首先來的是冬蔭公湯。這碗冬蔭公湯酸味較重，不太辣，香茅味略嫌不足。海南雞飯：泰潮的招牌菜是海南雞飯。雞肉份量多，多肉少骨，肉質算幾滑，味道 OK 。油飯乾身少油，但可能因為這樣味道偏淡，飯粒有些硬。香草煎蛋：香草其實是泰國臭草。這種草未煮熟之前會有濃烈草青味，但混了蛋漿去煎後，變得很香口。不過，我依然聞到淡淡草澀味，相信不是人人都喜歡。香草令蛋的內層出現一個個空間，咬下去時，軟綿綿，但層皮又好脆，好食！比海南雞飯更有驚喜。泰潮的食物不算差，香草煎蛋比到驚喜我，油飯同冬蔭功就有改善空間。某日路過，都值得再次入去醫肚，但如果以米芝蓮推介的標準來講，就會有些失色。

今日黎到深水埗黃金買電腦野，買完餓餓地，係附近搵吓有咩食先~ 搵搵吓見到有呢間米芝蓮推介的泰國菜館。眼見不用等位，心想就試一試你咩料先~!看了一會菜單，最後選了大路的泰式炒金邊粉，那是我最愛的泰國菜之一。其實選想泰式炒金邊粉，還有一個原因。就係要試吓一間泰國菜館是好是差，我認為有兩樣食物能作指標1. 泰式炒金邊粉 2. 冬蔭公！好的泰式炒金邊粉味道應集甜、酸、咸、辣於一身，吃時可因應自己口味再加點鮮榨青檸汁。上台見到，應有的裝飾用的韭菜和豆芽。調味用的花生碎和青檸角都有提供。一啖入口，像茄汁的甜味隨即散之開來，隨後酸味一點一點滲出，魚露的味道未見突出，香料的辛辣感覺適中。整碟金邊粉最大的問題在於雪藏蝦，相信蝦肉因雪得太耐的關係，大力一夾便散開。食落一點蝦味都沒有。優點是油不多，只要加少許青檸汁已經可以帶走油膩的感覺。整體合格，但未見突出。

18-12-2012是日，同事駕車帶我往兩處地方午膳。第一站：泰潮本年度泰潮又再獲米芝蓮車胎人推介食肆之一。它開業至今已有五年多，今次是我首次品嚐其美食。吃過多間泰國餐館後，我覺得泰潮比其他泰國餐館多食物選擇，另外，它是以炮製海南雞飯而聞名。 頗令人眼花繚亂的門口佈置。店內環境，午市已坐滿食客。這兒全日供應的套餐有......我和同事各自點了一客海南雞飯 ($44)。上桌時，飯散發出啖啖南洋香料的味道，雞骨大多已經盡去，夠唒方便我們這班懶人。雞肉夠爽夠滑，點上那些青檸魚露汁，更是惹味。 值得再來！

星期六, 深水埗福榮街食店間間都多人, 見佢無乜人就入去試吓...話晒都家鄉野~食物: 我叫左雞飯同豬脾飯, 味道可以, 但始終搵唔到泰國風味係邊...雞油飯係應該自然淡黃色, 唔駛加色既~ 雞件ok, 無骨, 滑, 有雞味~個汁ok~ 酸甜平衡.....但係想要多個汁竟然要收$3豬脾飯...有豬腸? 咩省份既泰菜? 汁就杰杰咁...飯又淋...搞到分得唔係好清楚食緊乜....又無調味汁點...無乜感覺.....最好都係碗湯~地方服務:整潔有禮, 但係成間舖唔坐唔夠四個人, 留位唔比坐, 但係我坐左咁耐都無人來到....呢度要收加一....我張單$98, 佢收$10加一.....加埋係108....另外呢度係五毫子都唔收....真大牌....唔怪得加一收得咁齊整.....無下次...係咁先....又一間名過於實既食店.....

深水埔的食肆真的多得嚇人，但能長久做下去的確實不多，這間泰潮不經不覺做了一段時間。今天走入去吃他的招牌，泰式海南雞飯。泰式, 有開胃菜, 有酸汁, 合格吧~ 雞是滑又無骨，但雞中間的膠質層就…　至於雞油飯我還是覺得勝利道的小店最香

服務員態度好差一入去就一直在度爆粗落單好快就上菜青瓜沙律好辣，食落一都唔覺開胃敗筆系D醬，聞落去同其他泰式沙律唔同，D味怪怪地D老火湯雞粉味，太鹹個海南雞飯都好快就到D飯好硬，唔夠入味，同屋企煮果D毛分別不過海南雞好好味嫩滑鮮甜多汁點D汁反而仲冇咁好食D汁應該擺好耐跟餐加十蚊要咗杯 珍多冰唔錯椰汁好濃郁起碼飲一啖就可以試到椰汁戈淳香

一直以黎電視都成日介紹，今次終於去試！！海南雞！因為揀左脾既關係，真係舊舊都好滑，一ｄ都可＂鞋＂！！不過吾知點解得一個醬..........無海南雞豉油有d失望泰式豬髀飯: 包埋蛋,酸菜同埋豬大腸!!!酸菜麻麻,無味既....豬大腸好入味，整得好林，正！！豬髀簡直YUMMY!!!個皮爽爽地，Ｄ膏林林地，Ｄ肉好鬆軟！！３重口感加埋飯，撈個汁，滿足香草煎蛋：外脆內軟！！好似Ｄ綿花甘，好香口！！食既時候有淡淡蛋香再滲Ｄ香草味，好特別，值得一試！！！２個人再Order 2個野飲!!埋單$180!!!食到飽晒了!!!!!平民化既泰式之選!!!

約朋友食飯, 朋友提議試下呢間入到去完全唔洗等位, 有幾個唔係好識廣東話既人招呼, 個樣有D似印尼人叫左個青咖哩雞, 又叫左個波羅海鮮炒飯個青咖哩水汪汪, 冇乜味, 唔辣. 雞得幾件, 梅的, 極唔新鮮<-這不是雪味, 雪藏咁簡單, 而係口感是梅的, 咬下去是林"ber ber"的, 雞肉完全喪失了彈性以上的都不是重點, 重點是 "波羅海鮮炒飯"我掛住同朋友傾計, 一時未有留意, 點解D飯咁難食, 又咸又唔知點.之後睇真D, 點解冇海鮮既? 點解冇波羅既?再睇一睇張單, 咸魚雞粒炒飯? 有冇搞錯?我生平最憎食咸魚! 亦重來唔食咸魚, 亦唔食得! 我立即有作嘔既感覺!疑似印尼人: 因為我食過, 所以冇得換, 佢亦同我講佢地冇晒"波羅海鮮炒飯", 我懷疑佢地冇晒就求其比個飯我, 我亦都冇再食落去, 浪費左我既錢.

平時行開都無入去，今次想試下新野。中午時份唔系好多人，入去就有位。打開睇餐牌，原來系食雞的！男朋友點了海南雞飯（約46元）：雞味一般，但配菜很好食，我中意我點了肉片檬粉（20元）：湯底很好味，男朋友試后說我的粉還吸引過他的雞飯。但系！！！！！！！！！！！！！食到一半發現了一條菜蟲，幾大條的！！！但系男朋友說有菜蟲D菜新鮮！無奈~！之後再發現第二條蟲哩個唔系新鮮先有的蟲吧！？其實有菜蟲我都唔介意的！但系一見到第二條蟲，胃口立即無了！同男友即刻走人。不會再幫襯了！！！！！衛生環境令人擔憂！

食過好多海南雞飯~包括香港, 馬來西亞, 星加玻...始終覺得呢度最好食..1. 冇骨 大啖大啖肉,岩晒食肉獸2. 油飯香好多油飯都食落好油呢個又唔怕wor (雖然都係好多油)一送上台就覺得好香!3. 唔怕"鞋"雖然都知係冰鮮雞~但係有d都整到好鞋, 呢度既就唔怕啦...總結:由佢開張得一間到而家變做兩間, 間唔中都有幫趁下~水準冇咩點變..唔理佢係咪米芝蓮, 總之岩我胃口!雖一唔好既係坐得唔舒服, 太細太窄!