泰潮 (已結業)

去完黃金廣場，例必嚟呢條街掃下...又唔係太餓之際，行行吓眼見$20.有個粉餐、又即管試試我要了一個雞絲金邊粉/另再加$5.鸭肉，變為雙拼粉湯底唔係太咸，雞絲唔算太'鞋'口，可以接受而.鸭肉就唔多入味，真係淡淡然$25.的價錢，還要要求怎樣，收货吧!

男友好泰食，近近地去了深水埗尋得「泰潮」～「泰潮」的招牌標明多個明星推薦以及入了２０１１年的米芝蓮～價錢卻標得非常中肯，店細細的，加上店員的口音，的確很有泰國ｆｅｅｌ～本來想叫餐，可是男友不好雞，而我又是嗜雞者，決定散叫～一個海南雞飯套餐，散叫一個水牛腩，再加一碟雞肉串燒加多一碗白飯～海南雞飯套餐－－＞那個青瓜沙律很是開胃，雞湯也十分有風味，可惜雞肉真是強差人意．．．沒有雞味，令人失望水牛腩－－－－－＞跟港式風味其實不是差太多，不過大大碗之外，牛筋也多，算是十分抵食雞肉串燒－－－－＞不夠熱，不夠香，不夠惹味．．．．以１２４元結帳（因有多杯椰汁冰）感覺還是去九龍城找泰式食店比較好．．．特是是可惜了招牌的海南雞．．．一次就夠了．．．

路經深水埗，見到這間"米芝蓮推介"的泰國餐廳，於是便入內試試。我原本想點紅咖哩豬頸肉飯，點知店員說過了六時沒有套餐，一定要散叫，原本$3X的餐變了成$5X，心感實在不化算。於是點了一個泰式滷水鴨飯餐及冬蔭公湯米粉。先說泰式滷水鴨飯︰跟餐的味精湯不提也罷。飯上滷水汁的確不錯，而且鴨也很入味，唯一要彈的就是太少飯了，食完飯還剩下很多鴨肉。冬蔭公湯米粉方面，都算OK但是湯內的蝦竟然是臭的，結果只是吃了一半便沒有再吃下去。還有一件事情讓我有一點不安，就是筷子套是循環再用的，我眼見他們把我的筷子套拿回去再入一對新的筷子供其他人使用... ...總括來說，這店很強調他們是米芝蓮推介的餐廳，但是當你入內只是點一些普通套餐，他們的職員便不太理會你，職員只會遊走於大客附近，我真的不覺得他們的食物及服務程度可給米芝蓮推介... ...

同男友2個人原本諗住點2人餐,但因為2人餐又跟2碗飯就自己散叫算~因為想食佢個泰式炒金邊粉~幾好味~甜甜地咁我地2個人點左1個例牌海南雞~D雞都幾滑~1個泰式金邊粉~4隻香芧雞翼~幾香口~1個炒椰菜花~有少少SPICY!好野味!!!!飲品就飲青檸梳打~唔會太甜~~因為本身就唔鐘意飲椰汁野同埋太甜都唔太接受~~所以果D咩三色冰之類龍眼冰真係無乜興趣青檸梳打算係最岩口味了~~埋單$190蚊~幾抵食~~~

之前睇電視節目介紹海南雞，今日專程去深水埗買外賣返屋企，我要求加多少少醬汁，但老闆娘回答：「跟個份量係咁多就咁多啦」，態度唔好都算，但海南雞無雞香味，賣相失敗，醬汁稀薄無味...唉...失敗

深水埗的福荣街上餐厅林立。这家泰国菜馆靠着在米芝莲上有提名，作为它的卖点。中午单人去吃，有几个套餐可选。既是泰国餐馆，笔者便选了红咖喱鸡，配一碟米饭和一小碗冬瓜汤。咖喱鸡的配料和汤汁味道是不错的，浓郁但欠辣。咖喱鸡里的鸡块数量倒是不少，但质地却是不敢恭维，又老又硬，嚼之无味，像是已经熬过鸡汤后的鸡肉，使这顿饭的水准大为逊色。以后也不想再去了。

中午時間係深水埗食飯有好多選擇,單係食海南雞飯已經有好幾間.今次去食呢間泰潮,入到去地方不大,好多都係二人檯,坐低叫左個海南雞飯,先呢一個前菜同湯,個前菜ok幾好味,個湯就好重味精無幾耐個雞飯就到,雞真係唔錯,無骨,好滑,幾好味,點個辣汁食又另一番味到.不過個飯就差d,好乾身,有點硬.見重有其他野食都好似幾吸引,下次再試.

行過深水埗,周圍搵下有咩岩食,原本諗住食下午茶.見到呢間野無乜人,咁就入去試下啦~入到去,計埋我地2個只有5個人食野,我同太太岩岩買咗一大袋野,當時大把枱,諗住坐4人枱,可以放野,點知個店員話地得2個人點解要4個人既位喎!服務真係有好大好大好大既改善空間!!!我地叫咗2個海南雞飯,一碟加$5轉雞肶,另有例湯同前菜海南雞飯>>雞無骨,肉質算嫩滑,尤其係轉咗肶個碟,飯軟硬度適中!例湯>>味道普通,都ok前菜>>辣咗d~

店內都幾多人，好彩係一人晚膳唔洗等位就入得去。叫左招牌菜海南雞飯餐，唔洗一分鐘就攞左前菜及醬汁，前菜係OK，醬汁比較甜。再黎一個味精雞湯；最後係海南雞飯餐，雞既味道都算係正常，但無乜雞味，D油飯，好似食緊生米一樣，無味之餘又好硬！唯一好味既，就只係杯熱檸水

今天放工後去了深水埗遊盪, 愛人想去泰潮食野, 我當然said yes 啦, 坐低後, 看看餐牌, 有個粉面套餐 20 蚊, 好扺食哦, 餐牌寫得套餐兩個字, 正常都不會只是一碗面咁簡單啦, 咁我們便叫了一個套餐(鴨絲湯金邊粉), 及冬蔭公檬粉, 咁個寺應便問我地飲吳飲野, 我便指住個餐牌, 問她這個套餐是否包野飲, 點知她說, 飲野要另外加錢, 分別要加 6 至 10 蚊一杯, 咁在餐牌上就吳好寫住套餐啦.......簡直誤導.講返 d 食物, 鴨絲湯金邊粉, 味道偏淡, 但都ok.冬蔭公湯檬粉, 賣相好掂, 色彩鮮艷, 望見都流水, 但食落就欠決香茅的香味, 只得個酸字.

果晚深水步行到食街捻住食海南雞飯,行左幾間鋪都係一個人都無,點知行到呢間就好多人等位,仲見到有"森美生日飯"係泰潮搞既報導,捻住應該幾好味,點知仲難食過椰林閣個海南雞飯我同我女友叫左個海南雞飯,冬陰公湯粉同一個扎肉沙津。佢呢個最出名係海南雞飯招牌菜,點知極失望,d飯好鞋,硬得黎又痴埋一舊,個雞肉叫做可以接受跟餐清雞湯,超味精!!冬陰公湯粉,小辣,但好難食,d湯竟然有生水味!!!扎肉沙津得個辣字,d辣味蓋過晒沙津既味!!!跟住扎肉撈海南雞d飯,反而咁樣仲好食...報導講到好好食,但呢間係我食過最難食既泰國菜

上網見到近幾篇的食評都麻麻，曾經諗過都係唔好去試，不過又冇其他特別野想試，就搏一搏睇下真咪真係咁不外如是叫左個2人餐，有海南雞同2個小食，再加一個菜先上既冬瓜湯味濃，海南雞不過不失啦，油飯我覺得稍硬芝心蝦丸幾好味，芝士夠多，外層有少許芝麻令蝦丸更香口豬頸肉冇咩特別，馬拉盞通菜食嗰陣就覺得夠曬味，食完後就會知鹹得滯啦!其實個2人餐都幾多野，我最後杯野飲都飲唔落呀!因為要戒口關係，試唔到佢既冬陰功湯粉，唔知味道又如何呢?總括黎講，又唔係差到咁既，但又未至於值米芝蓮推介咁囉!

同屋企人出去食lunch，第二次光顧，整體都差過第一次。最不滿係我地唔小心落單時叫錯飲品，個阿姐黑面囉！ 而家咩態度呀，好似寫多個code都唔情願咁。食咗木瓜絲沙律--- 屋企人食到有條頭髮 @@咖喱飯---- 覺得太多椰汁牛丸牛腩米--- 個牛肉湯好得冬陰功米--- 夠晒辣豬脾飯--- 唔錯飲品：青檸梳打--- 對嗜酸的我黎講，得一塊小青檸唔夠喉，唔夠酸龍眼冰--- 唔錯，有好多龍眼肉珍珠冰--- 一般，珍珠細到好似西米咁凍啡--- 唔夠甘消費共$233

尋晚去買鏡頭, 順便試試呢間海南雞飯...我同老公兩人叫左兩個套餐每人奉送一碗冬瓜湯, 味道清甜, GOOD...海南雞飯加左5蚊轉脾, 但太少餸了, 5蚊唔扺加... 雞肉尚算嫩滑, 有雞味, 油飯亦煮得岩岩好...豬脾飯肉質偏硬, 我唔喜歡, 而皮就夠淋, 好好味...整體上, 味道OK, 但始終喜歡勝利小廚多D...

侍應質素好差,反應慢,無禮貌,唔願做咁款,黑面(仲要個個都係咁!!)..明明無客等外賣都要10分鐘,最最離譜係同客人講「$44買個飯唔好咁多嘢講」聽到我眼都突埋,唉..D嘢講真唔仕係特別好食,唔想受氣都係少D幫襯。