泰濃麵 (蘭芳道) (已結業)

係銅鑼灣好小行過依邊搵食～突然周圍行下望左幾間～上網再做下功課先～就咁上網睇覺得依間好似唔錯～諗諗下又想食泰國野～一於去試新野🤣當然捉埋大家一齊陪我搵食啦～🤣一齊做喂食一眾🤪—————————————————☻非專業食評·純個人口味☻小編推介依間俾大家試試～味道唔錯亦超出小編預期～有機會小編都會想試吓其他湯底口味😋到時再同大家介紹下～或者有咩泰國野可以介紹俾小編去試🙏🙏係度多謝各位觀眾😙

今日男朋友話帶我去食一間平靚正嘅泰式餐廳，於是就走咗過嚟呢一間啦！呢度嘅環境裝修都幾靚幾舒服，我自己今次就試咗呢一個頂級美國肥牛船麵！成個湯麵真係好好食，而且我自己真係好鍾意食呢一度嘅湯底，同泰國嘅感覺好相似，有好多唔同嘅香料味道，食落去嘅時候啲面吸收晒湯嘅味道，所以好好食！而且呢度嘅肥牛亦都好香！肥瘦適中！

天氣咁凍，又係打邊爐嘅好日子!😎 但打得多都想食下啲其他食物，呢間餐廳就可以滿足你唔同嘅願望啦~😆 呢間泰式餐廳除咗有泰國食物，仲有泰式邊爐!🍲😆餐廳門口有架tuktuk，好得意!😛 可以打下卡~ 卡位幾好坐，又大又闊落，餐廳播住泰國歌，真係好似去咗泰國🇹🇭~😌1. 🐮冬陰功頂級安格斯牛肉薯粉🍜冬陰功湯酸辣味適中，好香椰香味，唔會好辣亦都夠香濃，薯粉吸哂啲湯汁， 好入味，非常開胃!😋👍 頂級安格斯牛肉無咩肥肉，肉質都唔錯~ 呢款湯底仲有好多配料，有青口、蝦、蟹柳、豬皮、丸、雜菌等等，幾足料!😎2. 招牌船湯濃湯鍋🍲🫕用牛骨熬製，湯底熬至深褐色，非常濃郁，白蘿蔔好腍好清甜，完全無渣😋👍 煲完嘅配料完全唔使點醬汁，直接食已經好入味!😛火鍋配料: 3. 日本3L廣島蠔 ($88)有5大隻，全部都好新鮮又飽滿，煮完都係脹卜卜，唔會太縮水的，食落鮮嫩creamy，推薦!😍👍4. 扇貝 ($88/4隻)扇貝好大隻，好新鮮!😍 煮都唔會縮水，好難得!鮮味十足!🤤5. 墨魚丸 ($48)有5大粒，幾彈牙，入面仲有啲墨魚粒，幾有咬口!👍P.S. 提提大家，餐廳會收醬油費$12/人🙊

一冬天jo就好鐘意打邊爐，呢晚來到銅鑼灣呢間泰菜，新出泰式打邊爐jo未試過呢就入去試下🥰.一入門口已經見到tuktuk 車好懷念！即打下卡😎係卡位坐低，好闊落舒服🥰餐廳播住泰國歌感覺真係好似係泰國！.🍲招牌鴛鴦湯底 $128🥓頂級美國肥牛 $168🐟炸魚皮 $38🥟韭菜豬肉餃 $48🍢牛肉丸 $48🥬唐生菜 $28🍜金邊粉 $25🍹碟豆花 $28🥥椰青 $48.老公太愛辣，同佢打邊爐一定係鴛鴦最好🤣揀左冬陰功和船麵湯底，船麵湯底打邊爐真係第一次！搭金邊粉、牛丸和肥牛好正！冬陰功湯底越食越辣，老公仲掉咗對指天椒落去🌶煲🤭佢食得好爽🤣再飲啖椰青勁夾🥰.呢間坐得舒服價錢親民，除左打邊爐都有好多泰國小食和粉麵，係附近唔想食咁貴可以試下！

喺附近行開街，行到過嚟，見到呢度有泰國快餐，所以入嚟試吓。老婆鍾意食蠔又鍾意食辣，所以叫咗個廣島蠔冬陰功湯麵，而我就勁鍾意食海南雞飯，所以就試吓呢度嘅泰式海南雞飯，再加個腐乳生菜。個冬陰功麵賣相非常好，冬陰功湯偏酸，唔係我鍾意食嗰種有較多椰汁嘅冬陰功，不過老婆覺得OK。至於我嘅海南雞飯，有味飯非常好味，由於我哋加咗$8轉雞髀，雞肉亦都嫩滑👍🏻至於蔬菜，係靸菜再加一碟腐乳醬，腐乳長期好味道唔知係咪因為泰萊冇食。重複來講我覺得呢間餐廳味道OK

因為天氣好凍，🥘所以還是打邊爐比較好，這一家銅鑼灣的火鍋店，🍜最近推出新的餐牌，有冬陰功湯底和船湯湯底，🍲看起來很吸引，所以晚餐就和朋友來試一下。我們叫了幾樣配菜🥦都覺得很好吃，生蠔夠新鮮，而且粒粒飽滿，🦪非常鮮嫩。牛肉油花分佈均勻，而且鮮紅色，非常香濃的牛肉味🥩。生菜夠爽口，🥬索了湯汁之後，更加香甜。🐤無骨鳳爪清新爽口，🌶泰式辣汁更加香辣開胃。dinner之後，🥰我們還試了一下佢哋的飯後甜品，🥥特色椰汁糕一直是我的最愛。用傳統的蕉葉包著，🥢椰汁糕味道香濃，超級好吃，椰奶味好出，口感軟之餘好綿密。

HAPPY 2022呀！🥳 新一年㊗️大家事事如意 最緊要過到自己想要過嘅生活🤤 趁住2021完結前天氣又涼涼地 緊係要去打個邊爐慶祝下☺️ ◍「芫茜清湯鍋」🌿 $88清清地簡咗個芫鍋 可以保持番食材嘅鮮味又健康🤤◍「黑䐁肉」🐷 $88大推呢度嘅䐁肉🤤絕對唔比牛肉差 食得出鮮味！◍「扇貝」🦪 $88呢度嘅海鮮相對嚟講都比較抵食🤤款款都係$88 今次選擇咗扇貝 大大隻鮮味十足🤤◍「鮮蝦白菜餃」🥟 $58打得邊爐都一定要食餃 今次試咗白菜餃都唔錯🤤比起韮菜餃多咗一種鮮味◍「雜菜拼盤」🥬 $58另一抵食之選就係呢個雜菜拼盤 真係食菜都食飽🤤一個拼盤包晒所有菜 必試！💚

本身諗住同朋友去間café，點知full晒， 唯有去第二度啦，行行下就比我哋見到呢間餐廳，門口貼滿打邊爐嘅餐牌，初時朋友問試唔試，我仲話佢午餐打邊爐咁重口味，點知望真d原來有其他野食，泰國船麵、豬手飯都有，於是抱住唔想煩再揾其他野食同是但啦嘅心態去試吓。我叫咗個冬陰功雞肉金邊粉，結果真係令我好驚喜。首先冬陰功湯嘅酸味適中，亦都夠濃，非常開胃。冬陰功湯底一般都會有d雜菌，但呢度就唔止，食食吓我發現咗隻青口，再食食吓有隻蝦，再食仲有蟹柳...真係估佢唔到有咁多料係個底到。呢碗野仲只係60幾蚊，呢區食野都算幾抵食，今次真係錯有錯著，試到間唔錯嘅餐廳😋

泰濃麵 (蘭芳道) (銅鑼灣).成日係港島嘅我倆，發現左呢間抵食而且個船麵好好食！.▪️泰式鳳爪，青木瓜沙律▪️.買咗兩個容易入口凍冰冰嘅小食先，鳳爪好爽口又酸甜好開胃.▪️泰式小食拼盤▪️.泰式小食拼盤入面包左雞翼，蝦餅同埋炸雲吞。雞翼真係新鮮熱辣煎好，蝦餅都唔錯！.▪️烚生菜配秘製腐乳醬▪️.呢個腐乳真係幾出色，要一大碟生菜先係$29，個腐乳醬又夠濃令到個生菜即刻好食左好多！.▪️雞脾肉船麵▪️.我揀咗船麵湯底同埋要河粉，滑脫脫而且好入味，個湯底超濃郁，雞俾肉份量有好多，仲要有啲炸豬皮同埋兩粒丸，超級推薦大家食！.▪️頂級安格斯牛肉冬陰功湯麵▪️.如果好似我男朋友咁酸辣嘅冬陰功湯，咁呢個冬陰功湯底嘅船麵就最適合你不過！夠酸夠惹味!!.食得泰國野，飲品梗係唔少得嘅就係椰青，基本上我每次見到價錢合理都會叫。男朋友就一定會帶青檸梳打，呢度嘅椰青好新鮮好好飲(⁎⁍̴̛ᴗ⁍̴̛⁎).📌 泰濃麵 (蘭芳道) (銅鑼灣)銅鑼灣蘭芳道13號地舖環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

試過一次泰濃麵🇹🇭，一直心思思想encore，今次再嚟到嘅時候，見到新出咗個泰式邊爐，就嗌咗嚟試下啦🤤😚 招牌鴛鴦湯鍋🥘 $1281️⃣招牌船湯濃湯鍋⛵呢個湯底就係船河湯底升級版，湯底越滾越香濃，蘿蔔更腍更甜，完全無渣☺️ 2️⃣正宗泰式冬陰功湯鍋🌶️湯底非常香濃，酸辣味較重，不吃辣朋友要慎重考慮(唔係就辣到噴火喇🤪)另外會附送一碗椰奶，可根據個人喜好分量而落，加咗落湯就更加香滑😙 花雕雞件🐔  $88每一件雞件經過醃製後，充滿花雕香味，食落嫩滑無比 頂級美國肥牛湯河🐂🍜 $69肥牛分量算多，湯底夠熱夠濃味，加上幾塊特製嘅炸豬皮，令到整碗粉更有層次 扇貝(4隻) 🐚 $88每隻扇貝都好鮮甜，而且食落冇沙。 泰式青檸梳打🍹 $28甜甜酸酸，好開胃🤤 整體來說，新餐牌的泰式邊爐好唔錯，快d試下喇☺️ 泰濃麵 (銅鑼灣) 銅鑼灣蘭芳道13號地舖

泰濃麵 (蘭芳道) (銅鑼灣)📍銅鑼灣蘭芳道13號地舖🤍喺銅鑼灣希慎行完街，買咗部iPhone 13，行出去見到間泰式店有火鍋，就入去試試 😍👉🏻招牌船湯濃湯鍋$98由泰國人主理的船麵，船湯底用超過20種材料熬煮超濃湯汁，有南疆、香茅、青檸、花椒、八角、桂葉、丁香、胡椒、芫荽根、斑蘭葉、蒜頭等等，仲有其他由泰北搜尋回來的香料，再加30斤豬骨熬製8小時，過程不加味精，銅鑼灣火鍋限定，個湯係火鍋度越煮越濃今次既打邊爐配料就叫左以下既食物：👉🏻蝦滑$88大大舊即打蝦滑，爽口彈牙，味道新鮮！👉🏻炸魚皮$38👉🏻午餐肉$38👉🏻娃娃菜$28👉🏻韭菜豬肉餃$48👉🏻日本稻庭烏冬$28👉🏻出前一丁$18🤍調味料每位$12包括蒜蓉、蔥花、辣椒、豉油。🤍火鍋全單八折🤍除左火鍋之外，店舖還提供一啲小食類，麵類，飯類等等。值得一提，午市比較出名既有泰式海南雞飯泰式豬手飯食！🤍餐廳座位設計是一架篤篤，幾有泰國特色，另外有一盒炸豬皮或炸蝦片可外帶

一進店，店員已很熱情的招待，地方寬敞又企理，坐下吃飯很舒服～原隻波士頓龍蝦海鮮金邊粉（冬陰公湯底）～龍蝦肉彈牙及大隻，仲有好多蝦膏，吃起來有龍蝦味；而冬陰公湯底亦超正，酸辣味香濃，帶著淡淡的椰香，一口接一口～黑豚肉船湯薯粉～很正宗，都是用炸豬皮的香味作吊味，湯頭濃郁，黑豚肉有很多，絕對夠伴完一整碗麵，除了豬肉，還有兩粒白魚蛋跟麵，推薦～泰式海南雞飯～雞肉十分嫩滑，雞皮爽脆，跟雞的辣汁很惹味～泰式小食拼盤（蝦餅，芝士炸雲吞，炸雞翼）～泰式原個新鮮椰青～新鮮青甜又大個，解渴之選～泰式龍眼冰特飲～很好喝，很香濃龍眼蜜味，龍眼肉也有很多粒，抵飲～

踏入冬天，日日都想打邊爐🥶唔同湯底都試過🧐就係冇咩點試過泰式湯底🇹🇭今日就去咗泰濃麵打邊爐😍佢地有船湯底同冬陰公湯底，當日試船湯～🍽  招牌船湯濃湯鍋泰式船麵湯底做邊爐真係第一次試😝湯底深啡色，牛骨湯底一放上邊爐開始滾已經好香，濃而不膩😆頂級安格斯牛肉💰198一碟大約有十二塊左右🐮肥瘦相間，牛味香濃，而且仲吸曬湯底精華添日本3L廣島蠔💰88煮完唔會縮水的🦪隻隻都靚靚仔仔，唔小心煮耐咗啲都仲好嫩口🥰咬入口會爆醬出黎仲有重重鮮味，值得一試‼️鮮蝦白菜餃💰58隻隻都脹卜卜，餃子皮滑嘟嘟🥟又唔覺厚蝦肉爽彈配上白菜餡，仲見到啲啲紅蘿蔔線增加脆口😍推薦！雜菜拼盤💰58呢個好推薦😂一盤超大幾抵食！有好多生菜同娃娃菜，雞脾菇，番茄仔同栗米💁🏻‍♀️叫咗一盤就真係唔洗再擔心食唔夠蔬菜啦🤫墨魚丸💰48大大粒🐙偏彈牙唔會好粉質，仲食到粒粒墨魚粒整體食物質素都相當不錯，價錢小貴但仲係可接受範圍之內😆不過提提大家，餐廳會收番每位12蚊醬油費～

今晚同屋企人黎左e間餐廳，之前中午都食過麵，晚上原來有火鍋邊爐，配料仲做緊特價。餐廳都裝修都幾地道😆有卡位同小圓枱。平時泰國船麵食得多，但用船麵湯底打邊爐都係第一次。湯底好香又味道非常濃郁。入面有白蘿蔔好入味。配料方面點左墨魚丸，黑豚肉，扇貝&薯粉。墨魚丸🦑好彈牙，入面仲有粒粒墨魚。黑豚肉🐷肉質嫩滑，口感帶少少爽爽地。扇貝，超大隻，味道好鮮味。薯粉吸哂湯底🤤口感好Q彈😋飲品要左椰青，好鮮甜同清潤🥰

呢一間餐廳主打泰式風味佢哋而家有新推出火鍋打邊爐啱晒依家香港咁凍嘅天氣特別聖誕將近 真係幾凍㗎約埋三五知己去食打邊爐放題 真係好唔錯的再加上佢哋嘅打邊爐都有好多唔同嘅選擇 同酒樓一樣都有好多款式俾大家揀 同埋佢哋嘅份量十足同埋有好多款公園或者肉丸選擇 仲有佢哋嘅湯底都好多我哋揀咗清湯 但係佢都有好多蘿蔔配上香菇有自製嘅調味料同埋佢哋嘅金邊粉特別推薦質感好軟熟 好好食入口即溶 仲有佢哋嘅泰式拼盤同埋海南雞飯都係特色之一