泰禾美

营业中

休息中

平安夜諗住食好啲，諗住叫個炒蟹嚟食吓，咖喱炒蟹$300，呢個真係超級大伏，應該係肉蟹？但又冇乜肉🥲然後又好細隻，$300好似食空氣咁。。。真係超級伏，呢碟嘢比佢$100都多🥲唔建議食呢個咁嘅炒蟹，不過佢咖喱係好食嘅，但係真係完全唔值呢個價！建議食返佢其他炒嘢起碼唔會嬲先🥹我最推薦都係佢嘅炒飯同埋河粉，兩個都好惹味，好香好好食。豬肉生菜都係正常味道，都不錯。最鍾意食佢嘅烤雞半隻，燒得好香個雞皮係脆嘅，肉質好嫩。

昨晚嚟泰禾美補返做冬晚飯，佢哋馳名嘅燒烤例如串燒、炭燒豬頸肉真係名不虛傳! 要試一間泰國菜得唔得，第一道一定係要點佢哋嘅豬頸肉。豬頸肉燒得好香，唔肥膩，最緊要肉質鮮美。呢間泰國菜最重要係唔使加一收費，泰好味泰貼地！🇹🇭

吃了多年不同地區的泰國菜，頭一次吃這些超差的泰國菜！開始時的菜式都不錯！飲品都ok!直至我哋叫了青咖喱海鮮，發現水多過汁，有要求職員更換，卻講不能換！要再點選多一款咖喱自付！隔離食客好心幫口講，最後都是不能換！我老婆有多次提對方更換，對方無再理會，堅持叫我們再另選小菜，但一樣要付款，不會補回同樣的菜式價錢，服務超差！不會再幫襯！下次不會再來，也叫朋友不好光顧這店！真心非常差勁！泰禾美這個名已臭晒了！

今次去到九龍城，主要目的係慶祝朋友生日，而壽星自己揀咗呢間餐廳，所以就試咗呢間泰國菜🇹🇭——🇹🇭🍽️· 🐖燒豬頸肉 - 中規中矩，食落口唔會有驚喜嘅感覺，係平時食到嘅味道 · 什錦拼盤(S)（炸蝦餅、春卷、串燒）各2件 - 感覺一般般，炸物相對黎講都乾身，蝦餅冇乜蝦味，春卷都比較油膩，串燒唔係好夠味· 泰式炒通菜（🌶️） - 炒得幾好食，辣辣地，而且通菜炒得爽脆，唔會太油膩，辣味都恰到好處· 白灼司奄 - 之前喺泰國嘅時候唔小心叫咗個血司奄，真係完全唔夠膽食😂 而呢道菜我都係未接受到所以係無食到，啲frd話都有啲腥😿· 🦐生蝦刺身 - 啲蝦幾爽口彈牙🤤，好新鮮，肉質好鮮甜，加埋蒜頭一齊食，真係一流· 肉碎生菜包（豬肉） - 食落去會比較鹹甜，但係唔會太突出· 泰式黃咖喱（雞🐔） - 唔算係好濃郁嘅咖喱，帶有少少辣味· 特式薄餅 - 薄脆嘅餅皮幾香口，加埋咖喱一齊食係絕配· 🍍菠蘿炒飯 - 上面有啲肉鬆，食落去比較香甜，帶有菠蘿嘅香味，都幾好食～——🥤飲品方面，就一定係泰國餐廳🖊️有嘅象啤🍺 、泰式奶茶🥛、椰青🥥另外仲有咸檸七🍋，特別係泰式青檸檬茶☕️ - 酸酸甜甜，好解渴——總括嚟講價

見到呢間比另外一間「泰美X」好評好似多啲，所以諗住比較一下試吓🟡青炒椰菜苗正常味道OK🟡燒雞翼個皮有啲脆都OK 但係其實食落去又唔似BBQ嗰隻燒雞翼味 應該係覺得佢個味道唔係好濃佢期望有啲大 所以有少少失望🟡炒河簡單啲類似乾炒牛河但係跟住轉咗豬肉碎都可以嘅🟡燒鯽魚肉質各方面都可以，不過太近內臟位嘅話都有啲腥臭味🟡燒牛肉呢碟係我有史以來淨係食一啖嘅燒牛肉 完全唔係食開嗰回事🤣🤣個味道好怪又硬 又冇牛肉味絕對唔建議

想食泰國🇹🇭嘢，第一時間就會諗起九龍城！九龍城泰禾美是一家優質平民食堂，提供著各種泰式美味的菜餚，價格非常合理！（媲美深圳‼️）🦐泰式生蝦：蝦肉新鮮彈牙，配合秘製醬料，生蒜及辣椒，目測大部份乘客都有Order 🌟🌟🌟🍢各式串燒：秘製沙嗲醬口感豐富，串燒牛，雞略嫌乾身🐔燒雞翼：我鍾意食～😙🎼 港人至愛嘅燒雞翼皮脆肉嫩，烤肉香氣令人食慾倍增🌟♨️炒金邊粉：金邊粉炒得恰到好處，配以風味調味料增添層次感🌟食評指數：8/10💁🏻‍♀️人均消費～HKD160🗺️ 地址： 九龍城龍崗道11-13號

九龍城服務好，抵食又好味嘅泰國菜！🇹🇭😋 每次黎九龍城都會食依間- 泰禾美😝 而且就算由晏晝5點幾開始排都一樣咁多人，人氣頗高🌟 炒金邊同炒飯好夠穫氣，材料十足同味道正宗！😋 炸蝦餅都好值得一試，彈牙有蝦味😝 螄蚶亦都好新鮮，個醬好好味😆其實每一樣都唔錯，好有泰國正宗風味。🌟1️⃣泰式炒金邊粉🌟2️⃣泰式蝦醬炒飯 🦐🍚🌟3️⃣青木瓜沙律 🥗🌟4️⃣炸蝦餅5️⃣泰式燒鰂魚🐟6️⃣泰式炒通菜🌟7️⃣沙嗲串燒🌟8️⃣白灼螄蚶9️⃣芒果沙冰🥭

今日同老公去咗九龍城Divine 享受泰式按摩，之後就過咗去呢間泰禾美食晚飯。之前每次按摩後，都會食呢一間，每次嚟到都好多人，今晚都唔例外，出面都排晒長龍。點解成日過嚟呢間？因為我覺得呢間性價比好高！價錢唔貴，份量一碟算好多，而且好食，每次兩個人嚟食都食到好飽。串燒呢度好食，今次叫咗雞全翼，燒到啲雞肉好滑！唔使點沙嗲醬都好味。泰式炒通菜，夠鑊氣惹味！今晚唔係食泰式炒金邊粉，叫咗個炒粉絲(都好出色)。最後試咗個新菜式，茄子炒豬頸肉，都幾特別。唯一缺點係泰式奶茶太甜😂

老闆娘。您好叻好堅強。您要加油🫡🫡您個種親切笑容❤️❤️我真係好鐘意本身睇到YouTube 介紹。媽咪又係泰國人。就放膽再博一博。試一試因為香港真係無邊間泰菜係好味😑入到去。待應已經好好招呼同簡單講述自己要寫號碼落單。係星期日晚上十點半。都可以全埸坐滿諗住上菜一定慢。點知比預期快除左串燒比較耐小小。真係食到泰國風味。同埋泰國人個種人情味價錢真係好抵食。我最愛生蝦同＊海Ken＊ 好新鮮🥰🥰側魚都好大條😉同泰國食個隻一樣味😆寸燒。雞。牛。豬。雞腎個雞腎勁正😚完全唔＊Un＊又係有驚喜😋😋芝心蝦丸勁大粒😅😅上台個陣嘩左幾聲😆好好味。好彈牙飛天通菜都好大碟。好有獲氣不過都係唔夠辣😆😆下次要加辣Pai Thai 比預期中好味好多。有驚喜平時好小食。因為間間都整都有種甜味紅咖哩雞 + 薄餅我覺得可以辣返多D😆😆唔夠辣我就飲左芒果沙冰好甜。好好飲。唔係假甜個D糖水味。係真材實料嘅芒果打碎媽咪就飲椰汁冰。老公就飲泰式咖啡。都係好好飲

又黎九龍城食泰菜 實在太多泰國餐廳今次揀呢間價錢中等 唔算好貴有兩個舖位 6點半食已經滿左一半！泰式炒金邊粉 ($58)一黎到炒得有點濕 不過之後就乾身翻d唔算好多料 有蝦 豆卜 味道少酸 都幾好份量味道同價錢成正比 可接受😌黃咖喱青口 ($128)黃咖喱偏貴 不過有海鮮揀 對比翻又ok有6隻青口 每隻都幾大隻 唔靭 冇沙👍🏼黃咖喱少甜 唔重咖喱味 都冇咩椰汁味有點失望🥲 不過都適合撈飯所以另外都叫左蒜蓉包 ($30)有6塊 太重蒜蓉味 點落個黃咖喱到完全蓋過左咖喱味 仲偏咸左可能都係同薄餅/白飽夾d同埋係蒜蓉包唔夠脆 可以香口d飲品叫左泰式奶茶 ($25)同一般泰式奶茶一樣 都係偏甜但都可以接受 味道正常整體唔係話特別好食 唔使加一九龍城黎講都可以一試嘅～

餐廳📍泰禾味地址：九龍城龍崗道11-13號菜式：泰國菜適合：朋友聚會、宵夜價錢：$$整體評分: 8.9/10回頭指數： 9.5/10 （性價比高）九龍城有小泰國之稱，偶爾發現左一間性價比高、又平靚正嘅泰國菜宵夜，小編每個月平均會食一、兩次，而家每次嚟九龍城，第一時間會諗起泰禾味❣️燒豬頸肉 $78 有炭燒嘅味道，生熟程度剛好，肉質軟嫩，配埋泰式辣汁，非常配合❣️泰式酸辣鳳爪 $58 每次食泰國菜必點的菜式，就是泰式酸辣鳳爪。泰和味的鳳爪酸辣到適中及入味，鳳爪爽口彈牙無骨，最重要係泰式酸辣汁調配十分惹味😍😍❣️泰式炒通菜 $58 有穫氣夠同熱辣辣既泰式炒通菜的確惹味，唔會太鹹或太辣❣️泰式紅咖喱雞 $78 原本想叫個咖喱配蒜蓉包，以往是叫開青咖喱，今次想改試紅咖喱，但比較一般，如果配搭蒜蓉包，還是青咖喱或黃咖喱比較合適❣️蒜蓉包-6件 $30 熱辣辣既蒜蓉包，鬆脆之餘，蒜蓉味足夠，是配咖喱不二之選❣️泰式蝦醬炒飯 $48加咗炒煎蛋在泰式蝦醬炒飯面，而剛好襯出蝦醬咸鮮甜香米飯味道。❣️椰青 $35

這家第二次去了，價錢算平，味道一流，但要早點去先有位，過左6點要等好耐先有位，太多人了位的距離有點窄，但都可以去接受，都係個句，早去早揀位前菜來個酸辣鳳爪，打開了我的胃，但辣度超出我界限，第一次試獅奄，配上酸辣汁，好正，食唔停口，青咖喱點薄餅，唔辣又清新好食，拿來送炒飯仲正第一次叫燒鰂魚，估唔到咁香口，配上酸辣汁又係食唔停口，太香太野味了仲點了我最愛的炸蝦餅同生蝦，無得頂，配支象啤，簡直快活過神仙，正

高質超抵價泰國菜餐館🥘🍤泰式檸檬燒牛肉 $118🥩泰式蟹肉炒飯 $58🍚🦀超抵價推介 但略嫌唔係好多蟹肉泰式炒通菜 $58沙嗲串燒（牛肉、雞肉）$13/1串平民指數：🌟🌟🌟🌟好吃指數：🌟🌟🌟🌟———————————————————-泰禾美地址：九龍城龍崗道6號營業時間：1800-0600#泰國菜 #泰禾美 #泰國美食 #香港美食 #九龍城美食 #九龍城 #thaifood #hkig #hkfood #hkfoodie #hongkong #hkfoodblogger #hkfoodlover

之前上open rice 睇食評感覺幾高質所以食過一次，個芒果沙冰係我地再食第二次既原因，飲得出用真芒果打成，唔係個啲人工合成味，而且大大杯先$25，其他泰國餐廳最少$30起,仲要多芒果，大大大推。另外大大大推係佢個炸全翼，超抵食$15 一配泰式醬好正，食完再叫多左次，係好上口。我地仲叫左個明爐烏頭，承惠$168，比出面既泰國餐廳平少少但係分量都好少，二人既話就剛好但如果三人或以上會唔夠分另外仲叫左飛天通菜（$58）但真心依個唔推介，完全冇泰國風味，啲菜炒得唔夠鍋氣，有啲硬同冇咩辣味，同其他泰國餐廳比就比下去了～另外想講餐廳既員工都好好，我地兩個人比張4人枱我地坐，開頭以為要搭枱，但原來佢係比哂成張我地坐，坐得好舒服，環境都好好，乾淨企理，推薦大家try try尤其係沙冰類既飲品，我地仲叫左奇異果沙冰（$25），都係好高質只係唔記得影，滿滿奇異果味唔會死甜～

每次想食泰國菜都會黎泰禾美🫢琴晚再次黎食宵夜，嗌左啲未試過嘅菜式😆🤌🏻泰式酸辣鳳爪 $58 🌕🌕🌕🌗🌑辣度：🌶️🌶️🌶️🌶️食完第一啖，即刻辣到上腦，要即刻飲返啖凍嘢解辣😂雖然辣到頂唔順，但又幾過癮，食下食下就食曬成碟🤣鳳爪肉都好爽👍🏼如果可以冇咁辣就好啦～🍜泰式酸辣湯河 $38 (+$10豬頸肉) 🌕🌕🌕🌑🌑辣度：🌶️食完個鳳爪之後，好驚呢個河粉都會好辣，點知佢同鳳爪完全係兩個level🤣呢個一啲都唔辣，個酸辣湯都好開胃，河粉質感正常。豬頸肉唔係燒嘅，但都幾淋，味道唔錯👍🏼整體未到好出色，唔係必食，不過勝在價錢抵。🥩泰式檸檬燒生牛肉 $118 🌕🌕🌕🌕🌗成餐最滿意最好食嘅餸😍😋牛肉好淋好有牛味，但如果齋食舊牛係冇檸檬味的，要點埋佢比嘅泰式檸檬醬汁先有檸檬🍋味。個汁既帶檸香，酸酸甜甜，亦都唔會搶左牛本身嘅味，為道菜畫龍點睛😆但牛肉有少少生，仲有啲血水，如果驚食生牛肉嘅可能未必適合🤔🧋泰式奶茶 $25 🌕🌕🌕🌗🌑有被驚艷到，個人覺得好飲過喺泰國旅行飲過嘅咁多杯泰奶🤣唔會太甜之餘仲有茶味，一倒我對泰奶嘅壞印象xdd如果大家黎九龍城食泰國菜，推薦大家黎食泰禾美👍🏼