泰興泰國小食

营业中

休息中

海南雞飯是我戒不掉的瘾之一，每過一段時間就會想吃九龍城對我而言太遠，自從發現了位於瑞和街的泰國食店，這食店便成為我吃海南雞飯的飯堂飲品是送的。青檸冰很甜，連我這位無甜飲不歡的人都覺得太甜飯的份量比以前去過的泰妃雞及泰國人海南雞多，女士一定夠吃。雞的份量也足夠，吃過幾次都覺得不錯，這價錢當然不能有太高要求 舊式街市食店最大的問題是沒有冷氣，夏天的日子根本難以忍受。但這食店一邊是街市的半密封式外牆，所以即使5、6月去，間中會感受到自然涼風，店內氣温比想像中能接受

在觀塘左碰右碰, 找晚飯吃, 忽然想起不如到街市碰碰運氣吧~~之前嘗過街市另一泰菜, 今次便嘗這間泰興吧~~ 大約7時半到達, 店子內尚算多食客~ 遺憾的是店子位置空氣不太流通, 充斥油煙味... 大家要有心理準備會吸到一身味啦~~一坐下, 阿姐便給我們兩杯檸檬冰冰, 詢問後才發現是ALL U CAN DRINK 的~~ WAHAHHA2人點了如下:沙律生蝦($55) - 其實沒有什麼沙律, 只是托底的數片菜絲.....雖不算很新鮮, 但整體尚可接受~豬肉生菜包($30) - 此菜是我每次必點的. 此菜很出色!!! 味道不如其他的過酸或過辣, 內碎肥瘦也控制得很好, 味道讚!!干炒豬頸肉泰粉($28) - 泰粉...大概是金邊粉吧~~ 整體賣相像中式抄粉~~ 夾雜了芥蘭. 味道又是出乎意料的好!! 首先料足, 豬頸肉味夠, 粉又炒得夠干身入味,醬汁均勻地包著每條粉, $28 完能吃得出此水準, 哪兒能找到?!又一用心制作食品的小店~ 環境雖然不好, 但阿姐們服務態度是很OK 的, 她們會送上温水給客人洗一洗碗~~ 是日其實食物等了很久才做好, 很多客人都很鼓譟... 結賬時問一問阿姐為

以前係官塘食泰國菜,第一時間都會幫襯新興,但隨著那邊的師傅轉了,食物味道變得麻麻地...於是就試試這間~第一次來,一坐低那位姐姐就遞了兩杯青檸梳打給我們!!心諗我們都未點食物,係咪送錯隔離檯呢?一問之下,飲品原來是送的,代替了茶水~點了以下食物:冬陰公湯: 初頭飲果陣唔係好辣,點知飲到最底,越來越辣.....而且湯料都好足~有蝦(大約五隻),秀珍姑~以咁細碗,都好足夠了(75分)豬頸肉生菜包: 諗住這個不太辣,就咁食豬頸肉,辣到死.....包了生菜比較好d......我覺得比剛剛的冬陰公湯還要辣....最後都忍唔住要用湯洗洗佢(75分)菠蘿炒飯: 呢樣成晚最唔得囉......比起沙嗲王的菠蘿炒飯,呢度真係好差.....飯又唔知點咁.....(55分)其實可以一試無妨~

一坐低老闆娘就問你飲青檸冰定龍眼冰,佢話送的我要了龍眼冰,大食友人要青檸冰!我點的龍眼冰甜甜的,有解辣之用酸辣鳯爪辣得很.好開胃~食到我唔停口~呢個酸辣鳯爪就係令到第二日喉嚨痛既致命元兇!真衰...鴨肉湯河好大碗,好多鴨肉,仲有豬紅,芽菜等配料,湯好濃好好味~蝦膏炒飯我食唔到蝦膏味,但炒得好乾身!唔錯呢~其實好耐之前已經食過幾次,今次泥發覺乾淨左好多,細問之下原來原本好nice果個老闆娘已經轉左手比依家呢個老闆娘了,唔怪得之乾淨左呢...總之...我會再來的!

上次同老友來過，放了上香討很多朋友都問我在那兒，介紹完去過的都讚味道好又便宜，呢日晚上又同老友來吃。晚飯當然叫多幾樣野，坐低老闆娘已好快手放低兩杯青檸冰俾我地，服務周到，先來泰式炒雜菜。$30碟份量算不少，蒜味濃帶微辣，蔬菜新鮮，唔錯﹗再來是上次吃過的生蝦，今次要成$60碟價錢像貴了，貴了其實也無咩所謂，同老友最令頭痛的是蝦身唔夠爽，唔夠爽也許是來貨不靚又或是不新鮮，食生野最怕呢兩樣，不合格﹗泰式魷魚沙律真係抵到爆，三十五蚊有成隻魷魚0係入面咁濟，多到滿滿的，夠彈牙又爽，辣得過癮真係食一啖之後眼淚水都標，呢碟野食得最耐，皆因食一口要休息一陣才可再戰，越辣越想吃﹗最後來個蝦膏炒飯作結，老實說我就吃不出什麼蝦膏味，入面有蝦仔、菠蘿、洋蔥、蛋、雜豆等，本身佢炒得乾身已不錯，有沒有蝦膏也沒有什麼關係了。整體仍滿意，係個生蝦今次食同上次有出入吧，價錢又好似貴左少少，不過吃得開心也沒有所謂﹗要多兩支啤酒一人都係一百有找，抵食了吧﹗

在討論區見過人介紹,就跟男友2人去了夜晚7點幾去到都唔係好多人點左4個餸2碗飯餸好味係D飯煲得差左D我男友果D硬,我果D淋哈哈送2杯青檸冰,還可以都幾多人黎食整體黎講呢個價錢咁ga質素都可以接受比越x好好多

周六收工閒來無事，相約老友食個lunch傾下計，走到街市熟食中心睇下有咩好野食﹗2:30pm來到，大部份檔口都收哂落場，見到呢間泰菜依然燈火通明，就走來試下﹗雖位處街市，但小店格局的泰興望落都幾四正整齊，座位擺切井井有條，我地一坐下老闆就一人俾左杯檸檬冰我地飲﹗(後來睇餐牌見到原來叫野食就有飲品送，可以選龍眼冰或檸檬冰)睇睇餐牌所有食物均相當便宜，我地點了泰式生蝦($45)，炒雜菜($25)及三式串燒($30)再加多兩支獅威。食物全部即叫即做，泰式生蝦$45有成十隻相當抵食，蝦身睇落雖未算晶瑩剔透，不過食落仍爽口新鮮，蝦身軟糯綿綿，蘸少少佢個泰式辣汁相當惹味，辣度足吊出鮮味，好吃﹗馬介休炒雜菜份量足，除了大路的蔬菜外還有秀珍菇等菌類，足料﹗沙爹串燒有雞、牛、豬各兩串，只係$30有6串圍起都係$5串，街邊食都唔止呢個價﹗火喉燒得恰到好處，咬落仍有肉汁不會過老過乾，醃肉過程足，食物入味，不用蘸醬也可以﹔其沙爹醬汁有濃烈花生香，味道不錯﹗埋單$120，三個餸，作為lunch已經相當豐富，估不到官塘街市有如此好味抵食小店，下次一於帶埋老豆來開餐先﹗

呢度d 食物係好得, 份量到好大碟, 為一缺點係無冷氣, 食到出晒汗, 冬天去會好d!!生蝦 ~ 第一次食到咁厚肉既生蝦, 好爽口新鮮酸辣鳯爪 ~ 汁好辣好得, 有洋蔥同生菜絲拌碟, 食到唔停口...超正!海鮮沙律 ~ 海鮮只得鮮魷同蝦, 有蔬菜粉絲撈埋一齊, 汁夠辣...正!!泰色豬頸肉炒通菜 ~ 好大碟, 叫咗佢少油, 真係做到, 炒得好好味, 通菜超嫩!!冬蔭功湯 ~ 好濃味, 好少地方可以飲到咁濃味既冬蔭功湯, 好出奇湯無草菇, 用咗長形白色菇(唔記得係乜菇lu), 值得推界...如果用草菇就更加好!!毎人都有一杯龍眼水或青檸梳打送, 青檸梳打好飲d!!老闆娘服務都好好....

第一次去 事源去APM 上電梯前有人派傳單 睇下個價錢都幾抵 接完女友放工就去試下九點幾十點去到 除左員工冇野做坐埋一枱 其餘一枱客都冇 都驚驚地架 唔通去左黑店?算啦 一場行到過黎 望到個廚師同老闆都係泰國人(始終係食外國野由當地人煮有多少少信心)一坐低個侍應阿叔已經問要龍眼定檸檬 (咦 免費架? 幾好喎) 每樣要一杯 唔太甜 都唔錯睇餐牌 價錢真係好平 炒飯一般都係$25 炒菜$22 第一次黎食普通野算啦 叫左泰式蝦醬炒飯: $25 個飯夠乾身 味道唔錯馬拉盞炒通菜: $22 辣左少少 (我唔食得辣) 但有鑊氣 幾好食泰式炸蝦餅: $30 有4塊 夠熱夠脆 正埋單都係 $ 77 每人都唔過 $40 仲包埋野飲 晚餐去邊度搵(除左茶記同快餐)? 環境就冇得苛求架勒 始終都只係街市 埋單我俾$100個老闆娘仲找$25俾我 我話$23喎 佢話 “得架啦 黎多D” 呢D咪就係識做生意羅…… 有時唔係話一兩蚊 係個客覺得有人情味受尊重 呢D小型食店更加需要你我去寫食評 我一定會再去 (尤其冬天呢 哈哈)

已經第3次去,實在太好食,老闆又好人,價錢又唔貴,叫左幾個菜,泰式鳳爪,酸酸辣辣,好開謂,泰式波蘿炒飯,青咖哩雞,好香,不過太希,蝦醬通菜,好甜好好味,又其豬肉生菜包,好香青檸味,唔會太辣,都係30蚊...每個菜平衡平過出面20蚊到,老闆仲換晒d檯,企理左好多,係無冷氣,太熱,如果有冷氣我相信每晚都會好多人,老闆話出年會裝,不過而家你一坐底老闆就會送杯青檸冰或者龍眼冰,瑞和街4樓有2間都係食泰國野,我第一次都去錯,所以要認住照牌呢

4月9號夜晚同兩個朋友一齊去左食飯...=]原來換左新老細...岩岩做左一個月左右..=]叫左好多野食...超好食生蝦又甜又大隻...好低食...好似55蚊..點果個汁...好野味...g00d=]蝦醬炒通菜咸左小小..整睇都0k..=]鴨金邊粉好大碗..個湯好好飲..=]仲叫左一杯龍眼冰...一杯三色冰...=]兩者都唔係好甜..=]最唔好係系街市入面...有點兒那個..=]但係都直得一試...個老細同老闆娘好好傾..=]會時不時行埋黎問下好唔好食..又會介紹野俾我地=]

3/3(二) 8pm休假的週二,到觀塘瑞和街市的"泰興"自找煩惱.一貫的地踎環境,還附2隻迷你小強伴食,認真給面子!以小食拼盤$60,泰式炒金邊粉$28,甜咖啡蝦$50及蒜蓉包$12作是晚晚餐.小食拼盤--春卷,蝦餅,雞翼及豬頸肉水準參差,春卷及雞翼乃粗製濫造之作,反之蝦餅及豬頸肉份量慷慨,前者肉厚,蝦味猶存,後者肉嫩帶焦香.泰式炒金邊粉--上一口已滿口焦味,金邊粉雖彈力足,但整體味道偏淡,配料如芽菜,韭菜及豆乾等未能替金邊粉挽回人心.甜咖啡蝦--老闆娘推介的甜咖哩以洋蔥及薯仔入饌,香而不辣;稠度偏低;而中型蝦隻頗爽甜的.蒜蓉包--百佳的蒜蓉包,需貴點牙勁撕開,質地韌度過甚,翻叮之過.幸虧這煩惱絲可狠狠剪掉,蹂躪了胃納的一餐...

朋友係地胆, 推介呢間又平又好味的泰國食肆.老實說, 環境真的有點不敢恭維, 因為實在有點up dup. 覺得有少少污漕咁啦! 但見好友猛讚呢度好食又抵食, ok, 那我當然卻之不恭啦!點了木瓜沙律, 很惹味, 可惜辣得有點過份. 我不斷飲水, 再吃了一口, 味道很不錯, 木瓜清甜, 不過辣味過重了, 只能淺嘗.再來了蝦餅, 呢個真係滿分. 大大件三件, 只係30 蚊. 還炸得很乾身, 蝦肉加上少許豬肉, 超有嚼口, 好味到不得了.再來的是明爐烏頭. 烏頭一向都嘛嘛, 唯獨加上了泰式醬汁, 檸檬汁後, 整個魚變得鮮味非常. 很不錯呢!再來一個冬蔭公湯, 其實味道跟煮明爐魚的湯底有幾分相似. 只係加多了酸和辣味, 當然還有魷魚, 蝦 ....這麼多美食, 只係一百五元, 實在係價廉物美. 多謝友人推介!

呢間野之前食過兩次都覺得幾好,今次再幫襯兩個人點了澛水鴨肉湯河($25)次次都點~好大碗,內有豬紅,鴨肉,芽菜等,個湯底好正,我同傻baby連湯都飲埋泰式炒硯($38)個汁好惹味,唔錯~細冬蔭公湯($40)好足料,好多蝦同魷魚,好重椰香味~平均每人飲到兩碗,40蚊好抵食~泰式海鮮炒飯($40)嘩....呢個大碟到足3-4個人食~味道就普通青木瓜沙律($25)青木瓜好爽口但好辣,食到一半放棄左...下次點果時記住叫佢小辣呢間野真係大件夾抵食~如果去九龍城食起碼過$200~個老闆娘好nice架~就算幾忙都好佢都會笑面迎人唯一改善既地方係衛生,因為真係唔係好得囉~有小強陪你食飯

和老媽撐枱腳, 叫了四樣野:炸蝦餅 ($30) : 上次食過後, 念念不忘, 雖然好熱氣, 但今次點都要再叫. 仍舊沒有令我失望, 蝦肉好多, 又彈牙, 絶不欺場. 連不好炸野的老媽, 都話食得過.炒什菜 ($30) : 味道沒啥特別, 只係唔會用菜頭菜尾炒成. 青咖喱雞 ($40) : 甜甜地, d 好似茄子的波波好好甜喎. 雞只係一般的雪雞脾肉, 但醃得幾入味, 我諗做沙嗲雞串的都係用同一種雞肉. 因為份量頗多, 吃不完. 又唔想浪費, 結果打包了回家, 煮咗個靚仔, 第二日帶飯. 正!濕炒海鮮河粉 ($30) : 遠遠見到一個湯碗, 老媽話, 我們無叫湯喎...點知, 原來係個炒河. 河粉用豉油先乾炒了, 再煮一個汁上碟. 海鮮有魷魚和蝦, 雖然唔係大隻, 但係新鮮貨, 蝦仲開咗邊和清去了腸臟. 的確少見! 抵讚!埋單盛惠$130, 仲打包了兩盒回家, 因為菜, 蝦餅和咖喱都吃剩不少. 份量之大, 相當驚人!環境, 老實講, 真係好一般, 沒有冷氣, 附近又濕濕地. 見有d街坊, 都係叫外賣, 若我住得近點, 都會考慮外賣好了.