泰興泰國菜館 (已易手) 新餐厅

Super expensive and rude !! One small bowl of soup costs $70 HKD and that didn’t even fill a small girl up... the soup itself was super salty but the things in it were tasteless... there’s was nobody in the restaurant when I walked in and they didn’t even let me sit where I chose.. smh never coming back

每次經過宜家餐廳，我都見到不少人食，所以今次特登試下宜家泰國菜。二個人食泰菜叫左一個炒金邊粉，青咖喱雞同椰汁冰。炒金邊粉質素不錯的，值得推薦。青咖喱有少少辣，個人較喜歡重椰汁味，如果椰汁味重一點點，就完美了，整體來說都不錯的，但飯（$12）要另外叫，如果有碟頭上更好。椰汁冰係整餐最不滿意的，椰汁冰唔夠凍同太甜，好似飲緊糖水咁。環境方面尚算可以，都乾淨呀！見之前D食評話份量細，但個人覺得岩岩好，不會太多不會太少。

難得早收工就去西環碼頭睇日落睇完日落就開始去覓食行行下見到有間泰國菜，見好耐冇食過泰國菜，所以一於就入去了兩個人叫了三道菜加個蒜蓉包已經十分飽(本身想叫生蝦但點知冇貨😭)冬蔭功湯(細) $68 ☆☆☆☆味道夠酸夠辣十分開胃，仲會愈飲愈辣個人比較中意食辣所以十分中意而且十分足料，有7-8舊蝦🍤👍同埋有好多菇 十分吸味串燒半打 $68 ☆☆☆☆本身有醃過肉 十分香而且燒得唔會太乾身，幾嫩口👍最重點係個沙嗲醬十分香滑 (仲refill左一次😛)紅咖哩煮青口 $78 ☆☆☆咖哩味道較甜，椰奶味十分香，辣度較少而且十分足料，有成8-9舊青口仲有配菜👍汁都好多，用黎點蒜蓉包真係一流不過就略嫌汁會有d稀椰子冰 $15 ☆☆☆☆最後當然黎一杯椰子冰先夠地道椰奶味都十分重，同夠冰凍總括黎講: 係一間地道的平價泰國菜CP值高，絕對可以再黎👍

和朋友一起到西環打算吃晚餐，找到了這間泰國餐廳，我們一行三人便要四個餸，包括有炒金邊粉，泰式鳳爪，炒菜和青咖喱雞。四碟餸看似細細碟，但其實我們三個完全食唔晒。炒金邊粉十分有鑊氣，材料充足，泰式鳳爪酸酸辣辣， 十分開胃，數量也十分多！我最喜愛的是青咖喱雞（食咗先記得影相）。青咖喱的椰香十分香，我哋特別叫咗蒜蓉包去點青咖喱，果然好味！雞肉都有不少。美中不足是我叫的椰汁冰實際上冇乜椰汁味，只有甜味，飲飲下都飲唔落去

I have seen that restaurant a few times and always wanted to try it, something that I did last Sunday for dinner.We were lucky to get the last table, as soon as we sat down, queue started forming outside. Ordered the green curry with vegetables, a fried rice with shrimps, one papaya salad and one steamed mullet. Food came pretty fast, and it was delicious! Nothing was wasted and the feeling after eating all this amazing food was great. HKD374 in total, including one beer and a white rice to go w

平時經過一直都好想入黎試，終於等到有機會啦2人晚餐叫既食物唔太多，都係叫d大路野，怕中伏……點知係喜出望外1.個拼盤各樣都唔差，最欣賞個蝦餅夠晒彈牙👍2. 菠蘿炒飯望落去平平無奇，因為出面食開都放係個菠蘿裡面。心諗唔緊要，有時好食未必要靠裝飾……試食一啖感覺上麻麻，但食多幾啖係越食越好(記得撈埋d肉鬆)。3. 蝦醬炒飯簡直冇得頂，大愛😍😍😍味道啱啱好，唔太咸( 影矇咗請見諒)好滿足既一餐多一間飯堂選擇

今晚游完水，同媽媽去食餐宵夜。見好耐無食泰國菜，雖然媽媽唔食辣野，但都仲有好多選擇。好大碟，好大片豬頸肉。菜好食，唔會太咸，都有4種唔同菜泰式炒飯加雞肉唔油，炒得好靚；好多雞肉，好有口感；有番茄、雜豆、蛋等材料；另外估唔到有伴碟，青瓜好爽口，2大片，好適合夏天食；番茄及生菜；我們兩個食到好飽但豐富的一餐，感恩找到這間餐廳。游泳完的一個好選擇

是日周六晚，約晚上８時，整間餐廳座無虛設。本來想到附近市政大廈解決晚餐，但因為見這餐廳食評不俗，所以也想一試。我們在附近閒逛了一會兒，十多分鐘後，仍然是滿座。於是我們在餐廳外等了一會，終於可以入座。我們一行四人，分別點了海南雞一隻、拼盆一份（有蝦餅、豬頸肉、雞翼及春卷）、脆皮肉炒芥蘭、白雲鳳爪、椰肉絲海鮮炒飯、蝦炒金邊粉、芒果糯米飯。餐廳是務實派的，並沒有太多裝飾，牆上掛有菜式圖片。整間餐廳並沒太多服務員，當天只見兩位，所以多食客時，需要服務員時是要稍等一會的。自從堅尼城站通車後，西環尾地段多了不少外國人進駐，加上鄰近香港大學宿舍，學生及不同國籍食客隨處可見。 這間泰國餐廳價錢不貴，份量足。我們四人總共叫了七樣食物，總數也昰$556罷了。會再來的~

放lunch落西環食飯，有咩平靚正心水？泰興絶對首選。雖然係好local既餐廳，但真泰國人的烹調方式果然不同～佢個豬頸肉係甜燒架！蜜糖蜜糖脆緻的面肉質也超鬆軟，入口即溶的感受，好食到唱歌咩事～佢都係第一間我食過既豬頸肉係咁甜。而佢其他野都好好味，同事說冬蔭公湯頭好足料，試了一口果然香料十足，又不會太辣，麵也能掛湯炒金邊粉不會太乾，但就覺得可以再咸小小，宜家比較甜，不過接受到既，可能各人味道不同。最後係清湯，清湯最考功夫！但佢不但無咩味精而且有點清甜，有點不像泰式但好味就得啦～怎麼突然降低了要求哈哈

據說西環尾有間平民泰菜，便計劃到此品嚐，到埗見裝修簡陋，座位也未見得舒服，但本著嘗試心態就無所謂，結果令人非常失望，不值一試冬蔭功湯(細) $68～湯做得出色足料，正宗冬蔭功味道，但味道稍辣黃咖喱軟殼蟹 $118～仲以為好大碟好抵，點知個汁甜到唔識形容，又無咖喱味，配料甜椒太多，主角軟殼蟹好腥，炸完之後都去唔到腥，失敗之作，幾大碟都無用沙爹串燒(半打) $68～從未食過咁差既串燒，肉又乾又鞋，好似用微波爐叮完再咁，就算沙爹幾好味都於事無補白飯椰青二人共消費: $294

夜晚冇煮飯，叫埋街坊一行五人入咗嚟食嘢。其實呢間嘢應該都開咗幾耐，不過surprisingly Openrice 竟然冇listing 要我申請。原諒我由於已經過咗兩三個星期，已經唔記得清楚d 價錢。先來椰青，唔係最嫩因為d 肉好厚，不過都甜嘅，ok小食拼盤(冇影sorry)，有蝦餅、豬頸肉、春卷、雞翼。其中豬頸肉好好食，甜中帶辣，外面燒得脆脆地而裡面軟滑多汁；春卷就麻麻地，唔脆而且d 餡好似放咗一陣唔新鮮；雞翼已經冇乜印象；蝦餅大大件有蝦味，好食。軟殼蟹青芒果沙律，軟殼蟹微熱唔脆，個汁偏甜，我覺得一般。冬蔭功湯，又蝦又菇非常足料，酸就夠晒酸，不過我個人prefer佢再辣D。份量亦唔太夠，五個人五小碗已經冇乜淨。炒通菜同炒飯兩樣都稍為偏鹹，不過我個人比較重口味所以冇問題。兩碟都好香，尤其個飯係食到唔停口，亦唔會炒得太油。明爐烏頭，酸酸辣辣非常清新，個湯底喺酸辣以外又帶少少清甜，同條魚非常夾。呢條份量亦唔少，五個人係咁夾都夠。好食，係呢餐豬頸肉之外最好食嘅。總括嚟講，家庭式小店，泰國人主理，平平地每人$110，係堅尼地城一堆西餐中嘅一個唔同d 嘅選擇，唔錯。