泰邊爐 (已結業)

友朋自遠方來，落曬order要食平靚正雞煲，講真食好少少都要每人300幾蚊，又唔夠盡興咁，搵左好耐見到呢間198蚊雞煲套餐再可以加湯任食打邊爐抵到暈啦，睇食評又唔錯，所以就book呢度！我地七點鐘到，入門口見到個小小熟食bar！兩旁係飲品櫃！飲品都有啤酒架喇！友人因為唔食冬陰功，所以揀左椰子雞！其實已經跟左一set食物，都有牛，羊等等，食曬就可以再叫任食果d，唔同款式！椰子雞煲好香！雞就唔算好多舊，但我覺得夠曬，因為仲有任食的食物！加湯之後，都係落返椰子湯，所以唔會愈溝愈稀！200幾蚊有咁多野食，我覺得好抵

4個入叫左個鴛鴦鍋椰子雞同中辣冬陰公椰子湯底椰子味濃，清甜但一拎上黎見到係透明色後尾加湯時，加既湯係白色，加完飲落亦咸左應該只係加返普通上湯，唔係加椰子湯，愈打愈無味冬陰公很普通牛肉送左2碟一般既劃紙既食物不算多，只有麵食比較特别其他都大路野入紙叫既肥牛質素非常之差出面野食吧2款糖水，4款甜品甜品refill慢野飲夜唔多選擇埋單仲要冇計到open rice計位七折要主動再提佢冇折4個人就黎一千，一人200可以有好多更好選擇冇下次

雞煲就梗係食得多，但食辣雞煲是常識吧。椰子湯雞煲咁補身真係第一次食，一試愛上！(其實佢有泰式冬陰公湯底嘅，但係今日想補一補就嗌左椰子湯)椰子味係非常濃郁，杰撻撻就算之後打邊爐加左幾次水，仍然非常重椰子味。心思思想食辣唔緊要，佢哋嘅醬料有好多種類，有辣椒同埋辣椒粉，加少少就滿足辣癮。雞大部份係雞脾肉，好大嚿好滑打邊爐配料都係平時食開果d但因為呢度係泰式餐廳，粉麵類有金邊粉泰國粉絲等除咗打邊爐出面仲有任食泰式小食青瓜，木瓜沙律，佢地既泰式糕點都幾好味㗎$198加一，唔算話最抵食但係環境好闊落，算係我見過環境最寬敞嘅打邊爐坐得舒服，佢嘅椰子湯又令我有意外驚喜滿足👍🏻👍🏻👍🏻

大家去旺角食飯，通常都會食泰菜，旺角開左間泰式火鍋，泰菜就食得多，泰式火鍋就未食過，非常之特別餐廳裝修非常之有泰國特色，而且座位好寬闊，唔會覺得好迫。侍應都非常之有禮貌，而且講解每一樣湯底同配料，好有耐性，而且推介一啲新鮮嘅材料。餐廳有好多唔同款式嘅火鍋湯底，而且每個湯底都好有特色，店員推介呢一個鴛鴦湯底，傳統冬陰公湯底同蕃茄豬骨湯底，冬陰公湯底唔會好辣，又好足料，大大隻蝦喺入面，非常鮮甜，至於豬骨湯亦都好香濃入味。安格斯肥牛肥牛個花紋好靚，脂肪比例適中，灼一陣就可以食，入口好香好滑，牛味好香濃，正仲有羊肉配泰式湯零舍特別，加埋泰式粉絲實在無得輸，索晒冬陰公湯簡直係一流，有如致身於曼谷市中心既感覺。炸魚皮先就咁食一件先，好脆好香，本身已經有少少味道，就咁食都好好食，浸一浸湯底又有另一番風味菜籃既菜全部都好新鮮~唔怪得呢一間泰火鍋店咁多人排隊，因為火鍋料好有特色，而且火鍋湯底又好味，連飲品都好好味，絕對值得一試。

旺角瓊華中心咁多嘢食，今晚試吓「泰邊爐」～ 餐廳都幾大，唔使等位～ 打邊爐係任食嘅，有兩個價錢，我哋揀咗$198嘅雞煲火鍋～ 如果想再食好啲，可以加$70就有海鮮拼盤～ 我哋揀咗椰子雞湯湯底，椰汁味非常重，感覺好似椰漿～ 雞已經係熟嘅，滾左就可以食，味道唔錯，幾滑～ 之後可以再加返湯開始打邊爐～ 一開始店員已經上咗一set 打邊爐配料，亦有小食，泰式無骨鳳爪，味道唔錯，仲有生菜包～ 肉類方面，有牛肉、豬肉、羊肉，個人覺得羊肉最好味👍🏻 我哋encore得最多～ 其他配菜仲有丸類同蔬菜盤，芝士豆腐同粟米都好好味😋 另外有自助食物區，有小食例如炸魚皮、炸蝦餅，味道幾好，香脆好味～ 仲有一啲泰式甜品，例如椰汁西米糕，一出就會俾人攞晒🙈 好彩我哋都試到，味道唔錯👍🏻 飲品選擇唔算多，所以我哋叫咗兩杯泰式飲品，椰汁冰同青檸梳打，椰汁冰好味又香甜～ 整體來講都算幾抵食，而且泰式火鍋係第一次試，都幾特別，唔錯～

之前朋友嚟過，話瓊華中心有間泰式邊爐不錯，價錢又唔貴，今次上到嚟，佢話menu多咗雞煲同海鮮食$198一位6款選擇，如唔食雞煲，才可選擇鴛鴦湯底，今次我們揀了椰子湯雞煲，先食雞後邊爐$198已包括1-14所以未剔火鍋配料之前，配料1-7已奉上，還有生菜包同泰式鳳爪做前菜雪櫃飲品任飲，仲要有啤酒，真係好抵食。仲有自助bar，前菜有醃漬青瓜，青木瓜沙律，肉鬆脆米餅熱葷有香口既春卷，咖喱角，白飯，青咖喱豬頸肉。甜品有椰汁糕，紫糯米，涼粉。仲有炸魚皮同蝦片。調味也相當足夠，比較特別還有泰式菜脯仲有泰式酸辣汁食材迅速送上，因就係忽略咗1-7，再追加，成枱full曬椰汁湯雞煲，香濃香滑美味，貼心的附上一渣湯，等你自己自由添加鐘意食蝦一定要order，海蝦以$198任食，大隻又爽口白鱔片肉味鮮甜。所有食材質素都ok，配料多到試唔曬，下次叫多幾個朋友一齊食先得。

 已經很久没有火鍋了，一直都想找個時間，找個日子，找個女朋友（啊不，我本來就有個可愛的女朋友，不用再找），然後一起火鍋；今天，在没有計劃的情況下，我跟女友最終因爲被傳單上搶眼的海鮮拼盤吸引，踏進了這家名叫泰邊爐的火鍋店，果然，没有計劃就是最好的計劃。 這家泰邊爐，顧名思義就是泰式火鍋，邊爐我是打了不少次，但泰式邊爐還是頭一回，我没有只抱著嚐鮮的心情，求其了事，相反，我是寄予厚望，畢竟都有一段時間没有火鍋了，還是滿心期待的。 我們點了椰子湯雞煲套餐，再追加海鮮拼盤；每個套餐都會包含一些指定食物，例如前菜有泰式生菜包、泰式鳯爪，火煱料有泰式肉丸、肥牛、黑毛豬等。前菜都是一些很泰的食物，其實感覺蠻窩心的，因為火鍋還未滾的時候，可以吃著生菜包及鳯爪解解饞。 當海鮮拼盤上枱的時候，真的頗震撼，没法子，份量大而且感覺蠻新鮮，我一直望著火鍋爐，當湯滾時，只吃了數件雞肉，就迫不及待，將一整盤的海鮮倒進鍋裡，可惜因為本身鍋裡已經有些料，倒了一半就因為整個鍋都滿了而作罷；等待往往是漫長的，尤其是你按著空空如也的肚皮，望著一鍋香氣四溢的海鮮雜錦，除了望梅止渴，就是望梅止渴。 海鮮真的很鮮甜，這是我第一口品嚐

今日又來打邊爐，我年中都真是打唔少次邊爐（實情是香港真是好多打邊爐餐廳）但這次的泰式邊爐，同我唔夾囖首先講下環境，不算差，位置就略微擠d不方便出去拎飲料之類。餐具還算乾淨，但是不會特意俾水，要自己order。今日食餐廳推薦的椰香雞湯煲。湯底焦椰子香，味道濃郁，不是清甜的椰子水，雞真是好大塊，不過一定要煮耐d，大塊比較難煮熟。上菜算快，但是比較求其個無骨鳳爪上面有魚丸，what？！難道魚丸都生食？好唔滿意如果我話打邊爐竟然最好食係芝士腸，唔知算唔算餐廳的失敗呢？其他的真唔多啱我湯底第一次會幫你加翻濃椰漿，第二次就是普通清湯，我覺得太濃湯底打邊爐真是唔多好食，清湯正常好多。6

情侶之間要諗食咩真係世紀大難題，好彩有個有主見既男友知我鐘意食泰國野就帶我黎食呢間主打泰式火鍋既晚餐。佢話幾個月前同朋友惠顧過呢間火鍋店好正，仲發現佢地今次轉左新餐牌，仲有埋冬蔭功雞煲/海鮮雞煲套餐，可以先食雞煲後打邊爐。我地早早到左，唔算太多人，環境大，一邊聽住泰文歌，一邊享受邊爐。湯底都有4款簡：包括冬蔭功湯/椰子雞湯/青咖哩雞湯/蕃茄豬骨湯，我地咁重口味當然要叫冬蔭公湯同埋青咖哩雞湯（鴛鴦湯底另加HKD 38）-夠泰味呀嗎！*冬蔭功湯入面真係有蝦嫁，好足料又夠濃味，叫左小辣但都唔會太辣，一流呀〜*青咖哩雞湯，雖然唔係真係好似青咖哩咁黏，不過咖哩味同雞味令到個湯好香!仲估唔到有炸魚皮同蝦片提供餐廳設有自助甜品吧同沙律吧，供應各款泰式甜品同沙律！D泰味甜品係泰國直送TIM嫁〜亦有泰式特製火鍋醬料隨意配搭，仲有各款罐裝飲料任飲，其中橙色既火鍋萬能酱酸酸味味好開胃因為叫既係套餐，第一輪佢會包左1-11號既食物先，唔夠先再追加。* 安格斯肥牛: 我諗唔洗多講，睇圖都知好令，偏瘦，食落好重牛味，意想不到。*泰式豬肉碎生菜包：估佢唔到呢個豬肉碎做得好出色夠晒香辣入味！菜個方面有做到REFRES

聽朋友講，旺角有間泰式邊爐幾正喎，所以帶埋屋企人黎試下😆😆海鮮餐雞煲套餐好似幾正咁！我地一致揀左椰子雞湯底😌😌超豪華海鮮拼盤🥰🥰好足料喎！生菜🥬包👍👍正呀，全家都好鍾意食岀面仲有好多熟食可以拎👍👍炸魚皮幾好食！泰式糕點整得精美又好食！豬頸肉幾爽口👍👍牛肉粒幾有咬口，幾重牛味！😍😍😍手打丸好好食喎！果然人手手工野係好味啲！🥺🥺食完黎多碗紫米露，真係好滿足🥰🥰🥰🥰🥰

天氣開始凍啦，緊係去打下邊爐啦😆👍打邊爐就打得多啦，泰式邊爐真係第一次食🤗醬料都幾齊㗎泰式糕點好好食呀見到個海鮮雞煲好吸引呀！一上枱，嘩左聲！好多野食呀🤗🤗🤗無諗過又有鮑魚又有生蠔😍😍樣樣海鮮都好新鮮！叫椰子🥥湯烏雞糖底！真係幾好味！個套餐仲包好野食㗎！安格斯靚肥牛，又幾靚仔喎！唔會太薄，幾有口感！丸嘅款式都幾多㗎！手打丸好唔錯喎👍👍羊肉幾好食呀，無乜so味！無骨雞腳都好好食呀！泰邊爐整體都好好呀，員工收碟收得好快，又好主動介紹每個套餐有咩方別👍👍👍

冬天+星期五，食個火鍋火題是必需的吧？旺角瓊華、兆萬日式放題好多，今次屋企人建議試下新野，唔食魚生食泰式火鍋。好變「泰」，雖然我一早訂左位，但都要等1個幾鐘先入到座。見到咁多人，真心打算走，好在個員工好有耐性又有禮貌（抵讚！），餐廳又識做派下罐裝飲品。佢有4、5款湯底揀，有冬陰公雞煲、椰子雞煲、青咖哩雞煲同common 的蕃茄豬骨。我就叫左個椰子雞，滋潤啲同出面食比較貴。真心好食，好香濃的椰子味，不是「求其」的湯底！啲雞都好有肉味，嫩的。另外可以加泰式香料，自便落。食完雞煲，佢會上個「套餐」，即只會提供一次的火料配料，例如有靚啲嘅肥牛、手打丸等等。推介的是個生菜包，酸酸地好食。不過套餐送的豬頸肉、排骨就無人食，有啲浪費。如果一早知有咁多豬肉，或者我會叫佢唔好上。至於無限添的火鍋料配，就正正常常，應有盡有（肥牛、蝦、菜都有...）。我就點左啲特別啲嘅泰式丸同麵。我好鐘意個泰國寬河粉，熟左會卷埋，好得意。最最最開心的，是食泰式甜品。佢話是泰國直送，可能啦，但真是好食的，唔似是放題會提供的甜品質素。至於飲品，都正正常常，有汽水有啤酒。但建議可以提供啲熟飲，我朋友唔飲冷飲的，所以佢成晚無飲過野

唔知你身邊有冇一個咁樣嘅朋友：人哋睇韓劇 佢睇泰國電影 正常香港人一年去幾次日本 佢就成日去曼谷同清邁😂 呢間泰式邊爐擺明就係target香港嘅‘泰國人’啦lol今日就俾呢位朋友捉咗我嚟 瓊華放工去夠晒方便 一出𨋢門見到呢個好泰嘅logo同貼住好多明星相 應該無伏啦掛本身想試冬陰功 但係朋友話上次食咗逼我揀椰子雞...okay lol 不過塞翁失馬 都幾好味喎😝鮮甜又好足料 應該係用烏雞煲 之前有食評話個湯比較杰身 我又唔覺喎 咪正常打邊爐嘅湯咁囉😂我哋得兩個人 覺得叫埋雞煲應該食唔晒所以就叫咗邊爐套餐(有生菜包 鳳爪嗰啲小食 同埋啲基本配料 仲可以追加唔同嘅餸 蝦都有！）再加個一人份海鮮拼盤btw 成間餐廳嘅侍應都幾後生同好好人 有位女同事耐心咁同我地介紹咗唔同嘅選擇 好貼心😛生菜包同鳳爪都幾辣😂 但好味 搞到我又辣又要食😂 啲肉啊或者其他配菜都感覺幾新鮮 最最推介係豬頸肉 我食完跟餐嗰份又再另外寫紙 免費追加左一份 因為超級爽口同好有豬肉味 切都想細粒咁食都好方便😋woohoo 等左5分鐘就有得食 加埋靚靚仔仔嘅裝修 好似好fancy😂 唔記得影相但係餐廳入面連電視都係播緊好有創意

「泰邊爐」顧名思義當然係泰式火鍋，在香港：港式火鍋、日式shabu shabu、四川麻辣鍋等⋯隨處可見，但泰式卻並不常有。反正天氣開始轉涼，就決定一家四口去試下餐廳最近換咗新Menu，選擇類別都多咗好多泰式火鍋就當然會有冬陰公湯底及椰子雞湯底🤤由於家人以為只需選湯底就可享用雞煲，點知～所以如果需要雞煲就記得點上面啦！食材方面，餐廳原本會set左一個套餐給我們 👨🏻‍🍳（豬、牛、羊、丸⋯等等，樣樣有啲）如果唔夠飽都可以免費繼續點！醬汁配料選擇有別於其他香港的火鍋店，例如有甘草枝、胡椒粒、八角等等！泰式鳳爪：味道酸酸地不會太辣，作為開胃菜非常一流👍🏻生菜包：肉碎頗瘦但卻離奇地不會韌，並富有極濃郁香茅香氣😍甚至比單點的泰式餐廳更為好食平時都鍾意飲椰子雞湯，就梗係揀返來做湯底啦！當侍應拎湯底上枱時，立即聞到好香椰子味，雞件份量都好多！所以個湯好鮮甜牛肉同豚肉片偏瘦，但食落都充滿肉香豬頸肉同排骨小方粒嘅豬肉味好濃郁雜錦丸同泰式特色丸都幾高質素，充滿泰國風味，好味道！

突然想打邊爐，見e間係泰式火鍋好似斷得意就試下！上open rice book左時間，上到去早左小小不過都唔洗等就入得裝飾幾靚，電視仲要播住泰國mv，廣告搞到好似去左泰國咁坐低叫左個冬陰公湯底(小辣) 食物就唔洗叫住，因為原來會一個套餐咁比你！ 之後自己先個別追加外面有自助小食，甜品，飲品等等。。。不過小食，甜品選擇唔太多。。飲品又無普通可愛果d😳？食物都ok，不過湯底可以再濃d，個人覺得小辣完全唔辣不過總括而言都可以再嚟ge！