影片
食家推介
一嚟就上咗碟#泰式虾膏炒饭炒饭应该冇咩伏位大家都一齐𢳂咗好多饭落碗点知第一啖 一齐觉得搞唔掂好硬😂于是剩下在碟中未食过的 快快叫厨房再炒下先食得啊 但系 好似冇虾膏味🫢有位重口味朋友要另外加d辣椒酱但舖头入面得辣椒粉同鱼露辣椒油 又咸咗d每次食泰菜都会想点#马拉盏炒椰菜苗但今次唔系好啱钟意辣嘅朋友仔食哈哈佢形容：望落以为好辣（钟意食辣） 但原来咁甜（哩d咪叫反差感哈哈哈）#烧牛扒 呢就最好味搭配嘅酱汁连食辣嘅朋友都话ok七成熟对于箍牙人食都食到俾个like佢
继续阅读
和中学老师一行3人去食dinner。 呢个牛扒真系好好食。个环境都唔错, waitresses 都好好人。 个杯雪糕冰冰都好正, 有小小甜, 但配呢D main course 一齐食尤如pizza配可乐一样咁夹。
继续阅读
中伏👎👎👎一开头以为系九龙城泰金国既分店就入嚟食，点知完全唔系𠮶回事。挂羊头卖狗肉，用同名嚟呃人，价钱贵过九龙城泰金国之余仲要唔好食。首先系烧牛肉，调味唔够，上菜既时候唔热，完全冇热辣辣 香喷喷既感觉。价钱就偏贵，完全唔值。第二系烧猪颈肉，大中伏，唔点酱汁都系酸既，极度怀疑系坏咗。虽然同佢讲唔对路都有换过第二份，但第二份最多都系叫一般，唔算好食。第三系海南鸡，好梅，酱汁又唔好味，起骨唔干净，最后悔叫哩味菜。飞天通菜调味都唔正常，食落好似怪怪地咁。成餐饭，唯一合格既系冬荫公汤。如果你系对佢有九龙城泰金国既期望既话就算啦，十万个不建议。
继续阅读
泰金国 (牡丹大厦) (大角咀)🔸泰式猪颈肉饭烧得岩岩好，份量都中规中矩🙈质地都几柔软同埋有咬口，重点都几嫩滑，仲有泰式辣汁点～ 味道仲吸引🔸泰式拼盘圆盘上菜，话分咗都有五款野食，炸物好食😻最好食都系虾饼😻🔸生虾生虾食落好鲜好爽口再点小小汁食更加开胃😻前菜系首选😻地点：大角咀大角咀道63号牡丹大厦北座地下9号舖🔸味道：7.5/10🔸环境服务：8/10🔸推荐：8/10
继续阅读
今日同成班朋友喺附近做运动，做完运动当然又系食啦食饱先有气有力减肥㗎嘛喺附近快快脆揾咗间泰菜坐低可能因为星期日，餐厅位处于大角咀大概两三点嘅时间餐厅唔系太多客店舖系用QR code我哋自己自行落单我哋一行三人，分别叫咗四样嘢马拉盏椰菜苗、肉碎生菜包泰式炒粉丝同埋游船河食品偏浓味，但系辣味唔系太夸张整体几个𩠌都非常之惹味到俾钱𠮶下睇返价钱，如果以午市嚟讲好似贵咗少少，份量正常一般唔系特别大份，但系都叫我哋两男一女份量食得饱由于附近都好多泰国菜，呢间属于正常水平可能下次未必嚟返同一间，会试吓其他啦
继续阅读