泰金船

营业中

休息中

馬鞍山真係好多間泰國菜🤣 今日去咗屋企附近既泰金船試下，餐廳好近火車站，一d都唔難搵🤭馬拉盞炒椰菜苗馬拉盞炒菜好香，而且加咗辣椒同蒜蓉，所以食落比較辣🫢鍾意食辣嘅朋友一定要叫呢個菜！椰菜苗唔會炒得太腍，仲保持到爽口既口感。而且份量都唔少，仲每棵都大大棵😆燒魷魚魷魚筒搽咗啲鹹香嘅醬汁再去燒，一啲都唔會太韌，而且魷魚算厚身，食落好彈牙😆仲配咗個香辣嘅醬汁俾我哋點，點完更加增加佢嘅泰式風味🤭咖喱炒花甲黃咖喱唔會好辣，一食落就覺得好好送飯🤣 花甲份量好多，食極都仲有🤣而且唔會太細隻，所以食落好滿足🤭仲配咗青、紅椒同洋蔥等等既配料，一齊食更加香同有口感😆蒜蓉包蒜蓉包好脆口，蒜蓉份量唔少，再搽咗牛油一齊燒，好香口😆 點落咖喱度一流，食幾多塊都唔夠🤣珍多冰可以要求甜度多少，超級多料，有半杯都係有咬口既粉條，好飲又有咬口😆味道 🤩🤩🤩🤩.5性價比 🤩🤩🤩🤩

今次去到馬鞍山呢個被稱為「美食沙漠」嘅地方，試咗一間泰式小店「泰金船」。一入到去，就聽到接待嘅姨姨同廚房用泰文溝通，感覺好地道，似乎係泰國人主理，即刻對佢哋嘅食物充滿期待！ **🔶 泰式椰子海鮮焗飯 HK$108** 一上枱已經聞到濃濃嘅椰香，飯粒吸滿咗椰漿同海鮮嘅精華，每一啖都係椰味爆棚！仲有啲香嫩嘅椰子肉，咬落去甜甜哋，好有口感。最正係飯面焗到微微焦香，帶啲火灸嘅味道，香濃得嚟又唔會太膩，海鮮份量都幾足，有蝦、青口同魷魚，鮮味十足！ **🔶 泰式咖哩炒軟殼蟹 HK$280** 軟殼蟹真係超大隻，炸到金黃酥脆，咬落去「咔嚓」一聲，外脆內軟，啖啖肉！最驚喜嘅係，就算浸落咖哩汁度，都依然保持到個脆度，真係功夫到家！咖哩汁偏椰香味，香濃惹味，帶少少甜，撈飯食簡直一流！ **🔶 泰式焗粉絲蝦 HK$285** 大頭蝦新鮮彈牙，蝦頭仲有滿滿嘅蝦膏，粉絲吸晒蝦汁同香料嘅精華，每一啖都係濃郁嘅蝦味同香料味，真係成碟嘅靈魂所在！粉絲焗得乾身掛到小小汁，口感啱啱好，食到停唔到口！ **🔶 龍眼冰 HK$28** 飲落去清清甜甜，龍眼肉好多，咬落去好滿足，完全唔會過甜，解渴又解膩，食完濃

餐廳由泰國人主理，店員之間都係以泰文溝通，未食已經知正宗～🌖辣椒膏炒花甲 $168花甲幾飽滿，大部份都乾淨冇乜沙，調味夠又唔會辣，食開十小辣人士表示可以加辣，最鍾意就係大量九層塔，香味十足充滿泰國風情。🌖泰式咖喱炒軟殼蟹 $280軟殼蟹份量都幾多，不過咖喱汁先係重點！加咗蛋花嘅關係，所以質感順滑，單食可能會太鹹，建議配飯或烤餅。🌗泰式椰子海鮮炒飯 $88平時多數都係食開椰子焗飯，因為想配咖喱汁，所以轉叫無汁嘅炒飯。內有大量椰子肉，海鮮就有蝦、青口、魷魚等，炒飯關係所以油感較重，單食味道較淡，適合配咖哩汁食，係個稱職嘅綠葉🍃。-

🎃焗咖哩南瓜海鮮🎃平時食咖哩配肉類就食得多，第一次將咖哩放入小南瓜 連埋海鮮一齊焗，估唔到咖哩+南瓜肉 係咁夾😳突然眼前一亮。最適合點薄餅食🦪鐵板蠔仔蛋🦪新鮮熱辣鐵板煎蠔仔🦪每隻蠔仔都脹卜卜，食落口 蠔汁’別‘晒出嚟，分量我足，用黎送飯不錯🥗泰式鳳爪沙律🥗食泰國菜必會遇到嘅泰式鳳爪沙律，酸酸辣辣，十分開胃。🐗燒豬肋骨🐗一碟有7-8條燒豬肋骨，即叫即燒，淋上㊙️製醬汁一齊食，別有一番風味。略嫌豬肋骨唔太夠脂肪🫣🫣

計上次到過坑口村探店後，今日來到馬鞍山大水坑村的「泰金船」 食泰國菜，從大水坑站步行約五分鐘便到，巴士總站就在村口，位置相當方便。餐廳是泰國人家庭式經營，這無疑為菜品的正宗性增添了不少分數。雖然店舖唔算大，但座位與座位之間仍然有空間感，坐得舒適。蝦醬炒飯，真是不容錯過。飯粒炒得乾身粒粒分明，散發出來的鹹香味，令人食指大動，在飯面還加了肉鬆和煎蛋另這炒飯增添了不少風味😋招牌泰國船湯（牛），老闆說這湯頭用多種香料爆炒後，再加上大量豬骨熬製，所以超級濃郁，河粉很滑溜，配上肥牛、牛丸、炸豬皮、蘿蔔、芽菜等餸菜，非常豐富好味😋炸蝦餅，外層非常酥脆，內部蝦滑則富有彈性，且非常鮮甜，令人回味👍椰青很清甜好喝。泰式凍奶茶，茶味香濃，但奶味不是太突出，少甜，但有樽糖漿水可自行加添👍老闆好好人，還送我們飯後甜品，兩件椰汁大菜糕，都很好味啊😍

#20241223 📝📍 #泰金船 馬鞍山大水坑村93號地舖➖➖➖➖➖➖➖➖➖➖➖➖➖➖➖➖➖#沙嗲串燒 $22/串💭 個個都話馬鞍山係美食沙漠，但其實認真發掘下都係有好野食，今次尼到間泰國人開既泰國餐廳食，正宗到不得了🇹🇭首先叫左兩串豬同兩串雞食，大大串不過好易咬開，點埋個甜甜地又充滿花生粒既沙嗲食勁好味🥜.#招牌泰國船湯河 #豬 $55💭 話說去過咁多次泰國旅行其實都唔係好知正式船河應該要係點，但呢個湯底老闆娘話佢用左藥材同豬骨煲左好多個鐘，就咁飲濃味得尼又唔會肥膩，飲飲下老闆娘教左個新食法，佢落左啲醋同辣椒落去🌶️成兜野感覺唔同晒，酸酸辣辣更加好味，而且佢啲料都幾豐富，有豬肉片同埋豬肉丸，仲有啲、芽菜、通菜、蘿蔔、炸豬皮，連埋啲粉食增加左口感，食完飲埋啲湯好暖身🍜.#蝦醬炒飯 $88💭 想講個飯係碟頭飯既size，叫左佢真係唔使食其他野都夠飽🫣用蝦醬炒過既飯好重咸香味，食落非常惹味，個飯入面仲有啲豆角粒，感覺幾健康，撈埋啲蛋、肉鬆同蠟腸食，會越食越想食，一啖接一啖不知不覺就飽晒😮‍💨.#椰青 $55💭 即叫即開好新鮮，無添加既甜味好清甜，食完啲重口味既野飲返啖即刻舒服晒，店員姐姐開

第一次朋友帶到這裏吃午餐，午餐款式很多價錢公道，是傳統泰國的味道，雖然裝修不是太過豪華，但地方舒適，服務員工態度很親切，我叫咗個泰國請假哩雞扒撈麵，請假呢味道好似喺泰國食的一樣，泰式奶茶味道很香。

位於馬鞍山大水坑村的泰金船🇹🇭由真泰國人主理的餐廳～最近吸引咗唔少人目光雖然才剛開四個月，但門面卻裝潢堂皇，充滿了各式美食的圖片讓人食欲大增😜🤤🤤🤤1. **馬拉盞椰菜苗** 平時我對炒通菜情有獨鍾但這次的椰菜苗炒得相當出色微辣的味道非常適合冬天讓人感覺舒適又暖心2. **海南雞半隻** 使用大隻的雞肉肉質滑嫩、份量十足讓人吃得非常滿足3. **班蘭葉飯** 這道飯的班蘭葉香氣濃郁搭配各種菜式都很合適特別是配上海南雞4. **烤魚** 用心烤的魚魚身肥圓，肉質鮮嫩～5. **鹹檸七** 6. **椰奶珍多冰** 7. 泰國蝦片因為老闆娘招呼實在太好，所以用$20買咗一包脆脆的蝦片係新鮮炸嘅 唔林 好食😋！

📍泰金船 (馬鞍山)📍馬鞍山大水坑村93號地舖🟡泰式咖喱炒青口$175🟡泰式炒芥蘭$75🟡燒雞半隻$108🟡龍眼冰$35🟡熱泰國奶茶$35泰金船係一間由泰國人主理嘅正宗泰國菜館，開業雖然只有四個月，但已經展現咗超高嘅水準！住喺附近嘅我，居然之前冇留意到，真係走寶咗！ 招牌燒雞真係超級驚喜！雞肉嫩滑到一個極致，連平時最怕乾柴嘅雞胸肉都焗得鮮嫩多汁，每一啖都充滿燒烤嘅香氣，$108 半隻雞，兩個人啱啱好，性價比一流。據餐廳職員透露，呢隻燒雞係用低溫慢燒烹調出嚟，每一隻雞都花咗唔少時間，絕對值得專程嚟試！ 泰式咖喱炒青口都係另一個必點菜式。青口份量十足，每隻都大大隻又鮮甜，配埋濃郁嘅泰式咖喱，真係一口飯一隻青口都唔夠喉，有種去咗泰國海邊大排檔嘅感覺！ 馬拉盞炒芥蘭就係嗰種充滿心思嘅小炒，醬汁特別用傳統方法慢慢調製，香味濃郁但唔會搶晒芥蘭嘅鮮味，簡單但好有層次感。 飲品方面，龍眼冰同 熱泰國奶茶都係好選擇，甜而不膩，清新解渴。 大水坑位置係比較偏，但對於住喺馬鞍山或烏溪沙嘅街坊，呢間餐廳真係一個大發現。無論係想食燒雞定係泰國地道小炒，都絕對值得一試！

今次黎到村屋覓食！行完成條村發現呢間最有人氣坐低諗坐倒杯水飲發覺入面有塊綠菜一飲發現係斑蘭味！居然會提供斑蘭水好貼心重點好好飲泰式生蝦6隻必點必點！真係極度推薦肉質彈牙有厚度唔係平時急凍到扁坦坦個種咬落爽脆係全晚最意想不到最驚喜嘅一道菜！招牌泰國船河（豬肉）湯底望落深啡色飲落好濃味但唔會有油膩感原來啲湯係佢地自己熬小店優勢就係可以食到同連鎖唔同嘅味道！明爐烏頭烏頭好大條厚身肉多但最特別係混和左香料嘅汁水食到最尾會發現有娃娃菜墊底啲菜吸晒啲精華超好食絕對會encore

大水坑村雖然地方唔大，但係竟然藏咗三間各有特色嘅泰式餐廳‼️今次我嚟到其中一間 🧡，試吓佢哋嘅地道泰國菜🛕餐廳好多食材都由泰國入口，而且廚師同侍應都係泰國人，更加有保證‼️⭐大蝦柚子沙律⭐🍤柚子嘅酸甜味同大蝦嘅鮮味完美結合，蝦肉彈牙爽口，沙律醬汁清新唔會太濃稠，食落好舒服！⭐清炒雜菜⭐清炒雜菜🥬🥦🍄健康之選！蔬菜炒得翠綠，仲保留到蔬菜嘅鮮甜味，調味恰到好處，唔會太油膩呀～⭐香茅炸單骨雞翼⭐‼️必食推介‼️外皮炸得金黃香脆，雞肉嫩滑多汁，雞皮炸到又薄又脆，仲帶有陣陣香茅嘅香味，但味道恰好唔會太強烈！😋😋⭐芒果糯米飯⭐點少得泰國芒果呢🥭甜度適中，芒果新鮮多汁，糯米飯煙韌軟糯，正呀🍴🍴⭐熱龍眼水⭐甜度適中，超多龍眼肉🤩🤩⭐熱泰式奶茶⭐🥤🥤經典🥤🥤

搬左嚟大水坑2星期，最近有新發現原來大水坑村有幾間泰國餐廳，今日點指兵兵揀咗一間泰國人開嘅，真係好lucky🍜「泰國牛肉船河」呢個冷冷哋嘅天氣食碗船河就滿足哂❤️湯底真係好有泰國味道，湯底濃郁令人回味，特別要讚一讚肉丸，爽彈有口感，相信係手打‼️🦐「泰式咖喱炒蝦」泰式咖喱係比較稠身，用嚟配蒜蓉包最yummy蝦隻用咗大頭蝦，餐廳落足本蝦膏非常澎湃，甘甜鮮香，最終啲咖喱唔捨得浪費，拎返屋企撈飯食「馬拉盞炒椰菜苗」

住咗喺馬鞍山咁多年，其實真係未試過去一啲村屋內的食肆。難得約埋成班中學同學去食😄，當然就要懷舊一下啦⋯⋯（5⭐️最高）串燒沙嗲（雞、豬、牛）（5⭐️）三款肉質都各具特色， 我比較喜歡牛🐮及豬豬🐷。兩兩者肉質較為Juicy，亦都好有咬口，加埋秘製沙嗲醬、超滋味…🤤蒜蓉炒椰菜苗（5⭐️）椰菜苗真的比較少食， 利用蒜蓉炒原來都幾爽甜可口👏🏻泰式豬肉肉碎生菜包（5⭐️）以往食生菜包，肉碎部份都比較辣。今次揀選了走辣🥰效果一樣咁Juicy，多汁。菠蘿海鮮炒飯（5⭐️）比較欣賞這一款，當中含有腰果、肉鬆是傳統菠蘿海鮮炒飯嘅配料👍🏻。當中的海鮮包括咗有蝦、青口等。菠蘿味鮮甜可口，一啲都唔酸而炒飯亦都唔會太油，好滋味呀💕～泰式椰汁西米糕（5⭐️）好特別的一個甜品上邊面層的嘢汁糕，但有少少鹹味，而西米糕亦都加了有香芋粒💋，好有特色。泰式奶茶（5⭐️）香濃幼滑👍🏻龍眼冰（5⭐️）勁多龍眼肉、好抵飲呀⋯⋯😂

今晚同老公近近地，去左馬鞍山果邊村屋食晚飯，呢間係新開泰國菜。餐廳係泰國人做主理，環境乾淨，整齊舒服，越夜越多人。餐牌都幾多嘢食，我哋叫左個沙律、湯、燒羊架同炒飯，另外仲叫左啤酒同沙冰。泰式鳳爪沙律：鳳爪無骨爽口，裡面有菜、洋蔥同蕃茄仔等配料，口感清新，辣味十足，越食越辣，幾惹味。冬陰功湯 (小)：有兩隻大蝦，蝦肉新鮮結實，另外仲有好多菇，味道酸酸甜甜，唔會太辣，幾好飲。燒羊架：燒得幾靚，好有炭香味道。咬落juicy，好多肉汁，調味啱啱好，點埋旁邊泰式汁仲好食。蝦醬炒飯：豬肉鬆甜甜地，泰國臘腸鹹鹹香香，炒飯粒粒分明，唔會太油，蝦醬味香，裏面有豆同洋蔥等配料，整體味道甜甜地，幾好食。飲品：老公叫咗泰國象啤，呢款啤酒都幾清，唔會太濁，幾好。我就叫左芒果沙冰，用料足，芒果甜，味道濃，唔錯。

前排喺馬鞍山嗰度踩單車，夜晚還原單車之後見到大水坑村附近都有幾間唔同嘅泰國菜，今次小編就揀咗間比較強巴士站嘅泰國菜，餐廳係泰國人料理嘅，夠晒傳統，今次我哋就叫咗個泰式炸魚柚子沙律，蝦仁炒金邊粉，馬拉盞炒椰菜苗，另外就叫咗杯珍多冰同埋芒果沙冰泰式炸魚柚子沙律：原來係原條魚起肉然後攞去炸，然後再撈新鮮柚子，花生洋蔥，再配上特製泰式嘅沙律醬，酸酸甜甜，甜甜好開胃，啲魚啖啖肉好大件啊，食材都非常新鮮泰式蝦仁炒金邊粉：食泰國菜一定要叫金邊粉，一間舖頭炒得好有鑊氣，裏面有金邊粉，蝦仁同埋豆腐乾，再配上辣醬一齊，正😍馬拉盞炒椰菜苗：小編平時叫馬拉盞炒通菜，不過今次食咗椰菜苗之後，小編就覺得原來馬拉盞配椰菜苗更加有口感更加好味珍多冰同埋芒果沙冰，食泰國菜又點少得叫呢，極力推介芒果沙冰，相當原汁原味，性價比超高，用新鮮芒果即刻炸出嚟，好smooth好Juicy😝