泰閣 (寶靈頓道)

营业中

休息中

呢間食店永遠無下次，我昨日去買外賣，門口寫明外賣8折，入去店內，女職員話無，套餐價無折，都算，點咗個2人套餐，我問個餐$228點解$234，女職員黑口黑面話加外買盒2蚊個共3個，答嘢無尾音，算，外賣要加盒$正常，但估唔到返屋企食啲餸超難食，海南雞半隻唔好講佢有冇半隻先，原全無味度，所謂火山骨例牌，柴過我條命，炒雜菜超多油兼黃哂，海南雞飯一啲香味都無，食咗一半已經唔想再食，唔怪得話香港飲食業唔掂，原因好明顯係人為，老闆請到呢啲員工相信趕客之餘，唔會生存得好耐！

個雞望落份量好多 但係其實下便全部都係青瓜 不過食落係幾滑下嘅 而且個油飯都幾好食 唔會好膩 加埋杯泰奶又唔算好甜 都幾濃太奶味下如果啲雞份量再多返少少會好好多 同抵食好多囉

咁啱今日下晝食飯時間比較得閒，所以就行咗去鵝頸橋附近搵嘢食，咁啱見到呢一間泰國嘢都幾抵，所以就諗住試吓啦。門面唔算好顯眼，過睇餐牌，佢哋嘅外賣自取又仲送甜品，計埋真係好抵喎！於是就叫咗個牛肉船河套餐試吓啦一打開個袋，發現真係好多嘢食！除咗有一大碗船河之外，仲有湯、甜品同嘢飲，真係大件夾抵食呀！佢哋嘅船河湯底真係幾濃郁㗎，淨係睇個顏色就知道啦！加上佢啲牛肉有成$10咁多，真係幾抵食🩷不過因為天氣嘅關係，所以碗湯就有啲有層油响面，如果唔係味道都OK嘅😗甜品方面就不失不過，不過以$50嚟講真係超級抵！一定可以encore 🤩By the way見到好多食評都話呢一間餐廳態度唔好，反而嗰日去到見到個Staff態度好好，可能係個別例子，不過店價都要好好研究呢個問題，畢竟呢個年頭生意都唔易做啊🙂

態度差，貼錢買難受。送漏野，回覆態度差。浪費時間。好似人哋呃佢咁，幫襯你七百幾八百蚊會呃你果十幾蚊？？唔會再有下次幫襯。嗌6個海南雞飯，全部都係鞋嘅梅嘅。野飲就咁一個大膠袋全部丟野落去，漏左少少出嚟香港不乏好食嘅泰菜。但呢間泰菜黎講都算難食，又求其仲要咁嘅態度，唔怪得啲食評咁多都係差評。openrice個個comment原來唔係第一次。去得幫襯嘅，預咗呢間野出錯唔會認嫁。態度差加難食！貼錢買難受！

先唔講味道 講態度先 店方死唔認錯 香葉肉碎生菜包 沒有生菜 如何生菜包呢？然後店家死都唔認錯 不願意退款或退菜 為了幾十蚊得失了客戶 講真大家留言都好中肯 服務態度極有問題 思維亦好有問題 食物名字完全誤導了顧客

灣仔最強豪華糧尾之選 用左外賣自取半價 $26 ⭐️雞肉冬蔭功湯河 仲有甜品飲品 問你死未 點都要講一講.⭐️雞肉冬蔭功湯河 午市餐$26👌🏻湯底 絕對唔差 酸味開胃 香料同配料都足夠👌🏻有d通菜 菇菇 🤔雞肉明顯食得出係冰鮮雞仲要有紙包飲品 同甜品甜品係⭐️西米椰汁糕 好食 底下有西米粟米粒好咬⭐️斑蘭椰汁糕 好似大菜糕咁 成個餐食完好滿足.當然唔可以同最近試過用龍蝦煮嘅冬蔭功咁鮮味但呢個價錢絕對抵食 用完外賣app自取半價 真係好抵如果唔用app 平時都有午市7折 大概$30-$40都唔貴絕對係豪華糧尾之選 你果區又有冇呢類餐廳呀？.#hkfunfoodrecord窮遊香港#hkfunfoodrecord_灣仔.#泰閣 (寶靈頓道) (灣仔)地址：灣仔寶靈頓道15號地舖.⭐️評分：味道：3.5/5 環境：1.5/5 係灣仔街市 旁邊係豬肉檔服務：3/5 用app落單抵食：5/5 ..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblo

服務好 食物方面可以 冷氣正常，串燒一流 烤魚尚有改善 另可以起爐作，真心期待🫣🤔。 This position very interesting but anyone some one willgo on this Thai need to be on friends👍Thanks for souf👌🏽

lunch有7折 ，CP值高既lunch, 變相地 變左40幾蚊幾蚊有飯有野飲有甜品，味道唔差，幾好味 入味基本上每星期都會去叫外賣 高級外賣味道同質素今日岩岩叫完紅咖喱飯 咖喱好重椰味 仲有兩件甜品送

服務態度極差企喺收銀機前面完全唔問要啲乜嘢外賣單number 同比客果張唔對應門口得我一個人企喺度等足20分鐘，店員無動於衷，催佢單仲一臉茫然未食已經頂住度氣絕對唔會再有下次

十問九唔應，態度極差！買左海南雞，啲雞肉梅！極難食！酸辣鳳爪無味既！身型大既嗰位女人態度極差！全程無應過我任何一句，同佢講要咩佢會攞但唔會比任何回應你，問佢可唔可以比八達通就隊部機比你，筷子唔問都唔會比！仲要係大大力丟落個袋到！唔想比咪出聲囉！頂係要收錢先比都可以出句聲而唔係好似施捨比乞兒咁丟落個袋到囉！我本來仲以為佢喉嚨痛講唔到嘢啦，見佢全程無應過我半句，定以為佢身體有事唔識講嘢啦！但係佢同店入面嗰兩位職員定唔知咩人啦！又好好傾唔架喎！今時今日咁既服務（已經稱唔上係任何服務，我但求有番啲尊重）同咁既食物質素！我真係祝你生意興隆！

用外賣app點餐, 點了青咖喱，例牌海南雞及泰式金邊粉。泰式金邊粉-很好，正常預期的味道，偏甜青咖喱- 不是太辣，辣到剛剛好，份量比較大例牌海南雞 - 比想像中份量大，有點油膩，但是非常好吃。有雞味，醬料十足

Poor tastes of the grilled pork neck and others are ordinary.I bought it yesterday. Thai grilled pork neck was not fully grilled in the oven,which was the most disappointing part and it made me sick to my stomach as the price of this was not worthy and did not meet our expectations.The half of the hainanese chicken was packed in the freezer. My take on this,actually it is quite salty,a little bit over.The chicken was tangy and the taste was silky.The price and the portions of food shankare reaso

已經encore咗不下10次嘅海南雞，比其他餐廳更好味😋先講用料，即係雞，明顯有一層厚厚嘅雞皮，但又唔能夠話係過肥，因為重要嘅係雞肉無夾雜肥膏，只要整走雞皮就係啖啖肉！雖然係「泰閣」，但味道偏海南風格，有啲似鹽焗雞，係嫩滑版嘅鹽焗雞，夠曬味，每次都會走醬cp值高，價錢唔貴但質素高上。我試過好多間泰國餐廳嘅海南雞，但呢間係我最鍾意。另外都想提一提服務，因為我鍾意食骨所以每次都會講做咩連骨，佢哋都會無問題

䨇餸飯$37 (加$1 外買盒），咖哩水汪汪，沒有味道。炸蝦餅$48中間的 一pat pat, 炸不透。其實他們不平宜。以他們的十分差的質素和小份量，份量只是別人的1/3, 正價比極之低！二人餐$158的炒雜菜也很難吃。有的菜炒不透。説真的，他們的店舖是在街市中，已經夠dirty, 還要迫入去，食品差，沒有保證，不用去這間店舖。其實雙餸煮有良心，好吃的大有人在。如要吃泰國食品，可以到「泰簡單」、食物正價比十分高！

職員態度十分差😡😡😡😡我們買外買，其實不用受他們的臉色和氣！而且，收費不合理-竟然$36 的雙餸飯要收盒費。它們外買的𧎚餅，魚餅通常不夠甜酸醬，竟然要 另外收$8 一盒。curry 咖哩很難吃，水汪汪的，也沒有味道。很差的店，不會再去😡😡