泰靚平 (已結業)

泰國餐廳就食得多啦，泰式燒烤自助放題真係第一次！入座每台都會有一盤時令海鮮，好運的我們有鮑魚、青口同虎蝦除咗燒烤肉類、丸類、海產類、蔬菜類之外， 仲有多款泰式熟食可以任食。 我好鍾意佢嘅生菜包，豬肉醃得好好，仲有咖喱海鮮、海南雞、菠蘿炒飯、蒜蓉包、泰式魚餅、薯角 等等等….. 超多嘢食飲品例如椰汁冰，泰式奶茶，亦可以任飲。雪櫃仲有好多款汽水啤酒果茶！甜品有椰汁糕、千層果涷、即叫即制香蕉煎餅、阿波羅杯裝雪糕百幾蚊一位，真心食到飽為止，約成班朋友慶祝生日或者節日的確好選擇！

餐廳供應無限量燒烤肉類🍖，牛肉、豬肉、雞肉、海鮮🦞等應有盡有。餐廳嘅調味料🧂同蘸料都係自家製👏🏻👏🏻。而且種類繁多，你可以根據個人嘅口味喜好調配出唔同嘅醬汁。餐廳除咗有無限量燒烤肉類🍖之外，亦搭配各種配菜同小吃，如泰式沙拉🥗、生蝦刺身🦐等。熟食🍲方面有泰式海南雞🐥、火山🌋排骨，泰式炒飯、生茶包肉碎等，以提供更豐富嘅餐點選擇。飲品方面，除咗一般可樂同紙包飲品之外，仲有椰奶同泰式奶茶😍味道同係泰國飲嘅一模一樣，而且飲得出佢地嘅椰奶絕對無加水，非常出色👍小編私心個人推介：冬蔭公湯🥣，湯酸味同辣度都十足，而且仲加咗椰奶，椰奶嘅甜度平衡咗香料嘅辛辣🌶️同酸味，帶來一種濃郁而柔和嘅口感。除此之外，湯入面仲有大量海鮮🦞配料。海鮮🦞嘅鮮美味道同湯汁相互融合，為湯品增添了豐富嘅口感和風味😋。泰式海南雞🐥，雞肉非常嫩滑而且多汁🤤🤤，口感柔軟，唔會太乾。炸榴槤，炸榴槤為榴槤帶來一種脆脆嘅質感，同時保留榴槤本身的濃郁香味😍😍😍。整體餐廳🍴食物🥘種類繁多，環境又坐得舒服。最重要係免加一。之後都會多多支持⬆️

泰式自助餐並不常見，所以在整個城市都不容易找到。終於在附近找到一家泰式自助餐的餐廳, 還提供各種優質泰國菜餚，很有驚喜👍食物款式很好，不少精選泰食菜和食物，很滿意👍👍😋

一入去就已經勁油煙，但係都算啦，畢竟都係燒烤，抽風系統做得爭少少就會係咁，除非用料同設計都好靚，不過將價就貨啦。我都未試過訂咗位都仲要咁谷氣囉，安排緊個座位已經發覺有問題，出聲話俾佢聽我訂9個人，佢分咗兩張枱開，一張4人枱一張6人枱，佢同我地講話因為驚兩張黐住嘅4人枱太過迫，所以安排咗角落頭兩個卡位俾我地，我地開頭都算係冇問題，只係我訂枱嘅目的就係為咗一班人可以同一張枱食飯一齊傾吓偈，如果你唔能夠安排到同一張枱俾我嘅話，係唔係訂枱時都應該要同我講一講聲，講咗話俾我聽係咁樣安排，而我地都 OK 嘅話，我就真係覺得冇問題。不過當時冇位，就唔再爭論，但係我哋都多口問一句，如果有兩張黐住嘅4人枱嘅話，可唔可以轉俾我哋？咁個女職員都好好禮貌好 Nice 話有枱嘅話係可以轉畀我哋，而咁啱就有兩張黐住嘅4人枱埋單，咁我哋即刻都問個姐姐可唔可以轉枱，個姐姐都話冇問題可以轉幫我哋處理，咁其實我哋都已經等緊佢幫手轉枱㗎啦，我哋都覺得都好呀唔錯幾好禮貌喎，點知無啦啦有個戴眼鏡稍為豐滿嘅男職員走埋嚟，同我哋講話咁樣 唔OK ，因為咁樣嘅話會有機會阻到其他客人，同埋人哋都訂咗位一早安排咗，所以唔可以咁樣轉，我哋

香港泰式嘢食黎講都算整得好正宗了首先見到廚房嗰個係泰國人，仲好Nice，攞嘢食嘅時候會同你打招呼☺️。其中烤肉方面，本人推介烤肉串一定要食 肉質鮮嫩多汁😍啲醬汁選項亦都好多冬陰功湯好足料味道亦都好正宗，另外佢嘅生菜包亦都係好好嘅選擇，點埋佢啲醬汁嚟食，整體感覺好似返咗泰國咁🇹🇭甜品亦都係泰式嘅甜品椰汁糕亦都好好食 🤤估唔到仲有榴槤波波🤣希望佢嚟緊烤肉，同埋甜品方面，可以多番少少選擇我覺得呢間舖頭值得再食🤤🤤🤤

呢間放題見網上有賣廣告 於是過嚟試下今日六點幾去食見無乜人😎點知去到七點幾已經坐滿 😎坐低第一眼個環境已經覺得幾有泰國feel 店內有泰國廚師坐陣相當專業 員工亦好友善介紹食物擺放位置 搞到我急不及待去拎野食🤤🤤🤤首先熟食方面款式幾多 未試過放題有火山排骨、海南雞任食肉類種類都多 雞牛豬🐓🐂🐖應有盡有 飲品梗加吸引有泰茶、椰汁珍多冰、汽水、果汁最後食埋甜品 香蕉班戟、椰汁糕、千層糕、雪糕🍦飽住走🥰🥰🥰

野食好食，熟食熱辣辣，由其冬陰公湯好足料，啲pancake又好香好食😋 ，仲有生蝦勁好食，食極唔停口。員工請左真係泰國員工整，夠哂正宗，其餘員工有禮，收野都快手。美中不足係啲燒既野食總類唔算好多，甜品總類都要多翻啲會好啲。埋單 人頭228$ 抵食，價錢同食物成正比！值得一班人聚會/情侶黎食。

位置唔係太方便.由輕鐵豐年路站落車，需要步行10幾分鐘先到店舖.店舖內播放泰國歌曲音量比較大聲，影響食野果時傾計肉類，蔬菜好普通，無乜款式特別，但唔係難食.入座後，會贈送小量海鮮但無乜鮮味.另外一人贈送一件泰式味熟豬骨，不過味道一般.熟食：海南雞、豬髀肉幾滑，入味自助醬料區：有泰式醬料.整體：唔係難吃，唔係好吃，平平無奇…飲品：有泰式奶茶、椰汁甜品：泰式糕點幾好，唔會好甜坐位適舒價錢合理價，星期六晚都只係$220左右.

第一次食放題 15分鐘就想轉場 ，啲奄肉可以用個‘廢’字黎形容。佳寶 施倍記都好食過佢 情況有少少似以前讀書做學生去食啲cheap cheap 任食 個鋪位係以前韓舍個位 質素不相伯仲 不清楚是否同一老闆 韓舍咁多年都執粒 如果而家仲食番啲咁既野 行條條舊路 重蹈覆轍 下場只會一樣唯有兩樣食物係ok ：冬陰功湯 同 即整果個蕉餅員工服務態度都ok 建議：要搞泰菜放題 不如專心搞好泰菜 燒肉果part取消佢 價錢平唔係一個賣點 俾番少少質素好點

年初二都無加價無加一，已經覺得好抵。燒肉類：種類好多。串燒雞串燒豬、牛排、豬排、雞翼，肥牛，腸仔。仲有好多醬汁比你揀。表現黎講正常，醃得夠味。主推熱食：火山骨、魚餅好食。生菜包、海南雞、豬脾仔望落都唔錯，不過我食唔落。冷盤：生蝦同酸辣鳳爪，新鮮汁夠辣。甜品：即整香蕉煎餅任食超級好味，正宗泰妹煎比你，外脆內軟，我食左勁多。飲品：泰奶ok，唔會好甜。基本上2百零蚊有咁多野食已經覺得好滿足仲要無乜邊樣係差。我只希望佢可以捱得住，始終個位有啲偏僻。

泰靚平 元朗馬田路80號御庭居地下6-7號舖未食過/聽過泰式BBQ放題，香港都少見呢類餐廳，聽落幾有新鮮感😯$228/位，120分鐘任食，免加一，入座仲送每枱火山排骨😍酸辣惹味😋新店環境寬闊，坐得幾舒服，自助Bar有熟食、蔬果、雞豬牛肉等多款串燒、豬扒、雞翼、海鮮、前菜、甜品及飲品等，非常豐富。友人同我已經大半年無見，基本上係吹水多過食野😂加上我地本身飲食習慣都係多菜少肉，口味比較清淡，就算肉類味道醃得唔錯，我地都食唔到太多，同時，我地都想留返quota試下其他食物。魷魚、帶子、蝦等海鮮幾新鮮爽口，BBQ燒完真係勁香🤤；冬蔭公湯酸辣開胃；自製蝦片脆卜卜唔油膩；燒菠蘿酸甜解膩😋；仲有即叫即做既香蕉蕉餅，外脆內軟，熱辣辣又唔會太甜😍👍🏻，再食返杯雪糕降溫☺️滿足枱面有牛油紙方便客人隨時自行更換，幾方便，都算高CP值，好適合一大班人gathering 聚餐😊

講真打左兩次comment 兩次都冇出到打到少攰 少眼訓就係look 社交媒體網站睇到有foodie推薦泰式野 然後我早排食左間泰菜 300蚊埋單 呢間野200零就有咁多野食埋想去試 又係元朗 近我個邊 咁埋同個fd去試吓佢有幾區 燒烤菜/肉 沙律前菜 野飲 熟食 煎餅沙律唔錯 少少辣熟食差勁 得魚同豬仔脾感覺還可以炸野淋灑 炒飯勁乾 海南雞un煎餅一言難盡環境唔錯 職員nice 野飲都似泰式feel雖然2百零蚊 但係冇理由街邊兩送飯可以好食個你

無無聊聊是日晚飯唔知食咩好，唸起社交平台見過有人介紹呢間，又未食過泰菜放題就來試下。環境ok，冷氣好凍，食品種類都算多啦，味道都好ok喎，調料種類好多。冷盤有生蝦刺，木瓜沙律熱食有蝦餅，冇骨雞（好滑，好食）燒烤生野好多種冬陰功湯，香蕉班戟都好好味我最鐘意飲品多， 除咗平時啲罐罐盒盒之外 重有泰式奶茶，椰汁珍多冰，正！甜品有雪糕，椰汁糕點嗰啲（睇樣似唔錯，不過我個人唔喜好所以冇食過）入座送醬香骨 及 海鮮拼盤。總括來港講大家可以嚟試，我都會再來。