泰風佳味海南雞

营业中

休息中

今晚突然間好想食泰國嘢又想食海南雞，我就即時諗起我屋企附近喺旺角熟食中心樓上，我至愛嘅泰風佳味海南雞💛有追開我post嘅觀眾應該都知道數旺角區我最鍾意幫襯就係呢間泰風佳妺海南雞同埋佢嘅姊妹店後生仔海南雞💛兩間都黃到金，重點係佢嘅泰國菜整得夠地道，價錢抵份量又多，總之性價比高！👍😋之前記得睇過一篇報道原來老闆娘嘅媽咪係泰國人，所以老闆娘同埋佢嘅丈夫就煮得一手地道嘅泰國菜，唔怪得之我覺得佢哋嘅嘢食咁地道勁有泰國風味，就算而家疫情之下冇得去泰國旅行🧳得閒食下佢哋啲泰國菜都開心🥳.今晚我都幾有胃口就點咗半隻去骨海南雞（$75），一個青咖喱豬扒飯（$48）另外加多$10有一件炸豬扒。.其實我而家基本上都會有個環保膠盒同環保袋跟身♻️如果放工突然間想買外賣都隨時變到出嚟，今次我叫咗太多嘢食關係一個膠盒裝唔晒，但係做到幾多得幾多，尤其是我哋而家疫情叫多咗好多外賣，如果大家可以嘅話盡量多啲使用環保餐具啦！我都知自己好長氣成日講🤣我哋講返嘢食啦。.佢嘅海南雞根本就係我嘅膽拖.、10次有7次我都會點海南雞，雞肉浸得啱啱熟，滑得來有彈性！由皮到肉都係咁滑，去埋骨啖啖肉我嘅至愛，同埋好彩佢雖然地道，但係佢嘅海南

之前先知原來朗豪坊對面有個熟食中心，入面既店舖價錢好親民，地方好大，今日就試下好多人食既呢間泰國菜。我試過其他網上好多好評既船河，呢間係食過最好食的。湯底夠濃，配料新鮮，豬皮即刻炸的，擺左落湯仲係好脆，一完會再黎食！

由於「旺角綜合大樓」「四樓」裡面的「旺角熟食市場」實際食肆數目，於我而言實際是太多了，加上現實中「旺角熟食市場」的堂食環境裡面，完全沒有擺放任何電視機，感覺頗為安全，唯一要擔心的是座位數量而已。所以我上次來到「旺角熟食市場」的時候，一路視察市場的實際環境，留意食客光顧食店，和實際上佔用餐檯的狀況之後，才正式決定光顧「旺角熟食市場」裡面的港式車仔麵茶餐廳。至於我今次光顧的「旺角熟食市場」食店，泰式餐廳「泰風佳味海南雞」，「泰風佳味海南雞」實際舖位位置剛剛好，也是位於港式車仔麵茶餐廳的附近，附近也有專屬自己的餐檯，不用太過擔心會有「搭檯」的問題出現。「泰風佳味海南雞」跟舖位附近的港式車仔麵茶餐廳一樣，都沒有屬於自己的餐牌，價目表都是被安排直接張貼在食店店門上面，食客需要站在價目表面前研究，然後直接跟食店付款購買食品。至於「泰風佳味海南雞」價目表裡面售賣的泰國菜食品，大致上都跟一般泰國菜餐廳餐牌內容相差無幾，「泰式海南雞飯」都是穩佔第一位置的鹹味熟食食品，至於泰式咖喱飯則是我的「牛肉飯」食品必然之選。我曾經嘗試研究「泰風佳味海南雞」的價目表裡面，會不會有類似「咖喱牛腩」的小食食品，方便我用來

熟食中心永遠都係咁多人，就算晏晝3點都係好多人，而e間黃店係比較多人食👍🏼·泰式無骨海南雞飯+豬頸肉。d雞就有d位滑有d位就一般啦，不過點埋個醬食都唔錯，豬頸肉反而好出色，好煙靭🤤，個餐仲包埋野飲👍🏼

👍💛⭐️泰風佳味海南雞 (旺角) ⭐️💛👍今日嚟到旺角，同大家介紹大件夾抵食嘅泰國碟頭飯！小妹晏晝覺得勁肚餓，喺旺角諗食咩好呢，然後search 下#旺角黃店，就決定食呢間嘅碟頭飯啦😋⭐️ 泰式無骨海南雞飯（$41）⭐️雞肉嫩滑，啖啖肉，冇雪藏味，點埋秘製醬汁，酸酸甜甜非常開胃👅黃油飯吾油，有幾香嘅薑味，唔錯！小妹一啖雞、點醬汁、一啖飯，好快就已經叭晒成碟飯！😋⭐️ 跟餐配豬頸肉$12 ⭐️小妹跟餐加配左個豬頸肉，欣賞佢燒得幾香，醃料同豬頸肉都幾夾。美中不足嘅係佢攤凍左，但整體來講都幾好味！🕋環境指數：7/10鋪頭整齊企理，但熟食中心d座位就感覺有少少污糟，加上亦都多年紀大嘅人士喺度打躉，所以我見好多顧客都係買外賣嚟食。😋美味指數：8/10整體來講都好好食！👩🏻‍🌾服務指數：8/10🤑抵食指數：8.5/10 41$一個飯，好抵啦！🙋🏻‍♀️推介指數：8.5/10 📍地址：旺角上海街557號旺角綜合大樓2樓旺角熟食市場2號舖——hkcookingfoodie——

泰風佳味海南雞飯以前中學年代，喜歡去熟食中心食店吃午餐，因為價錢平。這個旺角熟食中心有很多小餐廳，泰風海南雞排名第二。中午和晚上都有很多人排隊。試試他們的招牌菜，泰式無骨海南雞飯，$41。飯，可以是白飯或油飯，油飯不油，卻很黃。應該是黃薑粉。海南雞無骨，正常。泰式是汁，少少酸，幾開胃。$41，可以有什麼要求？

星期日夜晚嚟到旺角熟食中心見到呢間特別多人排隊就試吓本身諗住試吓主打嘅海南雞飯但可惜已經全數沽清 應該真係幾受歡迎🤭泰式炒金邊粉 $46配料有蝦仁 魷魚 豆乾 雜菜比其他泰式餐廳酸左少少 可能青檸汁落多左黃咖哩豬頸肉飯 $46一大碗差唔多滿瀉嘅咖哩 上菜嘅時候真係嚇親咖哩都好足料 食得出有唔少香料一齊煲烤豬頸肉都好夠味 但切得有啲薄 唔夠爽口希望下次再嚟可以食到海南雞飯！😋😋

以前喺旺角返工，休息時間會周圍逛下。經過旺角熟食市場個時，都心郁郁想試下local店！🤣事隔多年，終於的起心肝去食嚕！Yeah！🥳同frd子一齊試左“泰風佳味海南雞”小妹叫左泰式無骨海南雞飯($41)跟餐加咗一份泰式豬頸肉($12)出餐超快5分鐘都唔洗就有得食🥰岩晒心急又餓肚子既小妹👅👅無骨海南雞啖啖肉！啱晒食肉獸🤤雞肉口感偏腍，配埋微硬既油飯又幾夾！豬頸肉就因為係預先整好嘅，唔夠熱，食落去都唔夠香。整體來說不過不失，絕對適合長期糧尾子。

💛 泰風佳味海南雞 💛..............................今次要介紹嘅係CP值超高嘅泰國菜😍泰國菜就食唔少啦 呢間比較偏港式少少不過就好啱👦🏻👧🏻胃口 我地都好鍾意💛但環境方面有少少污糟 比較多老人家打躉🤭不過唔關間舖事 因為係熟食中心枱凳共用嘅🙊Ps.份量好鬼多 女仔應該食一半就飽 可以share🤤.🔅想知黃店原因請Pm💛..............................🍽泰式青咖喱雞翼飯 $46 (凍飲+$2)（👏🏻8.5/10）.呢個套餐真係唔講得笑 真係無咩好挑剔🤩雞翼唔係浸埋落青咖喱汁到😳而係炸到脆卜卜 再放係飯上面😋個青咖喱汁呢 入面就有茄子 四季豆係👧🏻最鍾意嘅紫色茄子 因為佢好憎食圓形茄子🙊食落好香椰奶味 同埋唔會好多香料渣所以唔使邊食邊揀走啲香料 撈飯食一流🤤重點係個青咖喱真係多得好誇張 仲大兜過碗飯😂次次都食唔晒要拎埋番屋企🤣一餐當兩餐.Ps以前仲會送多個湯添㗎 可惜依家無啦😭.唔好睇個地址好似好難去咁其實就係正朗豪坊對面 好容易去係2樓benifit隔離有條天橋連住 對面就係㗎啦！.....................

唔知大家知唔知其實郎豪坊M記旁邊係有一條天橋通往旺角市政大樓既熟食中心？今次要介紹既係黎間位於熟食中心裏面角落位既泰國菜，門面細細又估你唔到d食物水準都唔錯！泰式乾炒雞肉河入口唔油膩，蔬菜同雞肉份量亦不小，最重要係大大碟，食到鬼死甘飽！泰式無骨海南雞油飯雞肉無骨以及十分嫩滑！辣汁既辣度同酸度十分平衡開胃，性價比極高。

🔹招牌無骨海南雞💰$70/半隻👅🌕🌕🌕🌗🌑7/10啲雞肉好嫩滑，份量都幾多，無骨食起上黎好方便，而且唔會有雪味😚 70蚊就有半隻好抵食，啱哂外賣翻屋企加餸💛-🔹泰式無骨豬手💰$88/一隻👅🌕🌕🌕🌘🌑6.5/10豬手滷得好入味同好腍，而且無骨又係啱哂我呢啲懶人🤣 不過始終係豬手，所以食食下都有啲油🙊-🔹泰式炒金邊粉💰$45👅🌕🌕🌕🌗🌑7/10呢個係雞肉pad thai 黎，因為冇蝦所以價錢都幾平🤣 但個味真係同係泰國食既pad thai好似，好食🥳 而且佢跟餐仲會送野飲，超級抵!-#泰風佳味海南雞📍旺角上海街557號旺角綜合大樓2樓旺角熟食市場2號舖-🔙回頭指數: 8/10⚖️人均消費: 50-🔅係朗豪坊有天橋駁過去對面，行兩步就到，好方便就腳！

《去骨海南雞飯》$41 因為疫情，已經盡量少堂食，最近都係買外賣多。泰風佳味海南雞飯真係好食又抵食，啲雞係去咗骨嘅，雞肉同雞皮都好滑，飯可以揀白飯或者油飯，送一杯熱飲，凍飲加$3，可以加錢轉汽水或者紙包飲品😋<Hainan chicken w/o bones with rice> $41 Because of the Coronavirus outbreak in Hong Kong, I prefer buying takeaway recently. This is one of my favourites💕 The bones of the chicken were removed. It’s amazing when you eat the chicken with its skin, that’s perfect! 🥰 The price is nice to! 食物質素Food quality: 8/10

呢間係旺角熟食市場既海南雞飯係黃界相當有名，一直就唔岩時間去食！放假出開去終於的起心肝去食佢！旺角熟食市場係朗豪坊2樓一條天橋行到過去的地方。大家唔識？唔知道？！唔緊要，係正常既！我都好多好多年冇去呢個平民食堂！今日窮L帶大家食下平野喇😬泰式無骨海南雞飯+熱檸茶$41呢度既海南雞唔係超級滑嘟嘟個隻，但味道真係似泰國食到個隻！而且食雞有雞味喎！油飯都好唔錯，少少硬有咬口！雞翼2只$10即叫即炸，超好食的！檸茶就普通野～我去既時侯係岩岩過左lunch，人唔算多，都算易搵到個位坐！以呢個價錢黎講，性價比極高！下次下次，大概會來多幾次！

媽媽好鍾意吃海南雞，自從帶佢食過一次佳味之後就愛上了。每次嚟到都有長長的人龍，大概都要等15分鐘先有得食，但等下都無所謂，支持小店就對了!每次食的份量都超級多，飯可以選擇黃飯或者白飯，配以特別的醬汁，好開胃又抵食。必須一提的是雞肉十分嫩滑，味濃肉香，每一次嚟都保持水準

旺角熟食市場係唔少人都會黎搵食既地方 因為價錢相宜又好多選擇但要係呢個食市林立既地方搵到黃店可能有點困難泰風佳味海南雞就可以幫到你 佢係唯一一間貼滿文宣 擺明車馬係黃店既食店食店除左賣海南雞外仲有其他泰式食物 例如冬蔭公湯飯 / 泰式豬頸肉飯 /泰式肉碎飯等都幾難得可以係一個熟食市場搵到一間咁黃既食店店員仲要係著制服 非常抵賺可能因為太多人排隊關係 等左10分鐘發現佢漏左單店員都好有禮貌即刻幫我跟返張單今次試左泰式無骨海南雞飯 ($41+$2凍飲) 黃油飯調較得岩岩好唔算好油 雞肉肉質鮮嫩 配上醬汁非常野味 不過略嫌份量唔太足夠如果可以多2-3件雞肉會更加好整體黎講都算唔錯 一定會再黎幫襯