泰 (瓊華中心)

营业中

休息中

我同朋友相約咗去呢間泰國餐廳，我哋叫咗幾道經典又特別嘅泰式菜式，每一道都令人食指大動。首先食嘅係【青檸明爐鳥頭】，鳥頭魚經過精心烤製，外皮微微焦脆，肉質則鮮嫩多汁。淋上清新嘅青檸醬汁，酸香味十足，搭配香草與辣椒嘅點綴，每一啖都帶有泰式獨特嘅風味，鮮美又開胃。跟住係【醃酸辣鳳爪】，呢道菜包含咗 酸、辣、鮮、香。經過特製醃漬，入口彈牙帶勁，滿滿嘅酸勁襲嚟，跟住係辛辣嘅後勁，令人忍唔住一啖接一啖。跟住係【泰式炒粉絲】，粉絲吸飽咗醬汁，入口順滑又帶點彈性。蝦仁、豆芽、蛋絲同各種香料交織出豐富嘅風味，每一啖都充滿濃濃嘅香氣。跟住係【泰好味胡椒蝦】，蝦殼裹住厚厚嘅胡椒醬，帶有濃烈嘅辛香味，一剝開，入面嘅蝦肉鮮甜彈牙，令人越食越過癮。最後係【泰式秘炒紐西蘭青口】，青口吸收咗秘製醬汁嘅香氣，鹹香帶點微辣，味道濃郁但唔會膩口，每一啖都充滿鮮美嘅味道。

今日同家人一齊去咗一間充滿地道風味嘅泰國餐廳食午餐。以下係極力推薦俾大家我哋喺呢間餐廳食到念念不忘嘅菜色。【青檸明爐鳥頭】端上枱嘅時候香氣四溢，酥脆嘅外皮包住鮮嫩多汁嘅鳥頭肉，配搭清新嘅青檸調味，口感酸爽而不膩，十分開胃。【招牌泰式秘煮炒蜆】每一粒蜆肉都吸飽咗濃郁嘅醬汁，香辣中帶住一絲甜味，令人忍唔住一口接一口。【生菜包】嫩綠嘅生菜葉配搭炒得恰到好處嘅豬肉，口感層次豐富，豬香味十足，食落去十分滿足。【馬拉盞炒椰菜苗】椰菜苗嘅味道微鹹中帶有獨特嘅鮮香，口感十分清脆，好好食。我哋仲點咗原個椰青同椰汁珍多冰作為飲品。椰青嘅清甜椰水帶嚟自然嘅滋味，解渴又解膩；而珍多冰就係擁有濃郁嘅椰奶香味，冰涼嘅口感令人感到非常清爽。

🍢 「泰」🌿 位於旺角彌敦道瓊華中心16樓 🍢 主打泰式菜 🐘🦪 泰式炒紐西蘭青口份量不少 青口肉質 🌊 鮮嫩多汁 搭配濃郁秘製醬汁 辣中帶酸 🔥 香濃惹味 層次分明 🦀 芒果蟹肉炒飯粒粒分明 微微焦香 🍚 蟹肉鮮甜 鹹香惹味加芒果粒 色彩鮮明 🥭 豐富創意 香氣四溢🍗香茅雞翼經過醃製 泰式風味 🌿 外皮香脆肉質保持鮮嫩多汁 微微鹹香 💫 金黃酥脆 香茅清香🍢 串燒三款肉類 有豬牛雞 🍖 濃烈香料 外表焦香鮮嫩多汁 配甜辣醬 ♨️ 甜辣惹味 充滿層次

前晚同朋友約咗去旺角搵搵嘢食，最後決定試下呢間泰國菜餐廳。地方幾寬敞，夜晚都有唔少人，氣氛幾熱鬧胡椒大蝦呢個真係幾惹味，蝦炸到夠香口，外殼都有淡淡胡椒香，食落又唔會太乾。蝦肉彈牙，帶少少微辣，好適合配飯泰式香炒蜆蜆肉幾大粒，每隻都吸收晒啲醬汁，帶啲咸香味，再加少少羅勒香，好開胃秘制炒青口青口煮得啱啱好，唔會嚡，醬汁味道幾濃，有少少咖喱香，比起炒蜆，呢個口味再重啲，鍾意濃味嘅岩晒菠蘿梳打幾清新，甜度適中，飲落有啲果香，幾解膩，食完重口味嘅嘢飲返杯，好爽 ！泰式奶茶甜度比平時飲開嘅高少少，但茶味夠濃，奶香足，適合配啲濃味嘅菜式 。整體感覺OK，味道唔錯，海鮮幾新鮮，調味足，夜晚坐低食住嘢傾下計，真係幾Chill

喺旺角彌敦道嘅瓊華中心 16 樓，有一間午市好旺場嘅泰式餐廳，散發住濃濃嘅異國風情。我同女朋友喺嗰度食咗個好正嘅午餐。我哋叫咗四個招牌菜，味道令人難以忘懷。💚青咖哩雞肉💚青咖哩嘅味道好濃郁而且口感好滑，帶住微微嘅辣味，咖哩入面嘅雞肉每舊都十分嫩滑，每一啖都令人好滿足。 💛馬拉盞炒椰菜苗💛椰菜苗嘅口感爽脆可口，帶住馬拉盞獨特嘅鹹香味，食落去令人好開胃。 🧡原個菠蘿炒飯🧡香甜嘅原個菠蘿同米飯完美融合，散發住誘人嘅香氣，炒飯嘅配料豐富又美味，正~ 🩵椰汁雞湯🩵散發住濃厚椰香嘅雞湯，加上口感嫩滑嘅雞肉，令人食咗之後回味無窮。 整體嚟講，呢間餐廳嘅體驗係無可挑剔嘅，侍應生好親切友善，食物精緻美味，氣氛輕鬆愉快，下次一定會再去~

前晚喺家人聚會嘅時候，大家決定試吓呢間好有特色嘅泰式餐廳。餐廳入面燈光柔和，氛圍溫馨，好適合一家人一齊用餐。我哋先由鮮蝦柚子沙律開始，呢道菜十分清新，柚子同蝦肉嘅搭配係一個好好嘅開胃菜。接住我哋試咗泰式秘製蟹肉奄列，蛋香濃郁，蟹肉鮮美，我哋屋企嘅小朋友同長輩都鍾意呢個味道。招牌泰式炒蜆係呢間餐廳嘅充點，帶住少少辣，蜆肉吸飽湯汁，鮮香撲鼻。胡椒蝦我個人覺得最好食，胡椒嘅香氣濃厚，非常過癮。仲點咗鳳爪，鳳爪嘅酸辣口感，肉質軟糯，配上獨特嘅醬汁令我忍唔住連食幾件。呢頓晚餐令我嘅家人食得開心，仲增進咗彼此嘅關係，係一個令人難忘嘅美好夜晚。推薦大家嚟呢間餐廳同家人聚聚。

今次嚟到旺角嘅泰餐館食晚餐。呢度環境優美又安靜，服務員好熱情，仲會推薦呢度嘅熱銷料理。我叫咗一份鮮蝦炒金邊粉，香氣四溢，蝦肉鮮嫩彈牙，同滑溜溜嘅金邊粉形成鮮明對比，口感好豐富。而且金邊粉仲吸收咗醬汁獨特嘅味道，食起嚟好有食慾。酸辣鳳爪係經過醃製嘅，食落有濃郁嘅酸辣味，好刺激味蕾。而且鳳爪咬落好有嚼勁，完全吸收咗酸辣醬汁嘅精華，非常惹味。仲有一道我食咗一口就好鍾意嘅泰式胡椒蝦。新鮮嘅大蝦配上胡椒嘅香氣，每一口都好鮮美，仲有微辣嘅刺激，越食越上癮。咖喱雞肉有濃郁嘅青咖喱香氣，同細嫩嘅雞肉完美結合。每一口雞肉都有咖喱嘅味道，香香辣辣，真係令人胃口大開，一口接一口，停唔落。

我哋叫咗一碟青檸明爐烏頭，味道唔錯，魚肉幾滑，青檸汁帶啲清新酸味，令整體口感唔會太油膩，搭配好開胃。之後仲叫咗泰好味胡椒蝦，成碟好紅卜卜，蝦肉幾結實，胡椒味其實唔算太辣，只係帶啲香辣嘅味道，啱啱好，唔會太重調味。我哋仲叫咗原個菠蘿炒飯，個炒飯炒得唔錯，菠蘿有啲甜味，配埋炒飯嘅鹹香，兩者嘅味道融合得幾好，米飯粒粒分明，唔會太乾。最後仲有個青咖喱雞肉，有椰汁香味，香料味十足，雞肉入味。配埋飯食都ok。我哋食得幾滿意嘅，食物口味都幾平衡，唔會太油膩，幾啱我哋口味。如果鍾意泰式嘅話，都可以試下。

泰國菜大家可能食唔少 但咁好食嘅泰國菜，你應該未試過🤪🤪話說早排爸爸👨🏻係咁話想食泰國菜，但又心大心細唔知食邊間好，後來發現泰這間餐廳，就揀左揀佢啦💫炒鮮蝦金邊粉賣相好吸引嘅炒鮮蝦金邊粉，上面有新鮮又爽口嘅大蝦，睇得出好有心機整。另外，佢上面啲青檸、花生配料都好好味。金邊粉炒得乾身，口感彈牙，酸酸甜甜咁好開胃！💫椰汁雞湯 + 蒜蓉包呢碗椰汁雞湯望落好奶白色，以為椰汁味會勁濃，但一飲落去就會發現味道竟然係泰式酸辣香味為主，當然都有好香嘅椰子味，超好飲！另外叫左蒜蓉包，每啖包都勁多蒜蓉醬，無得頂！食到停唔到口，太太太太好食喇🤤🤤🤤💫青檸酸辣明爐烏頭泰式風味嘅魚🐟一定要連埋d醬汁一齊食，越食越辣越過癮😂魚嘅火喉啱啱好，上菜之後仲會用蠟燭令條🐟keep住熱~仲有好多配菜食😻Overall幾滿意，佢確實係幾有特色又好食嘅泰菜，加埋服務同環境都唔錯~爸爸👨🏻都讚好!!!值得一試!!

🥣椰汁雞湯 (😸😸😸😸😺)呢碗湯以椰香味為主，湯料有豐富嘅野菌同雞件😋 飲第一口覺得黎甜，之後食咗啲咸嘢再飲返呢碗湯就非常之開胃，係解辣好拍檔☺️ 有滿滿嘅泰式感覺，味道偏咸甜，雞肉嫩滑無比，仲有少許菇類作配料，鍾意食椰子嘅人會覺得呢碗湯好開胃的 😉🥬青檸明爐烏頭 (😸😸😸😸)原條烏頭呈上，以大量香菜鋪面，加入蒜頭、紅椒、芹菜等材料，賣相得體集合酸辣咸於一身嘅烏頭魚，味道層次豐富，魚肉新鮮雪白又緊實，加上其他配菜，營養健康又美味🦐炸胡椒蝦 (😸😸😸😸😺)蝦子個頭好大，一隻有半個巴掌大。每一隻都開背去蝦線，細節都照顧到。燜煮後讓水份蒸髮嘅同時蝦肉更入味！胡椒味濃鬱，蝦肉緊緻入味，好吃到吮指！

喺香港想搵好味嘅泰國菜，真係唔容易。但係今次俾我搵到啦！就喺旺角嘅【泰】餐館，味道真係好正宗！我約咗好耐冇見嘅朋友一齊去食，可以試多d 唔同嘅野。我哋叫咗每枱都有叫嘅雞翼，外皮好脆，非常爽口，仲加咗香茅，一口咬落去，香味十足，真係好滿足我嘅胃口。會發光嘅金邊粉亦都好惹味，每條麵條都包住泰式嘅風味，仲帶有蝦仔嘅鮮味，令成道料理嘅味道變得十分豐富。呢度嘅招牌就係炒蜆肉，湯底濃郁香甜，蜆肉亦都大隻肥美，兩者完美融合，不愧係招牌，越食越出色。睇落普通嘅炒椰菜苗竟然藏有驚喜，太香啦！椰菜苗清新，仲有馬拉盞作為調料，好有特色，每一口都好清甜，完全唔會膩。椰汁雞湯完美帶出咗椰子嘅香甜同雞肉嘅鮮味，而且食材非常新鮮，雞肉非常滑嫩多汁，湯底清澈鮮美，一流！呢度真係唔錯，推薦！

平時喺旺角出行都會見到呢間泰式餐廳，但屋企人就好少機會食飯，今日就約埋朋友一齊試下呢間已經屹立於旺角好耐嘅泰國菜！個名叫泰，入面裝修風格好泰式，座位好闊落。泰式炒粉絲同朋友食第一啖都有種驚喜感覺，乾濕程度啱啱好，粉絲口味偏甜，啱晒我同唔食辣嘅朋友。馬拉盞通菜炒通菜香氣十足，通菜炒得非常爽脆，好有鑊氣，每一條都好有光澤✨但食落又唔覺好油，而且有炸蒜粒灑喺上面，口感香口🥰醃酸辣鳳爪小食就揀咗泰式鳳爪，呢個小食十分爽口，怕熱氣同朋友share就啱喇，個泰式汁好正，鳳爪夠爽脆好味招牌泰式炒蜆呢碟犀利囉咁蜆殼大到呢～～肉都好厚實 好好味總括而言，份量十足，價錢公道，絕對值得一試！最後要讚嘅係服務員🙆🏻‍♀️🙆🏻‍♂️，又主動又有禮貌

前排同家人去咗旺角一間泰國餐廳食晚餐，發現咗啲好味嘅泰式料理。餐廳環境幾靚，氣氛都唔錯，食物都幾正。首先，餐廳嘅青口炒得幾有味，湯汁吸埋咗青口嘅鮮味，配搭少少泰式香料，味道清爽唔膩，食完之後真係心情好咗啲。跟住，椰汁雞湯係清甜嘅，湯底唔會過油，椰香十足，雞肉嫩滑，整體好適合喺熱辣辣嘅晚餐開胃。再嚟，炒椰菜苗加咗泰式特色嘅馬拉盞，味道辛辣但唔重，蔬菜唔會過熟，仲保持住清脆口感，係一道平衡嘅小菜，配返主菜食幾好。最後，酸辣鳳爪就係經典嘅泰式小食，酸酸辣辣嘅口感啱啱好，開胃又唔會太重口，啲鳳爪好入味，冇咩油膩感。呢間餐廳嘅食物唔錯，真係可以再回頭試！下次想嚟試埋啲其他泰式小食，開心嘅晚餐！🤤

一行3人去打完波，嚟到旺角又想食泰國菜，結果就搵到呢間【泰】。個人未食過，不過聽朋友中有啲係街坊所以推介話食。去到大約1點左右，門口都好多人，等咗陣就有位睇下睇下就ORDER以下：招牌泰式秘煮炒蜆，生菜包，香茅雞翼，馬拉盞炒椰菜苗👍🏿肉碎生菜包 - 今日呢份生菜包係第一次讚生菜包好食lol😂可能因為調味酸酸辣辣 肉粒肥瘦適中，肉味唔系好突出，食落好惹味！配搭爽脆生菜，口感特別，特別得嚟係好食招牌炒蜆--食炒蜆最驚就係有沙，好彩佢無，都算大隻，味道又夠晒👍🏿香茅雞翼 - 聽聞炸雞翼係招牌 於是乎就嗌咗~肉質唔錯~翼肉就當然夠晒滑啦！🤭食落除咗香之外，雞皮仲夠晒脆，同埋都帶啲雞油香，唔使點sauce都夠惹味。Overall幾好食嘅馬拉盞通菜--馬拉盞通菜好有鑊氣！通菜炒得爽口唔會太老，翠綠又香口，味道啱啱好無過鹹，入面仲有啲辣椒粒同蒜粒令到成碟餸更香更惹味

假期大約下午1點去到，人唔多所以相對都較為闊落清靜店員親切有禮🥣香茅炸燒雞翼一盤6隻皮脆多肉，而且炸到剛好雞肉好嫩滑，仲帶有少少香茅味🥣泰式生菜包平時鐘意食肉碎生菜包，所以就試試肉碎軟稔帶辣，量都唔少包埋生菜食增加口感🥣椰汁雞湯個湯以椰香同冬陰功味為主，湯料有豐富既配料😋開頭飲第一啖覺得黎酸，之後食咗啲辣嘢再飲返呢個湯就非常之開胃，係解辣好拍檔☺️🥣青檸明爐烏頭熱辣辣明爐送上，keep住溫度！烏頭魚肉鮮嫩，油份高所以配以酸辣汁就可以減膩！其他配菜都吸收了上湯及烏頭嘅精華，勁入味，而我真係好鍾意個魚鮮酸甜湯底 ！🍹椰汁珍多冰泰國菜必點！勁多水分嘅清新椰汁😍食食吓辣再飲返個都幾爽㗎☺️🍹柚子金桔檸檬有新鮮切塊金桔檸檬係裡面既梳打，冇外加糖漿所以有少少酸甜感👍🏼亦都係解辣解渴小幫手