影片
港铁尖沙咀/尖東站 N2 出口, 步行约3分钟
继续阅读
营业时间
星期一至日
06:30 - 02:00
公众假期
06:30 - 02:00
以上资料只供参考，请与餐厅确认详情
行尖沙咀加連威老道一帶，行到腳痛，唔想食多油熱氣野，點知兜來兜去都搵唔到一間粥麵鋪！差唔多氣絕身亡，兜左入冇嘢行嘅寶勒巷，呢間六點前仲有下午茶餐，雲吞麵加飲品只係$37，點都要坐低休息下⋯⋯入面好大下，兩行卡位之間夠濶。裝修好七八十年代，牆上有八駿圖、紙皮石砌畫。下午茶餐種類好多，要左兩碗雲吞麵加熱檸茶。估唔到有驚喜！麵竟然彈牙！四粒雲吞中碼size，有肉有蝦幾好食，只係湯底好hea，不過呢啲茶餐廳又唔可以要求有蝦籽大地魚湯底。檸檬茶少少澀，不過不失。衛生情況ok咁啦，見唔到有小昆蟲垃圾。廁所原來係相連大廈，女廁鎖左入唔到，唯有去一地水嘅殘廁。以後行尖沙咀如果想坐底食少少野，會再幫襯。
继续阅读
上星期又去整牙,痛到咩都咬唔到,搵曬可搵既資料,尖沙咀都係冇一間良心粥店,算啦,是旦食啦,幾十蚊尖咀粥加腸粉係平既,個收錢既對於腸粉要豉油麻醬芝麻可能覺得太麻煩,我有提出過自己落既,不過佢都係幫我落左,順手借個廁所用啦,d 食客好似冇見過著背心既女人,不停啤實我XDDD好彩係外賣唔係堂食,唔係真係食唔落...食物係正正常常咁啦,咁既價錢份量同食味已經好ok架啦,d 牛肉冇咩味,可能d 粥就有落味精,食完都飲左幾杯水, 個肚漲曬XDD粥真係難搵一間好既食......
继续阅读
有一晚⋯我其實求其塭間野食碗粥就算⋯點知真係求其得滯無check OpenRice 行過呢間就入左去啦⋯⋯咁我叫左牛脷酥同皮蛋豬膶粥⋯⋯首先個牛脷酥真係難食⋯林曬啦⋯好乾好實⋯唔鬆軟⋯⋯有陣油味⋯⋯🤢食左兩啖就無食啦⋯⋯碗粥就好重味精⋯⋯👎🏻👎🏻 應該以後都唔會再去⋯難食到連相都無影⋯⋯加上環境唔係咁好⋯佢又唔係差到好似啲街市大排檔咁⋯但好多烏蠅⋯⋯啲燈都壞壞地係度閃下閃下⋯服務又麻麻啦⋯⋯好就好在有電視睇下囉🤷🏻♀️
继续阅读
晨早出門走到港島區間間食肆都滿座人山人海，就連想係 7-11 食個杯麵叮個點心都無機會，幸好路過間麵包舖買到個有肉碎既麵包頂頂肚。百萬行雖然係路上不時出現熱心市民贈飯贈水，但我不習慣在街邊進餐呢，感激不盡。用我的毅力堅持到底完成旅程，晚上十點到達尖沙咀終於可以坐低一次過享受午餐晚餐加消夜，餓死朕咯！我的腰不是我的、我的腿也不是我的，七小時持久戰完美畫上句號！身在淪陷區，食客佔據 9 成都係州叔州伯大媽大嬸，隨處可見重重包圍四面楚歌，乃屬正常不過。餐牌很大，菜色繁多包羅有，潮州粉麵、炒粉麵飯、粥品油器、雞牛豬快餐、廣東小菜、蒸魚蒸餸，多不勝數，樣樣都想食呢！無伊麵供應？唯有是彈生麵咯。較早前飲完樽烏龍茶個空樽放入背囊，路上垃圾桶一個難求，最終忘記掉丟就在茶記留下。四眼收銀阿叔疑似老闆要求下次自己垃圾自己帶走！我真係攰得利害，我人品好兼好相與費事同您嘈，都唔知仲有無下次！四眼收銀阿叔疑似老闆見我影相係度眼啤啤，您身有屎怕食客影相？埋單時大膽到飛張單埋黎，仲要掟 $2 蚊落個鐵兜度！什麼態度什麼嘴臉，當我乞衣呀？大媽招呼正常，但四眼收銀阿叔疑似老闆態度非常惡劣，見另一間厚福街洪利茶餐廳非常深藍，莫非全線都係？韮菜豬紅，豬紅結實未見幼滑，醃味淡口不腥唔難食，清淡的滷水汁混上大量辣椒油惹味多了。韮菜嫩嫩爽甜，搭載豬紅同吃更好味道。四眼收銀阿叔疑似老闆稱蘿蔔沽清無得食，唯有韮菜豬紅。但不夠十分鐘對面遲來對州民有蘿蔔豬紅食，點解呀？歧視著黑衫黑褲後生仔女專登唔賣比我地？腐乳通菜，顏色翠綠奪目吸引無比，爽甜鮮嫩，還有乳香腐乳醬助陣更加可口。雲吞麵，包得結實不鬆散的雲吞，醃味濃郁，蝦肉微爽不乏肉汁，都食得過。爽滑魚皮，必定要撈埋麻油豉油辣椒油再捲上蔥絲品嚐才是皇道！青蔥香氣撲鼻，麻香帶甜，涼浸浸脆卜卜魚皮，只得幾條蔥太孤寒咯！多年前以為係生魚皮，後來發現真身係灼熟浸冰水，使其變得極爽脆濕潤立立令，外觀真係好似生魚皮既。雲吞牛腩麵，我都話走蔥咯，激死﹗幸好朋友仔愛蔥，立即全數過戶。鬆化的牛腩沒有特別的感覺，腍腍地甜甜地無羶味。淡淡的湯汁未見香醇，辣椒油靠您喇！使到湯汁變得香辣惹味，讓爽麵拖著大啖啜，都算吃得開心愉快。牛三寶麵走蔥，放入口已覺怪怪的，暖暖地唔係熱騰騰既？怕溫度太高會灼傷食客嘴仔？想食客可以食快少少快快埋單？生菜韌韌粗糙，牛筋腍滑，牛肚軟軟，牛腩爽爽，三寶微羶，炆得味淡。幼麵非常爽彈，散發少少鹼水味免強可接受。掛著大量辣椒油刺激醒腦，入到口頂得住。索價$68 蚊，麵加凍飲有點貴喎！
继续阅读
lunch食燒味不想食粥粉麵飯，想食肉為主，可惜尖沙咀返工，幾可有抵食嘅淨燒味店呀。呢間洪利小廚有燒味食，每日特價餐都有燒味飯。剛巧今天星期一，有叉燒油雞飯，可以選擇送嘅老火湯或紫菜湯或熱飲，我叫了叉燒油雞走飯及熱檸水。叉燒油雞飯（走飯）下單時店員說走飯會答多幾條油菜，但係上菜時係冇既，純粹叉燒及油雞件。分量都叫可接受，6塊叉燒，5舊油雞。叉燒冇乜特別，唔夠肥。油雞幾好食，鼓油汁剛好，雞滑。$48有肉有湯或熱飲，尖沙咀午餐來說，ok。
继续阅读