洪強原味清湯腩咖喱專門店

营业中

休息中

出名既紅橋牛腩麵！上次傍晚黎到想叫崩沙腩，已經賣晒🥲今次早少少，兩點黎到再叫崩沙腩，點知都係賣晒，有緣無份🤣最後，我地分別叫左一碗牛坑腩麵同蕃茄牛腩米粉同埋一碟大既炸魚片。下午茶送熱飲，凍飲加$4，要左兩杯凍檸茶。整體黎講，牛坑腩同牛腩，牛味重，牛腩就偏肥，蕃茄湯好有住家味，炸魚皮有少少油益味😅😅檸茶個茶底唔算好濃。不過以街坊鋪黎講，質素算唔錯架啦。侍應姨姨就比較豪邁，有另一位食客叫崩沙腩，侍應：無呀無呀🗣️🗣️ 食客😰

今次係清湯腩🤣平時有見過其他foodie post呢間好好食！所以點都要去試下～食完真係驚艷咗😍✨咖哩牛腩飯個咖哩真心好香！係勁送到飯，食唔停口😍仲要就算佢係普通牛腩都好淋好好食，好香手腩味✨清湯牛坑腩河粉牛坑腩勁淋，仲要好香！佢嘅湯底肥米諗真係用牛骨去煲，連平時食麵唔會飲湯底嘅肥米都係咁飲🤣佢唔會飲完好口渴✨清湯牛筋河粉個牛筋好軟好好食！肥米係勁鍾意食牛筋，個口感好正🤤牛筋唔可以太硬又唔可以太淋，要啱啱好食係最好食！而佢呢個真係啱啱好，仲要吸晒牛腩湯底嘅味，真心勁正！唔係講笑，肥米已經encore咗一次，食咗個蕃茄湯底，但都係講得清湯最正！佢個性價比又高，所以一定會再食#洪強原味清湯腩咖哩專門店 📍屯門青葵徑5號地舖

清湯腩都系一個會去揾既美食之一見到依間食評幾好，就當然試一下啦本來想叫崩沙腩但都系遲左，已經知哂次選就為有叫坑腩啦湯頭還可以，都幾清甜牛腩份量都唔算少既，疊住下面都有幾舊。腩質唔錯，半肥瘦，唔會鞋口不過就咸左啲了，已經蓋過左個牛味略為遜色啲加埋凍飲$48中等價錢

鍾意食咖喱牛腩或者辣椒油既朋友，呢間應該岩你～咖喱筋腩伊麵湯底咖喱味香濃，唔算好辣，牛筋腩非常軟冧入味，伊麵掛汁，每一啖麵都充滿濃郁既咖喱香。番茄濃湯大胃王米粉肉丸彈牙新鮮，湯底番茄味偏淡，餸比湯底好味，份量偏多。手打牛丸自家製手打牛丸，口感爽滑彈牙，好香牛肉味，食得出係誠意之作。店舖有自家製辣椒油，加d落番茄湯麵一齊食，味道即時昇華，仲可以買走辣椒油添，我即時都買左一樽大既走$60，咁就可以隨時都食到呢隻味😋

眼見好多人係網上大讚呢間野咖哩掂 牛腩好食小弟即管試試，晚上7時掃描安心出行進入餐廳叫左一碟咖哩根腩飯（多飯） 及 凍奶茶！先講凍奶茶 一定唔合格，茶味欠奉奶味好淡，溝水溝得太多啦再黎碗白飯，雖然叫多飯，但仍然係得一舊仔，其實多飯既定義係點呢？飯味香，粒粒分明，幾好食！最後想評論呢碟咖哩根腩飯，色澤係幾好睇總共有5舊牛腩 2舊牛根！先評論咖哩汁，味道唔差，但份量太小，咖哩料頭都多，有幾舊薯仔碎等等送飯我諗d汁兩三啖就冇哂，迫使我成碗倒哂落個飯度其次就係牛腩 真係好差！舊舊都大大舊好un,un到我出盡力先撕得開，有一兩舊仲要有咖哩汁彈係我件衫上面好心店舖就將牛腩斬開一細舊，又唔係淋 又un d肉好似煮過火咁！最後就係牛根，只係有少少淋，夠彈牙 可以接受！成餐食左58蚊，坦白講句味道可以，但食物質素難以接受！小弟寧願去金銘食咖哩牛腩飯！最少人地汁多 牛腩細舊會考慮食家感受！本身趕住返工，又要我返屋企換衫真係多得呢間餐廳唔少

其實平時都已經有叫開呢間洪強飯店嘅外賣㗎喇， 平時我鍾意食佢啲咖哩嘅，不過今次我就轉咗試下佢嘅蕃茄湯，今日就特別試下呢個蕃茄湯坑腩飯。咁我就叫外賣嘅，佢哋次次外賣都好準時，我叫佢六點送到，佢就六點前五分鐘就已經到咗㗎啦。平時佢嘅咖哩腩已經好好味好濃味，估唔到今次番茄濃湯更加有驚喜。佢嘅蕃茄味好濃，坑腩完全索曬啲番茄汁，而且啲坑腩好淋好易咬，好易咬得斷，唔會咬到牙骹都甩埋。 佢嘅蕃茄湯味道啱啱好酸酸甜甜，唔會太鹹，用嚟送佢啲白飯真係好好胃口。 個份量亦都好十足，60蚊左右都畀咗好多牛腩，晚餐嚟講嗰份量足夠食飽，完全係抵食之選。 鍾意食牛腩嘅人可以試下呢一間，無論係咖哩定蕃茄都好推薦。

前排因為大利天后老店結業，食左碗。了起我食清湯腩條癮。屋企附近洪強，一早食過佢既咖喱牛腩伊麪，今次試試清湯牛坑腩伊麪，小弟就覺得高大利、華姐果啲一個grade啦。屯門友真係要黎食！點知我分享完比朋友，朋友話最正係爽腩，一般7pm前都賣哂，想食就一係早一係打去留。非常期待下次食到爽腩！其實N年前食過既咖喱牛腩伊麪都好好食，小弟都推介各位巴打絲打去食下。撐下小店老店。抵食、好食、食得飽！仲有唔同牛腩部位選擇，筋腩、肥腩、爽腩（雖然經常賣晒）、牛坑腩，啱晒牛（腩）魔王。

之前食過洪強既番茄牛坑腩米，洪強最出名都係佢既牛坑腩。所以今次就黎試試佢既清湯牛坑腩飯。今次買左外賣，準時送到黎，牛坑腩份量夠多，肥瘦適中，另外再加左蔥係入面，令到牛味更加香，同埋牛坑腩都好有咬口，爽口彈牙。佢既清湯亦都好易入口，雖然有好多牛坑腩係湯入面，但都唔會令到 d 油好油膩飲落夠哂清甜唔錯不過唯一既缺點係 D 飯太硬，好彩湯夠多可以撈下飯，冇咁乾，果然佢既米線係出色 D , 不過可惜晚餐想食飯就冇揀到米線

因為係屯門返學 每次都草定一堆外賣紙 放晏就食外賣 呢間真係成日食 未食呢間之前 完全唔知咩係牛坑腩 見呢間牛坑腩係招牌 咁就叫嚟試下嚟 真係食過返唔到轉頭 牛味好香 肥既位同瘦既位分佈好平均 仲要一啲都唔韌 之後都有試過食其他店嘅牛坑腩 但都無一間比得上呢間之前偷咗朋友嗌既蕃茄湯嚟試 都好好味 好重蕃茄味但印象中都唔算平 學生妹表示有啲貴 唔可以成日食

屯門虹橋真係幾多好野食，每次係屯門附近想食牛腩米就會諗起洪強，個人認為佢既清湯腩同蕃茄腩都做得幾出色，今次自己一個人黎左食佢既番茄牛坑腩米粉，牛腩肥瘦適中，牛味都好夠，唔會太膩。落足料，夠抵食。另外番茄湯唔會太濃，淡淡地幾好飲，唔會好重味精味，反而似屋企煲既番茄湯咁，米粉都好入味，超正好想食菜所以加多左碟油菜，點知太大碟，一條友食唔哂，同埋食完成個米粉之後都好夠飽。反而佢既咖哩又真係未試過，下次試下先

06.05.2021午餐：雲吞/鯪魚球、芥蘭外賣好耐冇叫洪強清湯腩外賣，呢期成日用Apps叫外賣，但今日叫番真係覺得又抵又好食，唔洗加運費，仲要送上門，真好！唔知係咪好耐無食，覺得鯪魚球好味，有少少胡椒粉味；雲吞大大粒，四定五粒，咬開有兩隻蝦，皮薄餡靚，正！雙併$43，都幾抵呀。另外，仲要叫咗個芥蘭，$14，大大條、卜卜脆，而且份量算多。其他同事叫大胃王河、番茄湯底，$47，份量大大粉，而且自己都食過，好正呀！佢哋仲有咖喱，應該唔錯。惟一係同事話個麵底比較少，有需要可能要加底。其實佢哋最出名係牛坑腩/爽腩/肥腩，下次要試牛坑腩，值得再encore!

今日朋友介紹我來試呢間買咖喱，話呢間咖喱十分出色，於是同佢來虹橋來試一試佢。呢間咖喱有幾款，有雞、豬、牛，當中牛腩有分筋腩、爽腩、坑腩。而我呢次食嘅係筋腩，佢嘅咖喱唔辣，好香，雖然睇落去好似好水，但係溝埋個飯一齊食岩岩好，d飯吸曬d汁，正。腩方面，筋腩較為韌，有嚼感，另外咖喱同薯仔嘅比例剛剛好，感覺抵食👍

有時候做野會同同事一齊叫外賣，有次佢地叫「洪強」，食咖喱牛腩飯既，咁我唔知有咩推廌就跟左佢地叫「咖喱坑腩飯」，點知一食真係好impressive咖喱好足料，唔似一般茶記咁，佢加左洋蔥，帶出個咖喱味好正！牛腩亦好爽，牛味出，正呀！推廌！

本身係熟客，一個月都起碼幫襯6-8次。味道係okay而且價錢都合理。今日如常去買外賣，不嬲叫開清湯腩河+清湯腩飯，價錢都識背，81蚊。個阿姐落左單之後話收96蚊，多口問句點解同平時唔同價錢，佢話因為係崩沙腩，咁咪叫佢改普通牛腩就得，佢好嫌棄咁講話落左單，然後大聲叫入廚房話改清湯腩因為我嫌貴，聽到即刻唔買走人。其實老細好nice，平時係附近番工都有叫外賣，好多時老細送，tips都比10幾20蚊，d員工咁既服務態度真係好趕客！

基本上我每次如果要入元朗/天水圍/屯門工作，我都會去洪強原味清湯腩咖喱專門店，吃瘦腩清湯河。這間粉麵店的瘦腩清湯河，非常美味，瘦腩不會太韌，河粉厚身有口感；最重點是那碗清湯，他們強調是不加任何味精，味道不濃，但卻很美味。而他們的辣椒油也挺香，喜歡吃辣的可不妨加一點