洪記粥麵 (已結業)

4/5⭐️ 街坊早餐首選二期近馬會 上咗電梯轉咗就係🍲 必食雙寶 🐮 碎牛粥- 粥底煲到綿滑，碎牛肉份量ok 🍩 牛脷酥- 脆身，咬落「咔嚓」聲 - 甜度剛好唔油膩浸粥食係絕配

唔想比星🔥🔥🔥🔥超級嬲❗️❗️❗️❗️食物無問題嘅，間唔中有食開，不過今日去買外賣無論收銀阿姐同樓面阿姐都不知所謂，極度無禮貌！今晚我自己拎盒去買炸兩（$21)，同佢落單之後佢話要自己拎盒去廚房度！我已經著火去咁多次餐廳都唔會要個客自己拎盒去廚房？！我話乜咁都得，佢話係咁樣嘅，咁我話要拎去廚房邊度，佢只係話廚房嗰邊！跟著我行去廚房問樓面阿姐要擺去邊，已經嬲到手都震埋！個阿姐仲要話我嗰個都係外賣盒播咁有咩問題呀大佬我洗乾淨咪一樣用得唔通一定要係"食物盒"先可以再洗再用咩？仲要再話咩我個盒驚唔乾淨？！我話你放心啦我唔會屈你地！你地嗰d 又點保証乾淨之後個阿姐仲想繼續話我個盒乜乜乜，我叫佢唔洗再講！等緊炸兩嗰時諗起收銀收我幾錢，佢收左我$22 即是加左1蚊盒！臨走同佢講佢話無得改ga 單一定係咁打！最衰我比錢嗰下同佢嘈緊無睇清楚幾錢🤬🤬🤬🤬成間鋪頭d 人都唔憂做唔尊重無禮貌❗️祝佢地早日執笠！睇其他評語都唔係好！我未試過喺網上比負評，但係今次實在太差！大家都係人，使咪咁樣講野？如果真係咁唔想掂個盒咪叫我轉堂食自己轉落盒囉！我見佢地咁多人手唔忙先會叫佢地裝啫，如果咁我自己裝無問題ga!而唔係咁樣呃人錢囉

今天因為身體有些不適，所以打算和阿哥2人去洪記食粥，見到門口有張太卡位，便打算坐下，但服務員說2位要坐入面，這張大卡位要留給人多的坐，但我見後面那張大卡位也是只有2位女仕坐，我便問她為什麼她們可以坐，而我們便不可以坐，但那服務員不回答我這問題，只是一直要我坐入面人多比較擠迫的坐位，我本身戴住口罩身體不適，所以不想坐在人多擠迫的位置，不想和其他人互相感染，門口那張卡位比較空曠，相對比較好些，但那店員堅決不給我坐，但又不解釋為什麽第二張大卡為又可以給2位女士坐，最後我只好離開去同層的酒樓吃了！

及弟粥：料唔算好多，不過粥底ok～炸兩：油炸鬼夠脆！牛三寶麵：三寶包括 牛腩，牛筋，牛肚，份量都算足料。熱奶茶：係茶餐廳沖嗰奶茶，所以茶底都夠味不過11:00am先營業，平日早餐想食就無喇，放假瞓醒去食就得嘅

叉燒腸～皮溥料多～啖啖肉～配上自製嘅甜豉油鹹度適中～狀元及第粥～料多～豬膶～豬心～粉腸～豬肉丸～豬肉片～聰段及姜絲～劈走腥味豬潤厚切～爽口嘅豬膶加上胡椒粉^辣辣地冬天適合吃一碗暖暖的粥

牛腩雲吞米線～牛腩好多～肥瘦適中，雲吞兩粒大大粒雲吞豬肉同蝦嘅比例，剛剛好蝦都好彈牙配上芹菜粒同蔥粒～嘅香味～及口感～正我加咗啲紅醋同辣椒油～味道在升一個層次米線呢就比較腍些少～份量都大份～正

崩沙腩飯加可樂呢一個值得推介肥瘦適中～唔會起渣好腍好正加上辣椒油，配合得啱啱好食落口好入味好濃郁，普通牛腩飯$50加多$10雞就可以換崩沙腩普通牛腩飯都唔錯，口感就比較爽崩沙腩就比較腍

牛腩拼牛腸飯，加個蝦米腸牛腩炆得軟．牛腸個脂肪好多哈哈可能有啲人鍾意食，蝦米腸～個口感好滑～佢嗰啲醬汁都係自己落．可以調配到自己適合嘅味道食晒好飽好飽好飽好飽好飽

牛腩飯$50 午市可樂汽水加$3凍飲加兩蚊牛腩炆得好軟熟好腍 唔會好柴嘅感覺環境衛生都OK整理～人流都多整體上會繼續食唔錯唔錯，性價比都高服務態度良好～有時有馬跑嘅時候呢嗰度就好多人食，哈哈

喉嚨有啲唔舒服就諗住黎食清淡啲，今次已經係第二次黎，平日12點幾到都差唔多滿座咁制，人流都幾多。今次我就叫左生菜粟米瘦肉粥，上菜速度超快，叫左唔洗5分鐘就已經上菜🤣成碗都熱辣辣，而且成碗都好足料，每一啖都有生菜粟米瘦肉👍🏻生菜清爽鮮甜，粟米增加左粥既甜味，瘦肉嫩滑，食落去口感好豐富👍🏻可惜今日胃口唔係幾好，如果唔係都會叫碟腸粉黎食下～

星期日間間都排曬長龍，行到呢間粥麵舖唔駛排，可能翻枱快啦。商場大裝修後，終於有好幾間食肆進駐。 但仍未開得曬。 記得洪記粥麵前身係日本城。7:00pm坐低，見待應姐姐好忙，廚房大哥匆匆忙忙走出嚟向待應姐姐嗌河粉賣晒！都話賣曬！你地記住啦。 12月去試都仲冧檔😅 努力呀💪🏻去粥舖梗係飲豆漿，order豆漿但賣曬…叫油菜冇晒菜。 簡簡單單叫咗個炸兩，好味，不過冰凍嘅🥲 換過又浪費…叫杯熱菜蜜，一啖炸兩一啖熱菜蜜，暖返曬😊

一起身想食d清淡既野，見到嘉湖新開左間粥店就去試下舖頭話大又唔係好大，應該都坐到40-60人左右，去到個時都差唔到坐滿晒，都幾好生意再睇下餐牌原來唔止得粥麵食，都仲有飯/淨食可以選擇我地今次就叫左生滾粉腸粥($34)，朋友叫左生菜鮮鯪魚球粥($36)，再叫左一份炸兩腸粉($19)炸兩腸粉好快就送到黎，份量都好多，兩個人食岩岩好，不過可能太早送到黎，d粥送到黎個時都凍凍地，同埋豉油都落得偏少（應該係我食慣重口味然後個粉腸粥都不過不失，粉腸份量都ok，食到最後都仲有；生菜鮮鯪魚球粥朋友都話好味，d粥加埋生菜既味都真係好夾環境因為係新開都算係好新淨，坐得都好舒適，樓面同收銀姐姐都好有禮貌！下次會再幫襯！

+WOO翻新工程及裝修後，陸續有新店進駐👏🏼👏🏼喜見商場內終於有新粥麵店👍🏻因為銀座區商場或附近都沒有這類型傳統粥品店，多個另類選擇都幾受歡迎...因食量有限，又想試多啲款式...這星期已幫襯過好幾次🤭雖然初開業比較忙亂，人手短缺，但服務也不錯🤔落單與出菜效率極高👍🏻不用五分鐘已全部柯打到齊👏🏼每次都試不同款式配搭😅飯、麵類味道一般... 選擇不算多，質量可接受😅反而杯奶茶ok幾滑又夠茶味😋唔錯！粥品類系列的確唔錯，足料好味又軟綿👍🏻生滾粥都真材實料...粥料算厚切🤤欣賞油器食品質素保存得有水準，即使放涼了，仍能保持香脆可口😍👏🏼有機會也試過早餐出品...🤔原來早餐時段才有炒米粉、豉油王炒麵...始終炒粉麵係較為油膩，試過便算 😅