影片
电话号码
36890383
营业时间
今日营业
06:00 - 23:00
星期一至日
06:00 - 23:00
以上资料只供参考，请与餐厅确认详情
而家天氣凍凍地，最好就係食碗粥暖下個胃，有時食下呢啲野真係好舒心。依間舖頭好似係新開，環境夠光猛，又乾淨企理，令人感覺舒適。菜乾豬骨粥：好多材料， 除咗有菜乾同豬骨之外， 仲有蠔豉同果皮，好揼本。鯇魚腩粥加鯪魚球：有3舊魚腩，加咗6蚊鯪魚球，都有3大粒，粥底煮得剛好，滑溜溜，鯪魚球鮮味十足，咬開有汁。叉燒腸：腸粉滑溜，叉燒唔肥得黎，又唔會韌，甜甜地，好好味。豬膶腸：食豬潤火候好緊要，太生我又唔敢食，太熟又唔好食，呢度處理得恰到好處。豆漿：依度嘅豆漿係支裝嘅，乾淨衞生，又方便拎走。味道又香又滑，甜而不膩。整體來講，洪記粥品嘅食物質素高，價錢又抵。店員服務態度親切，點完餐後，食物好快就送上。推薦！
继续阅读
-返工附近開咗間新嘅粥麵舖💯性價比方面好高 平均一碗粥都係30幾蚊 而腸粉、油器等等都比坊間嘅連鎖粥舖更抵🫣臨近冬天飲返碗熱辣辣嘅粥真係一流‼️而且佢哋又好多間分店 行過可以買返碗返屋企-⚜️生滾鮮牛粥 ⚜️鮮鯇魚腩粥我哋叫咗兩碗唔同味道嘅生滾粥 粥底好綿 而且係即叫即煮 出到嚟熱辣辣 而且鮮味十足🥰鮮牛味好濃郁 配埋粥一齊食就唔會好單調😎鯇魚腩啲骨都係非常長 唔會有碎骨 $40都唔使真係好高質👏🏻-⚜️油條 $10食粥點可以唔配埋油條 熱辣辣又脆 好香口～-⚜️蝦米炸兩腸 ⚜️九皇鮮蝦腸鍾意食腸粉嘅都唔可以錯過 腸粉皮好薄 鮮蝦腸好新鮮 炸兩好大份$20 出邊真係搵唔到😂😂值得一試
继续阅读
我們品嚐了幾道清淡而豐富的美食。雖然缺少了黃糖和白糖糕(一早沽清, 要下次再來試)，但其他的選擇完全彌補了這一遺憾。狀元及第粥，是一道非常具代表性的粥品。粥底濃郁，內臟的鮮味與米香相互交融，讓人感受到了一種家常的溫暖。大塊的內臟口感豐富，增添了吸引力。特別是在未來寒冷的天氣中，這碗熱粥彷彿能驅散所有的寒意。生菜鮮鯪魚球粥🍲🥬，鯪魚球的彈性令人驚喜，不僅大而且鮮美，讓人一口咬下去就能感受到那種鮮香直擊味蕾。與一般市場上常見的重調味品不同，這道粥品保持了食材本身的鮮美，讓每一口都充滿了清新的滋味。韭黃鮮蝦腸粉🍤🌿，腸粉皮薄而軟滑，蝦仁新鮮且彈牙，搭配韭黃的香氣。蒸蘿蔔糕，味道也相當出色，蘿蔔絲的量讓人驚喜，混合了少許臘肉的咸香，味道偏甜，但搭配白胡椒粉後，更加層次分明。微糖的豆漿🥛，作為結尾，口感滑順，與上海館的豆漿相似，清新可口，為整頓餐點畫上了完美的句號。
继续阅读
粥底夠綿，足料，食材新鮮，不過，豉油皇炒麵質素飄忽，有時麵質太硬，夾雜乾咗的細麵碎，好似食鐵絲咁，菜乾豬骨粥的粥，冇肉食！豬膶粥試過一次太生，需更換，以上問題有待改善！服務態度非常好👍值得一讚👍👍👍
继续阅读
🎈食物：🌕🌕🌕🌑🌑食左菜乾豬骨粥，無咩味精，菜乾都好入味，豬肉都有幾舊，仲有蠔豉係入面，有🤏🏻🤏🏻驚喜。另外再食左個蝦米炸兩，味道中規中矩。現場有得自己加芝麻同甜醬個d。筷子要喺側邊拉開個櫃就可以拎到。亦有自助水係張枱可以自己裝水飲。🎈環境：🌕🌕🌕🌑🌑都坐得舒服，一個人食都有位擺袋。🎈服務：🌕🌕🌕🌑🌑正正常常，中規中矩🎈回購：🌕🌕🌕🌑🌑由於粉嶺無咩粥舖，如果想食粥都可以試下呢間，都會回購再幫襯既
继续阅读