流金歲月 (已結業)

本來一心想同班朋友食餐安樂荼飯,唉!唔講食物水準啦,服務員好似唔想做,杯茶都打瀉,我一褲都係!!成晚都無哂mood啦!!救命!!

大前日我同老婆去左呢間食,好耐之前去過一次,之前去都知醫管局職員有9折,咪心諗試下囉~叫左個上海粗炒,雞絲粉皮,高力豆沙,150到埋單~雞絲粉皮一般,d麻醬"張"住哂!上海粗炒最滿意,有少少汁,夠"林"又夠味,不過要等好耐,聽個部長話要烤....(怪)高力豆沙皮厚"咸"少,"咸"唔會流出黎,一舊舊~麻麻!環境又係唔掂,我坐卡位,張檯細到唔識講...到我埋單時,我同個女職員講我冇帶醫局職員卡問佢可唔可以俾折我,我當時出示埋證明(兩張),佢答左句"唔卡冇得折!"跟住走左,我當時睇到佢口黑面黑答我,我已經火都黎埋,我黎食野坐又坐得唔舒服,野食又唔係好過人,又貴,仲要睇妳面色?過左一陣我再叫左個著黑色衫既男伙計黎再問一次俾唔俾到折,我出示證明後,佢話"幫你做一次咁多,下次記住帶勒"雖然佢好似唔太信我,但起碼人地會望住我講野再加少少笑容丫~呢d咪係服務囉...禮貌囉...有時d野唔洗咁強硬既,睇時機轉變下嘛,最後佢俾埋個卡片我,叫我多d黎幫襯~唔該哂你呀....阿盧生~

近兩個星期共去了兩次流金歲月食晚飯，都是叫四人優惠套餐，再點其他菜式。根據兩次的經驗，我試過醉雞、脆鱔、雞絲海蜇(前菜)、松子桂魚、炒蝦球、黑醋生炒骨、炒珊瑚蚌、清湯菜苗、小籠包、蟹粉海皇翅和糖水紫米露，賣相還好，味道都算不錯！四人食飽，六人食都飽。但那些侍應生的服務就差一點，落漏單，又不跟進，舉手又無人理會，最後還是要叫經理去跟進。埋單六百幾、七百幾！有點貴！

蒜泥白肉：出奇地好味，一個惹味前菜！小籠包：一般，汁多夠熱，已經合格。擔擔麵：沒有特別，令人失望。鵝肝蛋包炒飯：一般，味道奇怪。翡翠苗：也是一般，原料問題。鍋貼：不錯，但不夠香。鱔糊：好味，份量也足！炸銀絲卷：也是出奇地好，果然是絲！黑醋生炒骨：味道很好，讓人停不了口！

同女朋友兩個人入到去屯門搵食﹐覺得呢間野幾吸引就入左去。叫左一個三周年紀念餐﹐一共有五款食物+一人一碗湯﹐好豐足既一個晚餐。茶有龍井、碧螺春、鐵觀音同香片揀﹐茶價當然唔會平了...前菜兩個人既前菜會係微辣昆布、四個人係第二樣野。蒜泥白肉即係一d切得好薄既豬肉﹐配左粉皮﹐個汁入味而香﹐相當之唔錯既頭盤!炒蝦球蝦大隻而彈牙﹐用左三種甜椒去炒﹐味道ok。小唐菜配炒班塊魚是經過油泡的大班塊﹐很香!翡翠苗不是大家喜歡的豆苗﹐而是莖佔較多的菜苗﹐吃起來較清﹐但碟頭很大﹐吃到後來像是吃草似的感覺...小籠包真的很多汁!!!女朋友用湯匙兜著飲都仲得!!肉是新鮮的﹐有肉香~~皮較厚﹐不過就唔怕夾個陣會爛。杞准螺頭雞腳湯有老火湯的感覺﹐很好喝的一個湯呢~~~總體的感覺是很好的﹐好味道而且新鮮﹐唔算太多油。碟頭算大碟﹐兩個人食有很豐足的感覺!!有少少感想就係見到隔離台叫一d比較香港人識既食物﹐好似口水雞、津白等﹐就浪費左呢到其他既食物呢~~~可以試下食呢d餐﹐擴闊下自己對食既經驗~~少少缺點1.無飯跟﹐散叫要$8一碗!!茶價貴!! $9一位...2.個餐既加一係跟原價黎計﹐結果要俾多幾十蚊...

由於男友唔得閒，由個朋友頂上陪我食飯+看醫生，今餐\就當是補祝你升職的一餐\吧！不過難為了你聽我討苦水.....去到屯門，本來想食燒乳豬的，但我有的發燒，所以選擇其他餐\類，我們行到流金歲月，當時是未夠七點，門外已經排哂長龍，於是我們也抱著試下的心態就決定等，好在二人等的不算太多人....我們叫了一個二人餐\，有松鼠桂魚+蟹粉扒西蘭花($137)，之後我們仲加左個黑醋生炒骨($68)，<因為我見到個待應搬住，賣相好靚>。先說個魚，雖然不是太大條，但食得出好新鮮，個汁教得好，甜酸得宜；個菜就一般加的花好硬，因為我唔多喜歡蟹粉的賣相，仲見到好多油流出來，不過見佢\個餐\二樣咁低就算吧！最後是黑醋生炒骨，真是唔差，一上桌就好香醋味，排骨雖炸過，但個粉好薄，唔多覺有粉獎添，肉質滑而有肉香，個香醋汁應該用了麥牙糖煮，所以香甜得很，的汁仲能掛在肉上，好正呀！本來想叫甜品，但太飽了，所以下次先試下！

價錢不評論, 因為它一向都唔係平. 不過d食物質素同價錢係反比.荷葉飯, 真係得荷葉同飯~.~小寵包同公仔點心分別不大.茶芥要8蚊位.做左1次傻仔之後都唔會再去.

叫了東坡肉(配夾包)、韮黃炒鱔糊、紅油抄手、豆沙鍋餅。東坡肉味道香濃，但口感欠奉，肥瘦肉過份分明，咬進口裡，兩者便自動分開，根本做不出「混為一體」的口感。炒鱔糊，菜多過鱔肉，而且油甚多，比起以前在Pokka附近的上海菜館（現在已改為Ｘ珊瑚）來說，真是小巫見大巫。紅油炒手最搵笨！似乎煮熟雲吞後便淋些辣油，便上碟，十分「求奇」，我都識啦！豆沙鍋餅皮不脆，但已是這次叫菜中較令我安慰的了！總數$204，當買個教訓．．．

咁我就又一次,阿婆生日,就去食野啦...其實個間野比我感覺唔錯,好乾淨下...只係d效率真係幾唔掂下...所以係好肚餓,等多陣唔耐煩...成日催單者...都係少去為妙....因為一碟菜都可以要你等半個幾鐘!!!味道又唔會話太出眾,過得去咁...但係個間野都唔知點解成日都咁多人去食,又唔係特別抵食呀,唔通屯門真係冇地方可以食野?

上次去屯門探朋友, 順便食埋飯先走啦!!我們你屯門市廣告行了很耐也沒有頭緒吃什麼. 忽然見到一間叫"流金歲月"的酒樓門口好多人排隊, 我咁"為"食梗係問我朋友這店有什麼來頭, 是否值得一試啦...據友人說, 這是這區唯一裝橫最好的, 味道可以啦!我好奇之下, 又唔想難為自己咪試吓!但我們等位的時間用了1.5小時,叫了醉雞,紅油抄手,東玻肉,一碟菜和高力豆沙.講真味道不值我等這麼耐,裝修叫ok啦,也不是很特別!但我最喜出望外就是,店內有多款不同主題的小傳單,每篇也是勵志的,所以都算呢間鋪頭做番d野啦!!!

１１ＡＭ　ＦＡＮＣＬ展覽先開場，１０點半已經到市中心０既我，一個人冇０野好做就去左飲茶（本來想去新開間美心，點知咁早晨已經有Ｎ個人響度等緊位了）呢度反而唔使等位，去到即入。快快手叫左：蝦餃＄２３－在美心金閣食過２２＄蝦餃回味無窮（可惜執左），見呢度賣貴１蚊，就即管一試。大大粒蝦餃，入面好多餡，２啖一粒好鬼滋味＾＾不過要趁熱食，攤左陣先食個皮０既口感係好厚。古法叉燒包＄１３－皮是平時食到０既生煎包０既包０黎，第一次食叉包用呢隻包，幾得意＾＾味道同普通叉包冇乜分別，２大個包都幾抵食。ＰＳ１：一埋位就有前菜送，鬼咁好食添（白雲鳳瓜＋青瓜）以為係送０架不過到埋單０個陣先知呢個要收＄６，怪唔之得多人同少人都係畀同一份量喇＝Ｏ＋ＰＳ２：呢度ｄ碧螺春好似普里茶啊

母親大人想吃京滬菜, 又想靜靜地吃頓飯,坐得好好的, 又不會太嘈, 便到這裡來生煎飽這客招牌貨當然不可不吃, 新鮮即製, 外脆內軟, 但可惜內裏的肉都是一咬便掉下來, 是否間間都是這樣呢? 雪菜肉絲炒年糕的年糕很煙un, 油份不算太多, 但味道略啖了點, 雪菜多但是炒得太腍, 没有了爽口的感覺, 咕嚕肉尚算不錯, 份量也大, 肉多肥膏少, 不錯不錯. 京式豬柳想不到是咕嚕肉的味道是一樣的, 但豬柳煮得有點過火, 有部份是太硬, 咬得很痛苦, 令人很失望. 甜品來一客高力豆沙, 雖然是圓圓的, 新鮮的, 但是咬下去便知道它的高力打得不好, 口感不夠彈牙, 豆沙也略為乾身了一點, 麻麻地, 不值得點……最奇怪的是我們想要一客酸辣拉麵, waiter竟說没有, 說酸辣拉麵只限中午供應, 提議我們點一客酸辣加一客齋麵, 自己mix在一起, 有没有搞錯, 晚上没有供應己很過份, 更要我們以貴一點的價錢自己mix? 有無病啊?

下午茶「$32 一位」，正字為「$32 一份」。一份的定義，是一客炒粉麵飯+一客京川滬點心+一杯汽水/凍豆漿。二人share 一份京式炸醬撈麵、蘿蔔絲酥餅加一杯凍豆漿，另加一碟擂沙湯圓：京式炸醬撈麵略嫌太熱太濕，但擂沙湯丸卻不錯- 黃豆粉多，且熱食時有流沙效果（雖然相貌平平）。計o下計o下，無端端變o左$35 一位- 同樣時間，去附近金滬庭食同樣既野，坐同樣既位，分分鐘半價。

人物：陳'R，丁'S，男友朋友，男友，我（五位）．日期：2006年12月17日中午十二點預備去酒樓飲茶，去咗三間攞位，起碼都要等到兩點先至有得食．為咗唔想延誤跟住既行程安排，邊一間有位食飯，就去邊一間，哩間就等咗十五分鐘．好喇，又到諗食咩既時候，order咗一個四人餐：點心兩款－水晶蝦餃，皮薄蝦多；帶子燒賣，味道一般．冷盤兩款－秘制煙鴨胸，以水蜜桃伴碟，我將一伴鴨胸加一件水蜜桃食，好有口感；花雕醉雞，無咩酒味，有ｄ失望．小菜三款－豆辦炒蝦仁，ｄ蝦都幾爽口，油咗ｄｄ；士多啤梨焗肋排，甜甜酸酸，好味道；家鄉瑤柱蒸瓖玉環，雜菌炒翠玉瓜，清甜爽脆．一款湯－宋嫂魚羹，好好飲，又多料．敬送是日甜點：紅豆沙，唔太甜，好綿．免茶芥，加一服務費．

十世冇入過屯門呀.今晚係為左男友既五叔同五嬸而入黎食飯.本來諗住食稻香, 但full晒, full到唔派飛tim! 所以黎左呢間流金歲月, 雖然都多人, 但冇稻香咁多.由男友爸爸點菜.個流金歲月炒飯幾好味.士多啤梨焗肋排都好味, 我鍾意呀!仲有蔥爆牛肉, 回鍋肉, 樟茶鴨, 砂鍋雲吞雞, 油爆蝦, 炸鱔, 薰魚.最好係砂鍋雲吞雞. 但佢\唔係一鍋上, 係已經分好一碗碗. 我地七個人, 但得六粒雲吞, 係咪俾少左粒呢?d雞就係碟上. 自己扯d肉黎食. 冇咁好啦. 其他全部都好油.唔值等咁耐位lor. 應該唔會有下次架啦.埋單唔知幾錢呀. 不過男友爸爸話散叫好過叫餐\wor.係呢度, 要恭喜五叔啦! 哈哈