浜燒太郎 (已結業)

今日在TKO 海濱長廊行行吓見到很多食肆，天氣咁熱，我決定去有冷氣的地方！遠望有一間似日式料理的裝修，行去看看，lunch set 也有不少選擇，所以行入去，一入去見到有五間獨立房，日式設計風格，十分適合思念日本🇯🇵的香港人，而且一家人或一班朋友一起食嘢，私隱度高好多！但有一個缺點，侍應不會提供茶水🍵，要自己去取水杯及取水，在疫情下會增加風險⋯⋯！餐飲比較細杯（精巧玲瓏)😅,幸好上菜時，我的lunch 賣相及味道都唔錯燒魚定食：新鮮熱辣出爐，但可能燒的時間長了一點點，肉質比較硬一點（扣了一些分數）

將軍澳多咗好多海邊嘅餐廳，星期日帶住小朋友黎到，諗住隨便搵一間試試，點知6點半去到，間間餐廳都坐滿晒咁制，唔想等位又唯獨得呢間仲有位，一於諗住試試啦！餐廳環境幾日式，旁邊仲有得包廂，私隱度夠高！不過好明顯完全無做防疫措施，就連門口探熱都無！不過留意咗好耐，成間餐廳得一個樓面做野，安排位置又係佢，點菜同埋單又係佢，傳菜又係佢，就連浜燒開爐煮野都係佢，目測廚房都係得2-3個人。睇見佢都辛苦，但佢依然好淡定亦都保持禮貌。好彩我地算係最早嘅客人，上菜都算快！食物水準都算ok，但就無想encore嘅感覺。鹽燒椰菜，好味！自選壽司，左口魚裙邊值得一讚，燒得好好，咬落去啖啖油香，其他都係一般，正正常常！串燒：大蔥雞肉，豚肉鵪鶉蛋，牛舌豚肉鵪鶉蛋好食，鵪鶉蛋唔會過熟！其他味道略嫌淡咗少少。神奇炒麵，神奇在分唔到係咖喱味定醬油味，又有少少大阪燒味，小朋友好鐘意食，炒得唔錯！帶子魷魚燒，即係大阪燒，入面包住帶子同魷魚，好味！浜燒類剩係試咗魷魚筒及甲羅燒，因為個樓面太忙，佢都好有禮貌同我地解釋，話平時佢會幫手燒，但今日太忙，想我地自己燒返，佢擺完食物上去再教我地點燒，途中都有留意下我地燒熟未，服務都算係咁！

從來未試過食完一間餐廳會咁想寫食評，但這一家卻令人好有衝動向所有想來食的顧客俾真心的建議。😣食物質素平心而論是可以的，但食嘢真係整體的體驗，除了食物本身，服務態度都好重要。今日難得同老婆食飯，想話享受下二人世界，因為肚餓關係，所以問了個四眼仔哥哥隔離檯俾我地遲來不過野食已經上左，我地幾時可以上嘢食。以為佢行開了係幫我們跟進，點知道他番黎竟然話人地係等左23分鐘，你地只係等左19分鐘！！聽到咁樣的回覆，平時好脾氣的老婆都忍唔住心裡面著左。跟著上嘢食，四眼仔哥哥就好似好唔忿氣，大力放低D嘢食，埋單時又黑口黑面，真心想講，除非你係好無所謂被不禮貌對待，否則入去食嘢之前要調整好自己的心態，如果唔係，真係會食到一肚氣。真係重來無試過想話俾多一蚊佢地賺都覺得俾多左，因為咁嘅服務質素真心唔值！！！😤

这家餐厅没有露台，只有室内，室内有大堂和几个日式的包厢，我们3个人在一个包厢里位置很大，目测一个小包厢5个人还是没有太大问题的。 包厢里有服务铃，需要什么直接按起来很方便，不过一般不忙的时候不需要，服务很快，经常有人过来撤走空盘子，套餐的分量很充分，串烧和其他的食物都很棒，点了牛排 炸鸡 猪排 多春鱼还有串烧，现点现烤的，炸鸡很脆，牛排半熟做的很不错，离家里很近，非常方便。只是天气好的时候，我们更倾向于室外吃饭的时候可能不会考虑。

由於我地人數較多，所以能夠有獨立一間房！十分有私隱度網上見到有好多人介紹燒蟹蓋，所以我地都叫左兩個唔同味既黎食 試一試佢。但由於佢好快會燒到變焦，所以都要不停望住個火。蟹肉十分多，絕對坐啖啖肉！而且海膽一分新鮮，唔會苦。之後我地叫左魚生食，十分新鮮同甜，入口即化，好有幸福感。我地再一人叫左一個茶漬飯食，茶味十分濃，但配料反而較為小，所以變左要碗普通湯飯咁。選用左珍珠米，而且粒粒分明，係我鐘意既硬度！加番分我地都叫左個蛋捲，蛋味十分香，而且都多件，多人都能夠平分！除左捲埋左之外，中間更保留左蛋汁，令人十分愛！而不平凡我地仲有叫左啲串燒，不過不失。整體來講，佢係小食比較多，適合唔肚餓時去/飲酒吹水時食，環境服務都很好。

openrice揾居酒屋，發現將軍澳有呢間，睇好評都好多，於是一直想試。臨出發前仔細睇評論，都會發現好多差評，於是一探究竟。週六晚七點半到，運氣好好，差不多坐滿但是唔用排隊，仲有一間包廂！拖鞋入，唔使另外加錢！入房就感覺環境几特別。menu都有好多選擇，最後我哋冇叫燒烤。因為東京試咗果間都几出名嘅x丸水產，結果覺得一般。而且燒海鮮價錢都幾貴。8-90一件。叫咗串燒牛舌，雞翼，豚腩，蘆筍雞,大蔥雞肉，雞軟骨等。味道方面，牛舌豚腩雞軟骨都ok。但係老實講，價錢真係偏貴。好細一串20蚊，牛舌等就30+一串。其實普通放題牛舌任食質素都差唔多。個大帶子就覺得勁伏。味道ok，牛油果鹹味夠，不會淡，但係所謂“大”帶子，根本應該係超少肉，小帶子差唔多……48一個真係後悔莫及嗮錢。個蜜桃酒都好神奇，完全冇酒味，完全冇！仲一d氣泡都冇……好似飲緊有味嘅水咁。好淡。50几蚊，諗起係日本食鳥貴族居酒屋，全場30hkd不到一件，包括酒，真係好飲好多。不過神奇是完全冇酒味我飲完竟然都覺得面紅……總體來講，嘗新ok，適合唔肚餓食個晚餐，如果你好餓，就預夠budget喇……最後我哋三個人（其中兩個3點幾先食完午餐）俾

是日又到海濱用膳，中意浜燒太郎裏面有榻榻米包廂，既有特色又有足夠私隱。天婦羅盛合有大蝦、香菇、番薯、茄子等，炸得酥脆夠薄身，食到原本食材的鮮味。明太子玉子燒口感豐富，除左蛋香和甜味，亦食到一粒粒的明太子，雞蛋的香甜與明太子的微辛口味融合，加強了味道的層次感。油豆腐烏冬看似普通，食落卻有一種暖心的感覺。油豆腐豆香十足，豆皮的甜味令烏冬不顯得單調，而烏冬口感亦很滑嫩有彈性。Menu上見到有雞蛋粥很有新鮮感，高湯加入米酒和蛋花，再撒上蔥花和海苔，飯粒好像被金黃的蛋漿包裹着，入口鬆軟可口，味道鹹淡適中，食完覺得好暖胃!!相比其他菜式，海鮮丼反而顯得過於平凡，有三文魚、章魚、吞拿魚、大蝦、帆立貝、蟹棒等，唔知碗太大定點，分量好似有d少，且價錢偏貴。

自從將軍澳海濱一帶的新樓盤相繼落成，區內忽然間人口爆升，同時為鄰近地方引來了許多的新氣象。曾幾何時，將軍澳被貶為三、四線社區，最出名的當然是那兒的堆田區，故才有「Junk Bay」之名。Junk即解垃圾，Junk Bay就是垃圾海灣，這樣的地方有誰願意居住？當然是小的這等無鞭無扇、兩袖清風、足襟見肘的窮褲子。隨著時代的進化變遷，地小人多的香港需發展更多的區域，將軍澳廣漠的堆田正好提供了大量用地。於是一幅又一幅的土地排著隊地推出招標，引來許多發展商的青睞。李超人的一句：「心曠神怡」為將軍澳開啓了新領域。今天咱們說起將軍澳，第一時間聯想到的再非是發嗅的垃圾山，而是眾多讀不出名堂的嶄新樓盤。假日下午來到將軍澳的海濱，說真的，看著潦濶的海岸，一旁種植了許多的花草樹木，在普照的陽光下人流不多，這樣閒逸舒泰的畫面，端的教人心曠神怡。只是小的對紫外線敏感，如此烈日當空無瓦遮頭，還是有點招架不來。走了一小段路覓得餐廳的位置，第一時間躲進去降溫。商場的海濱區並列著幾家餐廳，有西餐、有泰菜，亦有和風。雖然有朋友推介過泰菜，但在熱氣騰騰的火燙下，小的還是選擇了和風。「浜燒太郎」的門面其實頗吸引，橙黃色的牆身

跑步完，想食午餐，响海旁幾間新餐廳，最後揀左呢間日式餐廳，見到外面裝修同餐牌，覺得好似好正宗咁。入去坐低，入到裏面覺得裝修得好有日本feel，好似去咗日本咁，二，三個人去仲有房坐添，但留意到門口近魚缸位置放左地拖雜物，呢度扣左分。坐低叫左個天婦羅烏冬中午套餐。加埋一共$103-之後留意到客人吾多，但係套餐啲伴茶，居然已經預先放咗係厨房個吧枱無雪住，吾係預先放幾碟，係八盆已經set 好的，但仲有好多盆沙律，海浙，醃姜同豬脷，共二三十碟，仲要無用任何保鮮紙包住，呢度吾係快餐，又唔係多客，感覺好吾衛生，呢樣嘢就真係扣分。佢係先上個盆連伴菜，飲品比你食同飲住先，厨房整好熱食，先再攞埋出嚟比你食嘅。其實可以等埋一齊出成盆攞出嚟會更加好。伴菜就一般正常味道，吾太出色，亦吾太差。烏冬吾彈牙，粉粉地，湯底清清地，味道可以。炸天婦羅有三隻蝦🍤，蕃薯，南瓜，冬菇，茄子各一件。我食左南瓜，蕃薯冬菇嗰啲先，個脆漿薄得嚟又脆，仲新鮮熱辣，好好味。但係個天婦羅蝦🍤，居然有用梳打粉醃左，我食到嗰陣苦同乸喉嘅味，呢度真係敗筆！總括嚟講，一間裝修咁揼本嘅餐廳，環境我比八十五上，女待應招呼有點冷莫，反而走嗰陣响厨房巴枱入

今次一行三人黎食飯，星期一晚飯時間計埋我地得兩枱客人，入面有d 日式房 ,感覺好有私穩，staff 留意到我懷孕準備左暖水俾我，細心講返食物先，d 野食算黎得幾急，三至四樣咁上，首先黎左個豬骨拉麵，我覺好食，湯底夠濃，清酒蜆肉就一般，好似唔夠熱，明太有子雞蛋，唔知係咪上得太快，食唔切凍左冇人再食，仲有明太子雞翼炸得太乾，壽司我都鍾意個醋飯留意房有滴水情況，有d 減分，滴落d 食物度有d 唔衛生，同埋如果炸野多d 進步我朋友應該會飲多幾杯😂

知道將軍澳開左間食浜燒0既餐廳，今日放工入去試下。 由地鐵站行左大約10-15 分鐘先到, 果度都幾偏僻。 去到，間舖冇客，冇訂都有房坐，獨立房0既環境都唔錯 (不過頭頂部冷氣機滴水 =.=) 叫左鮑魚，甲羅燒，蜆，聖子，刺身，魚生飯。講左咁耐食物方面，好一般。 鮑魚(一般)，唔覺係新鮮鮑魚，肉質好硬好實。之前係其他地方食過幾次浜燒，鮑魚生猛到仲識郁架。 蜆(一般) 細隻，冇鮮甜味。 甲羅燒，唔錯 (咁簡單都唔好味0既話就無言啦) 聖子，超級差，都未試過出街食聖子，連D 內臟都唔洗一齊上枱，燒完後雖然盡量清除內臟，但冇水洗根本唔清得乾淨，食落口”烚烚聲” 好似食沙咁。味道亦唔鮮甜，唔似生猛海鮮。 冇乜客，全程班侍應好得閒係度吹水，但都唔會幫手燒，又唔同你講燒幾耐，全無服務可言。 呢個價錢，野食唔新鮮，完全唔值，枉稱浜燒海鮮，唔會再黎。

今日將軍澳大日子，去左依間浜燒太郎，人就唔太多，未入去已經見一個肥女人同樓面食煙，唔理照入啦，入到去一陣見個個食煙眼鏡矮小既樓面竟然係個廳面一路拎住個雪糕三文治係度食，一路裝茶，心諗中伏了，而我地四人全程食野其間只見佢係度玩電話，叫幾次先有人招呼，另外兩個樓面都唔見得好，高層見到希望關注下，唔係遲早執，唔怪得間野無咩人，食物就其實唔差，只係價錢略貴，推介壽司燒物，環境都不錯，如不改善都未必會再去食了

將軍澳有新商場翩匯坊開幕，有蛋黃哥展覽做招徠～ 作為蛋黃哥迷嘅我，梗係會去朝下聖啦！😚雖然商場有好多舖位都仲係吉舖，冇咩人流，但都有幾間餐廳可以俾我地食午餐～我地選擇左呢間日式餐廳，環境都唔錯，仲有獨立房，兩個人坐得好舒服😌 窗口位對住單車徑，不時都會同路人對望😂我最後選擇左握壽司+讚岐烏冬定食 （$108 加一）前菜有沙律、兩款前菜和漬物，味道正常，沒什麼特別～握壽司比較特別嘅係壽司飯係預先調味嘅，有淡淡嘅醬油味，就算唔點醬油都夠味～而飯上嘅刺身/熟食就不過不失，當中三文魚有油香，帶子都尚算鮮甜～讚岐烏冬（熱）比較貼心嘅係可以選擇熱/冷烏冬～烏冬都幾煙韌，味道唔錯，但烏冬份量偏少，幾啖就食哂😅總結，環境唔錯，食物質素都ok!😉

隨着將軍澳南越來越多屋苑入伙，呢邊都越來越多餐廳，尤其是一啲對住海濱長廊，可以望住過海嘅商舖，特別多優質嘅食肆進駐。今日就去左Pavillions 嘅一間日式餐廳，主打係燒海鮮，不過由於時間嘅關係，今日食飯比較趕，所以唔係叫咗好多燒海鮮，主要都係叫返其他平時食到嘅日本菜。呢個係燒鰻魚，燒得好香不過就比較細分。呢個係燒帶子，佢最好嘅地方就係佢個汁係依然係非常濃郁，好新鮮嘅感覺。當然唔少得刺身啦，都新鮮嘅。呢個係日式卷蛋，入面有好香嘅芝士。呢個係日式炸雞，但係我略嫌佢炸得有點太多。呢份係燒牛舌，燒得好香同埋佢牛舌本身嘅肉質都係上等。呢間鋪頭絕大部份嘅菜式都係新鮮同埋屬於有質素嘅食物，下次可以再來。

十分日本的門面呢度主打磯燒海產，因為見到海鮮種類不太吸引，只是嘗試左燒魷魚跟甲羅燒，兩樣都不錯，8分，中上質素，然後到刺身，真係麻麻地6分，可以唔試，但係小食同壽司居然有驚喜，好好味，比到佢地8.5分，值得一讚就係服務好好，雖然睇得出唔係好夠人手，但有2位哥哥好好態度，一舉手都馬上過來幫手仲有串燒都係即叫即燒熱辣辣，燒得岩岩好，用來送酒一流，忍唔住叫左好多款，8.5分拉麵係叫比大肚婆表妹食咖，佢話好似高級版味千😂自己想像一下啦！另外叫左柚子酒，味道十分清新，柚子香，會跟冰桶同冰上，夠晒凍，慢慢飲有氣果汁飲品味道也不錯！