浩茶 (已結業)

無意中見到社交平台 介紹緊依間位於廣華街嘅手打檸檬茶 。位於廣華街一間茶餐廳隔離應該係算係連住一個鋪位，純粹分拆左個水吧同時賣手打檸檬茶同珍珠奶茶。 其實都幾唔明顯行咗兩三次都行過左😂店舖網上平台就寫係開12點但實際上行過兩次 ，兩次其實都唔係準時12:00，可能因為唔夠人返工，所以 第一次去嗰陣 ，職員就話未開門😅 。到第二次大概一點幾經過先見到佢啱啱開咗門，見到佢終於開咗門梗係嗱嗱聲買過嚟試吓啦😂依間有一個最吸引嘅飲品就係「XXL雙檸檬茶」（$29） 。 手打檸檬茶就聽得多 ， 雙檸檬茶意指檸檬+手打檸檬mix埋黎做， 加上size是XXL 即一公升裝 $29黎講真係抵！ 糖份應該係用左蜜糖 ，因為飲落有啲飲密糖既甜度。🫢而且味道都相當重。因為加咗香水檸檬所以飲品都偏有啲香味。 加埋黃色嘅檸檬味道更加唔錯少少酸酸甜甜咁 咁多年來如果好似依杯咁嘅size的飲品相信一定俾人搶購一空。奈何喺店舖嘅位置都比較遠冇乜人知道

旺角廣華街新開左間茶飲店，主打無糖豆乳豆腐凍、花生醬芝士奶蓋、仲有XXL 1公升雙檸茶等，好巨型好抵飲😝😝。-🤍 花生醬芝士奶蓋茉莉綠茶 $37👅好味指數：7/10花生醬愛好者必選❣️ 奶蓋濃厚😋花生醬味極濃，帶有少少花生碎，芝士同花生醬味好夾，兩個味都好岀，加埋一齊質感好稠杰，而綠茶底好清，味道一濃一淡平衡番！-🤍 百香果雙檸茶 $33👅好味指數：8/10XXL size🤣好大桶！重檸檬🍋清香味，但又唔酸🥰加埋有百香果中和，酸甜適中又有啲咬口，夏天飲好解渴，$30幾蚊抵飲！-🤍 紅豆豆乳豆腐凍 $34👅好味指數：7/10好靚既淺紫色💜，紅豆🫘甜度剛好有豆香味，感覺有啲似食緊港式糖水咁😳，幾特別👍🏻。-🤍 草莓朱朱(草莓芝士奶蓋 ＋朱古力奶)$36👅好味指數：7/10有驚喜☺️草莓味🍓重，帶有果肉粒，朱古力奶味又唔會太甜，整體感覺酸中帶甜，層次分明🥰

旺角新開超隱蔽飲品小店 開左係廣華街 金飯館旁邊 位置唔太起眼 見到有超大杯 1公升檸檬茶 近年興起檸檬茶店 吸引左我去試試.⭐️XXL雙檸檬茶$29（1公升）👍🏻超大杯 望落唔多檸檬 青檸 但檸味都充足👍🏻唔會好似新式檸檬茶咁甜❄️夏天飲超級消暑 整體好平均 我鐘意.⭐️愛玉蜂蜜檸檬冬瓜茶$36（1公升）👌🏻呢杯比檸檬茶更滋潤 因為幾重蜂蜜香底下愛玉幾好啜 口感唔錯🥰平時鍾意冬瓜茶嘅 可以試試 呢杯..#浩茶 (旺角)地址；旺角廣華街38號地舖.⭐️評分：味道：3.5/5環境：-/5服務：-/5抵食：4/5 .（如果鐘意睇飲食紀錄 記住 追蹤/like/分享 感謝你哋支持🙏🏻）.

行到去廣華街，見到有間茶飲店開左喺茶餐廳隔離~見到好似好抵飲就過去試一試！▪️XXL1公升雙檸茶 ($28)天氣炎熱，胃口比較差，檸檬青檸就係消暑良品🤩飲落酸酸甜甜，又唔會太甜。拎住成桶慢慢嘆~▪️花生醬芝士奶蓋茉莉綠茶 ($36)芝士奶蓋就飲得多，花生醬芝士奶蓋你又飲過未?😆第一啖入口就有少少花生既鹹香味，而茉莉綠茶同奶醬既份量亦都好平均，茉莉綠茶令到香味更加突出及可以解膩✨.✍🏻整體:天氣炎熱，最適合飲XXL1公升雙檸茶✨飲唔曬可以拎住行街，呢個價錢可以飲到呢個份量真係好抵！佢仲有好多其他選擇，價錢亦唔貴~.📍浩茶旺角廣華街38號地舖

XXL雙檸檬茶 $29真係有1公升份量，味道酸甜、清楚飲到好重嘅檸檬味，仲有百香果味選擇，果味濃郁新鮮，檸檬味都新鮮唔會有任何苦澀，的確解渴一流~花生醬奶蓋茉莉綠茶 $36花生醬奶蓋比較創新特別，有別於出面一般嘅芝士奶蓋，飲到香濃嘅花生醬味、亦飲到軟滑芝士奶蓋，再配上清香嘅茉莉綠茶底~黑芝麻豆乳豆腐凍 $34黑芝麻豆乳豆腐凍層次分明，清楚飲到芝麻豆乳同豆腐凍，黑芝麻香都好重，同豆乳融合，再配上豆腐凍，增加飲品嘅豐富感。草莓乳酪 $44草莓乳酪酸甜開胃，清涼順滑，同坊間嘅草莓乳酪都差唔多，唔會死甜、偏清新~

呢個季節行個街都好大運動量，行兩步已經爆晒汗，脫晒水，出街閒閒地都隊到幾支飲品行到人口密集嘅旺角油麻地，可以去呢間開喺金飯館裡面嘅手搖飲品店，好隱蔽，但值得再飲一支手搖飲品滿足唔到大胃㗎喇，呢間竟然有一公升檸茶，仲有百香果味，消暑解渴度100%，仲要冇想像中咁甜，同閨密行街都可以開心些牙奶蓋飲到悶，花生奶蓋反而想試，味道出人意表，唔膩又香濃，花生醬控可以試吓，茶底清清地，撈埋花生奶蓋啱啱好養生啲嘅，飲豆乳都正，冇額外添加糖份，豆乳本身都已經帶點甜味，黑芝麻味好足料，啖啖都好多芝麻，夠晒補