浩記餐廳小廚

营业中

休息中

走入去這家鋪頭，我會由心一笑😊，原因好簡單–價錢公道，食物質素好得嚟。椒鹽豬扒飯真係值得一讚👍，豬扒香口得滯，外皮脆卜卜，入口即化，唔使放多啲醬汁都咁滋味。講到咸香鹹香，就似香港嘅地道午餐一樣，簡單得來味道滿分。我仲試咗啲粟米石斑塊，真係好似啲網上影片咁，金黃香脆外衣包住魚嘅新鮮嫩滑。咬一口，啲石斑肉彈牙又入味，啲汁又夠味又夠濕潤，我一個勁兒嘆佢–幾好食！通菜炒得剛剛好，有鑊氣，但係就真係有少少多油，不過都唔礙事，嗰啲辣椒絲添上去，爽口過癮。最後嗰碟菠蘿生炒骨，我真係大叫過癮！骨頭外圍嘅肉香Tender，菠蘿又搭得好，酸酸甜甜，幾正。依間鋪頭唔只食物好食，侍應服務都貼心，真係使到我食得好舒服，覺得自己唔止係客人，仲似街坊一樣。下次我仲會再嚟嘆下其他小菜，話唔定又有新驚喜！🙌

朋友介紹～椒鹽豬扒好出名梗係要試試佢啦～叫咗一個椒鹽豬扒炒米粉，同一個椒鹽豬扒飯味道其實都幾惹味！不過真心比較鹹！相信佢個豬扒應該落得比較多粉.所以都幾淋下！有機會再試下

見早上餐廳冇乜人，就入去叫碟炒飯，等左三十分鐘，之後入黎D客已經有得食，我問老闆娘点解甘耐，佢答我，吾洗炒咩，我知呀，但問題系点解之後入黎D客有先。可能我吾系熟客，但我見到啲伙計系甘吹水囉，如果我吾系見冇乜人，我真系吾會入去，餐廳又污糟有舊,食物又吾系好食，吾會再去

西灣河區嘅茶記、除咗隔離和記餐廳、我嘅次選就係浩記喇！呢度大部份都係街坊幫襯、所以感覺好親切☺️今次我叫左「金牌鹽焗雞飯」加杯熱奶茶☕️添！佢嘅鹽焗雞真係冇得彈、雞肉夠哂嫩滑，味道啱啱好、唔會太咸奶茶一樣咁正架、夠香濃

唔知老闆會唔會睇到，幫襯一年好多晚餐都係呢度買，價錢係平，但食物質素值得改善，炒粉麵飯中國中，最好食係鴛鴦炒飯同星洲炒米，揚州炒飯葡汁海皇飯一般但足料，乾燒伊麵，乾炒牛河真係麻麻，特別係乾炒牛河煮過頭，有焦味，係咁重要既港式小炒出事有d失望

下午路過浩記，見有座位，於是便入內食番個下午茶餐先，原來這裡的茶餐很不錯，經濟便宜，值得一試。半份西多士+雞翼+沙律很美味，雞翼及西多士是即叫即煮的，所以要預等一陣子才有得食菠蘿雞粒炒飯也是即叫即炒的，雞粒大大件，炒飯粒粒分明，配埋菠蘿一起吃酸咪咪的，最適合夏天吃啊

假期係家庭日，媽媽想休息下唔想煮飯，樓下啲野食又食到厭🙈所以叫外賣送上門是最佳選擇🤣茶餐廳黎講呢間算唔錯👍🏼之前都係店內食過，不過係食下午茶，有部大電視機可以一路食一路睇，休閒得黎又嘆，都係屬於抵食之選。而今次外賣嗌咗:$85 金牌鹽焗雞 (半隻)菜膽雞同鹽焗雞喺呢度必叫！分量充足，又唔會太肥，加上秘製鹽焗雞嘅沙薑醬料，夠晒惹味👍🏼$60 粉絲什菜煲有尤魚、冬菇、菜心、蝦乾同菜心👍🏼$60 生炒咕嚕肉酸酸妹妹，食落開胃，有三色椒同菠蘿🍍每個餸菜都會配一個湯，每日唔同👍🏼

去開西灣河呢頭買送, 見到3點3, 又係時間食個下午茶, 因為想食西多士所以行左幾間唔同餐廳最後揀左呢間小廚. 見到餐廳出面已經有好多野揀, 因為好少可會有鹽焗雞配米線而且仲係做下午茶, 所以入去試下啦=v=! 鹽焗雞唔太咸, 但係肉少骨多  不過以下午荼既份量都算ok 啦. 個米線好軟, 但比想中好食. 而且吸左個湯底真係好入味! 而同時亦叫左西多士配吉列豬排, 西多士既鬆軟度剛好, 加埋個蜜糖真係好正~ 又唔係話太甜. 而薯條既脆度算係剛好唔太油. 但係份量黎講就少左d, 如果可以多少少薯條就好了. 而服務黎講, 以茶餐廳黎講算係咁, 上野食夠快, 衛生ok~

早前要在西灣河訂一批外賣，在OpenRice找到這間口碑不錯的小店，決定一試。到達店裏落單後，才知道給他們準備的時間不太足夠，但負責人很幫忙，馬上處理訂單，態度亦十分友善，又細心的提供落訂單據，及再三提醒公司三文治不烘底會很鬆散等，非常專業。最後所有外賣如期送到，使我鬆一口氣！十分欣賞負責人的專業和友善態度，讚！

行到邊食到邊， 剛剛又有車位在對面街， 就選擇來這食飯。時間尚早， 但店內已經有頗多食客， 幸好還有2座卡位。單看價錢，這裡的食物好經濟， 平均每個小菜套餐都是$60, 還包括湯及飯， 還可加幾蚊加飲品。例湯 ......hmmm....可以唔飲 鹽焗雞， 好嫩滑， 好夠味， 不用再點醬汁來食了。粟米石斑塊， 汁好多， 魚塊都有差不多6,7件， 魚塊炸得脆脆的又不乾， 不錯。椒絲腐乳通菜鮮魷， 很有鑊氣， 略嫌多油一些。菠蘿生炒骨， 酸酸甜甜好醒胃， 最欣賞係d 青椒洋蔥， 起碼有炒1,2分鐘， 有些餐廳真的一放下就上碟， 仍然是生的， 這樣的話， 我寧願生吃吧這間店雖然細細， 如果有機會的話， 都會再來。

每次工人姐姐放假時，我們一家必到好既食晚餐，喜歡吃他的椒鹽排骨飯，排骨外皮鬆脆內軟，重口味自選，全部都係新鮮即炸即炒，最特別係鹹魚煎肉餅，手工繁複，已不再在菜牌之內，要熟客才知，先可食到，製作認真，客人會叫一份即做一份

吃晚飯要排隊等位,太多人在內在外,等了40分鐘終於可以進入去坐低享受晚餐,點了四個套餐,京都骨,菜丸炒牛肉,黑椒牛仔骨,西蘭花炒班片,跟白飯和例湯,埋單二佰幾真低食。

去左西灣河朋友屋企，本身都諗住叫外賣， 點知朋友無啦啦諗起有間小炒好食咁我地一行4人就去左試喇呢間野一間好普通晚屆村餐廳入面都唔係好大我地叫左6個菜我誠意推介薑蔥雞：好入味～雞味都好重好新鮮，仲要成隻雞都好滑！正！椒鹽豬扒：呢個係我朋友推介！成日覺得D出面街整既豬扒好硬，所以我唔太喜歡食，但今次我一試呢個百扒令我覺得有驚喜！佢竟然唔硬，好入味！蒸魚： 時間蒸得岩岩好！好滑！ 

大白天來到西灣河，要尋食的話，走入去太安樓，你就錯了。在筲箕灣道，及內裡的西灣河街街市，日光日白，選擇非常之多。可以找到有少少潮的食肆，當然，也有老字號，也有大眾化的茶餐廳。是日，target 的西餐廳沒有開，心儀的老字號食肆又貼上了東主有喜，迷迷茫茫之下，我走呀走，走到了聖十字徑的路口。沒有什麼吸引，但不知為，有一間名叫《浩記餐廳小廚》的小小茶仔吸引我去望了兩三次，望了又望，仲望? 入去食啦。看了選擇甚多的牆上餐牌，我曼終的決家是一個豉汁排骨。可是，我來時未到12點，所以要等一等，而我相信，不給我的原因除了是不想做壞規矩之外，也許，的確要等到十二點才蒸好。飯同餸是分開上的，當我 close up 望落去個豉汁排骨度，看得出這絕對是味道濃郁，充滿了豆豉香的一碟蒸餸。連汁撈飯，豉味香濃，一口的排骨，面頭夾有一至兩粒的豆豉，極濃極香口，絕對是送飯食的佳物。奶茶，夠濃，但苦了少少，一般貨色。排骨的確要一讚，而我來的時間，11點半，餐廳已經坐滿人，證明了這兒一定有其留人之處。

餐廳嘅環境就唔係話十分之靚，不過勝在價錢夠平民，加上有多種唔同嘅小菜選擇，屋企冇煮到飯嘅話，喺浩記一樣可以嘆到家常便飯，小菜、白飯、例湯樣樣齊。我推薦嘅係一樣非常之經典嘅菜式—漁香茄子。雖然依道菜式常見，但唔係度度煮得好食，茄子每舊都大大舊，生熟拿捏得啱啱好，唔會太硬或者太淋，加埋非常之有味嘅肉粒，非常好食！炒蝦亦都係唔錯嘅選擇，唔係話好大隻，不過就非常入味。不過未必一定有空位，不時都會滿座。經過或者係街坊都值得試下！