浩食冰室

营业中

休息中

已光顧多次，由早餐到晚餐，食物都有一定質素，比起很多餐廳品質都要好，性價比高！之前食過烤羊架及肉眼扒都很有質素 ，有沙津薯菜跟！意粉質素有点不穩定，有時 overcook，但個意粉汁都非常香濃(卡邦尼）！推介德國咸豬手 外皮鬆脆浴室豐盈美利各款多士都很好 面脆內軟

早餐牛仔骨+紅腸+火腿+雜菌+奶油豬仔包 $48配熱飲好味指數 4/5 🍭🍭🍭🍭{今日早餐選了平時好少見既牛仔骨 沒有失望真好 牛仔骨肉質好腍 牛味突出 還有紅腸都好出色 厚肉大大件 不會太鹹豐 另外+$3把方包轉了奶油豬仔包 整個都好脆 好香口 正！}

以前喺元朗工作就會成日黎呢間浩食冰室度食, 以前食嘅感覺相當之好, 令到我今次經過元朗都專登過嚟食個早餐。今次都係食返以前叫開嘅沙嗲牛肉公仔麵, 以前食開就會轉蕃茄湯, 今次佢就話冇得轉蕃茄湯, 要轉羅宋湯(+5蚊), 咁我既然專登過得嚟食就唔會介意個少少錢啦, 照加。先講吓佢個沙嗲牛肉已經唔再有以前咁濃郁咁香, 已經變返普通嘅茶餐廳貨色。牛肉就切得厚薄適中, 亦都幾嫩滑。羅宋湯就真係湯咁, 唔同印象中嘅蕃茄湯底嗰種濃郁嘅感覺, 所以如果大家唔係想飲個羅宋湯都唔會建議轉。雖然整體感覺一般, 冇以前咁好食, 但都係喺茶餐廳之中有水準嘅一間。

前一晚已經whatsapp落定單，餐廳都有whatsapp覆okay，又打咗電話過嚟confirm ，實牙實齒會送嚟。到當日朝早打極電話都無人聽，whatsapp又無人覆。七點半既外賣，十點半都無見影。餐廳亦無人覆過call，無人跟進。

一年前路過 食咗個下午茶，脆豬好脆、紅豆冰上有cream 非常回味。上月有事 早上入元朗，即刻安排自己再黎，沙牛 正常 算掛湯，太陽蛋🍳煎得四正；不過脆豬至係正，我心目中的世一，超脆。

每次叫外賣要等一個鐘以上，由你未肚餓等到好肚餓先有得食，仲要打去問第一次一定係話出咗，但再等多20分鐘都都未到，再打去就話要打比送外賣嗰個問吓,再等15分鐘再打去，佢就開始態度唔好㗎啦，無論早餐定午餐都一樣咁耐，仲要而家唔好食囉,等咁耐啲野食黎到，又唔熱、又發脹，真係唔會再叫呢間，因為唔只一次，而係每次都係咁，有同事叫過早餐等一個半鐘，黎到已經要開始做嘢，食都冇得食，呢間餐廳真係好不負責任，超級惡劣

早餐：香煎牛脷 烚蛋 腸仔 $43配沙律 雜菌 奶油豬仔包＋$3以上早餐配飲品一杯好味指數 3.5/5 🍭🍭🍭🍬{牛脷有兩片 大小適中 兩片都係厚切 入口啖啖都係肉 雜菌既忌廉味很香很濃 😋 奶油豬仔包真心值得推薦 即叫即整 外面爽脆 入面鬆軟 牛油同練奶比例均勻 不會令豬仔包太濕 影響質數👍 如果只比豬仔包既分數 我會 5/5 🍭🍭🍭🍭🍭}

之前嚟過三次，感覺都幾好，於是乎今日又再比一次機會佢哋。 點知發覺佢哋嘅質素每況愈下，其實有陣時就係咁㗎喇，你間餐廳點樣做死自己，點解冇客，就係因為你哋嘅質素明顯下降，啲客係睇到㗎。好似塊多士吖，又淋又韌，完全唔係即刻烤，但係諗一諗喎，我哋喺佢哋開門冇耐就入去幫襯，咁代表咩？代表佢哋個廚師懶囉，一次過做定晒放喺度╮(￣▽￣"")╭ 其實之前幾次佢哋啲多士係熱辣辣咁上枱㗎，所以我覺得佢哋質素仲可以，點知今次。。。 個沙嗲牛麵我朋友話OK，雖然個賣相不佳。但我嘅雪菜肉絲麵啲雪菜就勁鹹，啲肉絲黐埋一堆堆，撩到撩唔開🤦🏻‍♀️ 反而佢杯嘢飲都唔錯，唔會好似其他餐廳咁啲檸檬🍋冇味，而我杯阿華田都唔會話沖到好淡。 除咗塊多士，質素服務普普通通，$33一個早餐算係咁。

中午放飯同同事出去搵食，見到呢間浩食冰食餐牌都好多款式，而且價錢唔算貴，就一於試下啦。入到去坐底，枱上仲有飯粒同茶漬，好明顯執完枱無抹枱，衛生情況比較差喎，咁睇返食物先啦，餐牌上好多款式，有d都幾有特式，咁多我就試下個牛魔王焗飯啦，即係黑椒汁焗牛肉飯，落單唔洗十分鐘就黎到，一食，暖既，焗飯竟然唔夠熱，明顯焗得唔夠，牛肉分別係肥牛同鮮牛肉，味道就還好，係唔夠熱，同事就揀左個鹽酥雞煎蛋配肉醬意粉，上到黎反而熱過我既焗飯，仲有煙出，意粉用茄汁炒過，唔係就咁白烚，睇落幾好，但同事食落話普普通通，叫做還好，但午餐黎講連飲品50蚊又唔可以期望太高，但仍有進步空間。

今晚又同老公周圍盪去搵食，行到過黎大坑渠，見到呢到晚餐又幾抵食喎！就入左去～扒餐都係78蚊就有交易！仲有啲肉燥飯、咖哩飯等，二人餐有5樣野 $238，都ok wor.我同老公叫左肉燥雞扒飯，同牛魔王焗意粉。肉燥雞扒飯，肉燥份量一啲都唔少！雞扒炸得好靚，外皮鬆脆，而且都幾大塊，上面仲加左小小肉鬆，側邊仲放左小小沙律添。味道同賣相都唔錯！牛魔王焗意粉等左15分鐘左右，係即叫即焗，上枱熱辣辣，不過面頭有小小焗燶左。佢用左肥牛同滑牛兩種牛肉，滑牛幾好食，入味又夠「林」。但用肥牛感覺有啲怪，同埋肥牛可能太薄，唔係好啱用黎焗，會好乾無哂肉汁，容易焗到燶又韌，如果全部都係用滑牛會好啲。另外，意粉軟硬適中，如果多少少汁會更好。Overall 都算唔錯，埋單只係$104，抵！呢個價錢，兩個人食到晚餐，又焗飯，又肉燥飯，仲想點？而且店員親切友善，就是喜歡小店既人情味。

很推介這家小店，因為老闆就是廚師，經常自己打點，食物類型也很多，價錢合理！😊坐下來，職員就給我們熱熱的自家湯！😍今天點了羊架配薯菜，一上碟就看到滿滿的配料在羊架上，而且薯菜是炸薯角，脆脆的，裡面的薯仔又不會太乾身，配上茄汁，又飽肚！另外點了一個牛柳配肉醬薯蓉加芝士吞拿魚包，牛柳很淋，容易咬口，肉醬夠惹味，薯蓉份量較少，但有調味過，加上吞拿魚包很搭配的味道！🤤🤤配上一杯熱檸蜜，它還有很多特別的飲品，下次再試其他！😍

尋晚成晚都訓唔著，一早起身返工之前整返個悠閒早餐食～好耐冇食蕃茄通粉，沿朗屏站行到教育路都冇間有蕃茄通，終於係返公司必經之路見到有啦。之前食過晚餐不過不失，朝早返工成日行過都話搵日試下食早餐，今次終於可以試下睇完食評先知原來有黑松露炒蛋？但又唔覺有人食喎？厚多士係有驚喜，即烘好香好軟。腸仔都ok，唔係普通雞肉腸，明顯係有香料味。蛋就唔記得叫炒蛋，但見隔離枱炒得幾滑溜！下次一定會要炒蛋。蕃茄通粉。。有d失望，完全唔夠香濃，好淡，有待改進。茶走都唔錯，茶味偏濃。整體而言$33算唔錯了，但明顯完全唔夠人手😓落單1分鐘唔到我想轉炒蛋都冇得轉😵不過我會再幫襯早餐～下次一定要食炒蛋！

元朗吃晚飯的小店多不勝數，真係有選擇困難症，好彩我平日都有做下research，浩食冰室一直在我待食名單之內。我們一行4人，晚市7點15分到達，完全不用等位，8點後就陸續多客了。我地揀左特價4人餐 $588，包4位晚餐及4杯精美飲品，湯，小食。先黎左4個餐湯，意外地竟然係中湯，好彩都好好飲，有一碟開胃小菜麻辣雲耳。餐A，選左鹹豬手，size 都唔細，但人類的思考總是……感覺隔離枱果隻大d，應該係錯覺黎既。 我和朋友們都好喜歡食鹹豬手，德國豬手既，大家評語一致通過，厘度隻豬手係我地食過最好食既，佢層皮好薄好脆口，上枱熱辣辣，最重要係切開後d肉係好滑，完全唔會乾乾硬硬，味道適中，唔會太鹹，基本上唔駛點汁已經好好味，大厨真係超級抵讚。餐B，揀肉眼扒，要6成熟, 一上枱我朋友就急不及待切開，好明顯係已經8至9成熟了，好嚡好硬，味道又唔算差既，要練下牙力餐C，㨂大蝦西冷扒，我朋友又話要6成熟，我其實好想要5成熟。 到上枱……説好的大蝦呢? 2隻炸到變左蝦干……西冷牛扒趕快切開……WoW，竟然係我暗暗希望的5成熟，軟，稔，滑，囗感尚算不錯，個人滿意之選。 餐D，揀燒羊架，要8成熟。 因為我地放左十

在這天上班到午膳時,想起去食飯,於時去了浩食冰室吃,在這裡有一個清單,於是選了這個魚柳薯仔意粉意粉餐而可以選擇多汁或少汁,然後選了適中的汁量吃,這碟意粉的白汁不錯,很有白汁那種味道,至於看看魚柳吸薯仔味道如何,於是繼續吃,白汁就用開瓶那種汁,粟米就用罐頭那種,魚柳類似冰鮮肉再加炸粉然後放進油內炸,比較油,吃後有點不適,萬一有火就不能噴了,通風不太好,因為食客比較多,而好的地方是環璄夠寧靜及少人去吃,環鏡比較暗,地方總算容易找到,在豐年路輕鐵站行3分鐘行到,在公園附近

日式蒲燒原條鰻魚炒蛋飯這道菜真的不錯，它的炒蛋是剛熟的，內面沒有蛋漿；蛋味非常濃而幼滑，每一口飯都拌著這個蛋吃，已經非常滿足了。不過這道菜還有一個主角-原條鰻魚，吃這個其實最關注的一件事是它會不會太腥，答案是完全沒有；而且肉質嫩口、滑溜的感覺也是不太強；配上甜甜的醬油，真的可以連續吃上幾條。不過旁邊的配菜雖然為這道菜的賣相加分，但沒有煮熟的菜味太重，又有沙律醬，那醬和菜味滲入飯裡的味道真的不行，建議上菜前說明不要菜或要把它們分開得遠一點。這個檸檬茶跟鰻魚味不合，吃完這道菜後不能喝太多，不然你會覺得口腔裡漫延著一股令你想吐的味道，但不是說它的味道差，只是調配出來的味道與那道菜不合而已，建議吃這道菜時可試一下喝檸檬水。