海南餐廳 (已結業)

1點既lunch time 實在好難搵位，好多地方都full 曬無法喇，快食吧可惜想點餐既時候，叫極d 姐姐都唔肯走黎落單，睇到都唔理點了個雞扒餐配薯菜，omg 個menu 相影得就大，上檯既少好多wor雞扒又超un問姐姐有咩湯，好求其"咪又係果d lor, 白湯紅湯中湯"....well 好似無答過咁口中既白湯，只係一個好稀好水既粟米忌廉湯，一d 味都無另一個係羅宋豬扒烏冬，烏冬好硬…d 豬扒都ok ge 凍檸茶係最正常ge... 怎麼樣的喇😪

小編今日應邀同事午飯約會、佢地話雖然呢間睇落去係普通茶記咁但主要賣既都係馬來西亞和星加坡食物例如咖喱、肉骨茶和海南雞飯。雖然小編唔食肉但聽到🈶️好味咖喱都即刻心動左，就去會一會佢啦！我地一行4個人大約12點半去到、嘩已經座無虛席咁款，好彩剛剛🈶️檯卡位走左，就即刻霸檯啦一坐低大家都唔洗點睇menu、同事A點佢既摯愛海南雞飯、同事B就食印尼炒飯、同事C就嗌肉骨茶、而小編我當然叫我既摯愛咖喱魚柳飯少飯啦一黎到d嘢、賣相合格有餘、食落口，嘩咖喱真心唔錯、不如又講下點樣為之好味既咖喱吖，小編覺得最重要1）唔好過分漿糊feel即係落🉐️太多生粉獻搞到個汁杰撻撻又冇咖喱味 2）咖喱味要微辣帶香味但又唔好似印度咖喱咁太重香料 3）唔好過多椰奶否則只有滑沒有咖喱香味。以上就係小編評分既準則啦。ha ha而睇番呢個咖喱飯我覺得以上3點都做到既、不過小編我嗜辣當然希望佢可以再辣d啦問埋我其他同事佢地既評價都係唔錯既，如果5粒✨係最好、都會有3.5或4🌟既！所以encore指數係好高

呢間餐廳大部分嘢都唔係好掂，但係響公司附近，所以間中都會幫襯。比較接受到嘅係佢嘅焗椰汁雞飯，勝在椰奶夠多唔慳本，雞雖然雪過但還有雞味，焗香咗之後浸住椰汁一齊食相當唔錯，最差係啲飯，時冷時熱時軟時硬。不過$78 包湯包蒜包包飲，算係相當抵食嘅一餐飯。(冇加一，只收cash）咖啡係咖啡機出，有啲似快餐店嘅咖啡。之前食過肉骨茶，茶還茶骨還骨，好似分開兩樣嚟煲咁，肯定唔係慢慢燉煮。茶湯帶酸，一啲藥香都冇，肉骨就又乾又硬，唔知翻煲過幾多次， 以後都唔會食。

氣溫驟降的星期五，迎著寒風，來到海南餐廳晚飯。要了一客肉骨茶餐和海南雞飯。肉骨茶份量頗多，可是一點也不熱，影響到味道很淡。印象中應該是熱辣辣，濃濃的胡椒香啊！雞飯都算不錯，雞肉味道香濃，中湯熬的夠味兒。總算溫暖了我的五臟廟。

星期五下班約了先生，一起去上環的海南餐廳吃晚餐。進餐的客人不多，環境乾淨明亮。我們點了一客肉骨茶配米粉餐和海南雞飯餐。肉骨茶是溫熱的，沒有熱辣辣的口感，藥材味道還算濃郁，排骨數量不少，只是太硬了，根本咬不動，米粉有一大碟。海南雞飯，另外加五元可以換成雞腿肉。雞肉味道鮮嫩，肥而不膩，雞油飯香味十足，應該每粒米都浸泡過吧。例湯是熱的，味道一般。餐飲是熱檸茶，有些苦澀。結帳不到150元。以這樣的價錢，不過不失啦。

晚餐唔知食咩好，行行下行左去上環電車路個邊，就求其入左間餐廳坐低。間餐廳叫得做海南餐廳，我估海南雞飯、叻沙應該幾好食，但我今日唔想食呢啲喎，繼續睇下個餐牌先，有好多小菜都好吸引。不過，聽到隔離ja ja聲，仲吸引喎！即刻叫左個雜扒餐，朋友就叫左個公司三文治。首先黎個餐湯先，我揀左羅宋湯，湯有啲太油，不過辣度適中，如果再濃啲就好啦，仲有個蒜蓉包添。Ja ja ja~ 我個雜扒餐黎啦，有雞牛豬腸仔火腿，超豐富，仲有薯條、意粉、甜品同飲品，味道仲相當唔錯，好抵食呀！公司三文治已經飽到唔係好食得落，三文治既料食得出有用心帛製作過，但略嚴有啲乾，如果加生菜同沙律醬會更好食。

媽咪成日都讚依到食扒正，大份又抵食⋯⋯今日就黎一試究竟叫左個鴛鴦扒餐同牛仔骨，落單既時候服務真係差到，覆單個陣佢聽錯我叫佢改個女人面口黑到，仲要原來做收銀既⋯⋯唔緊要啦，我黎食飯姐，唔係要同你做乜⋯⋯⋯個餐蒜蓉包好脆，蒜蓉好香有羅宋湯、忌廉湯、中湯，簡左羅宋湯好足料又夠味扒有黑椒汁/蒜蓉汁，簡左黑椒汁佢會係外面倒汁先再拎到你面前，鴛鴦扒：豬扒好普通唔夠入味，牛扒5成熟鐵扒上係會再熟d，但唔會變左全熟啩⋯😓唔多根都咬到但真係熟左d牛仔骨：骨多過肉，成份扒有6條骨，味道都入味既，但旁邊薯條生既，無炸過咁囉意粉就係茄汁撈，好⋯⋯⋯乾每份餐都送杯餐飲既，但百幾蚊，大家樂仲抵食囉，完。

突然間好想好想食海南雞飯，原來中、上環一帶可以吃到鷄飯的餐廳也不少，但揀得入口也少至又少，原來㨂餐飯仲慘過揀老公。「海南餐廳」位於上環地段，晚飯時間都吾少街坊幫襯。一座低已經一眼鎖定了馳名「海南雞飯」$75呢個餐系一set 咁上枱，套餐包括了主角海南雞、油飯、油菜、冬瓜湯、醬料等。一囗試啖湯先，味道吾會只是齋冬瓜咁清淡，有點肉香，冬瓜又消暑解毒的功用，比一般例湯好喝得多。可能因為我靚女，唔使加錢就隻雞髀食。切鷄份量足，唔會切到薄e e 。 鷄皮金黃爽口，鷄肉富彈性，入口嫰滑，再加點薑溶和黑豉油令鷄味更升華，整體相當有水準。好的海南雞飯必配一碗油潤，發出陣陣香茅清香的絲苗米。這碗飯油潤感足，飯有咬口，唯獨欠了香茅的東南亞風味。

途經上環，又咁岩落大雨，本身想食個間越南餐廳又執左，盲中中就入左呢間睇落蠻舊式的茶餐廳。求奇選左兩個扒餐食，普通牛排同豬排。一端上來已經覺得很不錯呢！賣相是舊式的用鐵板上，d汁又有點沸騰的，很香呀！急不及待，拎起刀就切啦！相都幾乎忘了拍，哈哈牛排很好切，有少少血汁浸出來，口感也很好，很juicy呀！接著已經停下了口，哈。其他配菜也ok，薯條很新鮮，不會太“林”。朋友那份豬排也很好吃，肉感很正，不會煮得太乾。最後侍應還送了甜品給我們，是小時候常吃的啫喱仲要係用膠碗整個種，哈哈! 超懷舊的晚上!

不論星洲、馬拉、泰式、港式的海南雞飯，小人總是百吃不厭，忌不住要試。來到海南餐廳，既然店方打正旗號，焉能放過海南雞飯。海南雞講求的是雞嫩飯香，這裡的算是水準之作。雞件皮爽肉滑，不是很肥，而且份量亦多；香油飯雖然硬了點，與雞同食仍是不錯的。三碟醬汁之中小人最欣賞的乃黑豉油，咸甜適中，雞肉蘸了之後特別好味，其餘兩碟薑蓉及甜酸汁都很鮮香，不過黑豉油還是小人的最愛。整個套餐還包括有中湯及灼菜，算是完整，吃罷已然足矣。又找到一家海南雞飯的好去處。

星期四那天，同事帶我到這間海南餐廳食lunch，海南餐廳馳名的當然是海南雞飯，但這天我又不太想食雞飯，而且餐牌上很多其他選擇，左挑右選之下仍未選到，見到有很多咖哩餐，一般到餐廳食中午，我很少點咖哩飯餐，但那天想食點濃烈的食物，所以最後決定點咖哩牛腩飯。咖哩是起源於南亞的食品，最初在印度出現，其特點是以多種香料作材料，通常包括薑黃粉，新鮮的辣椒，咖哩對印度人而言就是多種香料混合一起煮的意思，印度咖哩的成分包括有紅辣椒，姜，丁香，茴香，肉桂，肉豆蔻，黑胡椒以及薑黃粉等數十種材料。與印度咖哩不同，這次食到的是馬來西亞風味的咖哩，馬來咖哩一般會加入芭蕉葉，椰絲及椰漿等，印度咖哩則不會加入椰漿，我比較喜歡馬來西亞風味的咖哩，因為覺得加入椰漿的咖哩較香濃惹味，而且不會太辣，這次食到的咖哩不會太辣，而且很香濃惹味，用來伴白飯吃，竟比平日吃得更多，味道不俗，美中不足的是牛腩唔夠稔，牛腩和白飯的份量很多，如果唔想食太多，可以和朋友分享來食 。餐飲是熱檸水，還奉送餐湯，中湯不像是味精湯，味道可以。整體而言，雖然食物份量很多，但價錢則偏貴。

開完OT去公司就近海南食野羅宋湯：夠晒味，稀杰適中又濃，正呀👍🏻巴東牛肉煲：同印尼巴東牛肉不同，依度似咖哩味，但又好味喎，牛係牛腩，好多牛筋，一煲成二人份糧😲熱檸蜜：夠熱夠味本應仲有綠豆糖水，不過真係食唔落冇要到，發現好多人食鐵板，見有個食美式雜扒，超大份，仲跟碟意粉，見佢都飽到食唔落糖水，下次我都試下鐵板先😄

以往在佐敦或者荃灣打滾，四十多元的一個午餐已讓我覺得不便宜。現在來到上環，即使與堅尼地城還有一段距離，但看到普通茶記午餐堅離地的價錢，會是食米唔知米價的一回事嗎？二選一的是日餐湯，選了一個只有幾粒粟米的忌廉湯，味道還是罐頭的那樣吧。焗鮮茄豬扒意粉 $55當所有午餐一律是$55的時候，炒飯炒河那些可以大規模製作而節省成本的菜式我們絕對不會選的，於是就選了要等約15分鐘的焗豬扒意粉。這客焗豬扒意兜亂的賣相，並沒有予人很吸引的感覺，而切成一片片的薄身豬扒入口則是特別處理過的軟腍。由賣相至味道，跟MX、甚至是大家樂的焗豬扒飯實在有一段差天共地的距離，還未說它那比快餐店貴$15的價錢！熱咖啡大概是咖啡機的按制料子，沒咖啡味還是算了吧。

自上次在公司附近吃過一次海南餐廳的喇沙後，雖然不太正宗，但口味還合我心。今天在上環附近途經，也想試試別的。今天口淡淡便點了一個鮮茄牛腩檬粉，想喝喝鮮茄湯而已。可是這真是一個大伏，鮮茄湯淡如水，只是超微淡的蕃茄味道，就連一個公仔麵的湯包也更勝十倍，下了大量的胡椒粉也不能補什麼味道，這湯底是失敗中的失敗。由於湯底failed得非常緊要，所以檬粉毫無味道，也是失敗。牛腩像白灼一樣，只有少許冰鮮肉味，味道欠奉，這樣的一碗湯粉就索價$50多元，利害利害。香矛豬扒飯我沒有多吃，只吃了一塊豬扒，卻是極級的油膩，脂肪比例極高，吃完滿口也是油。

雖然我這天食了個35元的早餐，但細看這店的餐牌，竟然還有一些低於三十元的早餐，確有點意外，因為這餐廳外表看上去是一家專食南洋菜的食肆，但早餐就完全不是那回事，這天吃了一份雞扒太蛋跟咖啡早餐，雞扒肉厚，但入口仍覺嫩滑，味道就只可說有師傅味，太蛋也不夠熱，口感點有點老，咖啡尚算可以，入口香濃，但不算順滑。