海天亞洲漁港 (已結業)

今日同team同事一齊lunch, 終於有新地頭.海天地方比樓下寬敞好多, 叫來的點心上得又快.欣賞一個焉鴦炒飯, 紅個邊, 往往比人感覺比較酸, 而唔係咁鐘意食, 但食落, 不是啊, 是帶著番茄甜味的.蝦餃燒賣, 同其他點心, 份量都幾大粒, 一檯十多人, 叫了一檯點心, 圍番每人53元. 計落, 抵食. 太多點心, 總是不能每樣都寫. 而且亦非樣樣都夠人搶. 總之, 這裡的點心, 有水準.

又到灣仔飲茶, 上次0個間 (http://www.openrice.com/restaurant/commentdetail.htm?commentid=1912742) 又迫又唔好食, 今次一行 6 人訂定檯到遠少少的呢間. 今次主要食點心, 食物比上次0個度好, 亦比上次好坐:- 豬腳薑 (!): 除0左貪得意之外, 叫呢個的另一原因係想俾美國同事試試呢類 lonely planet 唔會介紹佢0地食的 Chinese food d 汁幾好食, 甜甜的, 唔辣, 好對口味; 豬手一般「膠」一般腍, 不過好入味, 不錯; 無食到 d 薑, 不過同事話「好老」, 相信好辣?- 由於 d 汁實在不錯, 用了蘸白灼菜心吊吊味, 哈哈.- 煎蝦米腸: 賣相似煎米糕多 d, 似乎係將蒸好的蝦米腸成餅掟入去煎... 餡料唔多, 不過煎得都幾香口, 又帶點米香, 蘸上甜醬, 味道可以.- 煎蘿白糕: 呢個好唔得, 賣相味道都應該叫「油浸淡口米糊」, 腍腍爛爛好難吃 -_-" 另外d 麻醬甜醬唔知點解有一層熟油0係面, 完全蘸唔到.- 牛柏葉: 好耐無食! 呢度的好爽口, 幾惹味

d流沙奶黃包真係好好味呀好多汁, 好香濃的蛋味又熱辣辣, GOOD!

因為德興晚市火鍋爆滿，迫不得已之下才來這一間，心想也不會是什麼好貨色，不過既然興起想打邊爐，就試一下吧。(如果一早看到這兒的劣評，一定不會上去受氣。)在樓下的接待的auntie沒有說要等位，上到去，也沒有人在等位。我們向那位知客女士表示，兩位打邊爐，她說"晚飯就即刻有，打邊爐都好快，埋緊單!"，然後便走開。於是我們唯有做唯一坐著等的人。後來，我們等了20分鐘，愈來愈多客人來到，打邊爐的也等5分鐘就有，我們表示不滿，那知客女士才唔至在的說，大檯就有，兩人檯暫時未有!那你一開始又說什麼"埋緊單"，完全是騙人，如果不是這三隻字，我們不會白花我們的時間! 服務真是cheap爆!!!!!! (多得那位女士!!!!!!!) 以後絕對不會再來。

情人節仍然係打邊爐...德興等成十張桌，算吧啦六師弟!就去海天睇下~~有位喎!!今次我地無亂咁勁點，好量力而為，逐樣好小心咁點。都係個ｄ大路野，肥牛啦、丸啦(今次叫少左好多!!)、雞子啦、魚啦、墨魚滑啦、牛肉滑啦、韭菜餃啦...最得意係有牛肉粒，唔知會唔會好韌？ｄ野食係一隻大碟咁上架，又幾好喎!!唔駛成桌都係一碟碟食物迫到死，而家一隻碟一次過搞掂。牛肉粒幾林幾易咬，不錯呀。其他食物都算中規中矩。飲品任飲，不過飲到中途話無晒蔗汁，下？後尾個位女侍應話幫我地睇下，結果又有喎...佢仲對住我男朋友講：「見你咁靚...最後一jar黎架...」....-__-!!! er.....醬汁係自己出去個"自助混醬bar"度撈的~~哈~~唔知係d醬汁定湯，d味精超級勁，勁到我地第二朝喉嚨都仲好乾好涸...價值貴左點...都係德興好d，不過都唔係話太差gei。服務ok，會成日問我地洗唔洗加水。

12月31日唸住在灣仔食完野便去睇倒數,八點幾經過見到寫九點後任飲任食火鍋每位$48,每位又有一客片皮鴨送,於是問下湯底幾多錢,侍應話$38,覺得幾抵,當時未肚餓,於是在灣仔行左一陣才上去食,一出電梯有少少人在等緊,侍應便問我地食晚飯定火鍋,我地話火鍋,點知個侍應居然講等火鍋唔知幾點有台,食晚飯就即時有位,當時見到入面都唔是好爆,同佢講我等,個侍應依然話不如食晚飯,連等位飛都唔想比,我都是話照等,她便話現在等緊的人入完才到你地,因為佢地訂了位,我話無問題.在等位的過程中,不停都有客人來,侍應同樣又是講等火鍋唔知幾點有台,食晚飯就即時有位,根本我覺得他們趕客走,唔想做生意,如果31日想賺多點錢不如話今日無火鍋只有食晚飯,另外送片皮鴨仲激氣,我見到有個經理預備緊,我問執台個侍應取他話轉頭先,我見到他好忙都沒有在追他(全場只有兩個執台的人),等多一陣我再問個經理取,他又話轉頭,我又等,我便看四周有兩台熟客取,他們便拿比去,最初我估佢地睇到我地差不多食完才送上來,點知我食食下野見到個清潔工人全部拿去倒,我覺得好過份,寧願掉都唔比人客食,我見到有個男人自己行去取,都比經理話"先生依的唔是自己取嫁

呢間酒樓(灣仔海天漁港)有事無事都千祈唔好去!呢件事係小弟o既親身經歷：話說11月28日係小弟大婚之日，早一個月已訂定六圍酒席，待註冊完招呼親友往飲茶，由於我們包一個望到街的房，譚姓經理(暫時還未找回他的咭片)還稱可給予新娘房予我們更衣用，故也頗滿意，菜單寫好了，訂也落了，在註冊早幾日前還已致電再confirm房間及預寫了的菜單等所有事情。好了，當日註冊完畢後往該酒樓，一眾親友60人乘坐我們包下的大巴從金鐘到灣仔的海天漁港飲茶，由於小弟與新娘子要殿後關係，家人便領著一行60人先抵酒樓，當我與新娘子一到達後便火滾起來，原來他們並沒要給我們留座，包廳裡坐滿了其他茶客不特止，經理還只安排了我們坐大堂，並只以板間與其他茶客間開，一半親友連坐位也沒有，只是站著等伙計執拾，丟臉到極點！看著如此情況怎能不火上心頭！結婚也要發火，小弟和新娘子含淚急催伙計執房，如此這般讓客人呆等了30分鐘！30分鐘後再讓伙計倒茶、上菜已比原定時間過了足足1個小時。而且上菜時還雜亂無章，先上了粉面後才再上點心，實在叫人不能忍受。最離譜的是這間還是貼有優質標誌的酒家，真是荒天下之大謬！文章打至此已心痛欲裂，大婚之日竟然留下

之先試過去旺角那間食大閘蟹都ok, 但正式晚飯就未試過, 加上妹妹極力推介,咪試試囉!11人點了12人餐, $1488, 價錢超值, 味道也相當不錯! 以價錢而論, 絶對可以收貨.--雞湯翅: 只有雞湯和翅, 一梳梳, 好似銖記個d. 個湯好濃郁, 有雞味, 當然幾肥, 要去掉表面的油才可下嚥, 但味道真不錯!--乳豬: 皮幾脆, 可惜太肥! 不是我杯茶!--白灼海蝦: 好大碟, 新鮮, 肉爽, 新鮮. 可能我們有幾個人都不能吃蝦, 竟然不能幹掉它! 可惜!--龍躉兩食: 清蒸和炒西蘭花. 兩者都好好味, 本身清蒸的都不錯, 但再上西蘭花炒班球時, 我已棄掉前者, 因爽脆又唔散的班球難求, 吃了不少!--沙薑雞: ok, 幾嫩滑!--生菜飽魚菇: 沒有吃, 太多獻汁了!還有生果盤和甜品, 以呢個價錢真係無話可說了!

今晚與家人食8人餐，已經3日前訂好位及預留8人餐，點知7:30去到個支客話張枱比左同姓的人！都算數啦，唔比都比左。再等佢安排過張枱，張枱簡直人貼人，夾住過心口！我稍為移開d張枱，廢事夾到自己，個部長竟然話我阻住佢行，我心諗﹕好似你地酒樓衰先，擺到d枱咁鬼逼！點菜又發生問題，部長話8人餐嘅乳鴿冇哂，換隻雞黎，嘩！我先前訂左兼且只係7:30過d啫，咁快冇哂？佢話我地遲來喎（有咩？！）話口未完我見到隔離兩枱上緊乳鴿，立即問佢點解。多番週旋及等待及催促後，8點終於有得食乳鴿。真奇怪，乜部長唔係話冇乳鴿咩？平心而論，味道大致幾好，但係又有酒樓常有的毛病:味精太勁。而且份量也比較少，全女班食先會飽。如果唔介意頭上有枱板飛來飛去，人夾人之外，可以去試下嘅~

中價茶樓, 食物無甚特別, 但也不過不失.桂花糕可推介.

成個禮拜都係商務飯局，累得很。難得一日不用應酬，本想自己一人嘆杯咖啡慢慢享受。怎料近放工時間收到朋友來電約食飯，因已經推左佢好多次，所以在不太願意之下還是應約。7點未夠朋友已在我公司樓下等我，在他的主意下去了海天食中菜。上樓看到廳面空空如也，心感不妙。果然，服務態度未食已令人大失所望。朋友揸旗，點了燒雞、琵琶豆腐和避風塘炒牛河，仲有一渣西瓜汁。燒雞，皮脆不過肉太實，味道欠鮮；琵琶豆腐口感不錯，但份量和賣相都很一般；避風塘炒牛河是最好，香氣迫人，味道微辣，河粉質感不錯。埋單２百幾，下次都係去第二間好過。

啱啱食完返來，即刻寫報告。用剪報印花，要四人用「龍鳳配」，三百六十蚊。第一樣係沙律，甜甜地，算係okay，但遺憾無薯仔。跟住果個「海上鮮太極」，係魚類，但係材料好垃圾，味道一般。第三樣係甚麼「蝦乾濃浸時菜」，即係白菜，份量小巧，味道都唔駛有期待。第四係「BB乳鴿」，好鬼肥膩，肉又唔好味，垃圾。第五係「花膠炒麵」，唔油，幾幼，叫做食完應該唔會嘔。第六係「鮮果涼粉西米露」，難食到爆，唔知個廚師想點，總之怪誕非常。成個套餐，跟本唔值三百幾，一百蚊都嫌食水深，服務又差，待應又做事馬虎，去大家樂好過。

家人在中午前到這裹揾位飲茶，時間介乎午市仝早市之間，進去後在一張吉枱坐下，但坐下十分鐘都一直沒有待應來開茶，所以立刻離座往附近其他酒樓，想不到今時今日還有如此的服務，又唔聽劉華的廣告話！

一行五人到這兒飲茶吃點心。嘩啦啦，普通點心點了一大堆，味道和賣相麻麻地。以鮮蝦腸粉（超大爽滑大蝦）、蒸糯米卷、粟米墨魚餅，最正常。但紅油炒手（皮超厚，體積過大）、奶黃水晶包（糊糊爛爛）、雞絲海哲（雞絲極不新鮮）、鯪魚球（質地霉爛）、干燒伊麵（配料甚少）、油菜（芥蘭過粗，食得狼狽），最為記憶猶新。埋單近$400，份量還算可以，但價錢偏貴，兼味精偏重，好口渴。

=----expensive hotpot with so-so food---dim-dum ....totally poor--chinese dishes....just average ....