海寶漁港 (筲箕灣道)

营业中

休息中

就嚟過年開始要食團年飯，跟親戚嚟食，冇介紹錯，真係值得一試。服務幾好，不過唔知係咪因為親戚係屬客。一行12人，叫咗9個餸，另有壽桃包，同埋馬豆糕做甜品。個個餸都好味，大大碟，食材又新鮮，尤其條魚同埋隻雞，真係肉質滑溜，全部食晒冇剩到。另外值得一讚仔佢哋嗰個炒飯，大碟到好似成座山咁樣，好乾身，又足料。佢哋嘅甜品都好好味，壽桃包係中型size，做得好靚，長輩好開心，另外馬豆糕又唔會太甜，每人都食咗幾粒，好滿足！

晚飯家裡聚餐，唔知去邊好，有人提意去海寶魚港，以前去過，麻麻的。但因衆望所歸，最後半推半就去了。點了半個餐，五個人，加了個咕嚕肉。好好味，記得有很好多年前來過，好明顯是換了大廚。樣樣大大碟。樣樣都好好味，魚好好味，咕嚕肉好脆，燒味好正，雞有雞味, 菜好新鮮, 西蘭花好好味。連壽包都好好食。多到食唔晒。包六罐汽水, 埋單$1,500, 以今時今日，算是好低食。一定會再來。沒問題。今次完全改觀。可能農曆新年會再來食。

你試過一定知係好嘢，尤其係山竹牛肉球宜家d人一味加鯪魚肉整大大舊山竹牛肉，完全破壞左牛肉球嘅口感同味道；但係呢間嘅牛肉球真材實料，加埋喼汁簡直perfect。想食返香港真正點心，一定唔會令你失望。另一個推介嘅點心係蠔汁肚皇扎。肚皇扎唔係度度有，扎得唔實嘅大有人在，一夾起就散晒。呢度個肚皇扎實淨兼啖啖魚肚，加上蠔油獻汁，一吃難忘。如果你鍾意食鷄，可以揀鷄扎。最後一定要試燒賣，裏面好多蝦，唔係一味放好多豬肉。仲有好多嘢想食，回味一下真正嘅港式點心。

係投訴番之前既經歷安排客人入座好唔公平沒有依當時客人等待時間公平地安排比客人入座, 當向接待反映時, 接待既人反應好差仲話番我地轉頭, 話多人係咁架啦但明明係佢完全冇理4人枱既等待時間完全不合理只係不斷比2人枱同大枱入以後唔會再幫襯!!!!!!!

是日突然好想食中式住家菜晚飯，於是便和友人到了海寶漁港酒家。晚餐～～西芥腰果炒雞柳超多西芥、腰果，雞柳大大塊菠蘿咕嚕肉咕嚕肉大大件，炸到剛剛好，皮脆肉嫩，醬汁酸甜開胃，餸飯一流

初黎西灣河報到~ 試吓飲個茶~ ☕☕☕今日遲咗啲 1530 先上到嚟, 一坐底就知 1345 last order 所以急急落單~ 😂😂😂環境唔錯重有卡位坐~尼 3 樣都 ok 啦~ 一般攞貨標準~ 🤔🤔🤔個蘆薈雙皮奶完全冇特別~ 7 仔即食水準, 所謂蘆薈講完都完全唔覺~ 😲😲😲雞扎先係經典~ 入面除咗舊冬菇好食啲之外, 芋頭都好粉嘅, 但係其他竟然係舊「南瓜」？！重有舊好似係「魚旦」！？我真係太少見識喇~ 🤯🤯🤯尼餐真係好一般~ 重竟然見識到「特色點心」~ 😂😂😂

Staycation指定動作 - 叫外賣係app見到呢間中式野食不錯，又有折扣，決定試試紅燒乳鴿雖然送到黎已經唔係好脆，但係燒得好香，好入味，食到舔舔脷龍蝦伊麵本身諗住呢個價錢都唔會好食得去邊㗎啦，點知龍蝦超級大隻多肉，伊面索咗啲汁好好味😋我同男朋友都不斷大讚，連小小嘅龍蝦肉都唔放過要撩埋出嚟食粉絲蒸扇貝扇貝大隻，好新鮮，粉絲好入味，一個字：正蓮藕百合翠玉瓜炒羊肚菌每樣食材都新鮮，健康又好味冇記錯好似四百零蚊就食到呢度咁多野，性價比超高

星期四訂位星期日食長腳蟹，去到現場你話比人訂晒，我都想知係唔係淨係做自己友。生客唔做😤，酒樓做嘢手法不可原諒，如果早d通知我，我仲可以接受，我尊程個來食長腳蟹，點知冇。竹籃打水一場空！咁大間公司，一d誠信都沒，真係好失望，呃人😤😤

街坊酒樓，疫情之下人流亦十分多，差不多滿座。其中套餐值得推介價錢十分實惠。今日我哋吃了其中推介的清蒸長腳蟹，價錢不算十分實惠，但分量十足，沒有偷公減料，蟹肉非常新鮮彈牙，蟹腳鮮甜，打開蟹蓋，肉汁徐徐流出，有海水的咸及鮮味，感覺跟日本吃的味道非常相似，不相伯仲。此店其他燒味亦非常出色，個人喜愛叉燒及燒肉，今日點的是BB乳豬份量比較細,皮薄肉嫩，但價錢亦比其他燒味略貴。原本打算點的冬瓜盅，因人客太多，所以早早7:00已售罄。其他小炒就比較正常味道一般，不是十分出色，每碟價錢差不多要$100，本人並不推介，我們點的南乳黑豚肉炒蓮藕亦普普通通，其他蝦醬娃娃菜感覺亦太鹹及油膩。另外我見其他客人都比較多一家大細點套餐，套餐包酒水，似係父親節出街食飯首選之一。

海寶漁港西灣河店，今晚主要是為母親慶生，訂了長腳蟹由於貨源不穩定，所以今晚價錢需要16.8一兩，因此蟹已經佔了大約1300多元，用清蒸的方法，最能帶出蟹的鮮味另外點了半隻乳豬，但其實他是BB豬size較乳豬還要細，但價錢需要388，其實有點貴再加上每人一隻蒜蓉蒸扇貝，反而隻碟就非常抵食另外還點了蝦乾炒唐生菜及乳香藕片炒黑豚肉，都十分美味另外酒樓沒有收開瓶費及切餅費這個可以給讚👍

幾時先落完雨呢，今日又咁大雨，今日小學生要返學了，但是天氣很惡劣，難為小學生冒著大雨去上學，要去買餸了，小朋友放學要回家食飯，出門時都冇落雨，落到街後又傾盆大雨，只好去酒樓坐一會食個早餐，就去咗海寶漁港，點咗一個早晨孖寶，早晨孖寶好抵食，有飯配点心或者粥配點心 ， 我就點咗一個鳳爪排骨飯，一碟鮮虾腸粉，食飽再睇吓有冇落大雨，看見冇落雨了，快快去街巿買餸，在街市買完餸又下大雨了，今次琳到全身濕曬，只好回到家快快换衫，回想到在海寶食早晨真是底食，真是想下午茶再去食，好過自己煮。

今天我和老公都放假，我們一早起床，帶了兒子到海寶漁港飲早茶。我們選了「點心拼盤」、、「雞紮」、「牛肉蒸腸粉」、「蝦餃」、「 薑絲蒸牛柏葉」和「鳳爪排骨飯」。 總括而言，點心的味道很好，特別是牛肉腸，腸粉的部份又香又滑！老公就大讚鳳爪排骨飯最好味，排骨醃得非常入味，白飯也很有米香，蒸得粒粒分明的。

家中長輩生日，我們提前預定了海寶漁港的晚餐，因近期店家promo‘長腳蟹’，8.8/兩，好低食，今晚全家6人就試一試～飯店落座後，先要去玻璃缸前自選一隻蟹，由店家師傅秤斤兩我們6人挑了一隻：5斤8兩（每斤16兩），諮詢了部長哥哥，推薦清蒸，因原汁原味！如果想調味，店家也免費提供～黑醋。如果要其他方法烹調：如芝士，蛋白，蒜蓉，避風塘...加收80蚊；我們就撿咗清蒸（口味超正！）每位派一把剪刀✂️，開動啦～上碟原形大蟹八塊...一邊哇哇聲，一邊努力剪，大啖大啖咀嚼...議論著海鮮與河鮮（大閘蟹）的不同.....好享受！有主角，當然也有以下各個配角！第一個： ‘孜然炸豬脾（豬肘）：上碟時是一整個豬臂，表面上有一點孜然粉，所以孜然的味道不重。切開金黃外表，一塊塊外脆內嫩的連皮肘，肉與筋之間仍帶有膠質，咬落去，味道不錯呦！我給90分！正價HKD168.-，特價時，HKD98.-！因我們食長腳蟹，這天非特價日，也優惠我們，收HKD138.-可惜，分切後食咗幾塊才記得拍照...D相有損其尊容了，嘿嘿～第二個：’瑤柱蛋白炒飯‘ ，雖然普普通通，但夠鑊氣，不油不濕，瑶柱蛋白外還有翠玉瓜丁，一碟飯量有點不夠

一行14人到此下午茶，點了：鳯爪排骨飯：味道好，排骨鳯爪也肉質柔軟，米飯也不少。梅菜肉片飯：味道也好，不過不及鳯爪排骨飯惹味。北菰雞包仔：包質柔軟，內饀味道佳。咖哩土魷：咖哩若果更辣一點就更佳。時菜鯪魚球：這個比較一般。金蒜蝦春卷：這個要大加推薦，外皮脆，內有大蝦，夠熱，不油膩， 雖蒜味不足，仍十分好吃。薑汁糕：薑味不足，另外層不夠軟，幸好內裡夠柔軟。鮮奶紅豆糕：糕嫩滑，不太甜，味道不錯。紫菜魚片河：不合格，魚片是凍的，河粉太厚，也不滑，下次不會再點。總括來說，蝦春卷最好吃，紫菜魚片河不合格。吃了這麼多種類的食物，每個人也捧腹而回，每人也只需大約$50，性價比極高。

一去坐底食野啦，都ok！無啦啦問可吾可以搭枱，都未答佢就叫人坐底！真心好過份！甘你就吾好問啦！食完準備叫人攞外賣🥡盒啦，佢同我點左頭！行過黎又去第二枱喎！真心嬲到呢！又吾行過黎問下，就走左！要我叫第二聲先過黎