海家小品

营业中

休息中

放假想吃早餐，會想起海家既吉列魚柳，他們系用龍利柳而非其它食店用鯰魚，死魚有腥味，值得一讚這個魚柳只用薄薄一層炸粉，再配上自家製調校的沙律醬有洋葱粒，非常開胃不酸，可自由選擇煎蛋，炒蛋，餐肉，煙肉或腸仔，有沙律菜，方包再配上即磨咖啡或其它熱飲。放假想 chill, relax, 可選擇來試試，價錢為46元，貴少少但都值得，他們都用心製作，員工態度服務良好。

喺西灣河地鐵站文娛中心出口對面，交通方便本人今日叫咗下午茶 奶油多加 茶走首先奶油多哄得夠脆，多士唔會太厚太乾， 煉奶同牛油分佈適中， 同埋已經幫你飛邊，夠貼心奶茶方面，港島區 值得推介的一間， 首先個茶膽唔會苦澀， 奶夠滑， 撞埋一齊色澤均勻， 最重要佢落個煉奶唔會死甜， 個水溫夠熱 飲落好舒服 唔容易起痰， 本人經常都會外賣一杯茶走(都係$18) 再加埋員工 招呼服務態度很好， 鍾意飲奶茶嘅人絕對唔可以錯過， 不過要留意係 佢有機會四點至四點半不定時關門， 所以如果要試就要早啲去

海家小品係好好味但唔容易食到既餐廳，事關佢唔做晚市。今日難得放假有野做，終於試到佢既早餐。早餐其實同茶餐廳既早餐都大同小異，都係沙嗲牛肉麵，火腿通粉呢啲再配個牛油方包煎蛋腸仔咁。今日叫左牛肉麵早餐 配餐肉煎蛋牛油方包$38親民價錢，份量滿足沙嗲牛肉麵係常見既餐，但要好食就唔容易。眼見湯底係奶白色既豬骨湯已經覺得好有誠意，牛肉夠軟唔會好硬，沙嗲汁都ok。另外影左張羅宋湯螺絲粉，好多蔬菜，好有誠意。整體價錢親民，坐得舒服，絕對有下次。

試左海家小品食早餐，叫左一份火腿通粉，煎熟蛋加煙肉連方包，另一份係羅宋湯通粉，配餐內腸仔連方包火腿通粉淡而無味，好似滾水煮火腿通粉咁😖😖😖😖煎蛋同煙肉都正常味道羅宋湯通粉就無伏既😅，料多，味道都幾好，仲有茶走少甜，茶味濃，奶茶夠滑🤓果度啲侍應都幾有禮貌既不過，想食好味早餐就未必係首選啦！😅😅

今日去西灣河搵朋友食下午茶，朋友推介呢間性價比高嘅餐廳。我叫咗白咖喱豬扒湯麵～碗麵一上枱已聞到極香濃咖喱味，有三大塊豬扒同兩塊豆腐卜，豬扒唔會拿到冇肉味，亦不會鞋颯颯，几好食。白咖喱湯都頗辣，唔怪之得店員都問我使唔使減辣。跟餐我要了一杯即磨咖啡。總括嚟講，除咗辣咗少少，整體係好好味😋朋友叫咗一碟煙三文魚忌廉天使麵～下午茶來講要$49有些少貴，凍飲再加$3，煙三文魚份量比較少，好在天使麵味道夠濃郁夠香，份量也比較多，才感覺良好些，沒那麼貴。

做完嘢己經兩點，個肚咚咚打緊鼓，下午茶時間，去西灣河揾食，嚟呢間以前曾經幫襯過，感覺唔錯嘅餐廳店內環境唔錯，裝修簡潔清雅，地方亦乾淨企理，我照舊叫個鮮茄焗豬排飯。等咗大約十分鐘，個焗飯送到首先要讚嘅係上桌熱辣辣，服務員重好細心咁提醒我小心，睇熱。其次賣相唔錯，焗到金黃色，豬排算大塊。杯熱檸水有四片薄檸檬，味道亦👌而要彈嘅地方就係雖然寫明鮮茄，但實際祇係茄醬煑，食法梗係有唔同啦，飯無炒底但都正常👌另一主角嘅豬排就真係麻麻雖然醃得唔錯，咬落去都幾腍，但一食就知用嘅凍肉係低價雪藏貨色，肥肉多兼無肉味，所以加入咗好多黑椒去掩飾，同之前嚟食過嘅焗猪排質素真係差咗好多最後補充除咗塊猪排差啲，整體份量同味道都ok。42蚊個下午茶餐，包一杯飲品，無加一都算係咁，聽見佢哋同其他食客講，而家所有來貨又加咗價，明嘅，生意難做，難免會將貨就價！

每個星期總有一次幫襯，一向午餐11:00 an開始，但現在疫症時間，我哋轉外賣，但每次電話柯打，一次又話11:30先有午餐，今日就更話12:00先有；仲要每次外賣都倒瀉，唔係湯就係茶！

好鐘意食last minutes叫早餐，當埋午餐。😚 另外，肉燥米粉，之前食過都不錯。--🍲 羅宋湯螺絲粉 HK$32坊間番茄湯底成日有，但羅宋湯真係比較少。羅宋湯底好多蔬菜配料，味道都幾重。另外配兩款材料同包。

純記錄，較短。無聊聊，最岩係去未食過既餐廳，擴大飲食板圖既時候，但係又太熱，5想去太遠，如是者，去一去西灣河食野算。一落巴士就熱到溶咁濟，見到咩就食咩，結果伏食黑洞既我又中了。裝修，正正常常，但有不少冷氣安裝既位置係對到餐桌應一應，5太舒服。服務，正常。食物，叫左雙重芝士焗豬扒飯，以為無死又係死。飯底無炒底5緊要，至少5好太軟身，5好有倒汗水，5好俾人感覺似係蒸完個飯，上面擺豬排同芝士，然後係咁2燒一兩下(或焗溶芝士就收工丫)。公道講，芝士方面算香，有拉絲。豬排算軟5硬，配醬茄汁正常但應該只用茄醬，無另加新鮮蕃茄煮。飲品，50蚊餐包熱飲，奶茶茶記size，味道普通。整體，我不滿意份量同味道，服務食物有待改善。留一線，意粉可能會好食。

話說突然想食西餐，剛剛路過見佢餐牌幾吸引就入去，見過酥皮海鮮幾特別，咁就叫左尼試配濶麵，但來到一望酥皮白到好似無點焗咁之後心諗入面應該唔會再失望，嘩......一試忌廉汁咸到飛起都唔只魚柳仲有小小變左咁，食左幾啖完全放棄。之後同員工反應，佢反應唔好意思仲問番我咁個麵唔咸丫？其實係要分開食？真係唔會再入去食。。。。不過員工禮貌尚可接受

地方細細， 典型地區小館，職員服務有親切感，最緊要係價格親民。照燒肥牛烏冬 $38烏冬大碗，配料有粟米、蟹柳、日本魚蛋、紫菜非常豐富 ，肥牛份量相當多，唯照燒汁偏咸，不過$38蚊呢個價錢真係算係咁，性價比一流。雙重芝士焗豬扒飯 $49豬扒夠哂大塊，肉質夠淋，茄汁味濃郁，芝士融化喺豬扒上面，焗得啱啱好，熱辣辣

當我要求點菜時, 短髮員工會一路行一路只大聲叫：要咩？ 我當然不會大聲回應, 要等待她行過來時才點餐。此店開業不夠一年, 這名短髮員工亦在此服務沒有進步過, 真的很可惜！

呢間小品其實初初開嘅時候有食過， 可惜漏單食物唔好食， 所以都有一段時間無食過喇， 早前有朋友講呢排小品嘅食品好食咗， 所以早前再試一次啦。 其實佢又真係唔會點爆場， 所以咩時間去都會有位嘅。 晚餐 Set都有羅宋湯/精選沙律， 主菜同餐飲， 另外當然你可以升級甜品或特飲啦， 價錢由$55-$88起。 我同老公各叫咗一個湯一個沙律， 羅宋湯個人覺得太酸太辣喇， 但材料都算足料嘅， 沙律就係老公至愛嘅薯仔沙律。 主菜我就要咗美式肉醬意粉， 普普通通， 肉醬汁都 ok. 老公就要咗意式肉丸意粉。 連同餐飲2位就 Total $136 唔使加一喎。 晚餐嚟講都算 ok.

夜晚八點半到，環境幾好坐得舒服，叫個白汁忌廉魚枊飯睌餐，唸住叫大路野點知都出事。個魚枊係暖身但裏面係凍旣，魚肉好腥仲好深色，一食落口己經媽媽聲。大快活早餐塊魚枊仲好食過佢。個忌廉汁得個杰字但冇味，金寶忌廉湯做白汁仲好。食到冇心機最後食咗一半就走。埋單佢比張單我話下次出示張單有95折，我一手掉咗因為根本唔會再去。唔係唔想幫襯小店，但咁hea做回頭客?

食下午茶可以瘦身，无错，只要食得早，那怕食得好。迷你焗鲜茄猪扒饭，飯虽然没有抄底，但飯味十足。猪扒虽然得一塊，但这正是你每餐需要蛋白质的份量。不过不失啦！ 如果你的食量不是很大，或者瘦身是你終身目標，把下午茶当作晚餐，正！服務是不到位的，能不能接受是見仁見智了。