海悠

营业中

休息中

觀塘熟食市場「海悠」非常幾人氣，日日午市晚市超爆場，相信好多朋友都食過，本來由三個舖位而家擴充到七個，遲啲唔知會唔會成層都係佢，已經食過好幾次，最愛當然係佢嘅炸子雞，最近腦細仲推出咗超特價海鮮，超巨型開邊龍蝦只係由 $68 起一隻，其他地方真係用呢個價錢絕對食唔到咁高質素，咁抵食我相信又會引起一輪排隊熱潮👍👍今日同朋友嚟食晚飯，除咗一早訂咗炸子雞之外，就來一場龍蝦、瀨尿蝦大放題，仲有發掘到一道菜，我認為係港女必食嘅「避風塘瀨尿蝦」有咩咁特別？就係幫你剝埋殼，完全唔需要動用到你雙玉手，我哋又點可以唔食😂😂▪️避風塘AAA級瀨尿蝦 （港女系列）一份一共有12件瀨尿蝦，已經幫你剝晒殼，你話有幾正，瀨尿蝦大大隻入口啖啖肉，而且用避風塘爆炒超級惹味，身為正宗老港女嘅我表示非常喜歡▪️椒鹽龍蝦▪️蒜蓉粉絲蒸龍蝦 ▪️蒜蓉粉絲蒸龍蝦加脆米我哋兩個女人總共食咗四份龍蝦，真係唔知以為黎食放題，抵食到咁梗係要食返夠本，三款口味各有特色，首先係龍蝦用上澳洲南澳龍蝦，肉質超級新鮮彈牙，椒鹽口味超惹味，蒜蓉粉絲清蒸夠晒鮮味，加咗脆米口感就更豐富，總之全部都正🦞▪️原隻AAA級椒鹽瀨尿蝦食完成碟瀨尿蝦都係唔夠喉，再整多一隻

之前到會試過幾次，一直未有時間嚟佢地鋪頭。難得母親大人得閒 特登過嚟觀塘~ 位置唔算難搵，基本上一樓就係得佢地鋪😄好彩一早叫老闆留咗隻雞，七點半落單，宜家見到app話售罄。雞肉好滑，連雞胸肉都好淋，冇雞腥味。皮脆肉嫩~瀨尿蝦手臂咁大隻，椒鹽炒本來以為好難入味，點知，finger licking good！真係好新鮮！四個人點四隻，好後悔唔點多d！！！一開始點咗蟹肉伊麵，點知冇曬蟹肉，唯有轉蝦球。有驚喜！蝦球好爽脆，蝦線都冇，好細心啊！個汁如果可以再「傑」少少就好啦！最後上湯菜心清清地收尾，全部菜心苗，一d渣都冇！清碟~！一定會再幫襯！

觀塘高質高性價比海鮮餐廳海悠：觀塘駿業街67號 駿業熟食市場2樓特價清蒸3A瀨尿蝦（$68）
清蒸方式，保留其鮮甜的海味和嫩滑的肉質，突顯蝦🦐的原味。超級新鮮，唔好味包換😋脆米金沙炒福花🌸（$98）
全港首創👍🏻花菜炒至爽脆，搭配鹹蛋黃的濃郁香氣和細膩口感，脆米粒粒分明，鹹香誘人，口感層次分明。黑松露🧆滑蛋炒蝦仁（$58）
奢華的炒蛋🥚蝦仁🍤鮮嫩彈牙，滑蛋吸收了黑松露的獨特濃香，提升整道菜的檔次。🦀蟹黃醬海鮮炒飯（$98）
充滿鍋氣的炒飯中，加入蝦仁、魷魚🦑等，飯粒裹上蟹黃醬後呈金黃🟠色澤，香氣撲鼻，十分濃郁。

成日話熟食中心有驚喜，今日終於試到啦！！🥰👍🏻觀塘駿業街熟食中心原來有好多隱西食肆😁食海鮮唔使等夜晚嘅～幾時想食嚟駿業街街市都有得食！！真係未試過午餐就整隻手臂咁長嘅瀨尿蝦，清蒸最鮮味！一大舊肉每啖都係滿足🥰🥰😋仲要有羔㗎！竟然收$68咋😱真係邊度搵呀？！😅🤣更邪惡都有！！蟹黃海皇炒飯嗰篤蟹黃…真係唔係嘢少！！咸咸香香…撈埋落去海鮮炒飯，惹味道不得了！戒澱粉？遲啲先啦！😪🤭🤣黑松露蝦仁炒滑蛋又係一絕黑松露粉有獨特嘅香味佢個滑蛋真係滑到震！仲要好有蛋香！呢間嘢應該有啲料到，如果唔會點解成條巷有一半舖位都係佢？？🤭🤭🥰

❤️黑松露滑蛋炒蝦仁飯(飯，不加脆米） 滑蛋真係好滑～落左黑松露炒好香口👍🏻。蝦仁夠新鮮冇雪藏味👍🏻。重有蟹柳。❤️紅酒燴牛肋條（不需要飯，加脆米） 牛肋肉夠腍口～😋 燴得很入味～😋還有紅蘿蔔🥕。加上脆米脆卜卜十分有口感😋👍🏻。❤️特價清蒸瀨尿蝦 好少食瀨尿蝦 ，見呢度有供應就試下。瀨尿蝦清蒸冇額外加任何調味，食得出瀨尿蝦本身的鮮味😍😋👍🏻。❤️特價椒鹽龍蝦🦞啖啖肉，肉質結實鮮甜👍🏻。

🌟 **黑松露滑蛋炒蝦仁飯 $63** 即叫即炒鑊氣足！黑松露香氣逼人，滑蛋包裹著彈牙蝦仁，突顯蛋香綿密質感～ 🦐 **瀨尿蝦 $68** 3A級瀨尿蝦肥美爆膏，吮指回味！ 脆米金沙炒福花鹹蛋黃醬「掛white broccoli」效果完美，金沙版本更能嚐到white broccoli鮮甜✨ **隱藏食法** 1. 滑蛋飯+瀨尿蝦膏 = 自製海膽風味 2. 鹹蛋黃醬撈白飯 = 邪惡隱藏食單 白飯🫶🏻#黑松露炒飯 #瀨尿蝦季 #鑊氣小炒 #港女宵夜

📍Shop 52-53, 56, 1/F, Tsun Yip Cooked Food Market, 67 Tsun Yip Street, KwunTong 觀塘駿業街67號駿業熟食市場1樓52-53,56號舖---Nestled within the bustling Tsun Yip Cooked Food Market, “Hoiyou 海悠” stands out as a haven for seafood lovers and comfort food seekers alike. With a menu that masterfully blends fresh ingredients with bold flavors, this hidden gem has quickly earned its place as a go-to destination for an unforgettable dining experience. A Feast for the Senses 🍽️The star-studded lineup of dishes at “Hoiyo

之前睇到啲食評講到佢龍蝦底食，同埋一定要必食炸子雞，特登去試吓。一坐低環境已經有好大浸強烈嘅異味，不過喺街市食肆中心都預咗，諗住嘢食好味都無所謂，5月1號公眾假期，夜晚六點幾鐘去到落單，已經冇晒龍蝦，炸子雞要提前一日打電話去預約先會有，所以最想食嗰兩樣都冇得食。之後叫咗個蒜蓉粉絲龍躉，龍躉肉質都算唔錯，但係整體味道就一般，成個賣相就似將所有嘢烚好之後，放埋一堆。再叫咗個陳皮蒸鮑魚，黃金湯烏冬同埋乳鴿，等咗一個鐘，只係上咗乳鴿，實在等唔落去加上環境都有好好大一陣異味，就埋單了。

呢排去開駿業街熟食街市先知原來有咁多間抵食嘅餐廳呢間海悠午餐海鮮超抵食 炒菜亦好有鍋氣特價椒鹽瀨尿蝦 $98嘩嘩嘩！我都係第一次食咁大隻嘅瀨尿蝦🥹平時係屋企自己煮唔會買咁大隻 出面食飯咁大隻幾隻起亦好貴呢度可以單點一隻 而且仲會幫你剪好曬 拆開食好方便特價蒜蓉粉絲蒸龍蝦(半隻) $68呢度寫著半隻但點解會有一隻？因為老闆係會因應返今日龍蝦嘅大細如果大隻嘅龍蝦就會半隻上 細隻嘅就會一隻上炸子雞半隻 $68炸子雞嘅皮好脆 雞肉嫩滑而且好入味 唔需要點醬汁都好好味如果一個人簡簡單單跟個白飯就一餐 真心抵食又好味黑鬆露滑蛋炒蝦仁跟飯 $63呢個我都超鐘意 黑鬆露香味十足 滑蛋唔會過老 送飯一流！呢個係加埋個白飯先係$63另外罐裝可樂都係加$5 呢間係熟悉街市嚟講算大規模 有成3個鋪位午餐都爆棚 岩曬鐘意食海鮮嘅朋友 午餐都可以以優惠價錢一解海鮮癮👍🏻

海悠 @ 觀塘黎呢度唔一定食炸子雞的…上網見到好多人食龍蝦同瀨尿蝦…見到價錢實在太抵…我當然唔會執輸啦。諗住lunch過黎豪一次下食龍蝦…點知黎到話無哂龍蝦luuu😢。 咁唯有輕奢食瀨尿蝦今日有少少餓就點左…黑松露滑蛋炒蝦仁 呢個蛋炒得好綿滑…有蛋香又有松露香…雖然叫蝦仁但一d都唔細…仲有好多蟹柳。唔錯…唔錯…蟹黃醬海皇炒飯 呢個每次黎都必點…炒飯夠乾身…加埋蟹黃醬撈混食份外惹味清蒸瀨尿蝦 清蒸就食到瀨尿蝦原汁原味既鮮甜…肉質幾紮實…整體唔錯…不過更愛椒鹽或者避風塘…因為更惹味 溫馨提示: 呢度走廊地下好跌下…真係要小心小心#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #觀塘 #海悠 #炸子雞 #瀨尿蝦 #中菜

【$68食澳洲龍蝦！觀塘隱世海鮮大排檔🦞】觀塘熟食市場嘅「海悠」環境乾淨衛生，仲有超抵海鮮食～🦞蒜蓉粉絲蒸龍蝦（半隻$68）澳洲南澳龍蝦肉質爽彈鮮甜，蒜蓉粉絲吸盡精華，呢個價錢真係冇得輸！🦐椒鹽瀨尿蝦（AAA級）避風塘爆炒香氣撲鼻，大大隻瀨尿蝦啖啖肉，充滿鹹香鮮味～🍚蟹黃醬海皇炒飯（$58）鑊氣十足！濃郁蟹黃配上粒粒分明嘅飯粒，仲有魷魚、蝦仔等海鮮，超滿足！🍳黑松露滑蛋蝦仁黑松露香氣濃郁，滑蛋嫩滑，配埋彈牙蝦仁，同蟹黃炒飯簡直絕配～地址：海悠 觀塘駿業街67號駿業熟食市場1樓52-53, 56號舖

駿業街街市可以話係臥虎藏龍憑住瀨尿蝦、龍蝦同一系列創意私房菜成為人氣大熱，貼地價錢食到誠意出品🎈清蒸3a瀨尿蝦到店必點必點菜式之一‼️瀨尿蝦大大隻勁吸引，肉質爽彈好厚肉清蒸嘅煮法更加食到本身鮮味🎈黑松露滑蛋炒蝦仁餐廳名物之一，炒蛋滑嫩好易入口加入蝦仁、蟹柳，配料十足上面灑上黑松露，食到濃郁黑松露香🎈炸子雞好有驚喜，size比想像中大，超滿足外皮金黃薄脆，內裡有滿滿肉汁雞腿部分當然最嫩滑，雞胸位置亦唔乾柴唔點醬或沾上甜辣醬都好好味🎈秘製蟹黃醬海皇炒飯炒飯真係好出色，炒得夠鑊氣，飯粒粒粒分明配料有蝦、魷魚、元貝、翠肉瓜等好足料最惹味係秘製蟹黃醬，帶點鹹香，令人不知不覺食多幾啖飯呀👍🏾

.🦐✨【觀塘街市隱世神店！黑松露控+海鮮迷必掃】✨🍳 今日同阿哥阿妹殺入觀塘熟食市場 全場一致通過👨👧👧呢間係街市MVP‼️ 連阿媽都話要encore嘅平民盛宴🤤 💥必食1號選手💥 【黑松露核彈級滑蛋蝦仁】🍳💣 一上枱就聞到松露香攻鼻🖤 滑蛋嫩到識震顫下～😱 蝦仁大隻過手指公👌 咬落”啵“聲彈牙！ 🦀💛 邪惡度爆錶 💛🦀 【蟹黃醬海皇炒飯】 望落成盤金磚咁閃✨ 勁多蟹籽卜卜脆 每粒飯都被蟹黃醬痴住😍 鮮味直衝天靈蓋💥 🔥🐉 海鮮佬都嚇親 🔥🐉 【清蒸3A瀨尿蝦】 手臂咁長嘅瀨尿蝦‼️ 蒸得啱啱好⏳ 一掰開爆膏💥 啖啖肉鮮到彈起身💦 📍 觀塘熟食中心1樓🚇 觀塘站B出口行5分鐘

本身炒飯表面已經有蟹黃醬，炒飯炒到好乾身，入面有帶子粒、蝦仁、魷魚，口感非常豐富，勁香勁好食，又夠大份，女仔應該兩個人先食得晒，員工方面覺得老細好有禮貌，我買一個炒飯都俾個保溫袋我，又送汽水，感覺到有心做-。秘製蟹黃醬海皇炒飯 | $58-👅【海悠 Hoiyou】📍 觀塘駿業街67號駿業熟食市場1樓52-53, 56號舖🕑星期一至日 11:30 - 17:00 17:30 - 21:30

喺OpenRice見到其他人啲相有勁大隻瀨尿蝦好奇心令到我約埋朋友一齊去幫襯呢一間舖頭我哋食early dinner大概5:00左右到成個熟食市場都好似未開門咁好彩呢一間舖頭有開門我哋叫咗幾款signature dish 清蒸三A瀨尿蝦，真係好似其他人啲圖片咁大隻，大過隻手掌好多，剝啲肉出嚟嘅時候超級治癒，肉係好彈牙海膽海皇炒飯，呢款飯超級香，佢仲有好多海鮮喺入邊，好似蝦仁帶子等等，性價比超級高蒜蓉粉絲蒸龍蝦半隻，龍蝦都比我想像之中大隻，非常之鮮甜黑松露滑蛋炒蝦仁，一定要配個白飯，啲蛋超級滑，加埋黑松露係好香 。呢間舖頭性價比真係超高，未試過咁平食咁新鮮嘅海鮮