海港燒鵝海鮮酒家

营业中

休息中

第一百篇啦～等我係籠底摷返間，又平又正又街坊嘅海鮮酒家俾你地啦！唔知你地身邊，有冇嘀好鐘意摷平野食嘅老友？我呢個朋友不得了，佢介紹得都超級平靚正！地方就遠少少！但勝在free 呀！個長腳蟹餐平到笑，二千幾一圍，隻蟹起碼五斤，又燒鵝又班又蝦，重有好多蝦丸牛丸等等等等.....我之前未食過蒸氣鍋㗎！我成日好驚嘀人hea 洗，嘩！開頭果嘀重要層層疊九層，一層倒汗水到一層，重要食埋下低攀粥，成個百鳥歸巢咁，我唔得㗎！但好彩佢呢款新式嘀！一層蒸哂咁多野，不過就要自己落手整，不過相傳下！有嘀人會自己帶嘀嘢嚟蒸吓你睇下佢隻蟹大過我細姪女個頭㗎！同蒸哂所有海鮮呀！肉呀！之後個粥又真係幾甜㗎！大到個蒸籠都差嘀唔夠位放佢重有隻燒鵝㗎！重燒得幾靚又多肉汁！甜品又有紅棗糕，真係食到捧住個肚走！唔知係咪嘀屋邨酒家所以先咁平，但大圍其實都唔算遠丫！同大圍幾多好食嘅餐廳，最緊要係個價錢貼地到爆，堅抵食㗎！但我朋友食到熟哂！我知好似蟹係要留嘅～所以book 位時記得留蟹呀！同佢蒸鍋枱得兩，三張！醒水問埋啦！

新年做節同屋企人食開年飯，訂左海港酒家既套餐，食第2輪時間大概8pm開始，呢間海港係我新年呢幾年飯入面食得最滿意既一餐😂👍🏼每道餸都好份量好足，飽到最後要打包拎走。不過服務態度還是有待改進🤪。

本身想訂枱同媽媽去試下佢地嘅長腳蟹，去到同呀姐講（有禮貌地）：唔該想訂枱嫁，星期x，7點鐘，4位嫁。呀姐寫底，之後再問多次時間，我再答：7點鐘，4位嫁。突然呀姐大叫：4位？！我以為你4圍tim！！4位我地唔訂嫁喇！！隨即塗左訂枱簿嘅資料。我呆左😓😓之後問：咁到時無枱咁點呀？呀姐再叫：到時你咪等囉！！對於呢啲服務態度真係無言🤷🏻‍♀️🤷🏻‍♀️無訂枱服務可以清楚啲講，真心唔洗鬧人囉🤷🏻‍♀️🤷🏻‍♀️咁嘅態度，真係幫襯唔起🤷🏻‍♀️🤷🏻‍♀️🤷🏻‍♀️🤷🏻‍♀️

昨晚去了大圍這店吃這桌特價餐，叫了2桌一同吃；但居然會弄至2桌上不同湯，真的不可思意^_^！可能大家都忍耐到這刻才敢約吃，結果昨晚只是平日也全場爆滿😅(也可能因為突然人太多，上同一單2圍酒席也亂成有不同！昨日也可能客人太多，席上飯餸已齊；但甜品近半小時也未能上桌，因親友上班早，唯有《沒有吃甜品》先走😧！這晚餐特價酒席，《湯羹，魚和帶子蚌西蘭花，炒飯》是不错；但其餘水準就真的走樣，因甜品無吃就不知怎麼樣？如果跟粉嶺那天在《舊墟茶居》吃同樣是特價酒席比較，好明顯食材質素就被比下去了😅！

香港人鍾情飲茶文化, 若沒有訂位服務, 預左假期需要耐性等位了因為要遷就親朋戚友, 便去大圍海港酒家, 呢間集團式酒家, 晚飯小菜口碑都算不錯, 飲茶都是第一次.點心都是一般大路款式, 沒有什麼驚喜.而且送到檯已經不夠熱此外, 檯上有個熱水瓶, 本來是方便茶客沖茶, 但是瓶內的水根本都不夠熱何奈沖得茶呢用來食的碗筷更加有種洗不乾淨的感覺, 要用滾水一再沖洗多次先才敢用,就是食物質素能夠保持得到,但是基本應該要有的服務真係要提升呢

剛試左海港的蒸海鮮（黃帝蟹餐）價錢非常優惠，六人餐的份量可供六人進食，黃帝蟹亦可供客人一同選擇，確保非常新鮮！完成蒸海鮮後的粥底才是整餐晚餐的精華，粥底吸收了所有海鮮的鮮甜，非常美味！

又係每年一度嘅母親節啦，呢啲大節日都唔諗住有咩好嘢食㗎喇，都係預咗畀人劏。只有圍餐，冇乜小菜可以叫，但我地人少，叫左6人餐，加燒雞以餐來講算多啦燒鵝都唔差另叫燒雞有驚喜，好香又脆魚蒸到岩岩好，好滑，出乎意料

一家人外出吃飯慶祝奶奶生日，老人家最喜歡吃中菜，訂了一間位於大圍的酒樓。點了幾款小菜和海鮮，牛柳粒小菜有鑊氣，味道惹味，配菜腰果才是重點，味道香口，令人吃不停。這間酒樓的海鮮非常新鮮，可以從魚缸裏自行挑選，椒鹽鮑魚做法出色，非常美味，鮑魚入口很軟有鮮味，沒有炸到很乾的感覺，非常推介。開邊薑蔥炒龍蝦，龍蝦非常新鮮，很爽甜，加上這樣的煮法很惹味。蒜蓉粉絲蒸元貝，簡單的一道菜色，也弄得很美味，元貝新鮮不在話，粉絲更是精華所在，若果略嫌鹹了一點，可以配上白飯吃。這間中式酒樓的小菜跟海鮮都非常出色，外面很多小菜館也比不上。這𥚃環境不錯，很乾淨又光猛，很適合一家大小，非常推介。

平日七點來到美林屋村商場酒樓食個海鮮🦞餐，大約有一半人坐低左。來到可以隨便揀位自己坐低。 標誌有心思，海鮮和燒鵝兩合為一，可愛！原盅花膠煲螺頭湯不似味精湯花膠濃湯好多湯料分量大兩個人分，每人飲到一碗有多海港小炒王多左個鳥巢好多海鮮，魷魚，蝦亁和大蝦🍤魷魚新鮮，火候剛好大蝦彈牙！反而想佢多d蔬菜原隻波士頓龍蝦伊麵龍蝦多肉伊面ok汁太少食落覺得差少少野，原來係芝士🤪金銀蒜蒸扇貝好大隻，ok的每隻開邊了

我好小寫食評， 但呢間野真係非寫不可， 真係永不再來。 話說呢間野本來都唔係好想黎， 但有朋友突然到港， 老人行動唔好， 再加佢最近做甚麼黃帝蟹， 所以諗注比多次機會。 由點晚餐開始已勁態度極差， 問下點樣點法好， D黑衫阿姐級好唔耐煩咁一論咀巴巴巴， 廣東京話又唔好， 仲懶講得快， 算， 人未齊， 我未話再諗下， 點知過左幾分鐘， 個黑衫又行埋黎問....點呀諗點未...然後帶種恥笑聲， 可能我問黃帝蟹幾錢斤， 佢介紹個＄2388嘅餐我唔係好啱， 佢以為我食唔起。 算， 我話人未齊。  最後人齊點餐， 叫左隻 3 斤黃帝蟹， 加錢炒飯， 其他深海龍躉 2 食， 燒鵝， 但想叫燉燙無， 想叫聖子又無， 唔緊要仲有其他野。 好喇， D 小菜好快到， 味道OK， 我好中肯。 但所謂燒鵝， D 肥糕厚到有D驚。 都算。 最後上黃帝蟹， 味道講真真係無食開過D鮮甜， 但都無所謂，我只選隻 3 斤， 可能細隻。 最嬲係炒飯， 前後追左 3 次， 其他野都食洒， 就係成村人等個炒飯， 最後係食完灑等左應該差不多 20 分鐘， 其間追左 3 次， 就見個黑衫阿姐拎出黎， 但行到我地枱附近就停底同佢同

今晚去揀咗隻活生生嘅皇帝蟹新鮮整起好大隻有四斤左右，一蟹兩味，蟹膏炒飯大大碟都幾抵食，再叫咗個蒜蓉粉絲蒸大蟶子，招牌燒鵝好香，螺頭燉湯香甜又夠火喉，甜品時間到啦，壽包有兩個味蓮蓉包同埋黃包。侍應們服務不錯積極有效率，好在我們一早去攞位，建議如果一家人很多人的話，五點幾就要去攞位，侍應話先到先得，我哋呢晚去係座無虛席生意都不錯，埋單物超所值，睇嚟個廚師有返咁上下功夫，食到我地舔舔脷，如果有啲優惠券俾啲熟客就好啦。

今日和太太, 外父和外母往沙田美林海港燒鵝海鮮酒家食晚餐, 我們點了燒鵝, 芝士焗龍蝦伊面、炒聖子和椰皇。燒鵝食落啖啖肉, 皮脆肉嫩, 燒鵝食落有油花, 十分惹味；芝士焗龍蝦伊面賣相吸引, 份量十足,龍蝦食落鮮甜彈牙, 份量十足大大隻,伊面食落爽口, 芝士汁味道香濃；炒聖子肉質鮮甜味美, 聖子食落彈牙, 味美可口；椰皇甜度適中, 入口即熔, 餐廳座位舒適, 食物美味, 足料美味, 價錢合理的晚餐。

在大圍的教友帶路下，小人又一次嚐到美味之中菜。先別說其他，一大隻長腳蟹二人共嚐，過足蟹癮之至！只是蟹腳的肉，已經是豐嫩無比，蟹汁勁爆，滿口的蟹汁，滋味沒法擋！再吃蟹蓋的蟹膏，簡直是飛天的感覺，無與倫比！燒鵝大大隻漲卜卜，多肉厚膏、油份充足，鵝肉緊致卻又有汁，超勁好食！比深井X記燒鵝有過之而無不及！椒鹽鮑魚仔超級惹味之作，椒鹽夠多炒得夠香口；難得的是鮑魚爽口得來仍有鮑魚味，兩個人秒速秒殺！是大圍教友的好介紹！

今日同同事farewell，一行12人最好就係飲茶今次我地有訂位，但係安排jor我地坐最入邊既邊邊位。雖然好遠，而且一水難求，但係勝在夠安靜。因為有同事係素食者，所以選擇jor佢lunch既套餐可以嗌星洲炒米同菜心其後當然都有同時嗌一啲點心蘿蔔糕無馬鞍山個間咁好食，無XO醬炒而且好粉，但係點下辣椒醬都okay既佢既腸粉唔錯～馬拉糕同叉燒包都係經典！佢既楊枝甘露都非常好味，每次黎都必點

Happy Friday! 同事一齊去飲茶，經常都會幫襯海港，一來貪佢夠平，二來又近公司，可以食耐少少，食完可以慢慢行返去。今次特別叫左個黑色奶黃包，賣相好吸睛味道同一般奶黃包差唔多。叫左一個麻辣雞煲，好彩唔好太辣，而且啲雞好入味加埋其他點心、炒飯等，埋單都係每人60幾，的確好抵食