影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
叫咗只五斤一两嘅阿拉斯加蟹，本来怀住好大期望，点知最后惨变大失所望。•蟹的份量明显不足，本来只蟹应该好大份，但开盖一刻，第一眼已经觉得细过预期。•只得半只蟹钳，食完先发觉只系有半只蟹钳，正常应该有两只蟹钳完整呈上，呢个摆明系唔合理。•蟹身肉量远少于一只蟹，无论点拆怎样揾，蟹身啲肉都唔够分量，根本唔够一只五斤一两重蟹份量。一向帮衬海港多年，估唔到连佢都会偷工减料。提议大家如果一定要叫蟹，最好原只上，不要斩件，避免商家偷起部份食材。
继续阅读
今日嘅时候先打电话嚟book位，嚟到嘅时候要等一阵佢未有枱，但系等一阵有张海景枱我哋两个人劲开心质素唔错 不过呢一间如果有金钱肚就好五香牛腱$58几特色，几好味一粒一粒佢烧味虽然贵但系超靓😍😍😍肠粉麻麻哋，但系又油油地 青瓜海蜇唔得，捞咗太多油同埋好少海蜇大量青瓜 呢个后悔嗌咗隔篱枱𠮶个黑松露炒饭我哋嗌呢个蛋白炒饭炒得好靓，啲饭系平时啲硬硬地嘅饭海味杂菜煲都好大煲好重要😍😍🥰呢度有啲位置真系冷气偏强，大家要带定外套整体而言食得好开心 因为环境好靓😁食物又唔错
继续阅读
响尖沙咀海港荟订咗两席庆祝爸爸生日。酒楼服务同食物都好好，整体好满意。只系场地set up同最初讨论有少少唔同，例如枱布颜色以及备菜枱同麻雀枱嘅位置，酒楼都好快因应我哋嘅要求调整，所以冇乜问题，无伤大雅。如果好紧张场地布置嘅朋友，可以预早少少时间到酒楼check下以防万一。酒楼嘅维港海景真系好靓，我哋厅房嘅位置对正文化中心，食嘢、打麻雀同影相都觉得有文化啲哈哈。菜式每碟都好食，几款餐前小食几好味；乳猪香脆唔算肥；龙虾同3.6牛乳一齐食，有啲似炖奶咁样，煮法几清新同新颖；翡翠螺片带子、炸蟹钳同鱼翅都有水准；红色东星斑零舍觉得喜庆，同埋好味；鲍鱼黄玉参、黑松露酱烧鸡同炆伊面都唔错；最惊喜系压轴嘅鸳鸯大蟠桃，哗哗哗好大个好开心经理同各位侍应都好好，有咩问题同要求都好快同准确咁回覆，见到有咩需要都好快帮手，好细节嘅嘢，唔使我哋出声都主动帮忙，例如揾张细蛋糕枱俾我哋切生日蛋糕，见我哋想黐装饰气球就俾啲blue tag我哋，服务细心周到。主力负责我哋厅房嘅侍应系一个后生女，斯文有礼貌、快手同埋尽力，帮我哋影大合照完全冇问题，态度好好。多谢酒楼团队令到我哋各位亲戚有一个尽兴同好饱饱嘅晚上！最重要系主角，即系在下嘅爸爸好开心哈哈哈
继续阅读
假日想揾个地方食好嘢兼扮下饮食达人。「海港荟」真系无得输！环境呢，一个字：静，两个字：舒服，三个字：倾计首选！望住个海景食嘢，成个人都高级咗几班咁～讲到食物，呢度绝对系「舌尖上嘅享受」！个*雪山叉烧包*正到痺，上枱一阵就俾人抢晒，手慢真系食自己㗎！个「少爷炒饭」个名够盏鬼，饭粒粒分明又够镬气，食落仲有啲住家饭嘅温暖。最正系个*鲍汁凤爪*，淋滑入味，食到嘴lam lam脷，胶原蛋白多到以为自己后生咗几岁！总括来讲，海港荟唔单止系填饱个肚咁简单，直头系生活享受！无论系拍拖、家庭gathering定系自己奖励自己，嚟呢度包你满意！
继续阅读
今次同蕃薯去到北京道一号海港荟饮茶，地方阔落够光猛，坐窗边仲可以饱览维港海景。🍠翡翠荀虾饺皇 $44一共有4粒，虾饺size正常唔算大粒，但食落虾都几爽🍠腐皮素鹅 $68素鹅价钱正常，竟然上面附有一点点的黑松露，又几有新鲜感。外皮香脆，馅料丰富👍🏻🍠鸡丝脆春卷 $40春卷外皮脆口，味道一般🍠紫米春风得意肠 $48紫米做的肠粉皮颜色鲜艳，里面有丰富萝卜丝，沾上豉油，味道不错🍠虾子干烧伊面 $148伊面做得不错够干身，虾子份量颇多，拌埋一起好香几惹味👍🏻📍海港荟尖沙咀北京道1号9楼
继续阅读
您可能会有兴趣的...