海港酒家 (淘大商場2期)

营业中

休息中

星期五晚上，全場爆，個個都好忙，但服務態度都可以。- 阿拉斯加長腳蟹（4斤）🦀清蒸，好新鮮，唔會過熟，啖啖肉，都算抵食（依家咁多間酒樓都推優惠）- 柚子蜜蝦球🍤有驚喜，酸酸辣辣，蝦肉爽，新鮮，性價比高- 金薯黑椒牛仔骨煲🐂份量好細，牛仔骨普普通通，可能係價錢唔貴- 上湯西澳龍蝦伊麵🦞當日無$398一份，要$456，話斤半，但無咩肉，有少少失望- 招牌燒鵝例牌最失望，可能係翻叮，d肉實晒，偏黑- 西蘭花炒帶子珊瑚蚌🥦珊瑚蚌新鮮好食- 瑤柱蛋白炒飯🍚正常

11月17日揾食肥華陪靚媽，在淘大睇完，因天雨關係為求避雨，就去戲院對面呢間酒楼食午飯，今日原來喺長者免茶錢日，唔怪得此店，高朋滿座。肥華今日特別想食，而今餐在此店所柯打嘅燒鵝，味道和肉質都有極高水準，就算此碟燒鵝嘅，熱度和脆皮度都不如人意，但仍值B+評分。今餐另兩款主食，豉椒斑腩炒河，亦喺值B級評分食品，碟頭夠大，河粉炒得有鑊氣，班腩件数及味道都令人滿意，反知個碗，脆皮乳豬飯，乳豬及碗白飯，則令人有些失望，還好其他兩款點心，酸甜炸雲吞及蒜蓉蒸鮮魷，味道甚得肥華及靚媽歡心，所以今次呢個，由靚媽埋單嘅，假日午餐值！👍👍👍👍😋😋😋😋

屋企人生日，而且指明要食長腳蟹所以一行五人就一早book定枱，仲前一日打定電話問吓有冇蟹😎費事壽星失望坐低冇耐就拉大隊去揀蟹🎉五個人嗌咗五樣嘢食：🦀清蒸阿拉斯加長腳蟹 👯晚市孖寶 --清蒸藍瓜子斑條-- 蒜茸粉絲蒸煙子（4隻）🦐櫻花蝦椰菜粉絲煲 🫘花膠珍菌千層腐皮頭三樣海鮮都好鮮甜～主角長腳蟹係個個都大讚😍啖啖肉～又新鮮另外蟹膏份量都好足夠 大大大大滿足❤️另外嗰兩個煲都好正櫻花蝦同花膠份量好足夠 熱辣辣上枱 冇得彈㊗️㊗️㊗️㊗️㊗️㊗️㊗️㊗️㊗️㊗️㊗️㊗️㊗️㊗️因為屋企人成日嚟食同啲Staff都好熟～所以個Staff知道係當晚係慶祝生日即刻安排送咗一籠壽包俾我哋🌟氹到壽星女幾開心呀人情味滿滿🈵🈵🈵

今晚訂左枱五人晚餐，去左淘大呢間海港酒家度食。有朋友舊年喺度食過阿拉斯加長腳蟹覺得唔錯，今年見佢$188/一斤，平過上年，所以帶我哋嚟試吓。我哋點咗三個小菜一個伊麵，同埋今晚嘅主角清蒸阿拉斯加長腳蟹。❣️薑蔥火箭魷魚：魷魚筒用薑蔥爆香非常惹味，大隻又彈牙。❣️花膠真菌千層腐皮：千層腐皮切成正方形一磚磚，厚實有口感，配埋真菌同花膠再加個濃濃嘅汁，最啱送飯。❣️七味燒牛仔骨：牛仔骨比較乾身，而且肉唔算多，無乜特別。❣️黃金蟹肉蝦球伊麵：芡汁同伊麵比例剛剛好，蝦球大隻又彈牙。❣️清蒸阿拉斯加長腳蟹：蟹肉結實，鮮味啖啖肉，蟹膏有一整碗，送飯送麵最啱！呢一餐人均消費唔使$300 ，抵食！😋

2024國慶海港搞一個11元一條石斑優惠 訂了枱淘大海港，原來他們沒有這個，但有188元一斤的阿拉斯加皇帝蟹$11蚊班係觀塘亞太中心同兩間馬鞍山分店有觀塘海港全晚爆滿，所以照原定去淘大食皇帝蟹啦今晚淘大海港都要分兩輪，去到的時候也滿滿， 超高樓底 ，地方坐得舒服 先點一份三斤半的皇帝蟹，蟹就大隻沒有黴味不新鮮， 蟹黃特別用一隻碗蒸，方便送飯另外孖寶， 蒜蓉粉絲蒸扇貝 新鮮又大隻海蝦球伊麵，味道是好食，色鮮艷也漂亮唯獨稍為多少少油整體都滿意， 員工事前訂抬，落員工到收銀也是禮貌週到，值得一讚，但走之前3-4位員工在旁邊等執枱，比較有壓力但整體都是很不錯體驗中，回味

九龍灣都算係九龍東之中幾方便嘅中間點～屋企人就鍾意食中餐，所以就選擇咗海港海鮮酒家叫咗一個晚市孖寶套餐：馳名燒鵝皇（例）&蒜蓉粉絲蒸蟶子（5隻）、水晶肴肉、辣子雞、櫻花蝦椰菜粉絲煲、花膠珍菌千層腐皮今次食有少少失望因為佢最出名嘅燒鵝皇個皮係un架！所以解釋得到點解個場咁少人 （大約只有三份一嘅人流入咗座）～而且服務嚟講咁少客人，侍應都係要叫幾次先可以攞到醬料俾你🥲辣子雞係好香好惹味，不過就油咗少少最值得讚就係嗰兩個煲啦粉絲煲好好～食炒得好乾身～👍

明明訂左位訂咗套餐竟然話冇record 訂咗餐然後話冇晒燒鵝明明有晒對話訂咗餐都可以冇俾晒對話佢睇 佢都冇諗住理 冇諗住解決淨係識話冇燒鵝咁我訂套餐黎做咩？？我訂餐就係要你留俾我然後黎嘅野又唔同餐牌餐牌係燕窩 黎既唔係燕窩又唔通知唔講聲黎到要我哋問 仲要答得好模糊話係海皇翅講多幾講 又話唔係翅咩廚房整咩就食咩然後碗野又唔係燕窩 又唔係翅都唔知咩黎野食真係好難食一係啲野就好咸一係啲野就冇味冇一樣野係好食服務態度麻麻啲職員愛理不理可以唔洗黎冇下次幾平都冇用啦

前晚去海港食晚飯，野食ok既，菜都幾大碟，燒鵝味道都ok，但係大佬假期前一晚，9點已經開始趕客，直接拎單黎叫你賣單，問佢收幾點佢話10點，然後一直收呢樣收嗰樣，收到無野好收，9點40分直接叫你走。海港特式，趕客，幾好食都係假，下次唔會再去，最憎食到趕死趕命 ！呢個經濟環境，老實講，你咁趕收工，遲早到時你工都唔使返，到時真係恭喜你。。。

淘大商場「海港酒樓」勝在地點方便，我差不多個個星期都嚟呢度同阿媽開餐😄今晚吃的泰式炸蝦餅炸得夠乾身，沒有半點油膩的感覺，煎到卜卜脆的真的十分香口！吃這個蝦餅點啲甜酸醬一齊來吃更開胃，脆口又惹味😊

本人得知訂套餐可訂枱，因此到店訂枱12/2/2024初三下午二時。落訂時，已交待訂8人套餐並加半隻乳豬，本人亦親看貴員工寫下了，及後下訂。當天本人提早了到達，接待也很快安排坐位；但找只是指向又無安排同事示意位置，要再返回問接待問幾多號枱。及後再找戴眼鏡黑西装男部長，示意枱位置。原來枱又未執好，位又未擺好，老人家又要企係度等，我地仲要企係下欄位等，為何唔擺好位先叫我們內進？我們坐低仲要聽到侍應話這枱無利是既，我心諗剛坐下不久就要比利是？雖然中菜一向不明文規定是可以收利是，但是老鳳的？仲要比客聽到？還是特登比客聽？要客比？唔比利是係咪唔上菜？本人一心訂枱時，已交待套餐和半隻乳豬，上菜後乳豬一直遲遲未到，其間上菜時本人亦有提及乳豬，但侍應和部長就像永遠聽不到。最後上甜品，我們再強烈提出乳豬時，男部長去廚房了解，回來回覆時張單無，我話有，男部長不停只說張單無，我說訂枱時已交待。戴眼鏡男部長說原來你訂枱時說，再說你坐低後又無說。我心諗一直有提，你們無人願意聽，雖然員工們工作繁忙，但亦只顧吹水。客人落訂已交待，訂單亦有寫，你們又唔看，接訂單和場內運作溝通是你們責任，莫非是客人責任？本人其間有提及最

今早去淘大海港飲茶，我登記了三人，只見個知客比二人進入，入邊還有好多位，我走埋去問點解只比二人，佢就發爛鬧我，我做嘢唔需要你去教，我話你今ge態度我會投訴你，佢話歡迎你投訴，我哋俾錢嚟去消費，得來就係咁對待，今時今日香港ge服務態度就係咁。

海港一直烧鸭出名，但是今天中午200多元半只烧鸭既然没有烧鸭胸！烧鸭只有两块肉，鸭腿和鸭胸。跟经理投诉没结果！大家小心上当，千万小心！要照片退货。而且烧鸭水平不如以前，太失望了。其他点心菜式还可以。This restaurant is known for its duck. However the best part of duck is missing today when paying over $200 for half of a duck.A duck has only two portions of meat - the thigh and breast. Complaints to the manager is useless as he was not helpful. Make sure to photo the dish for return. Best not to order!The quality of this duck dish has deteriorated over the years. Other dishes and dim sum s

以我所知海港酒樓嘅位置前身係美心酒樓同埋潮江春酒樓，酒樓位於淘大商場內園，環境很好，雖然要上一層，但有電梯亦都有升降機，酒樓樓底很高，雖然佢比商場其他酒樓定價較高，但係食物質素真係高一個層次，晚餐套餐亦都一樣，雖然比其他酒樓貴三至四成，但係都經常爆滿，如果想節日時候去更加要提早預約，否則就算願意多付金錢亦都爆滿好欣賞佢疫情期間推出的兩人套餐，$500唔使食到個高質素中菜，開心😁不過而家冇啦，過咗疫情冇咗套餐，兩個人去周圍有散叫🥹

朋友生日想食長腳蟹，所以移師到淘大海港. 之前都食過西寶城嗰間都算OK，今次嚟到淘大平日食，已經爆曬場，究竟係抵食定還是街坊生意咁勁 去到已經冇乜蟹嘅選擇，叫左隻三斤半，另外四人餐和燒鵝…. 去到6:30已經爆場⋯⋯個場相當大，擺結婚酒一流！上菜超級快，一瞬間叫的菜已全部已經放晒喺枱面，連枱都唔夠擺😂 雖然場面都多人，但係酒樓啲姐姐都盡力同埋有服務，所有菜都算有水準，龍蝦同蟹ok 👍尤其是隻蟹多高多肉而且很甜⋯⋯所以一如既往台台都起碼一隻蟹. 總括如果大夥兒食飯有冇乜好諗嘅建議食海港小菜海鮮係一個幾好嘅選擇⋯⋯ 長腳蟹、四人餐飲品加埋2400其實我哋叫多咗姐⋯⋯但算幾抵，又可以坐成晚…

清蒸阿拉斯加長腳蟹，足足三斤的蟹未見特別大隻，要供六大兩細享用真的有點免強。真心蟹腳肉有點幼不夠粗壯，幸好鮮味澎湃質地水潤，嫩嫩的蟹肉滴著美妙蟹汁。八隻腳剛剛夠每人一隻，前菜熱熱身不用太飽。芝士焗澳洲龍蝦伊麵，伊麵烚得過濕過耐有點發脹，麵香味完全流失而且偏散碎，掛滿芝士汁直接用筷子掃落口還可以。龍蝦肉爽彈結實，鮮味非凡，連殼都損得乾乾淨淨。蒜蓉粉絲蒸蟶子皇，最難控制溫度及時間，蟶子要夠熱夠嫩夠多汁，粉絲要爽要索汁，全部一次過倒入嘴仔，鮮甜彈牙加蒜香拍爛手掌！炸子雞，熱辣辣新鮮出爐香噴噴，勁肥美嫩滑，薄薄脆皮極香口黏著白滑嫩肉，沾點燒味豉油清爽品嚐。海港招牌燒鵝，遠近馳名必食之選！比大部份燒味檔都要高質色香味美。嬌嫩多汁的鵝肉，脆皮鬆化油香鵝皮，散發勾魂香料味道，梗係一件接一件搶住食啊！脆皮乳豬，香脆乾爽豬皮，無肥膏而肉質幼嫩甜美無過咸，真心可遇不可求！帶子珊瑚蚌炒西蘭花，爽脆菜甜強烈的翠綠西蘭花，不過腍過熟。帶子甜甜滑滑，珊瑚蚌爽爽脆脆帶鮮不腥。清蒸海斑，無睇錯應該杉斑來的。養魚沒鮮味，十分結實不嫩的肉質。海蜇，跟兒時的海蜇無得比！以前爽脆結實粗糙有質感，現時滑嘟嘟略腍，靈魂酸辣蒜汁淡