海港酒家 (淘大商場2期)

营业中

休息中

今天和家人聚餐，選了在九龍灣，致電多間食肆，均說分兩輪，限時1小時半，覺得親友聚餐會時間太短。淘大海港卻沒有限時，所以二話不說立即訂座。下午六時半到來已全場爆滿，很多都是大枱。可能因食肆剛解封，可八人一枱，大家都出來聚一聚。今天叫了燒味和幾個小菜，乳鴿$88兩隻，算是抵食，炸得香脆。燒味雙拼選了叉燒和燒腩仔，份量真的很少，而且個人覺得偏肥叉味道太濃。燒腩仔不是很脆。水煮牛肉都算大碟，但非常辣，只有辣而沒有什麼香味。西蘭花帶子珊瑚蚌水準尚可，不算難食。花膠珍菌千層腐皮正正常常。全晚比較好食的蟹肉蝦球伊麵，汁多而且蝦大大的，沒有太大雪藏味。

屋企人好鍾意去海港食長腳蟹，前前後後都去過幾次，所以對啲食物質素都有個底。總體嚟講不算太出色，但係對比起同等級開酒樓嚟講已經算不錯。長腳蟹食落係幾新鮮嘅，啖啖都係肉，不過啲蟹膏就一般般了。唔知點解啲蟹膏上到嚟係液體狀，而且味道帶苦，鮮味都唔係好突出，隨後成檯6個人都冇食曬啲蟹膏。但係我諗食長腳蟹都唔係為咗啲膏，只要蟹腳夠出色就足夠。相信大多數香港人都覺得海鮮清蒸先係王道，但係對我嚟講鮑魚就唔係好適用於呢個規則。食過幾次陳皮清蒸鮑魚，除咗陳皮味之外只係食到一塊膠狀物體，海鮮味都不太多，所以我個人一直不太喜歡食清蒸鮑魚。但係呢個椒鹽鮑魚改變咗我對新鮮鮑魚嘅睇法，椒鹽調味固之然惹味，而炸的做法令鮑魚口感恰到好處：有小小咬口但不至於太韌，從未想到原來椒鹽才是我心目中最佳作法。只可以份量較少，一人只可以吃到一隻。呢味臘腸炒芥蘭亦算不錯。芥蘭爽脆又冇渣，輕輕裹咗一層粉但又不覺厚重。整碟菜充滿臘味獨有的香氣，再加上濃厚的鑊氣真係十分惹味。呢碟黑椒豬手好似係隨套餐的，同檯都一致好評，但我卻覺得呢碟菜同其他菜式有點格格不入。黑椒味太重，加上厚重的汁，影響了食長腳蟹時的感受。以菜式嚟講佢係完全冇問題的，只

今日2021年12月11日， 原本開開心心約了一家人一共15人去淘大海港食晚飯， 一早已落了500蚊訂，book了六點鐘， 未到六點我們已到達海港酒家，剛好可以開始排隊安排入座，我們是第三組被安排入座的，當時安排了兩張八人枱給我們，我們還已經開好了茶，家姐姐夫陸續到來， 後來有個戴眼鏡的疑似部長攞走我們的枱卡去更改枱號，要我們轉枱，我對他說我們是兩枱一共15人，戴眼鏡的部長聲稱今晚人多，要安排將我們這兩張枱畀另外更多人坐，酒樓想做更多生意, 我們都可以理解亦都唯有配合，還要老人家篤著拐杖由窗邊枱搬到去牆角枱坐，但是去到發現只是兩張六人枱， 當時我有表示這只是六人枱，但是戴眼鏡的部長沒有理會我，只是快速的攞多幾set杯碟， 我當時已經發現有問題了，後來更發現原先的那兩張枱只是安排給13人坐，這是什麼理由？ 我再問戴眼鏡部長，為什麼要15人坐細枱，而他們可以坐大枱，但戴眼鏡的部長輕描淡寫的答我收到的是18人，令我有點氣憤，反問戴眼鏡部長睇唔到佢哋幾多人咩？ 他們六個人可以坐八人枱，但要我哋八個人坐六人枱，呢個係咩邏輯嚟㗎？ 佢敷衍我搞錯咗就算了！ 這時候真係有點火上加油的是另一部長(經理

今日放工同朋友一行六人黎食中菜。我地叫左全隻燒鵝，松葉蟹皇，雜菜海鮮煲，安格斯牛柳粒，蟹肉炒飯，一共5碟。首先個松葉蟹皇超級正！啖啖肉又勁鮮味，十級推介。之後另一碟好似係食既原隻燒鵝，皮脆肉多，又熱辣辣，難得地有驚喜，可能平時食開外賣同新鮮食既真係差好遠。至於安格斯牛柳粒就有啲失準，煮得有啲過左龍，啲肉比較鞋身，似擦膠咁。最後個炒飯同埋個海鮮煲都係中規中矩，正常菜式。賣單最後人均$560⋯⋯的確係貴，所以性價比吾高呢。

好耐未咁早起身飲茶😁自從疫情真係少咗，近近地今日去咗淘大海港飲茶，淘大嚟講呢間算乾淨同坐得舒服，經常都坐滿人，職員都算有禮，唔搭枱都好快有位。呢度早市係7:30🕣至10:30🕥我地约9:30來到，一坐低見到早市點心組合(特價$39.8)但每枱只限一籠，當然即刻叫啦！依個set都好味抵食👍每次我地都會叫牛肉腸粉同灌湯餃😋牛肉腸都夠味，腸粉皮都唔厚可以接受。灌湯餃皮都薄，裡面都足料仲有隻鮑魚仔添👍湯都夠濃大至上淘大呢間海港食物都好味👍早市2個人埋單百幾蚊唔算貴！

想食長腳蟹好耐，但又唔想自己買返屋企蒸；一來唔識整，二來屋企隻鑊唔夠大。見海港長腳蟹都係$268一斤，仲要可以即揀即蒸，30分鐘後就可以外賣拎得，於是決定一試。去到九龍灣海港揀蟹，部長哥哥仔好有心機幫我揀；揀咗幾隻，啲細路話要食大蟹，所以最後揀咗隻5斤7両既蟹。揀完蟹，行一陣淘大，轉頭半個鐘巳可以拎蟹；即刻搭的士返屋企，返到屋企隻蟹仲係熱架。而且包裝得好精美，可以即開即食，好掂！疫情期間冇得去街，老公返工咁辛苦，啲細路又考完試，係時候要食番隻長腳蟹開心吓！一家人一邊食，一邊讚隻蟹好新鮮，啖啖肉，食得好開心，仲話下次要再買嚟食！總結，去海港買外賣長脚蟹好過去海鮮檔買，新鮮好味，自己唔駛洗，蒸好唔駛煩。

屋企人生日，唔想又買蛋糕所以買隻蟹代替，而家市價大概300零蚊斤，見海港$238一斤仲蒸埋，就揀咗佢。之前喺稻香中過伏，揀就扮有得揀，出到黎係霉肉死蟹，所以有少少心理陰影。喺佢 社交平台見可以用app訂，down咗發現都係link去佢個網……所以直接用佢個網訂就得，另外未必間間有想要既斤兩，同得當日預訂。準時收工準時去拎，雖然返到屋企已經得返微暖。當然拿拿臨食，肉彈牙鮮甜，勁多蟹黃，撈飯食幸福到喊！估唔到點紅醋都好食食後感：好x後悔上次貪近揀咗稻香

現在我為了抗疫，天天都喺屋企煮飯已經減少咗外出食飯了，餐餐煮都好忙啊！就快到聖誕節了，我就想同家人食好D，我想食海鮮和糖水，但又唔想煮同洗碗，咁不妨試下叫海港酒家的外賣自取套餐，我平日如去街市買以下套餐的大條龍躉、澳洲龍蝦、鮑魚及其他餸菜，分分鐘要買成3百元，真係叫外賣仲抵過自己煮呀!澳洲龍蝦鮑魚海鮮2人餐上湯焗澳洲龍蝦伊麵(1隻)鹽燒鮑魚(兩隻)清蒸沙巴龍躉斑(1條)燒鵝皇拼叉燒薑汁炒芥蘭無花果南北杏燉雪梨(2位)😋😋味道: 🔸拎外賣回家餸菜還熱，我好鍾意食上湯龍蝦伊麵，龍蝦好大隻，肉質鮮嫩，唔會好鞋，滿滿上湯加龍蝦汁的伊麵，夠2人食。🔸鹽燒鮑魚是新鮮的，好厚身又彈牙，脆皮面，又重椒鹽香味，好惹味呀。🔸沙巴龍躉斑蒸得剛好，仲大過我攤開的手掌，魚肉是剛離骨的，肉質好滑溜，我好鍾意佢鮮味的魚豉油，唔會太鹹，總好過自己蒸(我經常都蒸過龍)，我仔好喜歡食呀。🔸而厚切叉燒，肉質軟腍，一夾下去，眼見肉汁還慢慢地流出來，好juicy。而每片的燒鵝皇，啖啖肉，好有鵝味，是好靚的燒鵝了。🔸薑汁炒芥蘭，芥蘭好爽脆，淡淡的薑汁味，零舍醒胃。不知用什麼油和秘方炒，沒有菜的苦澀味，特別有鮮味。🔸飯後食個無花果

星期日晚， 家庭日，爸爸好鍾意去海港食飯，我哋晏晝就已經睇定有咩promotion，佢哋而家做緊阿拉斯加蟹每斤$188，我哋就訂咗一隻。我哋book咗7:30 ，已經好多人要等位，好彩我哋一早book咗，都要等10分鐘。坐低之後，侍應就叫我哋去揀蟹，呢度好好，佢任我哋揀，平時啲酒樓冇得揀🦀我哋呢隻蟹有四斤多啲。我哋唔敢叫咁多嘢，再叫多三個小菜，小菜質素唔錯，都幾好味😋黑松露滑蛋蝦球-好香嘅黑松露味，蛋好滑，蝦好大隻又新鮮👍🏻咕嚕黑豚肉-熱辣辣，又夠脆口👍🏻櫻花蝦椰菜粉絲煲-材料十足，成個面好滿櫻花蝦，粉絲加上冬菇，好嘢未👍🏻重點出場啦，阿拉斯加蟹，清蒸已經好好食😋😋😋蟹嘅份量，對於我們四個來講，真係有啲多，結果order咗嘅小菜，都要打包。整體來講，真係超值，淨係隻蟹，$8XX，平時買返屋企都唔止，其他小菜亦都好好食👍🏻👍🏻👍🏻

疫期冇晚市 外賣自取燒鵝龍虾半價 低食海港集團網上訂幾樣嘢半價 其他8折友人介紹門市買左半隻燒鵝$168早知網上買……真係咁抵 婆婆唔執輸 半信半疑就試試燒鵝 ~ 1只$199 半只$104門市賣 1只$398 8折 真係網上訂抵好多燒鵝好正 皮脆 鵝肉油香 大大隻冇花假皮稍為深色 鵝腳較乾 唔識…可能燒過火配 酸梅醬 鵝汁鵝汁超咸 唔建議淋落啲鵝度上湯焗波士頓龍蝦伊麵底~$78 實價龍蝦開邊大大隻 鮮 汁香濃 伊麵分量大 酸菜煮游水沙巴龍躉2斤 ~ $98抵食大石紙盤裝幾氣勢 配豆卜酸菜野味 七味碎燒牛仔骨 ~ $80 8折$64牛仔骨有牛肉鮮味 切細件 份量一般煮得較乾身 七味粉嘅味細唔重 香口

海港酒樓係連鎖式集團，應該都唔會好差。母親大人的生日飯就安排在這裏，貪佢近就腳近。淘大海港酒樓係新裝修，環境係不錯，地方夠大，可能因為係假期前夕，酒樓非常多人，侍應嚴重不足，等了很久也沒有人招呼。這也是可以理解，不僅疫症這麼久了，出去食飯也是求開心。食物方面：長腳蟹 $700- 好似有一些腥味，感覺不新鮮燒鵝 $208 - 不過不失，味道偏鹹鮑魚 $48/隻- 爽口彈牙，算是全晚最好的一道菜東星斑魚 $588 - 說是海魚，味道鮮嫩，很不錯小菜方面， 十分失色 秋葵炒花膠 $98 - 秋葵偏老，花膠偏硬壽桃包 $15/個 - 有奶黃味 和麻蓉味 ，麻蓉味偏甜海參炒伊面 $98 - 味道一般，很多油欖角骨 $98 - 啲肉變咗，馬上和經理說，一個戴眼鏡偏瘦嘅經理走過來，一聲不響，就馬上把成碟欖角骨攞走，並沒有任何解釋等了10分鐘，見到欖角骨還沒有送上嚟，馬上叫一個侍應姐姐幫手check單，點知原來經理已經把欖角骨取消了，但並沒有通知我們。我知道假期前夕，酒樓人很多，侍應人手不足，可以理解。但作為一個經理，你取消餸菜，是應該和客人說一聲的，餸菜味道變了不新鮮，也應該和客人道歉，海港酒樓那一

一年一度嘅母親節，講得切喺限聚令放寬之後慶祝，嗱嗱臨訂枱，邊間有位就訂邊間，於是訂咗喺淘大商場嘅海港酒家。今次有三款母親節指定菜單，難得好耐冇咁齊人相聚過，我哋揀咗最貴嗰一款，$1888/8位。海港嘅燒鵝比較出名，呢半隻都幾香，但係就肥咗少少，食到最後有幾舊都太肥膩食唔到，另外等湯都好足料，又夠火喉，好出味，而重點嘅就係長腳蟹，食之前要花一大輪功夫將佢剪開，都好費力，不過費力得來都係值得嘅，因為真係好鮮味，而且好多肉，食之前點返蒸出來嘅蟹汁，成口充斥着鮮蟹味，值得一試👍🏼個餐冇包到主食，但就有壽包，我哋加咗幾個白飯，連埋茶位加一，最後埋單$2200，母親節來講，算係幾抵食啦

近日疫情嚴峻，好多酒家都推出左食飯優惠。我朋友見到海港有出長腳蟹套餐嘅優惠，四人食都只係六百幾蚊，所以我哋就約咗嚟呢度試吓啦。本身係打算叫六百幾蚊嘅阿拉斯加長腳蟹餐。但後尾見到超值晚飯自選餐都非常之抵，所以我哋就叫左自選餐，再另外+2百幾蚊要日式花雕蒸長腳蟹一份。佢有得揀鮑魚湯或者豬展湯，我哋揀咗豬展湯，飲落佢都幾甜。佢個牆腳蟹係一份，唔係一隻嘅，睇落去都大概係半邊蟹腳嘅份量啦。我覺得味道都幾好嘅，蟹肉都鮮甜唔霉，，但係就冇咗嗰種花雕酒香。不過比起佢嘅價錢，我覺得算係咁了。脆皮燒雞份量唔太多， 皮都脆嘅。依碟咕嚕肉我就覺得整得麻麻地，個皮唔脆嘅，同埋有點偏肥。好足料嘅龍蝦伊面。係急凍龍蝦， 唔係新鮮的，但都算係咁真係比足2隻。總括嚟講呢，味道又唔係話好出色同超級新鮮。但係呢個價錢，我覺得食左咁多海鮮同肉（蝦，蟹，鮑魚，雞）係非常之抵嘅。仲有佢嘅糖水係好平架，一碗楊枝甘露都係10幾蚊，唔使去樓下糖水舖。我哋四個人食咗咁多海鮮，加埋糖水，加埋一同茶芥都唔使$300一個人。

身為部長態度差自己同事漏入單反叫你等下第二單入先第一單漏入是客人問題嗎叫D待應追就話多人你等下再入第三張單又無影新開了2星期不知所謂除非有很多時間浪費否則請你也不要來