海港酒家

营业中

休息中

以前成日去，因為好食，好耐冇去了，今日去食，叫左個晚市推介，燒鵝皇加柚子蝦球，真係差了好多，燒鵝是賣剩部位執執埋埋比你，垃圾，蝦球唔知點形容，總之唔好食，目測少了很多人，火鍋得三台，以前是full爆.睇黎都系走唔甩香港食市的下場，香港食市真係冇得救。

中秋🥮佳節，遲來的慶祝🍾！我哋就揀咗［海港酒樓］，唔想老人家煮得咁辛苦，又想食得舒舒服服😀，就梗係外賣🥡四人餐返屋企啦！［食後感］📝1. 皇阿瑪鮑魚雞煲結合鮑魚和雞肉的燉煲，味道鮮美，湯汁濃郁2. 私房沙巴龍躉斑沙巴的龍躉斑，搭配特製醬料欖豉，口感滑嫩3. 西蘭花珊瑚蚌炒帶子色香味俱全的炒菜，西蘭花的脆口與蚌和帶子的鮮味相得益彰4. 蠔王花菇扣鵝掌優質蠔王和花菇，搭配鵝掌，風味獨特5. 咕嚕黑豚肉使用黑豚肉，甜酸口味，讓人食欲大開6. 瑤柱蛋白海皇炒飯用瑤柱和蛋白製作的海鮮炒飯，口感豐富，適合收尾這些菜品各具特色👍🏻，滿足不同的味蕾需求！

今日約咗朋友飲茶🍵，我地選擇咗就近嘅海港酒家，位置係T Town(頌富商場前身)，呢度茶客唔算好多，好快就有位。海港酒家係一間平凡既酒樓，裝潢椅桌都好傳統，優點是空間寬闊、冷氣充足、服務良好。點心方面，除咗腸粉唔夠熱（暖都未到），其他食物質素都唔差嘅，亦同樣有特價時段優惠，孖寶餐及特價點心都有提供。我個人推薦❗️鮑魚綿花雞❗️（28元），雖然等咗廿幾分鐘，但真心好食，又唔貴。如果你住係附近，呢間酒樓都係一個唔錯嘅選擇。😃

晚餐款式組合多種而且價錢合理😊餐廳的侍應服務良好，環境乾淨🌟特別推薦這裏的長腳蟹，肉質鮮嫩且多肉且多肉物超所值🤩🤩🤩入坐時間選擇八點左右，該時段較為少人，上餐時間較為快😍

這次在海港酒家的用餐,可以說是一場粵菜饗宴。首先呈上的是令人垂涎欲滴的燒鵝,肉質鮮嫩多汁,皮脆酥香,可見廚師功力不凡。緊接而來的鮮美鮑魚,肥厚飽滿,肉質緊實彈牙,鮮甜可口。帶子和西蘭花的清新搭配,層次豐富,入口爽口鮮嫩。龍蝦伊麵更是將龍蝦鮮美與麵條的彈牙完美結合。最後一道壽包,外皮光滑細膩,內餡豐厚多料,口感極佳,體現了粵菜的創意與匠心。總的來說,這家餐廳的每一道菜品都精湛地展現了粵菜的魅力,讓人回味無窮。唯一遺憾的是,服務人員的態度略顯冷淡和敷衍,並沒有給人溫暖周到的用餐體驗。希望餐廳能夠在服務上再接再厲,以期與精湛的廚藝和美味佳餚相得益彰。

今日喺天水圍睇完醫生，去咗T Town間海港酒家打邊爐，見佢門口寫住冇限時，又有一個海鮮拼盤，就入去坐吓。一坐低，就攞咗個蘿蔔豬骨鍋湯底，跟住嚟埋個海鮮盤，有六款海鮮咁多。仲有特級安格斯肥牛、巨型水餃王、同埋豪皇鮑魚鵝掌各一份。我哋先食咗湯底入邊啲肉同埋碟鵝掌，跟住就開始叫火鍋配料打邊爐。佢哋啲配料都好多款，有黑豚肉、豬肚豬皮、鵝腸、鴨紅、鮮蝦滑、同埋各式丸類。烚到咁上下，就開始叫啲蔬菜，所有肉類同埋蔬菜都好新鮮，6款海鮮就每日都未必一樣，睇吓廚師點樣發辦。最特別佢哋仲有紅薯粉，食到個肚脹卜卜。

年初二，出去茶樓飲茶開年，揸車去咗天水圍T Town，貪佢哋泊車方便，又多車位。嗰日飲茶都幾多人，不過等咗一陣間都有位。過年梗係有啲特別啲嘅點心，所以都要叫吓。睇完點心紙，叫咗髪茶蠔豉粥、春卷、燒賣、雞蛋牛肉腸、蜆介鯪魚球同埋黑金流沙包。個雞蛋牛肉腸幾特別，將啲雞蛋撈埋落去啲粉度，幾香雞蛋味。炸鯪魚球好多地方都有，不過呢度有蜆介醬，成個點心味道即刻提升咗，好食。流沙包賣相好好，出到嚟仲係有流沙嘅感覺，又唔係太甜。整體嚟講，呢間茶樓點心嘅水準都唔差，喺過年時間有加多少少服務費，都係值得嘅，因為咁多樓面同廚房嘅夥計喺過年時都開工提供服務俾我哋。

每次同屋企人食飯，老人家一定係會想去酒樓，佢地最鍾意就係食中菜，搵間好食少少嘅都難😂好多連鎖集團都真係整得麻麻🙈呢間算係總有一間喺附近得黎，嘢食都算唔錯嘅酒樓！✨ 上湯焗波士頓龍蝦 $198👍🏻👍🏻大大隻龍蝦！配埋個伊麵真係一流🤭雖然個伊麵淋咗少少～✨ 古法羊腩煲 $138👍🏻👍🏻👍🏻呢個真係幾抵食！好足料！不過我哋想叫嘅時候已經冇晒，太多人外賣了🥹✨ 皇阿瑪鮑魚雞煲 $148👍🏻👍🏻我覺得佢呢個價錢都算係咁🤣又鮑魚又雞咁！雞煲就係要夠濃味，調味夠晒，幾好食～✨ 清蒸老虎斑 $368(set) 👍🏻👍🏻✨ 金牌燒鵝皇 (set)👍🏻👍🏻✨ 漁香海鮮燒豆腐 (set)👍🏻👍🏻👍🏻呢個每次都會叫，個名睇落冇咩特別，但出乎意料地好食🤣而且海鮮都好足料，有蝦有帶子！❄️冬至menu❄️✨ 新鮮菠蘿咕嚕肉 $158 調味ok，不過咕嚕肉粉比較多，麻麻！✨ 黃金蟹肉蝦球伊麵 $158 👍🏻係波士頓龍蝦伊麵嘅低配版🙈節日限定✨ 翡翠帶子珊瑚蚌 $167 👍🏻平時食過擺碟會靚啲，不過珊瑚蚌同帶子都俾得足嘅！✨ 花菇燒豆腐 $138 👍🏻低配版漁香海鮮燒豆腐😂冇晒啲海鮮版本！味道一樣都好食嘅！✨ 蟹粉扒豆

落單都冇人落，作為顧客，想落單仲要追著啲黑衫求住佢哋幫手落單，然而黑衫望都唔想望你一眼，調頭就走。相當架勢堂。食物質素又下降不少。懷疑係咪已經經營不善準備唔撈。

今晚一家人6大1BB食餐飯，入座時8點前，落單時要聖子無聖子，要冬瓜盅無冬瓜盅，都唔緊要，1號職員態度極不耐煩，其實落單我哋想要嘅野無，咁當然要再即時揀過其他，本人已經從來無要求職員介紹有咩餸菜，依頭答完我無要求我即時，係即時再答佢要咩，non-stop講「螺頭湯，螺頭湯⋯⋯要咩？要咩？要咩？」完全唔俾時間人哋望下知餐牌，而且態度同語氣係極度惡劣，西聲西氣，我叫佢你等一等，你話無嘅我都要望一望先，最後叫佢落左有果啲先。之後我哋再揀好左3個餸，已經唔想搵返一職員落單，搵左另一個2號職員，嘩～～真係青出於藍，態度仲過1號職員，我哋一開始已講「我哋想加3個餸」，2號職員相當有信心咁寫都唔寫低，睇住我哋指住菜單逐個菜，依3個菜我哋係一路指一路講埋菜名，之後佢好快手咁話好，再搶埋個菜單，最愕然係佢竟然答我哋「加1個菜呀」，真係俾佢吹漲，然後又要我哋再重覆一次，都仲未肯寫低，結果落單時俾返張單我哋睇，又係錯單，連基本尊重都無，我哋直情今次跟住佢去部機度睇住佢落單。最後先係重頭戲，我哋嗌左半斤蝦，隔離檯都嗌左半斤蝦，因為懷疑唔夠秤，結果隔離檯叫個經理黎處理一下，經理收起左隔離檯碟蝦後，或者佢真係做到

閒日放工心血來潮晚飯想食皇帝蟹之後就飄到海港望下點知😺😺真係做緊promote 288一斤開心到呢．．．坐好後再望下菜單原來一至五以為238一斤再平啲😛😂原來仲有個超值組合$398一斤半配半隻走地雞，唔洗諗啦💭即叫!!!蟹 上碟 時有睇頭呀，全隻冇打🐱肉質結實，海水鹹鮮漲卜卜，羔爆香濃，食極都有，絕對有下次😋😋

呢間真係以後無下次首先睇到佢酒樓門口嘅宣傳廣告，聲稱星期一至五$188任食打邊爐不限時，我喺5月10號早上嘅時候打電話book枱.當時職員用廣東話溝通，但完全聽唔明廣東話，包括我嘅姓氏，講咗大概20次字，之後，我收線再打電話去，已經表明要book枱5月11號要食任食打邊爐，依然都係聽唔明我姓乜嘢都算啦，我book枱打算book七點，跟住對方要求一定要六點前入座，跟住我已經問又話不限時任食打邊爐？係強迫人book 6點前！總括嚟講佢係知道我要book打邊爐的。最後我喺5月11號5:55去到餐廳嘅時候，佢話冇打邊爐，我已經強調自己係早一天打電話嚟book位，點解冇人通知？而家係特登早收工搭車去你哋酒樓，而家先同我哋講冇得食！對方職員淡淡，然話咁你而家食小菜囉。另外我有個朋友喺美國遠到而來，只係皮膚比較黑少少，對方都以為係工人姐姐，我朋友正想睇下樓門口嘅宣傳餐牌嘅時候，對方職員已態度惡劣將我朋友趕走，叫佢唔好搞。呢個員工真係好離譜囉！比錢就可以入嚟食㗎啦，點解要咁樣？

早兩日去咗先天水圍頌富商場呢間酒樓打邊爐❤️首先湯底方面叫咗胡椒豬肚雞煲，好好味😙😙😙啲海鮮好新鮮🐟🦐🦀啲蟹又有膏❤️啲蝦都好新鮮😚不過海鮮就唔係任食嘅 係一次性嘅海鮮盤啫😽之後可以任叫嘅嘢食都OK多元化🙌🏻有肥牛、各種丸、豚肉等等😆重有每人有一隻鮑魚、鵝掌都好林好入味😳👍🏻👍🏻👍🏻👍🏻埋單加埋一每人$210左右🤤食到好飽，都幾抵食啦👏🏻👏🏻👍🏻👍🏻

係屋企樓下就有海港，見佢$188（未加一）送海鮮盤送牛肉送雞煲送鮑魚送水餃王，好似好抵咁😏個海鮮拼盤冇揸流攤㗎，都有成七款海鮮🦐🐟如果唔係宵夜時段黎食，佢仲唔限時添啊👍🏻

2月9日晚，家人放假一同前往享用晚餐。進餐廳時，櫃檯職員只顧按手機，不理進來的客人，因此我在沒有任何招待下，直行進入茶樓，直至被一名樓面發現才有人理我。叫了三個菜：清蒸老虎斑、農家走地雞及瑤柱扒豆苗。首先，職員漏單，多次提出漏單問題，三次裡有兩次都對我們不理不睬，視而不見，直行直過。幾經辛苦才上了第一碟菜，農家走地雞，先論賣相，似放了很久，但尚可接受。吃下去，先是肥，雞髀位置肥膏多，尚可；然後就是乾及嚡，除雞髀位置，全部都很雞吃。過半小時，終於上第二道菜，清蒸老虎斑，這算是不錯的菜，因為熟及豉油調得好。最後的一道菜，已經不記得等了多久，催了三次，才知廚房儲足一定數量的下單數才煮。味道算最不錯，最香最好吃。但等待過程令人難耐，下次不會來。