海港酒家

营业中

休息中

屋企人生日去食生日飯，平日去都爆場，冇book位，好彩唔洗等太耐😅叫左好幾道菜。不過太餓，只記得影其中兩道😂龍蝦伊面好食，龍蝦肉好爽口。蝦球大大粒，甜甜脆脆咁好食💕仲叫左蟶子王，一樣好味😋鮮甜又彈牙👍🏻

同倆老行到倦,老豆提意到太子維景酒店上面間 海港酒家,唔講我都機乎唔記左佢1730到酒樓, 人流未算多, 但都已有幾檯食緊海鮮見餐牌有 維景筍盤A,B,C餐, 都好吸引, 因想食燒鵝, 最終選了C餐 加2個迷你冬瓜盅($38/位)燒鵝肥美, 肉質鬆軟, 不錯蟶子估唔到都幾大隻,大量粉絲、蒜蓉, 蒸得剛剛好,爽口新鮮, 唔韌夏天消暑必食 迷你冬瓜盅細細個容易食,湯不多, 但瓜肉厚, 每個都有一隻小蝦,一薄片帶子,一粒蓮子,一小粒蟹柳, 清清的, 應該沒味精總體不錯, 這個價錢有海鮮及燒鵝, 抵食7點已全場滿座, 想食要早

今晚同一大班親戚食飯，有人由國外返嚟，有人過生日。嗌咗經典粵菜套餐，加啲散點嘅餸，雖然唔係咩新菜式，但都係真材實料，廚藝亦不俗，發揮到應有水準，係幾時食都覺得熟悉又好味嘅港式粵菜嚟。明爐燒鵝、清蒸海斑、龍蝦伊麵、魚翅海鮮羹、鵝掌鮑魚扒菜蔬、菠蘿咕嚕肉、瑤柱蛋白炒飯......無論係本地外地親戚，個個食到舐舐脷，有啲仲要手機搶住食先。碟碟色香味俱全，且份量十足，實在食唔落嘅，一於同部長買幾個飯盒打包拎走，唔好嘥嘛。咁平靚正嘅酒樓，唔怪得爭啲book唔到位，成晚座無虛席啦！

返完聖堂，一班教友就行去位於 旺角維景酒店 的「海港酒家」吃晚飯 ~鴻運乳豬全體：廣東人有句俗語，就係食過乳豬，紅皮又赤壯，乳豬皮脆肉香，略有微溫，大家都知乜嘢味啦，過得去呀 ~咕嚕肉：這個咕嚕肉還算不錯，外皮脆而不硬，肉質爽嫩，比較驚喜就是用上了鮮菠蘿，算是不錯吃 ~清蒸阿拉斯加長腳蟹：這個肯定是主角，長腳蟹約有六斤重，食長腳蟹，最緊要都是鮮味，蟹有蟹味，大家開心，十分滿足 ~黃金蟹肉蝦球伊麵：沒太多油份，蝦球爽口彈牙， 加上蟹肉，就係 double fantasy, 味道原本就是不錯的，但無奈伊麵就腍了一點，口感不太好，因此就是扣了分 ~蠔皇帝鮑魚扣花菇：好經典的酒樓菜，不論是冬菇和鮑魚都入味，未算有驚喜，但合格有餘 ~清蒸蝴蝶龍躉斑：火喉掌握得不錯，魚肉緊緻鮮嫩，魚有魚味 ~本篇完 ~

星期一約了好友四人晚敘，估唔到都九成滿座。叫左川椒蒸龍躉，要求少椒，魚蒸得好滑，不咸好味，配少少白飯，正。冬瓜盅，很多，每人三大碗，味道好。薑葱抄蟹，野味但不咸。本打算叫個蔬菜，飽，還是留位甜品。再來燕窩蒸蛋，紅棗糕，不會太甜。滿意輸快的晚餐。性價很高。

本人平時差不多每一個月都有兩次幫襯一圍晚飯($2298+10%)也經常有點阿拉斯加蟹、基本上也是禦用飯堂。但原來所謂唔熟唔食、昨晚本人幫襯了一圍($2298+10%)並另外叫了一隻五斤六的阿拉斯加蟹烹飪方法使胡椒焗阿拉斯加蟹(1311+100+10%)。但當上菜的時候發覺只有蟹腳但蟹身主要的部分根本就唔見(嗰度差唔多有成斤)。跟住又話個爐壞冇燒鵝轉了一隻雞、乳豬拼盤有兩種豬味。如果連熟客都咁樣對待、咁我只能夠另外搵一間。講真除咗我之外我的朋友也經常喺呢度舉辦各種晚宴如果係咁我只能夠推介其他地方。

港海周圍都有分店，今次第一次嚟到太子哩一間。黃金蟹肉蝦球伊麵幾好食😋蝦球彈牙有彈性，同埋好大隻！伊麵煮得彈牙，配上濃郁嘅蟹肉醬汁，味道好香濃🦐🍜西蘭花炒帶子珊瑚蚌都好出色㗎！帶子珊瑚蚌肉質鮮嫩，炒得剛剛好，保持住原汁原味，再加上爽脆的西蘭花，口感豐富又清爽！🥦🍤至於咕嚕黑豚肉，有啲乾同埋瘦。🐷但色水好靚，影相出黎效果唔錯，味道一般。🫤整體來講，呢間食店嘅菜式都幾好。海鮮味道鮮美又豐富！都會推薦大家去試吓😋地點就腳、服務態度一般。價錢合理。

同事annual din,訂間房，交deposit 時猛sell套餐，食之前又打咗2次黎問我有冇訂套餐，我話諗住散叫，由頭到尾冇提過有最低消費$4880,結果食到中途走入黎問‘你知入房我地最低消費係 $4880啦？’我打咗個突，‘你地冇人同我講過喎’結果我地明明已經飽飽地局再叫多啲野，我地走去同個經理講，佢話佢同事已經提過我，我話明明由我俾訂到打電話俾我都係sell我地食套餐，個個四五千，你同事梗係同你講佢有提啦，最後佢先話收少$880,$4000就得，雖然食物質素幾好，但生意唔係咁做，大家真係要問清楚，唔係俾佢老屈，堂堂一個海港飲食集團用啲scam既手法，真係.......

最近同屋企人到依間酒樓食飯，平時都有黎飲茶，今次試下晚飯，晚市人流都算多，好彩有book定枱黎到就有位，食物方面叫左好幾款，當然主打系阿拉斯加長腳蟹：長腳蟹好大隻，清蒸煮法已經超好食，食出蟹肉鮮美淡淡都係肉，另外將蟹膏炒飯好惹味芝士焗開邊龍蝦伊麵：龍蝦彈牙多肉，伊麵每條沾滿芝士邪惡又好食，燒鵝半隻:皮脆肉嫩，食落吾會太肥膩，豉醬蒸沙巴龍躉斑：魚冇腥味，豉醬味濃，蒸出嚟恰度剛好，蝦球炒西蘭花同咕嚕肉都好食，整體來講食物質素幾好，員工上菜都好快好適合一家大細來聚餐

上星期訂左一圍龍蝦魚翅宴$2980同屋企人慶生，套餐係12人份量，但我哋只有7個人加個BB,所以我哋都覺得份量十足，只係當中幾様比較差，另外部份員工服務態度比較差乳豬鴛鴦色，好明顯係兩隻唔同嘅豬合併出嚟，有半邊皮下，全是脂肪沒有肉龍蝦伊面好味，略嫌味道較淡條魚蒸得過耐，肉質好老，豉油無味，嘥晒條魚另外叫咗碟叉燒，上枱時見到D肉嘅顏色好暗黑，食落乾柴，價錢都唔平$118至於服務方面，酒樓內幾位女店員態度客氣，但有幾位男店員就好晦氣，當我哋食緊龍蝦伊麵嘅時候就好大力放低一個大盤喺枱面叫我哋將啲殼放落去，話放得落去自然有人清～當時枱面放滿食物，突然放低個盤好阻住我哋食野，而且個盤好肉酸影響食慾，而且佢個語氣聲線都好惡，有D比佢嚇親之後有另一個男店員幫忙加返壺熱水，但攞返過嚟嘅時候好大力咁放返喺枱，我哋再次比呢度嘅店員嚇親，唔知以為去咗大排檔總結：如果唔係一家大細有埋BB真係唔會揀去酒樓食飯，貼錢買難受

中午不設預訂，朋友早到先拿位，說人山人海，以為很好，最後頗為失望。中午有特價點心。灌湯餃不是灌湯而是浸湯，餃子皮破損，餡流出來，魚肚爽的，有一隻小鮮鮑魚，完全沒有誠意的點心。不脆的炸魚皮實在太難接受。不脆的鮮蝦脆紅米腸竟然可以拿給顧客。雪山叉燒包、雞札就一般水準。點心最好的是潮州糯米卷。蒜香龍躉蒸飯是最好的，雖然飯有點乾。為什麼中午會那麼旺？實在不明白。午市的價錢算是很大眾化，五個人連茶位及加一平均$125。

叫了 西蘭花蝦球 ， 蒜蓉蒸蟶子 (6隻) ， 咕嚕肉， 吊燒雞蒜蓉蒸蟶子 (6隻)+ 吊燒雞 套餐$248十分抵食！ 蟶子大大隻 新鮮 有食到少少沙 不過都十分鮮美！ 好餸飯吊燒雞也是很高質素 調味好 熱辣辣 附帶了甜黑醬油 雞不會太肥 而且食得出是較新鮮的。肉不會梅。西蘭花蝦球 有很多蝦 十幾隻大大隻 彈牙 很新鮮西蘭花也是軟硬適中 味道很好 附帶蝦醬和蠔油 不過整碟菜有少少太油了 現在啲人都講求健康 建議落少啲油吧 最後咕嚕黑豚肉質素也很好 每件都皮薄啖啖肉 不肥 而且有很多新鮮菠蘿😍 還叫了$18特價啤酒 ，員工服務也是十分好的。年初三去食 價錢都算係咁 大大碟 最重要是味道好。會重訪的👍最後賣單三個人六百幾蚊

上次見人食長腳蟹好吸引，終於約朋友去試！當日下午先知啲蟹大約幾重，堂食$258/斤，最細嗰隻四両四，我留咗隻四両十二，到嘅時候可以睇吓隻蟹，點知我嗰隻拎上嚟見佢似乎唔郁，所以轉咗隻四兩九，加$100蟹蓋可以用嚟炒飯（超抵），另外叫咗個瑤柱扒豆苗同埋一個小食齋鵝，加一連埋茶介$163X。長腳蟹啖啖肉，清蒸鮮甜又好味！素鵝小食！瑤柱扒豆苗，好味夠大碟！蟹蓋炒飯（加$100）超抵，配料好足好大碟，行過路過，唔好錯過。

海港酒家係大集團，本身冇乜大期望，應該一般酒樓質素。入到去座無虛席燒乳豬仔，皮多脆，正臘味炒芥蘭，正常發揮，芥蘭幾好味原隻燒鵝，皮笑得好靚，非常之大隻，厚肉，另外佢嘅碟下邊係有火，令佢保持一個熱度，肥嘅地方唔會變成白色嘅脂肪，呢個值得加分。粉絲蒜蓉蒸扇貝，我食嗰隻主力個腦，同埋有沙，但我朋友嗰啲冇問題，所以我呢度有啲減分枝竹羊腩煲，羊腩唔會過分臊，恰到好處，加埋生菜冇得頂蒸石斑，雖然石斑佢冇蒸過龍，但係條石斑啲肉質就有啲過老，好似食緊橡膠，唔係好得。總結師傅啲手勢都幾好，值得再嚟。

終於放寬限聚令，久違了的11人生日聚會，試咗$2298超值全包宴，價錢好吸引，似乎好抵。環境比始創中心分店闊落，我哋比較早食飯，所以當時唔算太多人，食物好快上枱，一碟接一碟、速度都算快，我哋食嘢快問題唔大、如果你食嘢比較慢，真係分分鐘冇位擺，上菜姐姐大部份都好好禮貌，但有一個半個就態度麻麻。包兩支大啤酒同埋兩渣雪梨汁、都幾清潤，另外叫咗兩個小食，黃金炸魚皮同埋齋鴨，$38款，兩款又平又好食，主菜：乳豬唔算太肥皮夠脆，蟹肉焗蝦球伊麵；蝦球合格但比較細，蟹肉好似係煮芡汁出嚟，所以唔多覺蟹肉，伊麵正常，但整體味道太淡，西蘭花帶子花枝片：西蘭花炒得啱啱夠火喉，帶子同花枝片都合格，雞湯花膠煲螺頭：味道適中，都見到有花膠同螺頭，湯渣有半隻雞，仲有好多雞腳，花菇扣鵝掌：花菇大大隻，鵝掌好腍，生菜底夠多又好味，清蒸龍躉班：我唔食魚，屋企人話條魚夠大，但蒸過咗時間，變咗肉質鞋浪費咗，金瑤扒豆苗：瑤柱足豆苗靚，大碟又好味，松露醬燒雞：肉嫩皮脆，最後上埋大壽包，分兩種味，奶黃同蓮蓉，夠晒大個，麵包好鬆軟好味。整體食物質素合格，而且啲菜全部都新鮮份量又夠多，價錢超值，淨係條魚失手，浪費。