海港酒家

营业中

休息中

今日同兩位老人家飲茶🍵，諗住近近哋，加上公司附近有間海港啲出品都好好👍，所以就去觀塘海港酒樓。棉花雞🧑‍🍳，中規中矩，都夠熱，棉花都好入味。煎薄撐🤔，見到個顏色都覺得唔對路，黃黚黚，油冧冧，味道就好似食麵粉咁。蝦餃🦐嘅味道本來係ok，但係蒸得太耐，塊皮都爛曬😞。雪山叉燒包🥯係我嘅最愛，但係佢好似再翻熱咁樣，麵包皮係韌嘅。煎釀三寶🍢就過咗火。不過，鮑汁鳳爪🦶算唔錯，入味👍。總括嚟講，呢次飲茶唔算合格😅。我真係唔明，同一個集團出品點解可以咁參差。睇嚟管理層要花多啲心思管理📈。希望下次會有更好嘅體驗！😋

西蘭花炒龍躉件：份量好細蟹粉炒豆苗：全部冇蟹味 圖文不乎，好hea雞煲：個汁ok ，雞就靭到爆員工態度有待改善晚市想叫龍蝦伊麵，佢又唔俾單叫龍蝦伊麵。話叫就一定要叫孖寶，即係龍蝦伊麵加扇貝。但又冇事先寫明。

今年團年飯與家人們到海港酒家，地址: 觀塘觀塘道414號1亞太中心7樓。 我們訂了晚上六點半， 酒家環境舒適， 地點方便。 晚市套餐📋 ～ 乳豬、 鹽燒鮑魚、 髮菜瑤柱蠔豉、 海蝦燴伊麵、 西蘭花炒帶子珊瑚蚌、 清蒸沙巴龍躉、竹笙海皇燴生翅、 脆皮醬燒雞、 糯米飯、歡樂大蟠桃。 ▫️乳豬 ～ 肉嫩皮薄， 但外皮唔算脆口， 肉質偏肥。 ▫️鹽燒鮑魚 ～ 惹味酥香， 肉質軟嫩Q彈。 ▫️髮菜瑤柱蠔豉 ～ 賀年菜，蠔豉肉厚肥美，醇厚甘美 。 ▫️海蝦燴伊麵 ～ 蝦肉爽口，但伊麵味道偏淡。 ▫️西蘭花炒帶子珊瑚蚌 ～ 帶子鮮甜， 整碟份量幾多 。 ▫️清蒸沙巴龍躉 ～ 雖然細細條，但魚的肉質嫩甜新鮮。 ▫️竹笙海皇燴生翅 ～ 味道一般。 ▫️脆皮醬燒雞 ～ 外皮薄脆，肉質夠滑。 ▫️糯米飯 ～ 口感軟糯， 糯米飯粒粒分明。 ▫️歡樂大蟠桃 ～ 有蓮蓉和奶黃味兩款， 包的質地鬆軟美味。 整體不錯， 性價比高。🏷️溫馨提示～ 整個用餐體驗均屬個人分享意見， 只作參考😊。

食物在海港分店來說，係唔錯（之前好彩試過有位，食過－次）26/7 6:40趕住去walk in 攞位,我們是5位，個部長超級趕客，話啲客6:00點先至入座，唔使諗等啦你！都唔知點解每一次一早打去都話冇得book位，除非6:00遲啲都冇位真係巴閉，態度又差，好聲好氣問佢西住塊面對客講，冇位我都冇辦法格！最後唯有幫襯隔離稻香囉！雖然唔係唔夠佢咁好食，至少唔使受氣😤其實已經盡量早嚟，但係要返工呀嘛，試過打3，5，7次都係話唔可以book位㗎，總之啲員工好惡好串仲西口西面，以後都唔嚟喇😡如果剩係招呼熟客的話真係冇佢乎，不過冇生客來又點會變熟客吖！如果唔係在觀塘返工，真係勸各位唔來受氣，除非5:00-5:30嚟攞位囉！

The crab is one of the icon dish in this restaurant!!! Remember to order the whole crab on the dish to prevent any unnecessary loss!!! 😏😏😏 The taste is great and fresh. Remember to eat those eggs in a small bowl!!! Another one must be their roast goose. The skin is always crispy!!! Lovely!!! Never disappointed.We want some carbohydrates, so get the little lobster with noodles!!! Yummy!!! Cheesy will be better for me but other disagree.

端午節前夕，晚上觀塘區APM隔離這幢Pacific One大廈人頭湧湧, 樓下排了長長的人龍，打蛇餅才能上去，7樓的海港酒家，我們一家和朋友共10人，要預先落訂才可以訂心水時間7:30pm的枱，如果不肯落訂，只能吃頭輪6:30pm或第二輪8:30pm。可能是假期前夕吧。由於我們落了訂嘅關係，我們可以預留一個冬瓜盅，這個湯做得幾好！跟住點咗著名燒鵝半隻，這個也不錯。還有燒雞、小炒王、咕嚕肉、櫻花蝦粉絲煲、牛柳粒、炸蝦球等等。整體來說，味道不錯，只是員工可能人手不足，態度有待改善。

事件發生日期：12/6/2023（一）入席時間：18:30；人數：5大1小當晚在觀塘亞太中心分店進食晚飯，諗住叫侍應落單嗰陣，成個樓面幾乎無員工服務，而有員工服務嗰陣，有幾樣原因令到我屋企人勁嬲！1）餸菜叫乜無乜，仲要態度奇差2）啤酒叫完遲遲都無員工幫手拎，自己要親自出去問收銀處職員有無啤酒賣3）服務態度差，一個類似經理嘅員工講：「我知係耐，但啲嘢唔係我煮」; 加上有位黑衫員工（疑似同一人）叫我自己入廚房叫廚師盡快出餐4）喺18:55時落單叫咗碟揚州炒飯，但碟飯差唔多20:00先到！既然樓面無人，廚部無人，出餐時間需時較長的話，點解喺客點菜嗰陣無即時提醒客人？加上點餐時間尚早，都係18:30多啲啲，點解大部份餸菜都無？同埋希望員工方面能夠加強培訓囉，咁嘅態度對客盞做壞酒樓聲譽🤷🏻‍♀️

员工差，挂住沟佬唔做野，要我行去叫才落单，点知等左半小时都冇餸来，原来冇落单，又收左工，想投诉佢，叫佢同事比佢個名我要投诉佢，個女侍应点做人，挂住沟佬佬，差差差差差差差，唔好来

吃過數次，水準不錯，性價比高。晚餐的菜色選擇不多，所以我們都是隔一段時間再光顧，但很適合像我們家有小孩又想吃中菜的人。餐廳工作人員服務態度也很好，對小孩感覺也很多愛心，會噓寒問暖，跟小孩子玩耍一會。1. 海蜇頭薰蹄的味道濃鬱香辣，豬蹄的肉質滑嫩，海蜇頭則帶有一定的脆度，入口有嚼勁，口感鮮美，有少許花椒和辣椒，讓它的味道更豐富。2. 青瓜雲耳是一道清爽的中菜，主要的原料是青瓜和雲耳，再加上一些調料烹調而成。青瓜口感清脆，雲耳則口感滑嫩，兩者結合在一起，既有口感上的層次感，又有豐富的營養價值。不過，是晚的青瓜雲耳醋味十足，辣味不足，兩者之間取得平衡會更可口。3. 菠蘿咕嚕肉是一道粵菜名菜，主要的原料是炸過的瘦豬肉塊、菠蘿、青椒等，再加上一種特別的醬汁炒製而成。這道菜的特色是菠蘿的清甜和肉塊的香脆，醬汁則是甜酸口味，非常開胃。此外，菠蘿咕嚕肉的製作方法較為考驗廚師的經驗和技巧，需要掌握好火候和醬汁的比例，才能做出口感好、味道佳，每每點這道菜都不會失望。4. 羊肚菌豆腐是一道美食菜品，主要的原料是羊肚菌和豆腐，再加上一些蔬菜和調味料烹調而成。羊肚菌是一種珍貴的野生食材，口感爽脆，擁有獨特的香氣

放假同屋企人出去食晚飯。一行5人去咗觀塘海港。我哋6點鐘到，可能早唔使等位。今日由阿妹話事，叫咗個長腳蟹同燒鵝孖寶，杏汁豬肺湯，半隻白切雞，，麻辣鍋，仲有個焗芝士龍蝦伊麵。燒鵝最快上枱，今日嘅燒鵝好得呀，皮脆肉嫩，脂肪唔多又够入味，個個都話好食，加埋伴碟嘅蜜豆，好正呀。個湯都好料，但個杏汁味就欠缺咗，個豬骨味就好重。白切雞冇味兼柴，下次唔使叫呢味啦。麻辣鍋够麻够辣，色香味齊。焗芝士龍蝦伊麵，依家少見到，多數都係上湯龍蝦伊麵。今日呢個都係食唔返以前酒樓嘅味。焗得唔够見唔到芝士微燶。長腳蟹都够鮮味嘅，話就話2斤半左右，但係睇落都幾大隻。蟹肉都算飽滿，冇縮水得好犀利。今日呢餐都算唔錯👍🏻

以下只是外賣質素，不可作為堂食的參考。脆皮奶豬- 其他酒樓都加到八百蚊以上一隻了...難得海港沒有加價，就專程到觀塘外賣自取。不知是不是"奶豬"跟乳豬有分別，感覺脂肪還未長出來，較少肥膏容許食更多都不覺濟。燒豬是取走後三小時享用，外皮還可以香脆，亦不用翻熱也好好食。味道剛剛好，整件都不鹹又夠味。燒鵝皇- 海港出名的應該是燒鵝，但可能因為是外賣又可能已放置三小時，今次的燒鵝完全不行。皮已經不脆，更大問題是很鹹。

今天與阿媽來海港下午茶，人山人海，兩點左右到達，等了半個鐘才有位，海港真是太多人等位了。但是味道及性價比高，叫了8樣點心，埋單$210。真心覺得是平靚正，唯一缺點就是要排隊等位。

今日返去父母度食晚飯，唔想老媽子煮得咁辛苦，所以一早已經講咗會買外賣，同埋今次想同父母食得好小小。揾咗一輪，最後決定幫襯觀塘的海港酒家，揀咗一個套餐：鹽燒鮑魚 - 辣辣地，肉質亦唔會太韌上湯焗澳洲龍蝦伴伊麵 - 龍蝦肉夠新鮮，而且份量都夠多清蒸沙巴龍躉斑 - 雖然係外賣自取已經凍咗，但條魚都幾鮮，烹調時間啱啱好招牌燒鵝皇半隻 - 肉有小小肥，更加有油香，但又唔會太油膩，好味。西蘭花炒蝦球珊瑚蚌 - 蝦肉夠爽，珊瑚蚌亦新鮮。瑤柱海皇炒飯 - 好足料，炒得亦夠乾身。整體性價比高，而且食物美味。推介！

本來興致勃勃食長腳蟹一家人開心暢敘，坐下，望下餐牌，叫侍應落單居然唔睬我哋，再叫她居然講 你搵出面穿黑色衣服的男人落單啦，下 ，你不當自己是侍應？再問賴尿蝦幾錢一斤，佢叫我自己出去問，佢什麼都不知。🤬🤬🤬🤬食東西中途居然alarm響起，但響了15至20分鐘，沒有人出嚟同顧客講發生什麼事，足足響了25分鐘也沒人說，坐下的顧客不停問也沒有員工出聲告訴客人，omg , 食物好食也沒用，要俾錢，又要受氣，真是吐氣。

老豆生日飯， 老人家都係鍾意食中餐， 所以次次都係去酒樓慶祝。 老豆因為經常同朋友去海鮮， 所以對海鮮比較有要求。 呢間野第二次食 原因係老豆經常同朋友來食 覺得性價比高， 所以encore. 整體來說， 服務質素正正常常， 服務員態度各有差異， 整體都ok。 食物來說， 相比其他同價位酒家， 佢算係整得好食。 我地叫左四人餐， 埋單約$1500， 食都好飽 要打包拎回家。 但我第一次來同第二次來體驗有少少不同。 第一次來 服務員十分熱情 又會送飲品甜品俾我地食， 第二次來就無人理我地 可能周未太忙 甜品等左好耐先送到。 第二次來沒有冬瓜盅 用了海帶湯代替。同一個價錢但差好餐。 冬瓜盅又大又足料，海帶湯就真係hea底左d..比較過各個餐牌， 8人餐係相對4人餐係抵食， 可惜我地唔夠人。 龍蝦係大份又多肉 👍 魚大大條 但唔算十分滑咕嚕肉相對最差， 肉好肥 麵粉好厚 Hea底湯雞大部分部位都滑 而且皮薄香脆 最讚甜品係燕窩蛋白（唔記得影相） 但好飲好味 甜度剛剛好😋