海濱美食

营业中

休息中

麵包店好隱蔽 位於海濱花園平台 有一日同朋友行過 大家都係蛋撻癡就一人買左一隻 無意中發現到呢間隱世超好味蛋撻😍牛油皮蛋撻 $5撻皮非常鬆脆 牛油香重 仲有小小鹹味🥹蛋漿好滑🥰完全唔稀 係食到甜甜蛋香味!!!好高質好驚喜❤️好耐未食過咁高質蛋撻 只係$5一隻！我同朋友都食到好感動🤣不過真係好遠 唔會特登入去食 後悔無買多幾隻 下次去要買一打蛋撻走🤭會試埋麵包原來蛋撻關注組有推介過呢間 舖頭不定時營業關係 買到係靠彩數 難怪個日買要排隊啦 食物: 9.5/10環境: 7/10服務: 8/10性價比: 10/10

海濱花園人氣麵包店，最出名係曲奇蛋撻，唔係成日有貨，要撞啱出爐有緣就買到。新鮮出爐，整個都熱辣辣。曲奇底鬆化，微微偏咸。蛋漿好滑，少少蛋味。整體係一個高質素嘅曲奇蛋撻，而且只需$4一個，抵食。另外見到菠蘿包都好吸引，大大個脹卜卜，而且都係$5一個，下次有機會試試。

曲奇蛋撻🥧$4/個蛋撻關注組重點推介嘅超神秘隱世食店😂仲要係佛系營業時間😏之前報道一出就日日大排長龍🙃好彩今日去到就無人排隊🥸而且咁啱啲蛋撻啱啱出爐😚畀完錢，後面即刻有幾個阿叔半打半打咁買😅曲奇皮比較薄身，勁重牛油味，口感酥脆😋蛋漿蛋味濃，食落質感嫩滑，有啲似啫喱😆整體我都幾滿意，但特登入去食就唔會啦😇下次順路我都會買半打返去當手信🤣海濱美食 (荃灣)荃灣怡樂街2-12號海濱花園D平台1樓S7號舖

傳說中好好食既蛋撻，今日終於俾我試到呢間叫海濱美食既麵包鋪，鋪面細細，但就聽講好出名，小妹雖然住係附近，遇過有外人特登黎問呢間野係邊（位置可能街坊先熟路），不過小妹就真係未食過，事關佢收3點幾，賣晒就收鋪，上班一族真係難少少食到。好彩今日難得放假可以食喇。位置係238M巴士總站旁樓梯上平台街市，日本城出面。$4一個曲奇蛋撻新鮮出爐。因為買左之後再去超市買野先返到屋企，蛋撻俾熱氣焗到老左少少。不過，一拎上手，曲奇皮薄，仲少少脆，以為咁薄好易爛，又唔會。入面蛋好香好滑口感豐富，唔太甜，食完一個都唔會好heavy，即刻可以食埋第二個，真心唔錯希望下次可以有機會試埋其他野啦。

讚1.蛋撻皮幾薄，而且焗得幾香，而且出爐密，熱辣辣2.好彩地唔使排太耐隊，廿幾分鐘就買到彈1.蛋漿係好稀，食落其實有啲似飲緊咁，坦白講蛋香就真係唔太覺得2.有一嚿既邊係焗燶左

朋友說睇過影片介紹這間店的蛋撻，佢覺得有時間才可吃到，或者是有緣才可以品嚐，有點誇張。今天在附近活動試下運氣，根據地址行到附近，沒有很突出的店鋪門面，因為有人排隊，所以便知道是這兒。排了不到10分鐘便可買到了，但後面的隊伍已經有多人了，要等下一盆出爐。蛋撻是曲奇皮($4) 薄薄的撻皮，很鬆脆，好香口，蛋漿顏色金黃很漂亮，滑滑的，有蛋香不會太甜，幾好味啊！我未曾吃過如此薄的餅皮，幸好運送過程中還是完好的，那就拍個照吧。

海濱美食既蛋撻我之前見到有報導推薦，就勁想去試，聽講係蛋撻關注組有好多人推薦🤩不過鋪頭既開店時間好飄忽，同埋賣完就收舖，真係想食都未必食到😕今次我就專登諗住撞彩去睇下有冇得買，見到出面既人龍就知道，佢有開！有得買😍即刻排隊買左半打翻屋企同屋企人些牙食😋  1⃣️曲奇蛋撻（$3.5）呢度淨係得兩款嘢，就係曲奇蛋撻同埋曲奇椰撻。我自己本身對椰撻冇乜興趣，所以就淨係買左蛋撻。  蛋撻係曲奇餅底，曲奇底做得好薄好脆，拎上手既時候好似大力少少都會整爛佢咁😯食落好鬆脆，牛油味唔算好重不過幾香。中間蛋既部分好出色😍食落係好滑嫩既質感，蛋香味濃。  以三個半一件黎講，呢個質素真係超曬班，好抵食🤤