海灣餐廳及海灣咖啡室

营业中

休息中

🔹️去海洋公園玩🦭🐬🐼 便安排埋晚餐🍽 經KKday以買一送一優惠到海洋公園萬豪酒店Marina Kitchen ~ Dinner Buffet😍 餐廳主打熟食海鮮, 以龍蝦🦞鮑魚最受歡迎😋 環境舒適🌿 廚師用心烹調👨🏻‍🍳🧑‍🍳 服務稱心👨‍💼👩🏻‍💼 🔸️除了龍蝦🦞 鮑魚出色外, 長腳蟹🦀 蝦🦐 也不錯, 唯獨沒有刺身🍣 和生蠔🦪 還有多款甜品選擇~ 有我摰愛的馬卡龍🧆 食得開心😁😁

老公生日， 今次帶埋小朋友去海洋公園玩完之後梗係嚟呢度食buffet 晚市嘅選擇亦都比較多buffet有六點半食到十點， 食完真係滿足曬熟食片皮鴨🦆整得好香好好味龍蝦大大隻🦞好多肉牛扒🐂燒得好香 長蟹腳鮮甜☺️☺️刺身 帶子好香甜， 三文魚都好新鮮， 總括離港所有刺身都好好味😋😋甜品 有最喜歡食嘅häagen-dazs雪糕， 又有馬卡龍仲有囡囡最愛嘅cupcake， 最後當然有送到老公嘅生日蛋糕整體自助餐嚟講都好滿意😊😊 下次都會帶屋企人嚟再食， 報告完畢

自從OpenRice唔出我嘔心瀝血嘅負評之後，好耐無喺度寫食評，但係今日都要試下喺呢度再試出一篇警世文，*希望出到街。萬豪酒店，一向口碑唔錯。再加上有上網睇過食評，位於海洋公園嘅萬豪JW自助餐都係深受各位嘅歡迎。不過因為book唔到JW嗰邊，就book咗隔離呢間海灣餐廳，相信同一集團，應該唔會太伏。　訂位嘅時候已經睇過晒食評，知道食物選擇少，但係當中都有幾樣signature 嘅嘢嘢食，即係燒龍蝦🦞，鮑魚等，算幾吸引，所以同友人傾過，就算選擇唔多，但有一兩樣高質好食嘅嘢都無乜所謂啦。點知原來係個極度惡劣嘅體驗。去到嘅時候早咗少少到，搭一左右，接待員就叫我哋6:30先入，都冇乜所謂，就去咗對面嘅威威遊樂場俾個小朋友玩吓，返嚟嘅時候6:30 ，可以入座。座位雖然算寬敞，但係一啲都唔好坐。自助餐方面，啲嘢食主要擺喺三個corner第一部份就係喺我哋座位附近嘅一個前菜區？有啲泰式沙律，沙律菜，麵包包同埋有個冇乜嘢食嘅麵檔，另外一個就係喺餐廳出邊(戶外)嘅燒烤區同埋熱食區，最後就係喺牆邊嘅一個小小甜品corner。可惜因為天氣唔好嘅關係，自助餐開始咗幾分鐘就開始落雨，本身出邊個燒烤區的員工都無諗

今次同老公黎慶祝結婚週年紀念。第一次黎食自助晚餐，非常有驚喜！性價比超高。食物種類多不勝數，而且樣樣都超有水準！樣樣都好好味！今次仲要klook買一送一真係超價沙律🥗各種配料都有，如煙三文魚，ham，各種cheese。。仲有細碟冷盤非常精緻。剛好就到萬勝節，各種擺盤都很有節日氣氛！刺身。壽司🍣非常新鮮！有大大粒帶子，大大隻生蝦，各種魚，八爪魚等。。仲有壽司同冷麵另一邊仲有即炸天婦羅燒烤🍗串燒，香腸，蔬菜，燒菠蘿等都非常美味後來仲有燒蟹蓋，滿滿既蟹膏龍蝦🦞當然唔少得回本必食既即蒸龍蝦🦞好新鮮好爽，旁邊仲有幾種汁選擇，我選擇原味旁邊仲有水煮魚，勁好味仲有剛剛炒好的蟹也是超水準燉湯太好飲，飲左3盅仲有粉麵，蒸小籠包甜品剛好萬勝節，幾款特別造型的甜品仲有雪糕雪條係Haagen-Dazs，無得輸提前同酒店講，仲有小蛋糕送樣樣都好好味，下次一定再黎食

午市自助餐，第一次去，也我男友正日生日，提前致電餐廳，送了一個小蛋糕，小小儀式感感覺非常好🥰🥰。安排也很好，大力推介❤️。環境： 空間利用很好，不會很迫近，取食物的地方很多。 乾淨，清潔不錯。服務：做得很好，收盤子很快，服務員很多，隨時也找到人幫忙。 口味：午市自助餐我覺得非常好，性價比高，暫時沒有可以挑剔的食物。灌湯餃湯很濃郁。雖然刺身沒有三文魚，但有赤蝦。大力推介粉麵，菜心好味到飛起。另外，推介一下甜品，太多選擇，而且很好味。非要說只可以說午餐選擇不算多，但這不會太影響。

週末中午自助餐，有燕窩灌湯餃， 好味嘅蝦餃燒賣， 嫩滑嘅燒牛肉 ， 長腳蟹 ，種類多到食唔曬，樣樣都好食。刺身雖然冇三文魚， 但有赤蝦同好鮮味嘅油甘魚，呢個好特別。甜品簡直世一，每樣甜品都好食， 仲有Macaroon，朱古力係Godiva嘅質素,啱晒甜品 控嘅我哋。雪糕係Häagen-Dazs同 Mövenpick，一次試曬兩大牌子，呢餐感覺完美！

見呢間食評個個都話好好食，於是專登帶屋企人慶祝生日。冷盤都有好多種類。當然即食一定食蟹腳，蟹腳好鮮甜，而且都好大隻👍仲有凍蝦，螺都好正😊熟食最吸引人嘅莫過於龍蝦，每次每人限我半隻。龍蝦係即刻煮即刻拎起斬俾你，仲要清得好乾淨。肉質係勁彈牙，我都起碼食咗兩隻🤣🤣抵晒條數🫢🫢仲有片皮鴨燒牛同串燒全部都好吸引👍甜品區種類非常多每樣嘢都做得好精緻，重點味道係好好食。又唔會好甜👍基本上每種甜品都有食到🫢🫢曲奇餅都冇放過整體呢間都好抵食，如果做埋會員即時仲有折👍

我今日一家人嚟到海洋公園萬豪酒店！因為我哋預訂位置，要去海灣餐廳食lunch buffet 😍😍之前聽朋友介紹，質素好好！特別推介我哋食*叉燒，*灌湯餃！果然名不虛傳，點心好好食🙌🏻除咗中式食物好出色之外⋯還有大量比較搶手嘅食物，都是不停Refill例如長腳蟹，冰鎮蟹，refill速度十分快所以不用擔心食唔到😝甜品方便亦都好合我心水，我女女食得最開心馬卡龍，葡撻， cupcake都食咗好多🤣🤣仲有員工即場做pancake亦都好好食不過原來lunch buffet係無得食這裏最出名嘅清蒸龍蝦🦞希望下次有機會食dinner buffet再試吓

一向覺得呢度自助餐好高質就算唔係去海洋公園都特登入嚟食因為熱食 選擇好豐富刺身質素都幾好但係今次真係有啲失望第一：龍蝦係主打菜 但係有少少過熟仲要唔止一隻 攞咗幾次 情況都係一樣龍蝦肉有少少擦子膠嘅情況浪費咗龍蝦 蒸得太耐 通常都會咁第二：刺身壽司位置 員工都比較態度差唔可以話佢哋好惡 但係冇乜反應咁唔似係一間五星級酒店嘅服務正常係咪都要問吓想食乜嘢啊？但係佢哋完全冇反應 就算唔使派隊都好佢哋都堅持 每次只會比兩款刺身第三 燉湯質素下降 材料質素同過去一年有少少唔同 可能為咗有低成本 當然如果折扣低至$500左右，我覺得都合理但係如果去到$700至$800嘅水平 我就覺得太貴啦 如果呢個價錢 可以係港島區 更加好嘅酒店 人哋會有鵝肝 或者生蠔 感覺更加值得

非常好食！食物品質，味道以致服務好到位！長者大人細路都好啱食！推鮑魚花膠鵝掌，姬松茸燉湯，蒸龍蝦，籠仔鮑魚，炸海鮮，燒牛肉羊排，凍海鮮，刺身，沙律⋯⋯其實所有都好好食！甜品就啱哂所有人，小朋友就有專區，曲奇熊仔糖等，大人就大量精美蛋糕甜點，豆腐花同桂圓紅棗茶雪糕等！滿足所有人嘅口胃！讚唯一建議希望能加多一枱熱飲枱係餐廳嘅尾端，水吧近入口但坐係餐廳最入嘅地方，一杯熱咖啡從入口走到餐廳盡頭，有點危險！特別係有好多小朋友用餐，必須格外要小心！

其實我哋都唔多食自助餐，不過6月係父親節，見kkday又有海洋公園萬豪酒店嘅自助餐買一送一優惠，而且同事食過都話唔錯就決定試下啦！自助晚餐得一個時段，由18:30開始，可以食到22:00，足足有3個半鐘，絕對夠時間食到捧住個肚走🤗•大概介紹下特別嘅款式:•📸 龍蝦 （可配紅咖喱汁/辣椒豉油/芝士汁）最多人排隊嘅就係任食龍蝦🦞 雖然每人每次只可以攞半隻，所以有啲長龍，但係勝在不停refill，食到後半段其實都唔使排隊😆 啲龍蝦係原隻烚/蒸好擺到成座山咁，師傅會將龍蝦斬半擺上你隻碟～仲會扑開啲龍蝦鉗，食起上嚟好方便！啲龍蝦食落微暖，而且食到鮮甜味，龍蝦肉嘅肉質仲好彈牙！好彩嘅話仲有好多龍蝦膏😍🌟推薦度：9/10•📸 陳皮蒸鮑魚 🥇📸 磯燒凍鮑魚🥈📸 蠔皇鮑魚花膠鵝掌🥉鮑魚嘅煮法已經有3款，我哋試勻晒之後覺得3款都好食嘅，但最好食就係蒸鮑魚，一籠一隻，熟度啱啱好唔會韌👍🏼 其次嘅凍鮑魚係擺咗喺沙律冷盤櫃嘅，一碟有三件（半隻）左右，味道似零食帆立貝嗰種甜味，再加少少酸味，食落好開胃！而蠔皇鮑魚個口感都係好腍嘅，不過就略嫌唔夠入味～🌟推薦度：8.5/10•📸姬松茸蓮子燉瘦肉燉湯都係幾受歡迎嘅一樣

炎炎夏日，諗住酒店餐廳嘅冷氣應該會夠，點知由頭熱到尾，食到大汗dup細汗，我哋仲要坐窗邊位（雖然係我哋要求）但真係冇諗過熱到咁誇張😢 甜品本身係凍嘅都變咗暖🙂‍↔️雪糕擺一陣都已經溶溶哋。大愛佢哋嘅叉燒，必食！其他正常發揮，refill速度唔算快，留意返Movenpick嘅雪糕第一轉俾人拎哂，唔會補貨🤣 有幸食到薄荷朱古力勁開心❤️刺身我覺得麻麻哋，反而熟食，食吓食吓都越食越多🤣 甜品選擇都算多，但我自己最鍾意係有朱古力嘅款式，味道最好食😀簡單啲講，冷氣唔夠，真係食得好辛苦🥲如果唔係我覺得都食得幾開心🥲

住酒店包自助早餐，＄368的價錢應該很有水平的，但恰恰相反，有點失望😔，可能是天氣很熱，室內冷氣不夠，人又多，小朋友走來走去，食物又跌了一地，侍應門已經很努力工作，仍應接不了。食物方面很豐富，選擇多，水果最新鮮受歡迎，煎雞蛋的檔位最忙，去兩次想點奄列都說過幾分鐘再來，要去第三次才摞倒喜歡的奄列。😅粉麵檔的員工最好記性最負責，一次記幾個人客的要求，不會出錯。👍最意外這裡有納豆和冷面，現在日本遊客很少，所以沒有人和我搶。🤣🤣這裡的食物品種是集大全，有中國🇨🇳點心，蝦餃，燒賣，糯米雞，叉燒包等，有油炸鬼👻，白粥，有印度咖哩簿餅，西式香腸，火腿，沙律，各式麵包🍞，酥餅，麥片，乾果等等，各式咖啡☕果汁自然不會少，如果是大胃王，這裡是絕對可以滿足的。😘

慶祝母親節梗係食返餐好架啦，今次帶咗媽媽去食自助餐🫶 之前黎過一次食物質素唔錯所以都帶住好高期望黎😋呢度一如以往冇令我失望，雖然今日正日人好多有啲逼不過refill速度都好快👍 一入去當然係排咗主打嘅龍蝦先啦😍超級鮮甜大件呀仲有好多膏！我哋全部都排咗幾轉😋冷盤方面有刺身，可惜嘅係佢冇媽媽鐘意食嘅三文魚有啲可惜，不過佢有深海池魚，帶子，希靈魚，油甘魚，全部都解凍得好好唔會成陣雪味好鮮甜。另外亦有不同種類嘅parma ham，仲有個冷鮑魚👍熱食方面種類都好多👍👍因為今日係母親節近門囗酒店仲特登整咗個booth 比大家影相留念，仲會即刻曬返出黎比你架，真係令今年嘅母親節好完滿💕💕

因為去咗water world玩,所以book左萬豪酒店玩完之後住一晚怕太累可以早啲休息因為太遲book,buffet dinner同lunch都full晒,唯一有得食係buffet breakfast 都好唔使諗食咩之後仲可以去pool玩一陣早餐選擇都唔少，南瓜薯餅（唔記得影）又幾好味,山藥白粥,朝早就係想食點心燒賣薯餅湯麵cold cut smoked salmon,雖然不特別但味道唔錯,水果都甜甜的,自製pancakes做甜品服務員也很友善及attentive