海灣餐廳及海灣咖啡室

营业中

休息中

聽講呢間buffet好難book，夜晚已經冇晒位了，所以就提前兩個星期book咗Lunch buffet。食物上大致OK，有冷盤海鮮，亦有蒸嘅海鮮。但熟食方面比較少，佢嘅刺身一流👍🏻而且甜品方面亦有好多選擇。環境上，都坐得非常舒適，枱與枱之間相隔都有一定距離。服務態度上，侍應比較少，所以佢哋都做到有啲發脾氣，但因為係自助餐，同佢地接觸比較少，所以都OK。要讚下係佢哋嘅育嬰室，非常之舒適，如果有超細嘅BB去，亦有地方餵奶換片。

幾位朋友都好鍾意食自助餐，其中有位自助餐常客朋友推介食呢間，話一定岩晒大家我地想食星期五happy Friday，都幾full booking，要等一個月，咁受歡迎應該堅唔錯，唯有等啦一入到門口就見旋轉雪糕櫃，非常吸精，裡面除左有hagazen同movenpick，仲有d雪芭好耐冇食自助餐，一見到龍蝦🦞，立即拎左半隻食，算大隻，有肉汁，而且味道唔錯熱食望落唔錯，但太多正野，冇試到🥲鵝肝超正，煎得岩岩好，少少燶，鎖住d汁不停即煎，唔洗點排隊，食左兩件🥰自己好鍾意食甜品，所有留左肚食甜品。差唔多所有款式都試左，心太軟係最正，我朋友話好味過出面甜品舖食果d，我都覺得係🤣無論賣相定味道都掂過唔少甜品舖，即整即食，所以keep到流心😋檸檬撻酸酸地，幾有層次

❀ 海灣餐廳及海灣咖啡室 #黃竹坑 ❀❗️期待已久海洋公園酒店 啱晒一家大細❗️——————————————————前排去海洋公園萬豪酒店，一嚐佢哋嘅自助餐！酒店一出海洋公園站就到達，都算方便。裝修採取木系顏色，有融入大自然嘅感覺，最正係有個超靚又有滑梯嘅親子游泳池，超啱一家大細來玩👨‍👩‍👧‍👦！.✷𝑀𝑒𝓃𝓊✷☞ 自助早餐 $378 (星期一至四) $478(五六日)☞ 自助晚餐 $638 (星期一至四) $688(五六日)基本上有齊晒所有自助餐應有嘅食品👌🏻特別賣點係有大大隻毛蟹、多種海鮮、同埋榴槤甜！冷盤選擇有沙律、cold cut、壽司師傅即切嘅刺身、壽司，幾鮮甜！ 熱食就試咗羊架、粉麵等等，質素不過不失。最正當然係海鮮🦞！超級多膏又好味嘅毛蟹、青口、蜆肉、蝦，應有盡有，鍾意海鮮嘅一定超滿足！最後仲有各式各樣嘅甜品，最特別係有榴槤泡芙同埋榴槤撻，我自己就唔特別鍾意榴槤，但朋友食得勁開心，大贊佢嘅榴槤香！仲有任食嘅Haagen dazs雪糕添！小朋友嚟到一定勁開心😆。——————————————————✨整體味道: 3.8/5 ✨環境裝修: 4/5✨服務態度: 3.8/5✨性價比:

一入門口最搶眼的就是原型超級大雪櫃裝滿雪糕,能夠喚起你的童真我期待用餐後嘗試每一種雪糕味道.這餐是朋友請我的,他來過覺得非常之抵食質素非常之好,所以帶我嚟. 只可惜隔了半年再來質素明顯下降到正常酒店的水平,這都是普遍的現象,因為要管理一間餐廳要能夠保持初心是不容易.何況起初場場爆滿做到員工手腳不停疲累又怎會有心機專注食物的質素呢自然質素就下降,服務質素也會下降.而且上次有啲特別超正的食物都沒有了.期望管理層讓員工多點休息增加福利,間接提升食物的質素.如果冇第一次比較,整體都是良好的,魚生新鮮甜美,甜品美觀,熟食種類多質素都唔錯.

寫呢個食評之前，小妹入咗之前啲評語，覺得有些少驚訝有唔少負評。。。但係小妹呢一次，食得好滿足啊係繼以前Intercontinental 後，小妹好想讚嘅酒店buffet雖然真係超級人多，不過食物嘅質素真係好唔錯啊，大部分都係廚師喺面前即整呀刺身係小妹見過酒店入面有咁大粒帆立貝，最緊要就係味鮮同夠凍呀鵝肝多士夠肥美，個湯麵亦係小妹好想食多碗但係飽到無能力再添食至於甜品，小妹從未遇過款款都入得口有一定水準播～～心太軟新鮮熱辣焗出嚟，小妹真係滿足到一個點加埋個雪糕庫，Movenpick，Haagen Dazs。。。多到食唔晒呀。。。人雖然好多入座係要啲時間，但係位置都舒適寬敞，同埋pets friendly嘅（outdoor only) 夏天就熱嘅。。。小妹個人覺得，小部分staffs太認真工作，笑容係有啲欠奉嘅不過呢一餐，小妹好滿意呀P.S. 小妹食過嘅酒店buffet真係多到數唔晒㗎。。。所以，整體覺得，個人覺得呢度係above average 嘅

食完先上黎openrice見到咁多劣評，從來都無打開食評 但真係太伏太失望要上黎投訴下大佬加埋1成800蚊一個人既buffet ,連三文魚刺身都無 生蠔又無都算 ，buffet台得水比人飲 果汁都無滴，如果要飲汽水要再加200蚊 ，即係每人1000蚊埋單，但佢本身有包一杯餐茶，無睇錯係一杯，8百蚊想飲多杯凍檸茶都唔得食物質素就普普通通 唔難食 又唔係好好食囉，正常酒店質素 值得一讚就係鵝肝多士同即煎韓式和牛，但最伏既就係 無人refill野，我游完水成8點幾先去係有d夜，但真係無見過有人出黎fill野，全部熱身都乾晒，甜品食完就算唔會refill，企檔d師父得閒企晒係到 都唔去煮d新既，有個師父仲係到整pizza ,唔知整比自己食定整比房客d order, 總之唔係整比buffet老實講 收人800蚊，比d咁既野人，我寧願比2舊水去食漢和或者大喜屋好過 ，我都係食完先上黎見到原來咁多人都話中伏，大家想去試既真係要諗真d先好去

龍蝦ok,，燉湯幾甜，其他食物質素普通，冇一樣真係好驚為天人。但員工服務真係好唔惦..舉手叫佢過黎，腳步飄浮咁過左黎，個個好似神情呆滯咁完全冇笑容（可能太辛苦？）建議請多d人手，仲要問左幾個樓面，問咩都唔知，叫熱檸茶比左熱檸水...相信d員工都暈暈地..酒店可能請太多炒散..令服務質素差！執執下隔離台仲見到執台只掉晒d蟹殼落地下...比成$8xx食 自己諗下值唔值

某日同班同事心血來潮去海洋公園萬豪酒店食lunch自助，原諒我掛住食，唔記得影相😂冷盤種類都唔少，最鍾意佢既藍青口夠鮮甜刺身種類有三文魚，希靈魚，八爪魚，帶子等等，唔食魚生既我冇試😂😂，同事話帶子好食第一轉既燒牛肉有d韌，但羊架出奇地幾稔同有肉味，但到第二轉出既牛同羊都好生，生到好似淨係㷫熟外邊咁，一行埋去佢已經話要幫我再燒下先，作為咁大間酒店扣唔少分另外其他熟食都冇咩特別甜品方面有幾種口味既杯裝moven pick 同haagen-dazs，另外仲有10多款既凍餅，蛋糕等等，其中我覺得最好食既就係焦糖布丁同白桃啫喱奶凍，其他都係正正常常

第一次去海洋公園萬豪酒店食自助餐，搭地鐵都可以去到海洋公園，真係好方便。呢度自助餐都好多不同種類嘅食物，有中式丶日式丶西式，同埋好多甜品丶雪糕。雪糕方面有Häagen-Dazs和Mövenpick，仲有一款唔知咩牌子。仲有心太軟丶迷你葡撻丶其他一口蛋糕仔。重點推介：任食清蒸龍蝦，師傅會即場切開一半，每人每次限攞半邊，有兩款醬汁選擇：芝士汁丶泰式汁。我個人認為熱食龍蝦好味過凍食龍蝦，而灣仔萬麗酒店都有蒸龍蝦。當晚仲有韓式和牛供應，師傅會即場煎兩塊和牛，然後自己加配料(泡菜丶生菜)。仲有燉湯，就係瑤柱蟲草花瘦肉湯。蝦籽撈麵，落足料，好多蝦籽。刺身就有帶子丶赤蝦丶北寄貝丶八爪魚⋯⋯好新鮮。服務態度好好，所有職員都有禮貌，仲好細心。環境好靚好有渡假嘅感覺，好舒服，去過會好想再去多次。

疫情其間我都真係無食過自助餐，今次黎個大解放，仲要揀到去海洋公園既Marriott Marina Kitchen，勁食一番酒店係正海洋公園站隔離，非常方便，Marina Kitchen 當然以海洋為主題，襯返主題公園，地方闊落，環境都不錯冷盤呢度食物款式都唔少，有沙律、cold cut，冷盤海鮮，隔離就係壽司bar, 刺身款式都有6款，冷麵、冷盤、壽司，可惜我最愛既帶子刺身唔知點解好咸，平時應該好鮮甜架嘛，唔會咸架嘛😵‍💫熱食當中龍蝦、鮑魚都不錯，鵝肝配多士真係好甘香，油脂爆燈，滷水拼盤，鵝片味道都不錯韓式和牛油脂豐富，可以配生菜，紫蘇葉，再加d辣醬麻油一齊食，中和返個油膩感粉麵呢度仲有蝦子麵，自選粉麵，驚唔夠飽既都可以食返碗，仲有多款調味料可供選擇，瑤柱蟲草花燉瘦肉湯，味道咸左少少，不過唔油幾好飲甜品Cake cup外型精美，細細件就可以試多幾件，雪糕櫃係會不停轉架，真係旋轉with me呀😆，我揀左開心果gelato，唔太甜幾好味，但全部都係cake，甜品種類唔算多，有d失望雖然甜品同帶子有d失望，overall食物都算不錯但服務我就真係覺得有待改善，book位時可能溝通上有d誤會

今晚入住海洋公園萬豪酒店，當然要順道試下 個自助餐。 依個自助餐地方唔大，食物選擇亦唔係多，但味道都不錯。平常有的，它有，預期它有的，它沒有，講的是 生蠔7XX 的自助餐竟然沒有生蠔，個人比較失望。以下有一部分食物照，大家可以參考下。甜品 (有10款左右，都很好味，我覺得比熟食好食。鑊仔韓牛，重點推介，是 A+韓牛熱食: 鮑魚、芝麻雞亦、 蓉包(磚) (推介-外脆內軟)、烤三文魚刺身: 深海池魚、海甘魚、帶子。 全部都厚切，鮮味。食完抱著肚走，但以同價錢，我覺得應該要有生蠔提供。如果唔係住酒店，唔想走來走去加上附近沒其他選擇外，叫我自己入來食我就唔太建議。

食物同環境一流,服務都很好.平時龍蝦很多酒店都是冷盤,但是這裡是熱食.這裡大部份都是我喜歡食的海鮮跟甜品.海鮮有龍蝦,熟虾,青口,藍殼青口,長腳蚧,蜆,花螺.失望的是沒有生蠔！刺身有大大粒帶子,赤虾,希靈魚,油甘魚等.熟食有鵝肝,羊架,燒牛,韓國和牛,燒鮑魚,金沙骨,粉麵,中西湯及盅頭湯等.甜品有葡撻,豆腐花,糖水,雪糕等等.還有朱古力流心布甸,喜歡食朱古力的一定要試.小朋友還有很多糖果選擇

第一次見到佢嘅時候，我就已經被佢嘅外形吸引咗。加上佢嘅口味罕見，實在值得一試，所以慶祝朋友生日嘅時候，就買嚟一齊試！仲記得我哋係星期6下午舉行生日🎂聚會，時間同路程距離關係，我係前1日放工做完運動之後，10點之前去到餐廳拎返屋企～搭完地鐵再轉巴士，當時仲要落雨……個蛋糕返到去第2日食竟然仲咁靚，我覺得絕對要讚下自己。講返蛋糕先，雖然呢個配搭聽上去好似九唔搭八，或者覺得好膩好「漏」，但係原來一啲都唔會。雖然感覺似乎超重口味，但令人驚訝🙀嘅係，食起來居然係好輕盈，而且味道啱啱好，好夾！食一啖，好濃芝士味，再伴隨住鹹蛋黃嘅獨特味道，令人食完一啖又一啖。蛋糕主要用2種芝土，而呢個蛋糕係充分利用咗Cream Cheese 嘅軟身同Mascaphone Cheese嘅幼滑呢2個特點，令整個芝士蛋糕食起上嚟完全唔覺得膩滯，但可以享受到芝士嘅雙重滋味，絕對值得一試！呢個蛋糕係酒店嘅招牌蛋糕，而我最初正正就係被佢嘅外形吸引！你睇，蛋糕雖然唔係平時個種3D立體蛋糕，但蛋糕上面嘅海豚🐬同cream嘅形狀就成功營造咗一個海豚🐬跳躍嘅畫面，好有動感！大家想試嘅話可以打去或者email佢地訂㗎😜不過我一直都打唔通

海洋公園萬豪酒店，喺黃竹坑，都唔算隔涉，搭地鐵去行10分鐘到就到。今次特登去食佢嘅自助餐，自助餐種類不算太多，不過貴嘅食材講得出都幾乎有，好欣賞佢嘅真材實料，熟食好有心機，食材都用貴嘅食材！先講下個燉湯，烏雞燉瘦肉，好足料啊，啖啖都有肉香，落少少鹽，冇乜味精，原材料嘅味已經夠了。隻鮑魚就細隻咗啲囉，靠食執㗎咋，鮑魚冇乜味，彈牙囉。龍蝦都冇乜特別，夠爽夠彈牙，不過冇乜味，佢都冇配合醬！鵝肝真係冇得輸呀，新鮮好大件啦，好好食，表面有少少蕉，好好食呀。

We've enjoyed our stay at OP Marriot very much.Comfortable environment. Super friendly staffs. Special thanks to Ms. Anna Li made us feel like home checking in and explained us in details around. Anna is professional and always have a wonderful smile on her face to all guests.Food is yum. Great dinner buffet. Mr. Iván Pun has been so nice and kind to us. Iván even remembers us by names on following day at breakfast.On a scale from 1 to 10 as on above, Ms. Anna Li gets 12! Anna makes our stay fee