海灣餐廳

营业中

休息中

📍食評：海灣餐廳（屯門）——食物高質，服務尚待提升昨晚特意去咗屯門嘅海灣餐廳用餐，原因係見到網上唔少食評都讚佢服務好好，所以抱住一份期待去試試。不過，實際體驗就有啲落差——服務方面其實仲有改善空間。👥 服務體驗：有待加強 入到餐廳，整體環境唔錯，但職員嘅主動性唔算高。雖然唔係差，但感覺上缺乏咗嗰份熱情同細心。若果員工可以主動啲，唔好成日掛住玩手機，例如主動介紹餐牌、定時留意客人需要食完啲嘢執好佢，相信整個用餐體驗會提升好多。現階段我可能只會畀佢「合格多少少」嘅評分。🥩 食物質素：值得一讚 講返食物，真係冇令我失望。我點咗牛扒，煎得非常靚——外脆內嫩，火候掌握得好好，肉質鮮嫩，味道亦都好平衡。食物方面我會畀好高分，係值得推薦嘅。🎯 總結 海灣餐廳嘅食物絕對有水準，係值得一試嘅。但如果服務方面可以再提升，例如加強員工培訓、提高主動性，咁整體感覺就會完全唔同，甚至可以成為我會回頭再訪嘅餐廳。

店員主動介紹餐單，服務細心有禮貌。餐廳環境舒服，有張小梳化，亦有戶外位置可供選擇。本身單點包$50以下飲品一杯（很多選擇）另外加$50有湯、飲品及藍莓芝士蛋糕。

朋友帶我到屯門這間餐廳是非常驚喜窩心的一晚由頭盤主菜到甜品都非常驚喜鵝肝又滑多士鬆脆,發現上面淺紫色的小花都可以吃濃郁的牛肉湯配脆脆的芝士多士黑鱈魚嫩滑而有魚味刀具碰在牛肉上輕輕一按有彈性但切下去一刻就知道非常軟腍牛肉味濃郁，配上黑松露薯蓉本來已飽飽了甜品一上來，仍然光盤最後的雪糕咖啡實在驚喜簡直是完美的一餐期待再來

上星期搭輕鐵經過，見到有間靚靚嘅西餐廳！立即電話訂位，職員非常友善客氣！🌹一到場就係有feel嘅溫馨小店，廚師係米芝連一星廚師🤩，菜色精美好味，擺盤出色。仲要價錢非常合理！食得開心又Chill之餘，仲要免加一。其實就算有加一，都好值得！兩款海鮮意粉又香又鮮！扒有水準！burger 夠份量！職員介紹非常清晰，佢哋好細心介紹當日廚師精選！喂，難得唔係連鎖店，值得支持！飲品款式仲有好多選擇，下次再約朋友嚟！

第一次寫食評，覺得一定要比個正正評呢間餐廳！一向食開呢間餐廳，食物同飲品都係用心嘅製作，原材料勁講究，樣樣都好高質！繼上次聖誕大餐，今次再試情人節套餐！餐廳老闆知我地要帶埋小朋友，窩心地另外準備咗炸魚薯條同鮮榨蘋果汁比佢！一入到去先送上紅玫瑰🌹，仲有仙氣浪漫滿分的前菜！然後個蠔湯，負責人有講話有少少咸，所以我配埋個包就啱啱好！個天使麵又係煮得勁好！之後煎魚配白酒，我唔識飲酒都覺得勁夾！最無敵係個M9+和牛牛柳配鵝肝，前者煎到啱啱好，後者香到一個點！杯紅酒又夾又易係口！最後來個伯爵茶tiramisu ！ 成晚個氣氛、餐點都好完美！餐廳上上下下嘅員工都超友善！老闆好重視食客嘅評價，成日問覺得啲菜點樣。餐廳啲姐姐見到阿仔，都會逗下佢，又請佢飲下蘋果汁！呢啲同食客打成一片，食物又盡是用心之作嘅餐廳，真係難能可貴！期待下次再去試新嘢🫶🏼

每星期都去揾性價比高的美食，見到食評話係米之蓮大厨主理咁正，就去呢度試食lunch，員工喺非常nice但係食物水準真係一般。我係星期六中午食，問員工有冇set lunch佢話weekend係冇，我就點咗龍蝦闊條面，餐牌冇註明有飲品奉送，員工亦冇講，直到埋單收銀姐姐話有一杯飲品送問我飲唔飲埋先走？（點解員工見到我食完唔問我要乜餐飲呢？我叫埋單都冇問）見到佢啲客人多咗，我費事阻住佢哋做生意。 所以take away coffee。Coffee味道還可以，龍蝦汁嘅味道係ok，只龍蝦預咗係冰鮮，但驚呀不致於仍有雪味，D肉好唔新鮮，闊條麵太硬身，D食物好似預備咗好耐咁。好食品食材係一大重點。D呢質素似系一間普通餐廳嘅食物水準。室內環境亦唔係寫到咁靚，有咁多打卡位。室外因為好大風，好多塵。有點失望。

兩個人食下午茶，一個下午茶等咗唔係好耐就有得食（大耐15分鐘到）另外一個，我自己嘅就足足等咗30分鐘都仲未有嘅椰奶雞扒飯，忍唔住入去同waiter’s 講，等咗好耐嘞，人哋嗰個都已經食完哂佢話：之前有其他單做緊所以耐咗我話：已經等咗半個鐘喎佢話：雞扒係要耐啲，我哋唔係做預制菜所以係耐啲，如果你覺得耐，我可以幫你cancel我都唔知俾咩反應佢好總結：其實哩間嘢我之前已經俾咗一次機會佢點知，佢哋出餐速度仲比前慢好多𠻹

長話短說滿心歡喜特意和朋友來吃午餐，本來期待滿滿。點知，個湯一嚟到已經淡到似溝左水，嚇一嚇。明太子深海魚柳意粉，個魚柳啲炸粉仲厚過塊肉，意粉未熟哂仲係硬硬地，仲要痴牙🫠意粉入面仲有條不明既鬚??唔敢猜係咩黎 真係呆L左同行叫個樣野等左半個鐘都未有，最後取消埋個員工話個豬頸肉要煮熟啲，需時耐啲 唔係會肚痛，佢都岩既咁唔爭在個意粉都煮耐少少呀😮‍💨如果需時唔係落單前就講定？真係得啖笑一間好吃的餐廳？ 等大家判斷

屯門隱世高級西餐廳the bay 位於屯門御海灣，米芝蓮廚師烹製，加上高級食材，平民化價錢,令你畢生難忘，最窩心的就是沒有加10%服務。地點方便，就在輕鐵站側，有室內和室外的座位，可舒適地享餐。星期一至五，午歺價格在$100-130.00,有湯，有沙律，有熱辣辣的主菜，雞牛，意粉，十分美味，再加上甜品或餐後飲品，令你滿心歡喜，因為他的質量是可比美中環的高級餐廳，不試，你們就走寶了輕盈健康的漢堡餐，附送一杯飲品，不加10%的服務，深圳價也吃不到，更何況此餐廳提及你的高級食材。但真係價格一點也不貴即叫即做的甜品，世間難尋，價格還比Starbucks 的cheesecake平.

今次自己黎左發現轉左menu，經過店員主動介紹先知依家做緊優惠，大menu嗌野食送野飲，嗌左個牛油果和牛漢堡🍔好好食😋，自己一個食唔曬，薯條都比左好多，試飲左杯熱latte，啡味啱啱好竟然飲到有茉莉花味，問左咖啡師先知係用緊精品果香咖啡豆，坐係窗邊有少少太陽照入黎，好放鬆好舒服，會keep住返轉頭的餐廳！不過如果可以開埋室外座位就更加好了，呢個天氣好適宜坐係出邊曬太陽飲野，又可以帶埋屋企隻狗狗過黎

路過屯門泳池試下,2個人食,叫咗個蟹肉大蝦龍蝦汁闊條麵同午餐嘅帶子茄汁意粉,野性味道唔錯,午餐有湯有飲品都算幾抵食,不過只可以飲品或甜品選一,有幾會下次再嚟試反.

間野都幾搞笑，Lunch time入到餐廳冇人介紹menu。幾個侍應企埋一二邊，到order食物既時候先同客人講每位最低消費係HK$150。咁即係要焗啲客一定要叫夠咁多錢先得，下次呢啲咁重要既message貼係個門口到先啦唔該。

難得放假就同女朋友一齊探索下屯門，晏就時間就想搵一間餐廳悠閒咁渡過下午。行到屯門中央廣場附近時，見到有間餐廳門面寫住「一間好吃的餐廳」，所以就決定走入去試下。餐廳位於輕鐵站旁，位置方便。內部環境舒適光亮，比人一個舒適既感覺。員工頗熱情，送餐速度亦不錯。我地點左兩道主菜。首先係豬鞍，新鮮的車里茄同茄汁豆配塔非常開胃，配菜的露筍都處理得唔錯，同成道主菜好夾，而主角豬鞍就正常，中規中矩。第二道菜是明太子帶子扁意粉，意粉口感煙韌，煮得唔錯，不過帶子與明太子都係好正常，並未帶比人驚喜。

媽咪生日黎左呢間輕鐵站隔離嘅餐廳，入到去環境好舒服，坐係窗邊可以望到街景，又聽住好chill嘅英文歌，啲server都滿面笑容，好有朝氣。飲左杯ice long black，果香味好濃，媽咪飲嗰杯係熱抹茶朱古力，鍾意飲朱古力又唔想太甜嘅可以試下拉花拉得好靚！嗌左個安格斯西冷同安格斯肉眼七成，成數把握得啱啱好，表面煎得好脆，入面啲肉又好軟嫩，之後嗌左個牛角包窩夫，擺盤好靚！可惜唔記得影相，我地第一次食豆腐味嘅雪糕，出乎意料地好食！聽server介紹主廚係米芝蓮三星廚咁啱聽到嗰主廚同老闆夾緊menu，會有自家製tiramisu，下次一定會過黎試下！！！見到間鋪嘅員工氛圍都好好，老闆同大家坐埋一齊食飯講笑，好有親和力！一路食飯一路注意緊招待我地，真係辛苦曬🙏🙏埋單嘅時候發現竟然唔收加一，下次會再返黎食！

轉手前同位置既餐廳以前偶爾會去幫襯一下,變左依間後一直都無去過, 終於中午走去試下, 我地叫左一個all day breakfast同一個pasta, 佢地個all day應該係我近年食過最差既一餐, 除左菜同肉腸係正常之外, 其他都唔掂, 基本上成碟都係油淋淋...包同炒蛋簡直係重災區, 非常難食, 另外個pasta都係油淋淋, 帶子又梅又無鮮味, 咖啡就算正常水準啡底偏溫和。食完見隔離檯叫個d無咁油淋淋...見另一張同一款pasta都係油淋淋...依個係廚房兩個廚師水準既分別?不過食物質素差亦都係不能改變既事實...而服務員態度亦都麻麻...唔係黑晒口面就無反應...整體成餐感覺都好差居住屯門多年...區內一直唔多出色既cafe小店...現在經濟市況不好下...希望還在的店舖都可以做好一點