海王漁港

营业中

休息中

今日我去海王漁港飲茶，本來好期待，但真係失望得好厲害。一入去就發現有小強係食客區走來走去，真係令我心情好差。職員雖然有試過捉小強，甚至將佢踢走，但個情況仍然持續，完全影響我用餐嘅心情。作為一間餐廳，衛生問題真係唔應該咁忽視。食物質素方面都只係普通，冇咩特別吸引我，但最重要係衛生問題，根本無法安心食嘢。坐喺度，時不時見到小強走過，實在好難集中精神去享受食物。即使食物味道尚可，但面對咁嘅環境，我根本無法放鬆心情。我希望海王漁港可以重視呢個問題，加強清潔同管理，改善衛生狀況。否則，咁樣只會令食客對餐廳失去信心。未來我都唔會再考慮返去，希望佢哋可以提供一個更好嘅用餐環境，讓大家可以安心享受美食。

補祝父親節，餐廳環境幾好，坐得舒服，啲菜嘅賣相唔錯，上菜速度亦好快。叫咗以下菜式：豬肚雞煲白切雞龍躉仔上湯澳洲龍蝦（伊麵底）西蘭花帶子珊瑚蚌柚子蜜蝦球櫻花蝦椰菜粉絲煲咕嚕黑豚肉豬肚雞煲好足料，湯亦都好濃郁好味，但係啲雞肉唔知點解好煙靭難咬，好似橡筋咁拉到好長都抆唔斷，個感覺好奇怪。白切雞嘅情況同豬肚雞煲一樣，雞肉質地好奇怪，咬極都咬唔斷啲雞肉。柚子蜜蝦球值得推薦，柚子汁調得好好味，蝦球亦炸得卜卜脆，撈埋一齊食一流。上湯澳洲龍蝦（伊麵底），龍蝦好大隻，多肉而且肉質實淨，好有咬口。咕嚕黑豚肉甜甜酸酸好味道，不過啲肉炸得過左火，有少少太乾。櫻花蝦椰菜粉絲煲好惹味，粉絲乾身撈埋櫻花蝦一齊食，非常好味！

父親節果日,我哋一行十多人去咗呢度慶祝,訂咗個敬父宴訂枱但都等咗一陣先有枱,不過我發現節日期間去嘅咁多間酒樓都有呢個問題,可能係酒樓嘅特色😅食物方面個12人餐其實連埋湯都有9款,送兩支啤酒,除了乳豬仔,燒雞同蟠桃包其他都係海鮮類,每款味道仲幾好添😋而且食落都新鮮喎,蒸魚就細條咗啲🤪唔夠分,佳節大蟠桃包估唔到咁大個,而且有奶皇（食落應該係有加入鹹蛋黃）同蓮蓉兩款喺度,包控表示好中意😆😋不過家中比較小嘅成員似乎比較愛叉燒飯,叉燒包,燒賣,尖堆呢啲點心🤪最後仲加一客焗雪山叉燒包添,正係好味嘅不過套餐唔係全包要另外再比茶位😛如果淨計食物質素我覺得係可以返轉頭的😉服務方面就有啲參差,見現場都好似比較缺人🙈

這裏的下午茶特別平大中小點都是小點價錢 甚至有些精選點心比少點更優惠所以我哋一家人平日都好鍾意揀呢個時段過嚟飲茶，攞到個下晝假的話多啲陪下老人家雖然係平日，但係都好多人等位我今日都等咗成15-20分鐘先入到溫馨提示-等位嘅時候可以問定知客姐姐攞定張點心紙點定先，咁一入到場可以即刻落單沙嗲金錢肚 牛肚好入味 有薯仔墊底蒜蓉蒸排骨 排骨好腍好入味釀尖椒釀茄子雙拼啱曬心多多的我沙薑雞腳大隻肉厚一定要點埋沙薑食香茜鯛魚粉卷 魚片係脆肉鯇 好有香茜牛肉腸 雪山叉燒包 好似菠蘿包滿滿的叉燒南瓜芋絲餅 煎得好香口臘味蘿蔔糕 食得到一條條蘿蔔絲 好足料皮蛋瘦肉粥粥底棉密

新年後親戚聚餐，揀咗近長輩嘅新都城二期海港，一行九大人兩小朋友，點咗個價錢實惠嘅全包宴，另外加多三個小菜，價錢合理都幾大碟，味道正常，不過人手不足。鴻運脆皮王子豬，新鮮而且燒得幾好。上湯焗蝦球麵(選用萊茵衣藻麵)，唔錯，有少少似闊身嘅粗麵。發財好事瑤柱脯，瑤柱同蠔豉都幾大粒。泰式炸蝦餅。竹笙海皇燴燕窩，完全唔知有燕窩，我以為係普通湯羹。西蘭花炒帶子珊瑚蚌。欖豉醬蒸蝴蝶龍躉斑，某啲部份好鞋。海港燒鵝皇(半隻)，好肥美，好味。歡樂大蟠桃(12隻)，有奶黃同芋泥，無味。另加小菜：豉椒炒蜆炸豆腐。胡椒豬肚雞。

去拿位飲茶，每次大半個鍾都唔見叫飛，等到人都躁。後黎聽聞哩間茶樓專做熟客，d熟客直行直入，我地哩d街客就係出面傻等，等到位入去，服務又差，成日漏單，去左幾次之後永遠都唔會再去幫親哩間垃圾

過咗嚟寶琳飲茶，因為餐廳比較大，所以等位會較快我哋大概等咗半個鐘頭位就可以入去食其他酒樓起碼等成個鐘。我哋三個人點了四個點心同一個套餐，所以非常之飽。兩隻乳鴿拼米線套餐$108兩隻乳鴿都炸得好脆好多汁，但係米線發得好腍同米線嘅質地唔夠滑蟹皇燒賣燒賣好多豬肉，不過比較肥七彩炸鯪魚球鯪魚球炸得好脆口，同埋佢有啲七彩脆脆包住個鯪魚球好特別雪山叉燒包叉燒包嘅餡比較多醬汁，比較貼，冇乜肉食，但個皮好脆上湯水餃我哋本來以為這碟是蒸水餃睇少咗個湯字，不過都幾好食，又有菜唔錯由於酒樓嘅店員唔夠，所以加茶同點餐比較慢，好彩上菜速度較為快，想飲茶而又唔想等位等好耐這裏是一個不錯的選擇。

諗住同爸爸食生日飯，所以選擇咗黎呢度食飯，叫咗龍蝦鮑魚宴，上完第脆皮皇子豬全體，第二個就上脆皮雞，當我同啲職員講話其他餸都未上就上雞，佢就攞走隻雞，又將隻雞周圍攞去其他枱度問人地要唔要，當食到第三個餸時，又攞隻雞黎話上雞，我話魚都未上又上雞我話唔上住，到食到最後叫佢地上埋雞同壽包，就遲遲都唔上，啲職員仲要差到出去搵佢地，都唔理你，啲服務態度非常差，以後都唔會再去你們要去呢間酒樓食都要三思，服務態度非常差

好耐冇去新都城，屋企人想去酒樓晚飯，就去咗海王漁港。星期六晚冇訂位，有枱，坐唔滿，不過都有唔少客。清蒸長腳蟹 $498 （兩斤至兩斤半），街坊酒樓算 okay，蟹肉都清甜。加$100可以將啲蟹籽做炒飯，都好大盆，入面有帶子粒、蝦粒、翠玉瓜粒等，飯炒得乾身好味。另外叫一份例牌燒鵝，不過不失。豉椒炒蜆就咸咗啲。三個人埋單九百幾。見佢個餐牌都幾多嘢食，下次都可以再試下。啲侍應唔算好主動，不過叫佢哋時都好好態度。

用海港集團嘅app以500分再加268元換購咗個歡聚全包四人餐，食物都幾豐富。喺app換咗之後需要享用前早一天預約，去到唔太多人，坐低後即時去收銀處兌換，268元就食完先再找數，整個套餐有以下食物：西蘭花炒班球- 蝦球份量都算多，蝦都好爽彈，味道唔錯！鹽燒鮑魚- 鮑魚都幾大隻，好香口，咬落好彈牙，有少少辣，非常嘢味清蒸虎班- 班約一斤重，蒸既火喉啱啱好，魚肉好滑，畧嫌豉油少咗啲。蠔皇花菇扣鵝掌- 花菇size 唔算好大隻，炆得好入味，鵝掌好夠淋，有水準！鮮果咕嚕肉- 肉嘅份量都好多，配以半邊桃、菠蘿同三色椒同炒，個汁就用咗士多啤梨來調製，味道非常夾，好好味道！脆皮醬燒雞半隻- 雞醃得稍咸，唔需要點醬汁都已經好夠味，雞肉唔會嚡，算 ok!呢個四人餐都算份量十足，用料都唔錯，儲夠分後都會再嚟食過

1.鳳爪有啲怪味😵‍💫2.燒腩仔皮偏硬3.凡係有蝦肉嘅點心都唔錯，蝦肉爽彈4.燒鵝皮唔脆5.但！滑蛋蝦仁伊麵裏面竟然有條洗碗鋼絲！由於係星期日去，侍應都做到踢晒腳，我哋就算…😓

去完 staycation後回家到附近酒樓飲下午茶，呢間係寶琳區屬於最大嘅一間酒樓，應該會好快有位，果然不出所料去到拎左飛後，轉個頭就已經有位，入座後即刻拎張特價紙望下有乜嘢啱食先，好快就已經剔咗幾個點心。呢個蝦餃皇係用佢個 app用儲咗嘅積分免費換嘅，賣相同味道都唔錯，蝦肉都幾爽唔會霉。鮮蝦腸粉幾好味，蝦份量飽滿。蘿蔔千絲酥好夠熱，但相比之前有啲退步咗。上海小籠包好一般。水晶潮州粉果，粉果皮晶瑩剔透， 餡料都好足，味道都唔錯。沙嗲金錢肚惹味十足，金錢肚都夠淋。煎釀雙寶，有尖椒同茄子兩款，尖椒有少許辣，魚肉都釀得幾飽滿，都幾好味。鮑汁鳳爪，原本對佢好有期望，但見到佢啲鳳爪較瘦削，食落有啲硬，炆得唔夠淋，花生得嗰幾粒，好失望。

晚市四人餐除左個湯 其他都係凍無心做就唔好整個四人餐出嚟理應熱嘅嘢 全部都係凍我食個熱飯啫 係咪都咁難服務嗌左四個人都無人理要嗌到第五個先有人招呼四人餐唔抵叫 建議摺埋

海王漁港是海港集團名下的一個品牌 我今天約了朋友去將軍澳店 早上九時到達 疫情下 少了很多人去食店 一般只有6-7成顧客 所以不用等位 店內裝修明亮 樓底高度適中 雖然沒有街景 也頗舒服收費是行大眾化路線 主打街坊生意 服務員態度可以 而我們所選的都是常見的普通點心 味道及外觀都很正常 沒有特別驚喜也沒有失誤 很平淡的一餐 乏善足陳 4人共吃了8款點心 連茶位費 加一服務費 雖然每人只是77元 但吃後回家時感覺有點口渴及喉嚨很乾 要不停地喝水呢

酒樓內座位寬闊舒適🥰餐具也很潔淨🥢🥢☕🫖選擇的小菜, 種類頗多😊👯我們兩位用的選擇了👇濃湯花膠煲螺頭$32/位芥蘭炒臘味$108豉椒炒蟶子 4隻 $108晚飯孖寶：$178惹味豉椒炒蜆白灼生蝦濃湯夠足料, 但略嫌味道鹹了點一碟四隻豉椒炒蟶子是惹味的但有一隻不夠新鮮, 肉質是霉霉的臘味炒芥蘭,因為菜質新鮮口感爽口, 整體冇得輸值得一讚的👍是蜆肉內沒有沙粒🦐白灼生蝦🦐大部分是新鮮的,沒有問題肉質口感彈牙😋但有數隻可能不新鮮肉質是霉的😬