海皇粥店 (莊士敦道)

营业中

休息中

老公話最近多飯局想食返清啲，所以放工去咗食粥。海皇粥店呢間老牌連鎖粥店係兒時回憶，我已經好多年冇食過。今次食完又覺得OK喎，耐唔耐食吓粥清清地都幾好。特餐- 艇仔粥+菜脯炒米粉 $45艇仔粥好足料，有碎牛肉、豬肚絲、魷魚、豬皮、魚片絲、生菜，粥底綿綿，一大碗好滿足。菜脯炒米粉嘅精髓係要加芝麻、甜醬、麻醬同埋最緊要辣醬。米粉炒得唔油冇碎濕濕，加咗爽脆菜脯口感唔錯。碎牛粥 $31牛肉粥一樣粥底綿綿，粉仔碎牛肉都好多，加埋脆脆炸花生香口香口，係我去粥店最愛嘅粥品之一。煎蘿蔔榚配炒麵 $42煎蘿蔔糕唔係一嚿粉，食到蘿蔔條，仲有臘腸粒嘅香味，如果再煎得香口啲仲好。豉油王炒麵好香，勁多蔥同埋爽口芽菜，我覺得唔使加甜醬辣醬都已經幾好食。牛肉腸粉 $20逢星期一至五每日有唔同嘅特價食品，我哋星期五就係呢個牛肉腸粉，特價一樣足料，有三條腸粉，裏面牛肉餡豐富，牛肉調味好好，加咗一啲爽口馬蹄粒，加埋陳皮芫荽嘅香氣都幾好食。

———————————————簡直係窮人恩物😇分兩條隊入😙walk in 或kkday買咗飛既😎mochi couple買咗kkday🤩等咗10分鐘左右就入得🤪以自助形式🤓有得夾4款油🥖油炸鬼💫煎堆😌鹹煎餅😇牛脷酥🙈仲有豆醬同瑤柱白粥任食———————————————Mochi couple上演大胃王比賽🤣最後食咗油炸條x3條+煎堆x2.5個+牛脷酥x2個鹹煎餅x半個+粥x2碗+豆漿x1.5杯Mochi couple覺得油炸鬼同煎堆最好食😊外層實淨脆卜卜😗內裏卻鬆軟🤨外脆內軟無得輸🤤配白粥好夾🥣煎堆係最受歡迎咬落去脆到有聲😭芝麻極香🤤中間真係好煙韌好好味😭不過偏油☹️食完成口油😢值得一讚係現場添食物添得好快🫣唔會話要等好耐都冇得食🤔豆漿夠凍🥶唔會太甜🤭有豆味🥸食完一日之後……Mr. Mochi喉嚨痛😢好味指數：🍡🍡🍡🍡——————————————📍灣仔莊士敦道151-155號東方大廈地下B號舖🚇 港鐵灣仔站A3出口,步行約2分鐘🕒 Mon-Sun:06:30-00:00

有時候平時大魚大肉，今日清清地食粥，間唔中食粥清吓腸胃都幾好，而且呢間粥店我間唔中都會嚟幫襯，差唔多每次嚟都會叫南瓜栗米肉碎粥，其他粥店好似未見過，所以我想食南瓜粥的時候就會諗起呢間，粥底好綿，同南瓜，粟米，肉碎一齊煲，成碗粥好鮮甜，鹹味又唔重，又夠健康。我朋友要喜歡食霸氣艇仔粥，有好多配料，有艇仔牛肉，豬肚絲，魷魚，豬皮，魚片絲及生菜….粥底同樣煲得一樣綿密，啖啖都食到啲食材，非常足料，好有層次感，好滿足。仲有炸兩送粥，好滑的腸粉包住油炸鬼，然後切開一舊舊，又有多種醬汁比你點，鹹醬甜醬辣醬，我最喜歡點豉油食😀另外都係要點返碟生菜嚟補充返啲纖維除咗粥品之外，仲有米線及飯類以供選擇。亦有茶、啡、汽水。在門外亦有一些方便粥，獨立包裝有唔同口味，可以買回家攞熱水坐熱都可以！

真心， 唔好講北唔北上消費。我俾錢食野架， 要受氣就真心痴線。 一個9歲小朋友自己落單， 正常速度，仲一字不漏咁落單。 （諗好曬先叫職員） 個樓面 好唔耐煩 叫 「大人點餐喇！ 唔好叫小朋友點！」 我真心唔明， 佢清楚表達 你咪照落囉。 我問返佢：「咩問題？ 佢漏口咩？你照寫。 」個職員答我：「唔係，人手唔夠！ 你仲叫小朋友落單！」 人手唔夠 係我問題？ 你心急但我個小朋友順暢都無延誤你。我想講， 當有一日 海皇都做唔住， 你失業，真係要多謝你自己。 香港人！ 幫幫老闆。 先雙贏。 唔係要求酒店服務， 要求基本尊重咋。

今日係灣仔海皇粥店食早餐，店內一位較為年長既服務員態度惡劣，唔單止對同事呼呼喝喝，仲大力扔碗碗碟碟，發出巨大聲響，一朝早其實只係想安安靜靜食個早餐，該店員係嚴重破壞氣氛，極度趕客。然後埋單個時，我要聽個電話，該店員完全唔等我，一輪嘴用普通話交替廣東話催促我俾錢。真係完全冇意欲再幫襯。

今日有少少感冒想食得清淡一點，所以想好了去食粥。灣仔站A出口步行約2-3分鐘就有間海皇粥店，非常方便。店內座位多環境舒適，可能剛完了午膳時間人流唔多可以直接入座。Menu選擇多，有套餐優惠包飲品，價錢經濟實惠。我選了牛肉和豬潤雙併生滾粥，粥底好綿，牛肉和豬潤份量多，加少許白胡椒更能提鮮！套餐還包了半客油炸鬼，可以沾一點粥食，味道不錯！除此之外，我還以優惠價加了一份牛肉腸份，腸份皮薄滑溜，出色！朋友選了蘿蔔糕和炒麵套餐配豆漿，蘿蔔糕有4大塊而且每一啖都食到蘿蔔絲，有點驚喜！而炒麵方面加入少許甜醬和辣醬，味道會更佳！人均約$50

進來想坐窗口位，員工叫我坐别的位置涼快些，其實一樣，根本無冷氣，不知是省電還是冷氣壞了，同坐大排檔無分別，問了一句無冷氣嗎？員工然後不理睬，還說已經提醒了窗口位更熱（其實坐哪裡一樣熱），我要坐哪裡隨便我，不大友善的語氣。食物一般，叫了個下午茶餐，綠豆沙原來是熱的，無寫明是熱的，早知選别的，凍冬瓜茶只是表面加冰，茶其實是熱的，招呼態度也普通，風扇積滿灰塵都不清潔，後來聽員工和其他顧客對話，都迴避冷氣是否壞了的問題，再追問，才勉強回應是壞了，安排维修中，壞了就是這樣的了，總之，印象奇差的一次體驗，如此待客態度和惡劣環境，以後都不會來。

當放工吾知食乜嘢好，我就會想起食香口野「炸腸」是其中一個選擇✔️公司樓下就系「海皇粥店」由細食到大的粥品店，依家連飯麵都有得食，絕對可以滿足唔同人嘅需要。雖然系連鎖店，但近來我覺得水準有進步。尤其喜歡「炸腸」是即點即整，順滑薄皮包著脆卜卜脆油炸鬼，一定要齊醬多芝麻，再點小小豉油吊味，真係令人越食越有，所以每次黎我一定會點佢。店員大推「咸肉粽」又應下節咁，個人覺得一般；最後食碗起沙紅豆沙， 簡單又令自己🈵️足的一餐。蛋黃鹹肉糭$27炸兩$25紅豆沙$29

作為一家歷史悠久的灣仔老字號粥店,海皇粥店不僅以早餐見長,其精心打造的下午茶套餐同樣令人驚喜。首先,迷你炸兩腸粉無疑是這份下午茶套餐的亮點。外酥內軟的腸粉配上香脆的炸兩,口感層次豐富而不失清新爽口。每一口都充滿了粵式小吃的經典滋味,令人忍不住一口接一口。緊接著的是碎牛粥,湯頭濃郁鮮美,牛肉細膩入口即化。傳統的粵式工藝賦予了這道粥品獨特的風味,溫潤滋養,彷彿瞬間回到了兒時的味蕾記憶。最後,一杯冰涼清爽的凍豆漿,為這頓下午茶增添了解膩解渴的功能。清甜的豆香搭配粥品和小吃,形成了絕妙的口感搭配。無論是懷舊的粵式小吃,還是溫潤可口的粥品,海皇粥店的下午茶套餐無疑為食客營造了一場舒適愜意的味蕾盛宴。作為灣仔這家老字號粥店,海皇粥店無疑是品嚐港式下午茶的不二之選。

這天腸胃炎剛好，想吃得清淡一點，於是來了公司附近的海皇粥店。很久沒有幫襯了，想不到海皇粥店現在的食品如此多元化，而且味道更勝從前😋😋這次我叫了特色粥品餐，包有兩件糕點及飲品，只是$40多元，十分抵食👍🏻👍🏻栗子淮山排骨紅米藜麥粥各位🍲🍲這道粥結合了栗子、淮山和排骨，搭配紅米和藜麥，營養豐富。栗子和淮山都有獨特的香氣，為粥增添豐富的風味。紅米和藜麥則可以增加口感的層次感。五穀雜糧糕🥞🥞由多種穀物混合製作而成，例如糙米、小麥、紅豆等，口感上比較糯而有嚼勁，而且含有不同的營養成分，例如足夠的膳食纖維和維生素，帶來豐富風味。香煎芋絲糕🫓🫓芋絲糕的外層略帶酥脆，內部則軟糯香甜。芋頭具有濃郁的香氣和獨特的口感，帶來滿足感和愉悅的味覺體驗。凍檸檬茶🍹🍹很少粥店可飲凍檸茶，吃過熱騰騰的粥，在喝一杯凍檸檬茶，十分清涼解渴。炸兩（$18）🥨🥨星期一至五有不同追加優惠食品，這天我幫襯是星期一，所以點了一個本身原價$25的炸兩。炸兩皮薄餡靚，內層油炸鬼炸至金黃酥脆。搭配甜醬食用，味道一流。海皇粥店 (莊士敦道) (灣仔)地址：灣仔莊士敦道151-155號東方大廈地下B號舖

這家粥店位於灣仔熱鬧地段，今次收工見冇乜人就來試試，環境好舒適和放鬆的。點了一碟洋蔥雞扒+煎蛋飯。雞扒好大塊，份量好多。洋蔥和飯的份量也很多，洋蔥的香氣與雞扒完美結合👍接下來，朋友試了咖喱吉列豬扒。豬扒煎得金黃，入口後肉質鮮嫩多汁。咖喱醬汁濃郁而香辣與豬扒完美融合，朋友叫另外要了多一份量的咖喱汁。最後有叉燒腸粉。腸粉皮厚煙韌，包裹著豐富的叉燒肉，腸粉浸滿醬油好香，旁邊還有麻醬甜醬辣醬可根據個人口味而加～

同朋友喺灣仔睇完展覽，想搵個地方休息下，順便吃點東西。友人想食粥，醒起港鐵站附近有間「海皇粥店」〜〜來到時剛好過了午市繁忙時間，店內食客不算太多，毋須排隊等位便可以即時入座。點咗海龍皇餐 ($67)、炸兩、蛋黃鹹肉粽 同 紅豆沙。海龍皇餐包海皇一品粥、即拉鮮蝦腸、油條一客及豆漿一杯。一品粥用料非常豐富，內有熟蝦、蟹柳、魚片、雞絲、豬肉丸和花生等；粥底綿密細滑，入口鮮味十足。鮮蝦腸外皮軟滑，蝦仁大大粒，入口超爽彈；油條外脆內軟，用嚟送粥一流👍豆漿好重豆味，冰涼解渴，甜度亦啱啱好。炸兩 ($25)  水準亦唔錯，即叫即製，送上時仍熱辣辣，腸粉皮又薄又滑，入面嘅油炸鬼脆度十足，配甜醬、花生醬、豉油同芝麻食，可口又味美。蛋黃鹹肉粽 ($27)  糯米夠紮實，內裡有鹹蛋黃同瘦肉，加上入面有好多綠豆，夠大隻又足料，入口鹹鹹香香，味道唔錯。最後以紅豆沙 ($20) 作結，滿滿一碗，十分足料，紅豆煲到粒粒軟腍綿身，當中還加入了蓮子和百合作配料，清心潤肺，食完非常飽肚。

D店員服務態度超級差！！！客人行緊入去個位度，佢係後面大大聲話：“唔好阻住條路啊”。上菜又大大力放低，個客問佢要鹽，就話：“你自己拎啦，我好忙啊”。有人叫佢想落order，又好大聲咁講：“等一陣，唔好叫我住，我好忙啊！！”

有時一個人食飯，就想找一些簡單快捷的選擇。在灣仔工作前，在思考食什麼的時候，見到有海皇粥店，突然想食油條，所以決定食呢一間，不用等位。輕輕的我飽了餐 $42 跟餐加配豆漿 +$6迷你粥品 + 一款小食/粉麵/油菜 + 油條 (半份)迷你艇仔粥細細，但有好多配料，有魚片、豬皮、魷魚、炸油條、花生、蔥花等等。炒麵份量足，比想像中多，調味不會過鹹，味道正常。油條雖然只有半份，但份量不少，非常酥脆，單食有點乾，但是同粥一齊食又剛剛好。凍豆漿在夏天十分解暑，不會太甜，配上粥、炒麵同油條，有種解膩的感覺。粥店當日冷氣不涼，加上食粥，有點熱上加熱，令到用餐體驗扣了點分數。不過價錢非常親民，食物味道不錯，份量大，是簡單飽肚的選擇。

週末早上想吃點清淡的，看了openrice看到附近有海皇粥店，過去門店打包。可能因為週末，堂食沒什麼人，買了瓷飯外加油條，瓷飯沒有糯糯黏黏的口感，飯跟乾飯一樣的，瓷飯油條也是軟軟的，不好吃。因看外面廚窗油條蠻不錯，遂買了一根，店員在廚房裡面拿的，有點積油，硬硬的。連鎖店來說，品質有點不足。短時間暫時不會再光顧了，油條一根12塊，偏貴。外面9塊左右都比這個酥脆。