海盜王餐廳

营业中

休息中

話說我地一行二人上兩個星期仲未全日禁堂食既時候去食既 去到仲有午餐供應 我就叫左個鮮茄焗豬扒飯同杯凍檸茶 價錢都算係幾實惠 連凍飲埋單都只不過係＄55 而味道就不過不失普普通通咁啦 (硬係要攞黎比較的話 差唔多價錢 好似大X樂既焗豬扒飯好食的） 呢度就勝在食物種類多 意粉 焗飯 三文治 burger 咖哩佢都有供應 見佢下午茶個menu幾吸引 夜晚好似仲有扒餐食tim（不過因為疫情呢排好似好早就close 唔知仲有冇晚餐供應）諗食乜佢唔會係首選 但下次諗如果唔到食乜的話都可以諗諗佢 呢排想去買外賣的話建議打去問下有冇開門先

無論午餐定下午茶，每次去親都大排長龍可能食個日係公眾假期，好多人都出哂去shopping，Lunch行過竟然冇人排隊，當然要入去食吓啦！因為實在太熱唔想食飯，所以叫咗意粉。我叫忌廉鮮蝦意粉，朋友叫鮮茄焗豬扒飯。意粉份量適中，啱哂女仔食。除咗忌廉，應該有加芝士落去煮，睇到有小小拉絲，好creamy，但估佢唔到係有勁多蒜蓉，好彩我都唔抗拒，不過食完個口好大陣味...雖然係lunch，都唔會偷工減料，最少有4-5隻蝦。朋友食嘅焗豬扒飯，炒底，蕃茄汁同快餐店唔同，食起上嚟感覺係新鮮蕃茄整。雖然豬扒冇快餐店咁大塊，但都幾好食，味道唔錯。幾十蚊包埋野飲，公眾假期呢個價錢都唔差。侍應仲向每個客人介紹食海南雞飯，唔知係咪新出品，下次可以試試👍🏻

簡單一人的午餐想簡單得黎又唔好食碟頭飯咁頹？諗起呢間之前都幫襯過。係平平地又好企理既。地方坐得算舒服，洗手間係餐廳黎講難得的乾淨。食物或者都係平野，但整得靚又好食，食得開心最重要！性價比是高的。

係呢到食午餐 今日都幾爆場 好多人食 等左一陣位🧐·🐷鮮茄焗豬扒飯🐷豬扒有啲厚 但一d都唔un焗飯都不錯 加上有芝士我個人比較鍾意芝士 所以整體幾滿意·🍝香蒜辣椒煙肉蜆肉意粉🍝唔食得辣既 可以叫走辣 味道炒得幾香·🐖洋蔥豬扒拼司華力腸🐖豬扒腸仔都OK 但個汁可能有少少偏咸·雖然呢間吾係話好出眾特別但如果想簡簡單單食一餐午餐 呢間都可以try try🤔我見佢下午茶餐都好似幾吸引⋯⋯下次可以試吓⋯⋯⋯⋯😆

今晚唔想煮飯，行下行下就去到-海盗王餐廳食晚飯，點咗$78澳洲肉眼扒，另加$8有蒜蓉多士及餐湯，餐廳內還有好多其他選擇，平均$60左右啦。今日餐湯是南瓜湯，望落好靚但唔夠熱麻麻地😆 但蒜蓉多士就勁正夠熱及好香脆，但只有一片就唔係幾夠喉，跟住上主菜- 肉眼扒哩過就真係勁正，肉質鮮嫩冇根好有牛味👍🏻👍🏻😋仲大大片，仲跟埋意粉🍝👍🏻如果以咁高質嘅牛扒，在高級餐廳食起碼都$150或以上😁餐廳坐位舒服，裝修好特別，下次都要再來食

上水想找間特式主餐廳🍴真係好難 今日行開上水見到一間已海盜🏴‍☠️為主題既餐廳 裝潢設計風格為天藍色💠裡面座位間隔舒服😌唔會密質質 好狹窄 空間感都好大💭餐牌上食物價錢 合理 有牛排 豬排 雞排 意大利粉 飯 薯角 等等選擇 牛排🥩我就選擇食肉眼排配薯角👩🏻‍🍳同埋e個餐做特價$68 就可以食到一個餐 真超優惠 本身已為平野無好野 原全唔係 真係抵食夾大分 個肉眼扒好大舊不過不失CP值好高 薯角都炸得好脆 熱辣辣感覺好正😋

其實本身冇咩奇望，但68食意粉，咁緊係食牛扒啦。以為又係咬唔開果種，但原來係好好食，好軟，仲要個黑椒汁係勁正。撈飯一流。希望依d小店可以捱住貴租，繼續 經營落去。整體係有誠意既餐廳

瘦編最近都會去上水上瑜珈堂，所以今日就同朋友上堂食餐飽。😋-同朋友都係一樣叫依個超值$68餐，有黑椒汁肉眼扒配薯菜、餐包、餐湯、餐飯。重點要讚下佢嘅上菜速度絕對一流，但又唔係預先整定，件肉眼扒都係熱辣辣，肉質好嫩。餐湯係粟米忌廉湯，都幾好飲，味道好濃郁。👍🏿-我覺得要係新界先會有咁抵嘅套餐出現，如果平時係港島返工依個餐應該要成$100。😱-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️海盜王餐廳 (上水)📍上水符興街21號地下-

Disappointed, expect junkfood to be tasty, but taste was bland for everything. Eg pizza was 4 tiny pieces for 48hkd. Acceptable if delicious or expensive ingredients, but tasted so bland, not even cheesy. Pictures made the food look mouthwatering, but deceiving. Definitely not going back. Oh no visa, eps, octopus. Cash

這間餐廳是我和男友常常會來吃的我常常選擇韓式芝士面我特別愛他們的凍咖啡 又香又滑白湯 面包 是正常之味道男友選擇了特價牛扒餐和相片差很多但是味道還好 比普通茶餐廳的好味薯角熱的脆的今天我選了雞扒餐薯角很是一樣的雞扒是雞胸肉 但是出奇的鮮嫰和多汁我不喜歡雞胸的 但這裡的做得很好份量也很大 我給了一半男友 haha這裡的凍咖啡我從來都很喜歡現在年紀大了 晚上不太能喝咖啡因但來這樣又忍不住了 很香很滑 總體是很不錯的餐廳 CP值很高

今天放工後來到上水找朋友. 千里眧眧來到. 當然找尋這區的美食. 上水處處也很多人. 要找一間沒人的餐廳確實非常困難. 遊遊蕩蕩來到石湖墟. 明顯沒有火車站那邊多人. 看見這間餐廳不太多人便衝了入去. 打開餐牌. 見到咖哩便很想吃. 即時叫了個芝士焗印式咖哩雞扒餐.餐有濃湯,麵包,  沙律和餐飲. 沙律也算多. 菜也很新鮮. 麵包就只有一條. 很小. 湯也很鮮味. 茄味香濃. 咖哩雞飯也有很香的椰香味. 咖哩也很濃很好吃. 雞和飯的份量也很多. 很飽肚. 還叫了個去骨烤菠蘿雞中翼, 非常香口而且淡淡肉. 

上水上班族，間中都會嚟下嘅食店，區內較企理新淨茶餐廳，今日再嚟，食品可以，但服務麻麻。先係安排坐位問題，我哋5位嚟到，有張6人卡位上嘅2名食客表示食到咁上下，唔介意讓座， 店員仲想叫我哋間入入面張8人枱，8人枱上本身有3位食客，當時已接近下午2點，午餐尾聲，下午茶未到，未致於爆場，的確毋須屈就。由於友善食客起身讓位，我哋都有得坐大卡位，但見到店員執枱少少不悅 (執枱唔係你嘅責任？)落單，查詢店員特別配搭是否可行(即例如A餐的麵，搭B餐嘅配料)，其實得就得，唔得就唔得，或者加錢....一邊又話咁你叫B餐就得，但我答佢，冇A餐個麵喎，咁咪叫A餐，但我想食B餐個配菜，佢好唔耐煩咁話:哎呀～我都唔知你想點結果同行朋友好好話可以同我夾，自己私了。茶餐廳上菜當然係一堆咁嚟，我哋都唔期盼佢放到每個人面前，一位店員放完一份餐係枱上，另一店員立即係同一位置上菜，見到我哋未傳走第一份餐，佢竟然 ”摺”咗一下，態度極差!留意到該店員有不時玩電話，聽訊息，唔憂冇得做，就咪做啦~打工仔幸勞咗半日，都只係想暫離工作環境，食個晏，叉下電，係，我哋唔係俾五星級價錢，都冇期望五星級待遇，但都不致於要受人氣🙄

假日在上水人頭湧湧，行了兩三條街發現想搵一間cafe也難。突然間見到呢間以海盜為主題的餐廳就進去了。裝修和員工的制服也明顯花了心思，叫了兩份下午茶餐吃，也不錯。白汁粟米火腿焗意粉好夠熱，而漢堡包樹角餐味道、擺盤各樣也很好。點了椰香豆奶，豆奶味道適中，唯底部的綠色椰子汁較甜。若想談天吃飯，是不錯的選擇👍

係上水近兩年開了間特式餐廳..海盜王為標誌的特式餐廳。招牌上的款式價錢都比較上水餐廳貴小小。但個晚入去試左真的可以說物超所值.它們的漢堡牛肉鮮美多汁可口。配以特大薯條更為一絕！

叫左lunch set 卡邦尼煙肉野菌意大利粉。加左3蚊要杯意大利凍咖啡。加3蚊都幾抵，杯咖啡都幾香。卡邦尼煙肉野菌意大利粉份量中等，但因為係芝士汁，所以好夠飽，味道還好，可以再食。