海盜王餐廳

营业中

休息中

今日同老公去上水食飯，經過見到呢間海盜王，啲裝修幾得意又有幾多款揀，就入咗去啦入到去發現食物真係有好多款，唔知點揀好，於是老公就叫咗個比較平，特價$48嘅黑椒汁牛扒飯（可以揀飯/意粉/薯菜），個飯都幾多，同埋塊牛扒都幾大塊，味道不俗，但有少少韌，有啲位咬到牙較都攰埋😂我就叫咗個芝士漢堡包加薯角（$58），塊牛肉都幾厚，個包望落都幾大個，有啲份量，而且薯角炸得好香脆，份量都幾多，都真係會好飽，如果佢多少少沙律菜伴碟就會冇咁濟啦

每次路經這間餐廳，都會眼前一亮，天藍色的門面，以海盜船為主題的裝潢，別具風格。卡位寬敞舒適，坐著向上望真有藍天白雲的感覺。食物的款式也很多樣化，有扒餐、意粉、咖哩、漢堡等等。 我們點了菠蘿蜂蜜香烤大雞扒、索馬里海盜王精選雜扒。餐湯沒有選擇，今天是蕃茄濃湯，不是我喜愛的款式。餐包是小小一條蒜蓉多士，不過之後吃的扒餐份量很多，所以餐包比較細小也很合適。扒的肉質很鬆很淋，不過稍欠肉味，調味也比較淡。跟餐的脆薯角外脆內軟，熱騰騰的 很好吃。這間餐廳勝在量多抵吃，座位舒適，裝潢精緻，值得再去光顧。

呢家嘅上水十間店有五間店也是藥房，其餘的亦與水貨客相關，所以我對上水的餐廳也沒有特別的期望，打算是但食間就算。呢間外表就是一般的茶記，也是人逼人的茶餐廳沒有多大的分別，反而食物令我驚嘆。最好食的是去骨烤菠蘿雞翼，呢個雞翼性價比十足，價格是$48，有6隻雞翼，而且由於雞翼是去骨，所以食落是淡淡肉，再加上中間有酸酸的菠蘿，味道的搭配很合適，每次食一口也是享受。另外點了個牛肉炒意粉，扒是西冷的，難得在普通的茶記食到西冷，令我很意外，味道總結成2個字，超正

因為住喺附近，所以呢一間已經食過幾次，味道都唔錯所以今日寫篇食評介紹俾大家。環境同普通茶餐廳有少少分別，呢度野海盜為主題，有水手服嘅員工，亦都有特色嘅座位，不過始終鋪面有限，坐嘅空間唔算好多，有少少逼夾。嘢食方面推介返呢個肉醬意粉配水牛雞翼，好似都係40零蚊，蕃茄味幾鮮甜到位，水牛雞翼係畫龍點睛！亦都可以另外淨係叫水牛雞翼做小食～朋友就叫咗呢個夏威夷pizza，好似都係40多，講緊晚餐，始終上水嘅物價都會比其他區低少少嘅。飲品方面都有啲特飲，不過個人覺得味道可以再改進少少。

從公司早上走，到上水等女友的時間不多也不少，正好找一間餐廳來消磨。老實說上水的餐廳很多但合心水的卻不多，這次來到一間鋪面算是新淨的地方。先看一看餐牌，選擇很豐富，價錢也吸引最後選擇了叉燒扒，因為外面未見過雖說這餐製作需時，但十分鐘左右就到了，送到的時候十分驚喜因為叉燒又厚又大自己切叉燒的感覺很新鮮呢切開後的感覺真的無異於與一般叉燒叉燒是全瘦肉沒有肥膩感覺，但完全沒有鞋口，肉質是嫩嫩的又有肉味，加上甜味剛剛好，比大部分的酒樓都好吃美中不足是意粉較淋身，但不會太差，就是茶餐廳意粉的質素吃著吃著，發覺肉的份量真的很多，食量大的可以加飯呢值得一讚是這裡的奶茶味道不錯呢，茶香奶滑這個餐的價錢較貴但物有所值，其他餐的價錢更便宜，不妨多試樓面姐姐的態度還算盡責，但拿著落單簿拍枱問我要甚麼的感覺頗澳牛呢

今日去上水做野，平時對上水既印象都係行李箱同藥房，而餐廳好多都好貴同人多。今日行左陣，終於都搵到間唔係好多人而價錢又唔係好貴既餐廳午餐都幾多選擇，睇落好似幾好食我叫左個 卡邦尼煙肉野菌意大利粉。份量都唔細。芝士份量都適中，唔會好漏，但對於芝士愛好者既會覺得唔係好夠味。煙肉味道都正常。飲品就無乜太特別，正常阿華田味道。但驚喜既係凍飲無加錢價錢感覺上更加合理服務方面，就尚有改進。環境方面，坐位較迫，大家都位得就住就位。

今日去晏左起身去食個下午茶入到呢間鋪頭 感覺好舒服店內佈置得好童話 個氣氛唔錯再點左個安格斯牛肉芝士漢堡配脆薯皇$50Burger好食 用料新鮮 因為我好唔中意食唔爽既蕃茄 但佢呢到啲蕃茄幾好食 牛排多汁 另外叫左杯凍奶茶 杯大 茶味夠 冰夠仲要唔洗+$2 抵食

睇到好多人有好評，就一心一意去試下，座位還可以，但如果要坐低慢慢吹水，呢度就唔建議，食完就會想走，而家天氣太熱，明明有開冷氣，但都感覺好熱，因為門長開。而態度方面，有個女待應，收錢都係佢，但態度非常差，叫佢拎本menu 佢都唔係好願意咁。咖喱牛好夠味道但薄餅就粉左，厚左。若然薄d和脆就會好食好多。呢個係芝士蕃茄薯角，比想像中差，蕃茄味重，同酸，而薯角軟身左少少，感覺放左一段時間，才上碟。手工啤都唔差，可以一試。但建議唔好倒在杯度，因為飲到一半，咁岩有隻野飛左入去

本來想母親節食平時比較少食的店鋪，但全街都好多人，最後我地周圍揾間唔使等咁耐的餐廳，我地入左海盜餐廳。（我諗住下星期再揾一日同佢食好野）雖然之前未食過，我第一次食，我叫左精選雜扒配意粉，媽咪叫左美國牛小扒配脆薯皇。有個羅宋湯，係幾好飲。雜扒非常足料，有雞排、豬扒、牛扒，味道還可以。我偷食左媽咪個脆薯皇，味道好好味。但可能因為太多野食，我感到超飽。平心而論，以食扒餐來說，都算幾抵食，都只係大約$100一個餐，抵食之選。

同個朋友聚舊, 就番佢放工地方, 所以約左去上水食, 咁佢就介紹左我去依間餐聽食, 佢話新開, D野食吾錯, 咁就去下試下啦去到餐廳比我想像中細, 但裝修都吾錯, 好光鮮, 最後我地決定叫幾樣野SHARE黎食我第一樣叫左個卡邦尼意粉, 意粉軟硬適中, 醬汁濃郁吾會太咸第二樣係芝士焗西蘭花, 正呀, 好多芝士呀, 佢有芝士醬汁再加上芝上碎係面焗, 食落芝味濃郁最後叫了一客牛肉漢堡, 牛肉肉汁豐富非常惹味, 再配上新鮮蕃茄生菜, 食落又吾會太膩, 加上佢薯菜用上我最愛的薯角, 大滿足

平日星期四的晚上放工後都會和朋友到附近運動, 一般為了貪圖快捷方便都會選擇譚仔等快餐廳, 但今日朋友說想試試其他餐廳, 便就近找了這間海盜王餐廳。一進去看見場內所有的侍應都穿著藍白間的海盜風T SHIRT, 哈哈, 配合場內主題, 雖然環境像普通茶餐廳, 但誠意十足, 而且乾淨舒服已經很好了。坐下來我們叫了西冷排配薯菜以及香辣蜆肉意粉,因為時間急就沒有叫其他小食了, 可是這裡的選擇一點也不少, 想來試食的朋友可以叫一點其他小吃試試。牛排的份量非常大, 而且顏色煎得很漂亮,不像一般茶餐廳貨色。上菜時已經聞到陣陣的牛排香味飄來, 咬下去肉汁鮮味不韌。更叫我驚喜的是薯角,因為下單時以為是薯條, 但是原來是厚切的即炸薯角, 可能因為下了一點調味粉, 超級香脆惹味, 這個菜下次來一定會再點。香辣蜆肉意粉的用料也不少, 隨意拿起一點,都是滿滿的蜆肉, 朋友稍微覺得太辣, 但對我來說剛剛好, 喜歡辣的朋友可以一試。這裡上菜的速度非常快, 很適合我們這些趕時間的人,哈哈, 下次運動前再來一次。

上水依家真係變左個水貨場既感覺啲內地人多到媽媽甘 條路又多喼已經心情吾係好好既情況下 比我行行行 又行左去個批發市場附近搵到依間餐廳 佢既舖名成功甘吸引到我入去之後就同友人係甘係依間食晚餐了首先叫左依個主廚推介拉50蚊好抵甘 仲要吾收加一 不過可惜我個陣都6點半了 要58黎到就甘既樣既包都足料 薯角即炸 仲熱辣辣 好美味基於我朋友好鐘意食薯角所以就叫多個肉醬拉又係即炸 好多汁 正！仲要有芝士既叫埋個飯 um 無冧過依個飯會出現到好入味整得 又係必叫的 120%

又平又夠份量的高質西餐廳😋今日同朋友去完深圳反來，夜晚就係上水揀左以海盜做主題既海盜王餐廳食晚餐。.六點半入到去，店內都好多卡位，我地被安排到其中一卡位就坐。環境都幾舒服，仲可以望到廚房。.餐牌入面有好多選擇，而且仲有埋圖，非常清晰。而且睇得出食物好有特色，選擇相當豐富而且價錢都唔貴。服務都幾好，會主動加水同落單。.平日晚市仲會有特惠晚餐供應，$50有找已經有牛扒餐，送埋餐湯而且仲免收加一服務費，好抵食。海盜牛扒特惠餐配香蒜意粉$48見到餐牌入面其實仲有個貴小小既肉眼扒餐$85，但呢個送埋餐湯實在太平，怕呢個平d牛扒餐會唔好食?完全唔洗怕，因為呢個牛扒完全係肥瘦適中好有口感，而且最怕遇到難咬牛扒既我都覺得好易咬，味道都好得。價錢同快餐店一樣平民，但係扒既質素絕對高快餐店幾班。吉列豬扒伴煲仔肉醬意粉$62餐廳將大大塊吉列豬扒炸到金黃色，表面好脆口，咬落入面既肉都好鬆軟。炸完仍然可以保持肉質嫩滑，好高水準。芝士肉醬焗薯王$38呢個配答完全係完美。芝士控一定要叫呢個，表面有好多芝士，配合埋肉醬，個味唔會溜之餘都帶出到焗薯既香味，薯條係用粗身個隻，唔係麥當勞個種。價錢仲好抵食。海盜王餐廳價錢合

第二次幫親，舖頭裝修幾靚，而且價錢唔係貴，有個平價牛扒餐，個塊牛扒都幾大架，無餐飲，跟餐湯，加幾蚊就有餐飲；主厨推介安格肋斯漢煲餐，多汁，一路食一路滴，值得一試！

今日開OT 夜咗無煮飯， 平時行過「海盜王餐廳」 幾次， 覺得幾得意， 今日一於試吓先！餐廳内部裝修全部用了海盜王做主題， 天花膠板用白雲做裝飾，好舒服又可愛！ 《美式傳統烤焗BB豬仔骨配脆薯皇 $128》豬仔骨醃得非常入味，而且燒嘅時間亦控制得好好，所以唔會太乾， 仲幾juicy𠻹，加上惹味嘅BBQ 汁就能帶出豬仔骨嘅肉味。 BBQ 豬仔骨十分惹味， 廚師用了自製醬料把整條豬仔骨醃得非常平均， 醬汁放入有多種香料， 香味十足。 豬仔骨肉質嫩滑，肉厚而多汁， 十分滋味 ！有少少沙律菜做伴碟，沙律十分爽脆，好fresh ! 薯條熱辣棘， 脆卜卜， 非常美味！我鍾意食沙律， 所以跟餐加$15 有《煙三文魚芝麻醬沙律》， 煙三文魚美味， 加上鮮甜沙律菜一起食， 特別鮮甜，再加芝麻醬， 好惹味， yummy ! 飲品 ： 感覺好好， 仲要免加一， 價錢相當合理，下次一定再來！